ცნობილმა გამოცემა Tribuna.com-მა 2021 წლის ოქროს ბურთის ფავორიტების სია დაასახელა.

გასაკვირი არ იქნება თუ გეტყვით, რომ პირველ ადგილზე მიუნხენის "ბაიერნის" ლიდერი, რობერტ ლევანდოვსკი იმყოფება.

პოლონელ თავდამსხმელს მიმდინარე სეზონში ბუნდესლიგის, ჩემპიონთა ლიგისა და ევრო 2020-ის მოგების შანსი აქვს და წარმატების მიღწევის შემთხვევაში მართლაც ბრწყინვალე შანსი აქვს ოქროს ბურთის დაუფლების.

საუკეთესო ათეული შემდეგნაირად გამოიყურება:

10. რუბენ დიაში

9. ქარიმ ბენზემა

8. ბრუნო ფერნანდეში

7. კრისტიანო რონალდუ

6. რომელუ ლუკაკუ

5. ილქაი გუნდოგანი

4. ერლინ ჰოლანდი

3. კილიან მბაპე

2. ლეო მესი

1. რობერტ ლევანდოვსკი

6-04-2021, 12:39

sandro

მეტის ნახვა

7 აპრილს პარიზული კლუბი "ალიანც არენას" ესტუმრება. პოჩეტინოს გუნდს რიგი მიზეზების გამო რამდენიმე საკვანძო ფეხბურთელი არ ეყოლება.

უფრო ზუსტად კი  მარკო ვერატსა და ალესანდრო ფლორენცის კორონავირუსი დაუდასტურდათ, რაც იმას ნიშნავს, რომ მათი თამაში გამორიცხულია.

ასევე დისკვალიფიკაცია აქვს ლეონარდო პარედესს, ხოლო ხუან ბერნატს მუხლის ტრავმა აწუხებს.

საეჭვოა მაურო იკარდის, ლაივენ კურზავასა და დანილო პერეირას თამაში, რომელიც დღეს შეუერთდა ვარჯიშს.

შეგახსენებთ. მატჩი ჩვენი დროით 23:00 საათზე დაიწყება.

5-04-2021, 23:20

Skecher

მეტის ნახვა

ცნობილმა სტატისტიკურმა კომპანია IFFHS-მა მსოფლიოს საუკეთესო ახალგაზრდული ნაკრები დაასახელა.

თერთმეტეულში ის ფეხბურთელები არიან შესული, რომლებსაც ჯერ 21 წელი არ შესრულებიათ.

შემადგენლობაში "ბაიერნის" მხრიდან ორი მოთამაშე, ალფონსო დეივისი და კრის რიჩარდსი მოხვდა.

სრული შემადგენლობა შემდეგნაირად გამოიყურება:

5-04-2021, 21:42

sandro

მეტის ნახვა

ჩემპიონთა ლიგის პირველ 1/4 ფინალურ მატჩში მიუნხენის "ბაიერნი" საკუთარ კედლებში "პსჟს" მიიღებს.

გთავაზობთ გუნდების სავარაუდო შემადგენლობებს უმნიშვნელოვანესი მატჩისთვის:

"ბაიერნი": ნოიერი - პავარი, ბოატენგი, ალაბა, ერნანდესი - კიმიხი, გორეცკა - სანე, მიულერი, კომანი - გნაბრი.

"პსჟ": ნავასი - კერერი, მარკინიოსი, კიმპემბე, დიალო - ერერა, გეიე - დი მარია, რაფინია, ნეიმარი - მბაპე.

5-04-2021, 21:37

sandro

მეტის ნახვა

"ბაიერნის" მფლობელები ერიკ მაქსიმ ჩუპო-მოტინგს კიდევ ერთი წლით დაიტოვებენ.

მიუნხენური კლუბის სპორტული დირექტორი ჰასან სალიჰამიჯიჩი ჩუპო-მოტინგში რობერტ ლევანდოვსკის სარეზერვო ვარიანტს ხედავს.

ასევე ჩუპო-მოტინგმა მალევე მოიპოვა თანაგუნდელების მხარდაჭერა თავისი ხასიათის წყალობით და თვლიან, რომ მას გუნდში კარგი ატმოსფერო შემოაქვს. 

შეგახსენებთ კამერუნელი ფეხბურთელი ჩემპიონთა ლიგის გასულ სეზონში "პარისსენჟერმენის" ღირსებას იცავდა და მისმა გუნდმა ფინალი სწორედ ბაიერნთან დათმო.

რამდენიმე დღეში კი 32 წლის ჩუპო-მოტინგს მეოთხედფინალში ყოფილი გუნდის წინააღმდეგ ვიხილავთ.

5-04-2021, 19:00

Skecher

მეტის ნახვა

ბათუმში, ჭავჭავაძის ქუჩაზე „ნეოლეთის“ ფილიალი გაიხსნა. სადაც მომხმარებლები სხვადასხვა სახის ფინანსური მომსახურების მიღებას შეძლებენ. პარალელურ რეჟიმში განაგრძობს მუშაობას ბათუმის მეორე ფილიალი 26 მაისის ქუჩაზე.

„ნეოლეთი“ საგადახდო მომსახურების პროვაიდერია. რომელიც მომხმარებელს საშუალებას აძლევს ნეოლეთის ელექტრონულ სისტემაში უსაფრთხოდ და მარტივად აწარმოოს სხვადასხვა ტიპის ფინანსური ოპერაციები, ისეთი როგორიც არის:

• ონლაინ სათამაშო ოპერატორების ბალანსზე თანხის შეტანა სალაროების და საბანკო ბარათების მეშვეობით;
• კომუნალური გადასახადების გადახდა;
• მობილური ბალანსის შევსება;
• ნეოლეთის სხვა მომხმარებელთან ფულის გადარიცხვა;
• N Card-ით თანხის განაღდება საქართველოში არსებული ბანკომატების და POS ტერმინალების საშუალებით;

N Card-ით, ევროპაბეთის ანგარიშიდან თანხის გატანის ყველაზე მოსახერხებელი გზით, მომხმარებლები წლებია სარგებლობენ მისი მთავარი უპირატესობების გამო. N Card-ით განხორციელებული ტრანზაქციები არ ჩანს საბანკო ამონაწერში, თანხის გატანა შესაძლებელია საქართველოს ბანკისა და თიბისი ბანკის ბანკომატებიდან, N Card-ით უნაღდო ანგარიშსწორება ხდება საქართველოს ბანკისა და თიბისი ბანკის ტერმინალებზეც და ევროპაბეთის ბალანსიდან თანხის გატანა შესაძელებელია ნებისმიერ დროს მომენტალურად.

5-04-2021, 18:51

sandro

მეტის ნახვა

რამდენიმე დღის წინ "პსჟს" ოფიციალურმა საიტმა დაადასტურა, რომ მარკო ვერატის კორონავირუსი დაუფიქსირდა, რის გამოც "ბაიერნთან" თამაშებში მონაწილეობის მიღებას ვერ შეძლებს. დღეს პარიზელთა ბანაკში ვირუსის კიდევ ერთი შემთხვევა დაფიქსირდა.

კერძოდ, წყაროს ცნობით, ამჯერად კორონავირუსის ტესტზე დადებითი პასუხი განაპირა მცველს, ალესანდრო ფლორენცის მიუვიდა.

30 წლის ფეხბურთელს მარკო ვერატისთან კონტაქტი ჰქონდა, რის გამოც გასულ დღეებში ის იზოლაციაში იმყოფებოდა. დღეს კი ოფიციალურად დადასტურდა, რომ ისიც კოვიდინფიცირებულია.

ორივე ხსენებული ფეხბურთელი "ბაიერნთან" 1/4 ფინალური ეტაპის მატჩებში მონაწილეობას ვერ მიიღებს.

5-04-2021, 13:48

sandro

მეტის ნახვა

ოთხშაბათს ჩემპიონთა ლიგის 1/4 ფინალური ეტაპის პირველი მატჩი გაიმართება, რომელშიც მიუნხენის "ბაიერნი" ფრანგულ "პსჟს" უმასპინძლებს.

UEFA-ს ოფიციალურმა საიტმა მატჩის მთავარი არბიტრის ვინაობა დაასახელა. შეხვედრას ესპანელი მსაჯი, მატეო ლაოსი გაუძღვება.

44 წლის სპეციალისტი "ბაიერნისთვის" უცხო არ გახლავთ. მან წარსულში კლუბის 4 მატჩი განსაჯა, მათ შორის ერთი "პსჟსთან" შეხვედრა გახლდათ.

2020 წელს "ბაიერნმა" "ლიონი" 3:0 დაამარცხა, 2018 წელს "ბენფიკა" 0:2, 2013 წელს "პლზენი" 0:1. 2017 წელს გამართული დაპირისპირება კი "პსჟს" გამარჯვებით დასრულდა, 3:0. ყველა ამ მატჩს სწორედ მატეუ ლაოსი უძღვებოდა.

5-04-2021, 13:43

sandro

მეტის ნახვა

რამდენიმე დღის წინ ული ჰიონესმა განაცხადა, რომ მისი აზრით ჟერომ ბოატენგი იოახიმ ლიოვმა ევროპის ჩემპიონატზე არ უნდა წაიყვანოს.

აღნიშნულ განცხადებას "ბაიერნის" მთავარმა მწვრთნელმა, ჰანს ფლიკმა უპასუხა.

"ეს მისი აზრია. მე კი "ბაიერნში" ვისწავლე, რომ შენს ფეხბურთელებს ყოველთვის უნდა დაუჭირო მხარი ნებისმიერ დროს და ამ გზას მივყვები."

"ჟერომი ჩვენს გუნდში უკვე ათეული წელია ირიცხება და ორჯერ მოიგო ტრიპლეტი. მან ურთულესი პერიოდი გადალახა და ახლა კვლავ უმაღლეს ფორმაშია." - აცხადებს ფლიკი.

5-04-2021, 00:15

sandro

მეტის ნახვა

ფრანგული "პსჟს" ფეხბურთელებმა და მწვრთნელმა ჩემპიონთა ლიგის მატჩის წინ რობერტ ლევანდოვსკის არყოფნაზე ისაუბრეს.

"ლევანდოვსკი დიდებული ფეხბურთელია და მისი არყოფნა ჩვენთვის კარგი სიახლეა, თუმცა, მე ვწუხვარ ნებისმიერი ადამიანის ტრავმის გამო." - მბაპე.

"მე მებრძოლი ვარ და მიყვარს საუკეთესოებთან დაპირისპირება. კარგი იქნებოდა, რომ ლევანდოვსკის ამ მატჩებში მიეღო მონაწილეობა. თუმცა, ეს ბევრს არაფერს ცვლის, "ბაიერნი" მაინც უძლიერესი გუნდია." - კიმპებე.

"ბაიერნი მხოლოდ ლევანდოვსკი არ არის. ის დიდებული ფეხბურთელია, მაგრამ მიუნხენელებს ჰყავთ ერთიანი გუნდი, რომელიც ნებისმიერი მოთამაშის გარეშეც შეუჩერებელია." - პოჩეტინო.

4-04-2021, 18:23

sandro

მეტის ნახვა

"ლაიფციგის" მთავარმა მწვრთნელმა, იულიენ ნაგელსმანმა "ბაიერნთან" განცდილი 0:1 მარცხის შემდეგ პრესასთან ისაუბრა.

"ვიცით რატომაც წავაგეთ. ისეთი გოლი მივიღეთ, რომელიც არ უნდა გაგვეშვა. თუმცა, კარგი თამაში ჩავატარეთ და ნათელია, რომ მეტოქეზე უკეთესი გუნდი ვიყავით."

"რა თქმა უნდა, ახლა მოტივაციის შენარჩუნება რთულია. ჩემპიონობის შანსი ფაქტობრივად აღარ გვაქვს."

"თუმცა, კვლავ შეგვიძლია თასის მოგება და ბუნდესლიგაში მეორე ადგილზე გასვლა, რაც ცუდი შედეგი არ იქნება." - აცხადებს ნაგელსმანი.

4-04-2021, 15:50

sandro

მეტის ნახვა

"ბაიერნისა" და "ლაიფციგის" შეხვედრის დაწყებამდე მთავარმა არბიტრმა შენიშნა, რომ ერთ-ერთი კარის ბადე წესრიგში არ იყო.

ბადის შეკეთება საკუთარ თავზე "რეკორდმაისტერის" ლიდერმა, მანუელ ნოიერმა აიღო და წარმატებითაც გამოუვიდა.

იხილეთ ვიდეო:

4-04-2021, 12:55

sandro

მეტის ნახვა

"ლაიფციგის" ყოფილმა მთავარმა მწვრთნელმა, აკიმ ბიერლორცერმა კრისტიანო რონალდუ და იოზუა კიმიხი შეადარა ერთმანეთს.

"დიდებული ფეხბურთელი არის ის, რომელიც მუდამ აკრიტიკებს თავის თავს."

"რონალდუ და კიმიხი ნამდვილად სამაგალითოები არიან, რადგან საკუთარი თავით არასოდეს არიან კმაყოფილები და მუდამ მუშაობენ განვითარებაზე."

"როდესაც ვფიქრობ იოზუაზე, ყოველთვის კარგ ხასიათზე ვდგები, რადგან მახსენდება რომ ყველანაირი წარმტების მიუხედავად ის ისეთივე დარჩა, როგორიც კარიერის სტარტზე." - აცხადებს გერმანელი სპეციალისტი.

4-04-2021, 00:11

sandro

მეტის ნახვა

გერმანიის ბუნდესლიგის 27-ე ტურში მიუნხენის "ბაიერნი" "ლაიფციგს" ესტუმრა და უმნიშვნელოვანესი გამარჯვება მოიპოვა - 0:1.

თამაშის დასრულების შემდეგ "რეკორდმაისტერის" კაპიტანმა, მანუელ ნოიერმა პრესასთან პირველი კომენტარი გააკეთა.

"პირველ ტაიმში მეტოქეს შანსები არ მივეცით. რაც შეეხება მეორე ტაიმს, "ლაიფციგი" უფრო გააქტიურდა და სწრაფი შეტევები ჰქონდათ."

"დღეს მნიშვნელოვანი გამარჯვება მოვიპოვეთ. ახლა უკვე ჩემპიონობის დათმობას აღარ ვაპირებთ." - აცხადებს მანუ.

3-04-2021, 23:47

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "ლაიფციგთან" მოგებული მატჩის შემდეგ პრესასთან ისაუბრა.

"ლაიფციგმა დღეს გვაჩვენა, თუ რატომ არის მეორე ადგილზე. სტარტი ნელი გამოვიდა, მაგრამ მე-20 წუთის შემდეგ უპირატესობა მოვიპოვეთ და გოლად გარდავსახეთ. მეორე ტაიმში მეტოქის მხრიდან ზეწოლა მაღალი იყო, მაგრამ თავის დაცვა მოვახერხეთ."

"დღეს მნიშვნელოვანი ქულები მოვიპოვეთ საჩემპიონო რბოლაში, თუმცა, წინ კიდევ 7 ტურია და არაფერია გადაწყვეტილი. მოდუნების დრო არ არის."

"ლევანდოვსკი 1 კვირის განმავლობაში არაფერს გააკეთებს, ამის შემდეგ კი დაიწყება აღდგენითი ვარჯიშები. დაბრუნების ზუსტ დროს ვერ გეტყვით, ეს ექსპერტებმა იციან." - აცხადებს ფლიკი.

3-04-2021, 23:32

sandro

მეტის ნახვა

გერმანიის ბუნდესლიგის 27-ე ტურში მიუნხენის "ბაიერნი" სტუმრად "ლაიფციგს" დაუპირისპირდა და 0:1 დაამარცხა.

მატჩის ერთადერთი გოლი 37-ე წუთზე ლეონ გორეცკამ თომას მიულერის გადაცემის შედეგად გაიტანა.

გთავაზობთ ფეხბურთელების შეფასებებს გამოცემა Whoscored-ის ვერსიით.

3-04-2021, 22:27

sandro

მეტის ნახვა