როგორც ჩანს, მიუნხენის "ბაიერნი" 2021 წლის პირველ ტრანსფერს სულ მალე განახორციელებს.

არაერთი ევროპული გამოცემის ინფორმაციით, "რეკორდმაისტერი" ახლოს არის "რედინგის" ამომავალი ვარსკვლავის, ომარ რიჩარდსის გადაბირებასთან.

22 წლის ფეხბურთელს კლუბთან კონტრაქტი სეზონის ბოლოს ეწურება და შესაბამისად, მიუნხენელები მასთან წინასწარი კონტრაქტის გაფორმებას გეგმავენ.

რიჩარდსი პოზიციით მარცხენა მცველია, თუმცა, მას შეუძლია როგორც დაცვის მარჯვენა ფლანგზე, ასევე ვინგერის პოზიციაზეც თამაში.

8-01-2021, 19:05

sandro

მეტის ნახვა

გერმანიის ბუნდესლიგის მე-15 ტურის ცენტრალურ მატჩში მიუნხენის "ბაიერნი" გლადბახის "ბორუსიას" ესტუმრება. გთავაზობთ რამდენიმე საინტერესო ფაქტს აღნიშნული დაპირისპირებიდან.

გუნდები აქამდე ბუნდესლიგის ეგიდით 104-ჯერ დაუპირისპირდნენ ერთმანეთს საიდანაც 50 გამარჯვება "რეკორდმაისტერს" დარჩა, 25 კი ბორუსიელებს. ბურთების სხვაობაც მიუნხენელთა სასარგებლოდაა, 198 131-ის წინააღმდეგ.

ბოლო 3 სეზონის განმავლობაში "გლადბახმა" ყველა პირველი წრის მატჩში დაამარცხა მიუნხენური გრანდი. მეორე წრის შეხვედრები კი სულ "ბაიერნის" სასარგებლოდ სრულდება.

რობერტ ლევანდოვსკი ზედიზედ სამი მატჩია რაც დუბლს ასრულებს. თუ ის ამ შედეგს დღესაც გაიმეორებს, ლოთარ ემერიხის (1967 წელი) და ტომისლავ მარიჩის (2001 წელი) რეკორდს გაუთანაბრდება.

ბორუსიელებმა პირველი 14 ტურიდან 12 მატჩში შეძლეს პირველი გოლის გატანა, თავის მხრივ "ბაიერნი" ბოლო ზედიზედ 8 მატჩია რაც პირველი უშვებს გოლს.

მიუნხენელები სტანდარტულ სიტუაციებსაც უნდა უფრთხოდნენ. "გლადბახმა" მიმდინარე სეზონში ყველაზე მეტი, 11 გოლი სწორედ მსგავსი მომენტების შედეგად გაიტანა.

"ბაიერნს" მიმდინარე სეზონში 14 მატჩში 44 გოლი აქვთ გატანილი. ამაზე უკეთესი შედეგი ისტორიაში კვლავ მხოლოდ "ბაიერნს" აქვს, 1967/68 წლების სეზონში.

8-01-2021, 18:23

sandro

მეტის ნახვა

მიუნხენის "ბაიერნის" სატრანსფერო გეგმები 2021 წლისთვის ცნობილია.

ევროპული გამოცემების ინფორმაციით, იანვრის სატრანსფერო ფანჯრის დროს "რეკორდმაისტერი" ხმაურიან ტრანსფერებს არ განახორციელებს. ეს ინფორმაცია ირიბად ჰანს ფლიკმაც დაადასტურა.

სამაგიეროდ, კლუბი ზაფხულის სატრანსფერო ფანჯრის დროს აპირებს აქტიურობას და მინიმუმ 2 ვარსკვლავის მოყვანას გუნდში.

წყაროს ცნობით, "ბაიერნის" მიზანი ახალი ცენტრალური ნახევარმცველისა და ახალი ცენტრალური მცველის შეძენა იქნება.

მოგეხსენებათ, სეზონის დასრულების შემდეგ დავიდ ალაბა თავისუფალი აგენტის სტატუსით დატოვებს კლუბს. მიუნხენელებს კი სწორედ მისი შემცვლელი ესაჭიროებათ, თუმცა, კონკრეტული სახელი ჯერ-ჯერობით არ გაჟღერებულა.

რაც შეეხება ცენტრალურ ნახევარდაცვას, აქ ვარიანტი ორია. თუ ევროპულ გამოცემებს ვენდობით, "ბაიერნი" ფრენკ დე იონგსა და ედუარდო კამავინგას შორის გააკეთებს არჩევანს.

7-01-2021, 23:35

sandro

მეტის ნახვა

გერმანიის ბუნდესლიგის მე-15 ტურში მიუნხენის "ბაიერნი" გლადბახის "ბორუსიას" ესტუმრება.

გთავაზობთ "რეკორდმაისტერის" სავარაუდო შემადგენლობას მომავალი დაპირისპირებისთვის.

ნოიერი - კიმიხი, ზულე, ალაბა, დეივისი - გორეცკა, ტოლისო - სანე, მიულერი, კომანი - ლევანდოვსკი.

გუნდს 8 იანვრის დაპირისპირებაში ვერ დაეხმარება ტანგე ნიანზოუ. ასევე საეჭვოა სერჟ გნაბრის თამაშიც, რომელსაც წინა მატჩში ტრავმის მიღების შემდეგ ვარჯიში არ განუახლებია.

7-01-2021, 22:32

sandro

მეტის ნახვა

მიუნხენის "ბაიერნის" რადარზე კატალონიის "ბარსელონას" ახალგაზრდა ვარსკვლავი, ფრენკ დე იონგი გამოჩნდა.

გერმანული გამოცემა BILD-ის ცნობით, "რეკორდმაისტერი" დიდი ხანია რაც ნიდერლანდელის პროგრესს აკვირდება და მის შეძენაზე ფიქრობს.

როგორც ცნობილია, ჯერ კიდევ 2020 წელს მიუნხენელები დე იონგის აგენტს შეხვდნენ და მისი სავარაუდო მომავალი განიხილეს.

ჯერ-ჯერობით უცნობია, რამდენად რეალურია ტრანსფერი. მოგეხსენებათ, "ბაიერნი" ტიაგოსა და ხავი მარტინესის ჩამნაცვლებელს ეძებს და როგორც ჩანს, ედუარდო კამავინგასთან ერთად ერთ-ერთი მთავარი კანდიდატი სწორედ ფრენკ დე იონგი იქნება.

7-01-2021, 20:27

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა ზამთრის ტრანსფერების შესახებ კომენტარი გააკეთა.

"სიტუაცია კორონას გამო ძალიან რთულად არის. ახლა ის შემადგენლობა გვყავს, რომელიც სავარაუდოდ, სეზონის ბოლომდე გვეყოლება და მე კმაყოფილი ვარ ამ გუნდით."

"აქამდეც განმიმარტავს, ახალ გუნდში გადასვლა მარტივი არ არის. უნდა მოერგო მის ფილოსოფიას და ვფიქრობ, ჩვენი ახალწვეულები ამ ყველაფერს ახერხებენ."

"ვფიქრობ, ზამთარში ტრანსფერები არ გვექნება. თუმცა, როგორც უკვე ვთქვი ახლანდელი შემადგნელობით კმაყოფილი ვარ და ჩვენს მიზნებს არაფერი ემუქრება." - აცხადებს ფლიკი.

7-01-2021, 18:21

sandro

მეტის ნახვა

მიუნხენის "ბაიერნმა" ამომავალი ვარსკვლავის, ჯამალ მუსიალას თაობაზე საბოლოო გადაწყვეტილება მიიღო.

გერმანული გამოცემა Sky-ს ინფორმაციით, "რეკორდმაისტერი" 17 წლის ნახევარმცველს სულ მალე ახალ კონტრაქტს გაუფორმებს გაუმჯობესებული პირობებით.

წყაროს ცნობით, მას შემდეგ, რაც მუსიალას 18 წელი შეუსრულდება (26 თებერვალს), ის ახალ, ოთხწლიან კონტრაქტს მოაწერს ხელს და მისი ანაზღაურება ყოველწლიურად 6 მილიონი ევრო იქნება.

6-01-2021, 16:01

sandro

მეტის ნახვა

გერმანული გამოცემა BILD-ის ინფორმაციით, მიუნხენის "ბაიერნში" ბენჟამინ პავარის ამჟამინდელი ფორმით უკმაყოფილოები არიან.

წყაროს ცნობით, კლუბში მიიჩნევენ, რომ ფრანგმა მიმდინარე სეზონში დიდი რეგრესი განიცადა როგორც შეტევით, ასევე დაცვით ასპექტებში.

გარდა ამისა, ჰანს ფლიკს 24 წლის მცველის შემცვლელი არ ჰყავს და უმეტესად უწევს, რომ მის პოზიციაზე ნიკლას ზულე ან იოზუა კიმიხი ათამაშოს.

როგორც ცნობილია, ფლიკმა ხელმძღვანელობას უკვე მოსთხოვა ზამთრის სატრანსფერო ფანჯრის დროს ახალი ფეხბურთელის მოყვანა, თუმცა, კანდიდატების რაოდენობა საკმაოდ მწირია.

6-01-2021, 15:32

sandro

მეტის ნახვა

მიუნხენის "ბაიერნის" აღმასრულებელი საბჭოს წევრმა, კარლ ჰაინც რუმენიგემ საინტერესო განცხადება გააკეთა.

"ჩვენ ძალიან ბედნიერები ვართ რობერტ ლევანდოვსკის გამო. ის გასულ წელს გუნდს 5 თასის მოგებაში დაეხმარა და სრულიად დაიმსახურა წლის საუკეთესო ფეხბურთელის ჯილდო. ლისაბონის ფინალის შემდეგ ის ემოციებით სავსე იყო და ტიროდა."

"რაც შეეხება რონალდუს. მან ასევე დაიმსახურა საუკუნის საუკეთესო ფეხბურთელის ჯილდო, რადგან ის ბოლო 10 წლის განმავლობაში საოცრად გამოიყურება და ახლაც "იუვენტუსის" ლიდერია." - აცხადებს რუმენიგე.

6-01-2021, 00:42

sandro

მეტის ნახვა

2021 წელს არაერთ ტოპ ფეხბურთელს ეწურება კონტრაქტი საკუთარ კლუბებთან. ბევრი მათგანი, დიდი ალბათობით, ახალი გუნდის მოძებნაზე უკვე ფიქრობს. სტატიაში გთავაზობთ იმ მოთამაშეების სიას, რომელთა დამატებითაც "ბაიერნი" შეუჩერებელი გახდება.

პირველ რიგში, ალბათ ასეთი სერხიო რამოსია. ესპანელი მცველი უკვე ასაკშია, თუმცა, კვლავ ინარჩუნებს თავის პოზიციაზე მსოფლიოს საუკეთესოს წოდებას და სავარაუდოდ, მომდევნო 2-3 წელი ასეც გაგრძელდება. ევროპელ ჟურნალისტებს თუ ვენდობით, რამოსი "რეალთან" ახალ კონტრაქტზე ვერ თანხმდება და არ არის გამორიცხული, რომ სეზონის ბოლოს დატოვოს კლუბი. შესაბამისად, კარგი იქნება, თუ "რეკორდმაისტერის" ხელმძღვანელობა მის გადაბირებაზე იზრუნებს.

კიდევ ერთი ლეგენდა, რომლის მომავალიც ბურუსით არის მოცული, ლეო მესი გახლავთ. არგენტინელის თქმით, ის სეზონის ბოლოს გადაწყვეტს სად გააგრძელებს კარიერას. მისი ხელფასის გათვალისწინებით ნაკლებად სავარაუდოა, რომ "ბაიერნი" მესის დამატებას შეეცადოს, თუმცა, რა თქმა უნდა ნებისმიერი გულშემატკივარი დიდი სიხარულით შეხვდება მსოფლიოს ისტორიაში ერთ-ერთი საუკეთესო ფეხბურთელის საკუთარ კლუბში ხილვას.

მესამე ფეხბურთელი, რომელსაც წელს კონტრაქტი ეწურება ჯანლუიჯი დონარუმაა. იტალიელი კიპერი ჯერ მხოლოდ 21 წლისაა, თუმცა, უკვე საკმაოდ დიდი ხანია ევროპული გრანდების ყურადღება მიიპყრო. ამ მომენტისთვის უცნობია, რა გეგმები აქვს ჯიჯის. ალბათ, ყველას კარგად გვახსოვს რა პრობლემები შეუქმნა გუნდს გასულ წლებში მანუელ ნოიერის ტრავმებმა, შესაბამისად, დონარუმას დონის მეკარის თადარიგში ყოლა ნამდვილად დიდი გაძლიერება იქნებოდა.

შემდეგი თავისუფალი აგენტი, რომელმაც შესაძლოა, "ბაიერნში" გაამართლოს, მესუთ იოზილია. ვეტერანი ნახევარმცველი ბევრს უკვე ჩამოწერილი ჰგონია, თუმცა, თუ გავითვალისწინებთ ჰანს ფლიკის სათამაშო ტაქტიკას და მესუთის პოზიციას (გამოკვეთილი 10-იანი), არ არის გამორიცხული მას მიუნხენში მეორე სუნთქვა გაეხსნას. ყველამ კარგად ვიცით, რომ კარგ ფორმაში მყოფ იოზილს დიდი შესაძლებლობები აქვს და თუ შესაბამისი შეთანხმება შედგება, რატომაც არა, დაე მიეცეს შანსი.

და ბოლოს, იულიან დრაქსლერი. 27 წლის ნახევარმცველი, რომელზეც დიდ იმედებს ამყარებდნენ, მაგრამ მისი საუკეთესო წლები პარიზში სათადარიგოთა სკამზე იკარგება. დრაქსლერს ნამდვილად აქვს დიდი პოტენციალი რომ ითამაშოს უმაღლეს დონეზე, მაგრამ, მას სჭირდება მწვრთნელი, რომელიც თავდაჯერებას დაუბრუნებს. ჰანს ფლიკი კი სწორედ ასეთი გახლავთ. თავისუფალი ბაზრიდან მსგავსი დონის ნახევარმცველის დამატება ნამდვილად ნებისმიერ გუნდს წაადგებოდა.

აქვე კიდევ ერთხელ გეტყვით, რომ ყველა ზემოხსენებული ვარიანტი უბრალოდ ჩვენი მოსაზრებაა გუნდის გასაძლიერებლად და არა სავარაუდო ტრანსფერი. ამ მომენტისთვის, პრესაში არცერთი მათგანის ტრანსფერზე არაფერი იწერება. 

5-01-2021, 17:50

sandro

მეტის ნახვა

მიუნხენის "ბაიერნის" ვარსკვლავმა, კინგსლი კომანმა BILD-თან საინტერესო თემებზე ისაუბრა.

"მანჩესტერული კლუბების ინტერესი? ძალიან კარგია, როდესაც იცი, რომ ასეთ დიდ გუნდებს უნდათ შენი შეძენა. ეს თავდაჯერებულობას მმატებს. მაგრამ, "ბაიერნთან" კონტრაქტი 2023 წლამდე მაკავშირებს და მხოლოდ ამ კლუბზე ვფიქრობ."

"ლეროი ძალიან კარგი ფეხბურთელია, რომელსაც ეტყობა რომ აქვს "ბაიერნის" დნმ. 2 პოზიციაზე სათამაშოდ 4 ფეხბურთელი ვიბრძვით, გუნდში კარგი კონკურენციაა."

"ამჟამად კარგ ფორმაში ვარ, მაგრამ, არავინ იცის რა მოხდება 2-3 თვეში. შეიძლება, სანემ და დუგლას კოშტამ უკეთესი თამაში აჩვენონ. სწორედ ამიტომ, მუდამ უნდა ვპროგრესირდე."

"გასულ წელს ლიგის მოგება ფანებთან ერთად ვერ აღვნიშნეთ, ამიტომ, წელს აუცილებლად უნდა მოვახერხოთ იგივე, რათა გულშემატკივრებმა ჩვენთან ერთად გაიზიარონ სიხარული. ასევე მსურს ევროპის ჩემპიონატის მოგება საფრანგეთთან ერთად. ბოდიში, გერმანელებო." - აცხადებს კომანი.

5-01-2021, 17:21

sandro

მეტის ნახვა

მიუნხენის "ბაიერნი" ძალიან ახლოს არის კონტრაქტი გაახანგრძლივოს გუნდის მნიშვნელოვან ფეხბურთელ ლეონ გორეცკასთან.

იტალიელი ჟურნალისტის, ფაბრიციო რომანოს მტკიცებით, მხარეებს შორის შეთანხმება უკვე შედგა და ის იანვრის თვეში გაოფიციალურდება.

წყაროს ცნობით, ნახევარმცველი კლუბთან 2026 წლამდე მოაწერს ხელს. თუმცა, ამ დროისთვის უცნობია ხელფასის ოდენობა.

შეგახსენებთ, რომ გორეცკა "ბაიერნის" რიგებში 2018 წლიდან ირიცხება.

4-01-2021, 22:59

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა იოზუა კიმიხის სათამაშო პოზიციაზე ისაუბრა.

"ჩვენ ვიცით, რომ 6 ნომერზე თამაში მას ყველაზე ძალიან მოსწონს, მაგრამ, იოზუა ითამაშებს იმ პოზიციებზე, სადაც გუნდს დასჭირდება."

"ლევანდოვსკი ბრწყინვალე ფორმაშია. მაგრამ მან იცის, რომ სირთულეები ელოდება წინ. რობერტს სჭირდება გუნდი და გუნდს სჭირდება ის." - აცხადებს ფლიკი.

4-01-2021, 22:51

sandro

მეტის ნახვა

დიდი ალბათობით, ზამთრის სატრანსფერო ფანჯრის დროს მიუნხენის "ბაიერნის" რიგებს იოზუა ზირკზე დატოვებს.

გერმანული გამოცემა Kicker-ის ინფორმაციით, ახალგაზრდა ფორვარდის დამატებით ბუნდესლიგის 2 კლუბი ინტერესდება. ესენია "კიოლნი" და ფრანქფურტის "აინტრახტი".

წყაროს ცნობით, "რეკორდმაისტერი" მხოლოდ ორ ვარიანტს განიხილავს, ფეხბურთელის იჯარით გაშვებას ან გაყიდვას, უკან გამოსყიდვის უფლებით.

როგორც ცნობილია, კლუბის დატოვება თავად ზირკზესაც სურს, რადგან მას სათამაშო დრო, ფაქტობრივად, არ ეძლევა.

4-01-2021, 17:11

sandro

მეტის ნახვა

ავტორიტეტულმა ფრანგულმა გამოცემა L'Equipe-მა 2020 წლის სიმბოლური ნაკრები დაასახელა.

თერთმეტეულში ყველაზე მეტი, 3 წარმომადგენელი მიუნხენის "ბაიერნიდან" მოხვდა. ესენი არიან მანუელ ნოიერი, ალფონსო დეივისი და რობერტ ლევანდოვსკი. ასევე გუნდში მოხვდა "რეკორდმაისტერის" ყოფილი ნახევარმცველი ტიაგო ალკანტარა.

სრული თერთმეტეული შემდეგნაირად გამოიყურება:

ნოიერი - არნოლდი, ვან დაიკი, რამოსი, დეივისი - ტიაგო, კიმიხი - დე ბრუინი, ნეიმარი - ლევანდოვსკი, რონალდუ.

4-01-2021, 14:38

sandro

მეტის ნახვა

გერმანიის ბუნდესლიგის მე-14 ტურში მიუნხენის "ბაიერნმა" საკუთარ კედლებში "მაინცი" მიიღო და ანგარიშით 5:2 დაამარცხა.

სამწუხაროდ, მეორე ტაიმის მიმდინარეობის დროს სერჟ გნაბრიმ დაზიანება მიიღო, რის გამოც ის შესაცვლელი შეიქნა.

საბედნიეროდ, ახალგაზრდა ვინგერის დაზიანება სერიოზული არ აღმოჩნდა და აღნიშნული ინფორმაცია ჰანს ფლიკმაც დაადასტურა.

"მას სისხლჩაქცევები აქვს კოჭის არეში. დიდი ალბათობით, ხვალ უკვე განაახლებს ვარჯიშს, თუმცა, არაუგვიანეს ოთხშაბათისა გნაბრი ნამდვილად დაუბრუნდება გუნდს." - აცხადებს ფლიკი.

3-01-2021, 23:49

sandro

მეტის ნახვა