მიუნხენის "ბაიერნის" ვინგერმა, ლეროი სანემ თავის მდგომარეობაზე ისაუბრა.

"ვიცი, რომ ხალხი ხშირად მაკრიტიკებს, თუმცა, ასევე ვიცი, რომ გუნდი გვერდში მიდგას. სხვა შემთხვევაში მე აქ არ ვიქნებოდი."

"ლევერკუზენთან შეხვედრის შემდეგ მიულერი კამერასთან გამოვიდა და საჯაროდ დამიჭირა მხარი. ეს კარგად გვაჩვენებს, თუ როგორი ერთიანობაა გუნდში."

"ყოველდღიურად ვმუშაობ, რომ ტრავმამდელ ფორმას დავუბრუნდე და ვიცი, რომ ამას სულ მალე მოვახერხებ." - აცხადებს სანე.

23-01-2021, 16:01

sandro

მეტის ნახვა

"ლაიფციგის" მთავარმა მწვრთნელმა, იულიან ნაგელსმანმა დაიოტ უპამეკანოს ირგვლივ ატეხილ სატრანსფერო აჟიოტაჟზე ისაუბრა.

"მსგავსი კითხვების დასმა ჭკვიანურია. თუმცა, თუ თქვენ ვინმეს წყობიდან გამოყვანა გსურთ, ეს არ გამოგივათ."

"ჩვენ ძალიან კარგად ვიცით უპამეკანოს შესაძლებლობები. ის ყოველდღიურად უმატებს და ვითარდება. დაიოტი მუდმივად პროგრესს აჩვენებს."

"თუმცა, ასევე ვიცით როგორ მუშაობს სატრანსფერო მექანიზმებიც ფეხბურთში. ასე რომ, ყველა უნდა დაველოდოთ რა მოხდება მომავალში." - აცხადებს ნაგელსმანი. 

22-01-2021, 23:57

sandro

მეტის ნახვა

გერმანიის ბუნდესლიგის მე-18 ტურში მიუნხენის "ბაიერნი" სტუმრად გელზერკიხენის "შალკეს" დაუპირისპირდება.

გთავაზობთ "რეკორდმაისტერის" სავარაუდო შემადგენლობას მომავალი მატჩისთვის.

ნოიერი - პავარი, ბოატენგი, ალაბა, ერნანდესი - კიმიხი, გორეცკა - გნაბრი, მიულერი, კომანი - ლევანდოვსკი.

22-01-2021, 23:50

sandro

მეტის ნახვა

მიუნხენის "ბაიერნის" ლიდერმა, იოზუა კიმიხმა ბუნდესლიგაში არსებული სიტუაცია შეაფასა.

"კარგი პირველი წრე გვქონდა და ბედნიერი ვარ პირველ ადგილზე ყოფნით. მიმდინარე სეზონში საუკეთესო შეხვედრა "შალკეს" წინააღმდეგ გვქონდა."

"რაც შეეხება ჩვენს ყველაზე დიდ კონკურენტს, ვფიქრობ ეს "ლაიფციგია". ისინი უშვებენ ცოტა გოლს და მეტს იტანენ და შესაბამისად, მეორეზეც არიან."

"მნიშვნელობა არ აქვს რამდენს გაუტან, ისინი ახერხებენ შენზე მეტის გატანას. "ლაიფციგი" ძალიან კარგ ფეხბურთს თამაშობს." - აცხადებს კიმიხი.

22-01-2021, 23:37

sandro

მეტის ნახვა

გერმანულმა გამოცემა Sport1-მა მიუნხენის "ბაიერნის" 2021 წლის სატრანსფერო ბიუჯეტი დაასახელა.

წყაროს ცნობით, ფინანსური კრიზისის ფონზე "რეკორდმაისტერი" თანხების მხრივ სერიოზულად იქნება შეზღუდული. კლუბს მომავალ ზაფხულს 100 მილიონ ევროზე მეტის დახარჯვის შესაძლებლობა არ ექნება.

დიდი ალბათობით, კლუბი ზაფხულში არცერთ მნიშვნელოვან ფეხბურთელს არ გაყიდის, შესაბამისად, ფინანსების გაზრდას ამ მხრივ არ უნდა ველოდოთ.

"ბაიერნის" მთავარი სამიზნე კი ზაფხულის სატრანსფერო ფანჯრის დროს დაიოტ უპამეკანო იქნება, რომლის გამოსასყიდი ღირებულებაც 42 მილიონი ევროა.

22-01-2021, 20:02

sandro

მეტის ნახვა

ბოლო რამდენიმე სატრანსფერო ფანჯრის განმავლობაში აქტიურად მიდის საუბრები იმის შესახებ, რომ მიუნხენის "ბაიერნი" დაიოტ უპამეკანოს დაიმატებს.

აღნიშნულ თემაზე კლუბის დირექტორთა საბჭოს წევრმა, კარლ-ჰაინც რუმენიგემ ისაუბრა და ინფორმაცია დაადასტურა.

"ვადასტურებ, უპამეკანოს შეძენას კლუბში მართლაც სერიოზულად განვიხილავთ. თუმცა, ზამთარში ეს შეუძლებელი იქნება." - აცხადებს რუმენიგე.

შეგახსენებთ, რომ უპამეკანო "ლაიფციგის" ღირსებას იცავს და მისი გამოსასყიდი ფასი 42 მილიონი ევროა.

22-01-2021, 16:55

sandro

მეტის ნახვა

მიუნხენის "ბაიერნის" ნახევარდაცვის ხაზში მიმდინარე სეზონის დასრულების შემდეგ ცვლილებები იგეგმება.

ევროპული გამოცემების ინფორმაციით, "რეკორდმაისტერი" კორენტინ ტოლისოს გასაყიდად მზად არის და მისი შემცვლელიც უკვე ნაპოვნია.

მოგეხსენებათ, ფრანგ ფეხბურთელს კლუბთან კონტრაქტი 2022 წელს ეწურება, "რეკორდმაისტერი" მის გახანგრძლივებას არ აპირებს და სურს, რომ მომავალ ზაფხულსვე მოახერხოს მისი გაყიდვა. მსურველთა შორის ერთ-ერთი "მანჩესტერია".

რაც შეეხება პოტენციურ შემცვლელს, ნიკოლა ბარელაა. მილანის "ინტერის" ნახევარმცველი კარგ სეზონს ატარებს და ბევრი გუნდის ყურადღება მიიპყრო, მათ შორის "ბაიერნისაც".

21-01-2021, 23:30

sandro

მეტის ნახვა

2021 წლის ზაფხულის სატრანსფერო ფანჯარაზე გუნდებს რამდენიმე ვარსკვლავის უფასოდ გაფორმების საშუალება ექნებათ.

Tribuna წარმოგიდგენთ იმ ფეხბურთელებისგან შემდგარ სიმბოლურ გუნდს, რომლებიც თავისუფალი აგენტები 2021 წლის ზაფხულის სატრანსფერო ფანჯრის მიმდინარეობისას გახდებიან.

21-01-2021, 23:20

sandro

მეტის ნახვა

2021 წლის ზაფხულის სატრანსფერო ფანჯარაზე გუნდებს რამდენიმე ვარსკვლავის უფასოდ გაფორმების საშუალება ექნებათ.

Tribuna წარმოგიდგენთ იმ ფეხბურთელებისგან შემდგარ სიმბოლურ გუნდს, რომლებიც თავისუფალი აგენტები 2021 წლის ზაფხულის სატრანსფერო ფანჯრის მიმდინარეობისას გახდებიან.

21-01-2021, 23:20

sandro

მეტის ნახვა

გასულ პერიოდში აქტიურად მიდიოდა განხილვა ახალი საკლუბო ტურნირის, ევროპის სუპერლიგის შექმნაზე. ამ დიალოგებში კარლ-ჰაინც რუმენიგე, ფლორენტინო პერესი და სხვა დიდი კლუბების მაღალი თანამდებობის წევრები იღებდნენ მონაწილეობას.

როგორც ჩანს, საქმე საკმაოდ სერიოზულად არის და მსოფლიო ფეხბურთის მმართველმა ორგანომ ახალი ტურნირის შექმნაზე ოფიციალური განცხადება გააკეთა.

როგორც განცხადებაში ვკითხულობთ, FIFA ემიჯნება ევროპის სუპერლიგის შექმნის იდეას და აფრთხილებს ყველა კლუბს, რომ იმ შემთხვევაში, თუ რომელიმე მათგანი მსგავს ტურნირში მიიღებს მონაწილეობას, მათ FIFA-ს ეგიდით გამართულ ტურნირებზე მონაწილეობის უფლება ჩამოერთმევათ.

ჯერ-ჯერობით უცნობია, რა იქნება ზემოთნახსენები მაღალჩინოსნების პასუხი ამ გაფრთხილებაზე.

21-01-2021, 19:55

sandro

მეტის ნახვა

ჟერომ ბოატენგის მომავალთან დაკავშირებით ახალი დეტალები ხდება ცნობილი.

გერმანული გამოცემა BILD-ის ინფორმაციით, ვეტერანი ფეხბურთელი "ბაიერნის" მესვეურებს შეხვდა და განუცხადა, რომ ის გუნდში დასარჩენად მზადაა ხელფასი შეიმციროს.

მოგეხსენებათ, ბოატენგს ამჟამინდელი კონტრაქტი სეზონის ბოლოს ეწურება და მისი ანაზღაურება წელიწადში 12 მილიონი ევროა.

ჯერ-ჯერობით უცნობია, როგორია "ბაიერნის" პოზიცია. დიდი ალბათობით, იმ შემთხვევაში, თუ კლუბი ზაფხულში უპამეკანოს დაიმატებს, მაშინ ბოატენგს გუნდის დატოვება მოუწევს.

21-01-2021, 17:34

sandro

მეტის ნახვა

გერმანიის ბუნდესლიგის მე-17 ტურში მიუნხენის "ბაიერნი" "აუგსბურგს" ესტუმრა და ანგარიშით 0:1 დაამარცხა.

"რეკორდმაისტერის" რიგებში სრული, 90 წუთი გაატარა მინდორზე გუნდის კაპიტანმა, მანუელ ნოიერმა და ახალი რეკორდიც დაამყარა.

კერძოდ, ეს რიგით 196-ე მატჩი გახლავთ კაპიტნისთვის, სადაც მან კარის მშრალად შენახვა მოახერხა. ის ამ მიღწევით ლეგენდარულ ოლივერ კანს გაუთანაბრდა და 1 მატჩი რჩება ერთპიროვნულად გალიდერებამდე.

ნოიერს ხსენებული რეკორდის დასამყარებლად 370 მატჩის ჩატარება დასჭირდა.

21-01-2021, 15:00

sandro

მეტის ნახვა

გერმანიის ბუნდესლიგის მე-17 ტურის მატჩში მიუნხენის "ბაიერნი" სტუმრად "აუგსბურგს" უპირისპირდება.

გთავაზობთ შეხვედრის საყურებელ ლინკებს:

ლინკი 1 (სეტანტა)

ლინკი 2

​ლინკი 3​​​

20-01-2021, 23:19

sandro

მეტის ნახვა

გერმანიის ბუნდესლიგის მე-17 ტურის შეხვედრაში მიუნხენის "ბაიერნი" სტუმრად "აუგსბურგს" უპირისპირდება.

მატჩის დაწყებამდე ერთი საათით ადრე ჰანს ფლიკმა სასტარტო თერთმეტეული დაასახელა.

ნოიერი - პავარი, ბოატენგი, ალაბა, ერნანდესი - კიმიხი, გორეცკა - გნაბრი, მიულერი, კომანი - ლევანდოვსკი.

20-01-2021, 22:30

sandro

მეტის ნახვა

ბრიტანული გამოცემა The SUN-ის ინფორმაციით, ინგლისური გრანდების რადარზე მიუნხენის "ბაიერნის" ამომავალი ვარსკვლავი, ჯამალ მუსიალა გამოჩნდა.

როგორც ცნობილია, "რეკორდმაისტერი" და ახალგაზრდა ნახევარმცველი ახალი კონტრაქტის პირობებზე ვერ თანხმდებიან.

17 წლის ფეხბურთელი წელიწადში 6 მილიონ ევროს ითხოვს ანაზღაურების სახით, "ბაიერნი" კი ნაკლებს სთავაზობს.

წყაროს ცნობით, "მანჩესტერი" და "ლივერპული" აქტიურად აკვირდებიან მუსიალას სიტუაციას და იმ შემთხვევაში, თუ მიუნხენური გრანდი მასთან შეთანხმებას ვერ მიაღწევს, არ არის გამორიცხული, ფეხბურთელი ზაფხულში სწორედ ნისლიან ალბიონზე გადაბარგდეს.

20-01-2021, 20:45

sandro

მეტის ნახვა

ბოლო დღეებში გავრცელდა ინფორმაცია, რომლის მიხედვითაც დავიდ ალაბამ სამედიცინო შემოწმება გაიარა და სულ მალე მადრიდის "რეალთან" წინასწარ კონტრაქტს მოაწერს ხელს.

აღნიშნულ თემაზე კომენტარი ავსტრიელი მცველის აგენტმა, პინი ზაჰავმა გააკეთა.

"ვადასტურებ, ალაბამ მართლაც გაიარა სამედიცინო შემოწმება. თუმცა, მან ეს თავისი სურვილით გააკეთა."

"დავიდს სურს, რომ მომავალი გუნდის არჩევამდე ზედმეტი ტრავმები აირიდოს თავიდან." - აცხადებს ალაბა.

20-01-2021, 19:43

sandro

მეტის ნახვა