გერმანიის ეროვნული ნაკრების ბოლოდროინდელი შედეგებიდან გამომდინარე ვარაუდობენ, რომ სულ მალე იოახიმ ლიოვი გუნდს დატოვებს.

გერმანული გამოცემა BILD-ის ინფორმაციით, ბუნდესნაკრებში გადაწყვეტილება უკვე მიღებულია და შედეგების მიუხედავად 60 წლის სპეციალისტი ევროპის ჩემპიონატის შემდეგ გუნდს დატოვებს.

წყაროს ცნობით, ფედერაციაში მის შემცვლელად ორ ვარიანტს განიხილავენ. ესენი არიან ჰანს ფლიკი და იურგენ კლოპი.

მოგეხსენებათ, ფლიკი წლების მანძილზე მუშაობდა ნაკრებში  მწვრთნელის ასისტენტად. ახლა კი ფედერაცია მოლაპარაკებებს იწყებს, რათა ის მთავარ მწვრთნელად მიიწვიონ.

იურგენ კლოპი კი უფრო მეტად სათადარიგო ვარიანტია. გერმანელ სპეციალისტს "ლივერპულთან" კონტრაქტი 2024 წლამდე აკავშირებს და ნაკლებად სავარაუდოა, რომ მანამდე კლუბი დატოვოს.

18-11-2020, 15:13

sandro

მეტის ნახვა

ლეგენდარულმა გერმანელმა ნახევარმცველმა, ბასტიან შვაინშტაიგერმა ესპანეთთან მარცხის შეფასება გააკეთა.

"ეს საშინელება იყო, დიდი დარტყმა ზურგში. ყველაზე ცუდი არა მარცხი და ანგარიში, არამედ გუნდის შემართება იყო. შეგრძნება მქონდა, რომ გერმანიის ნაკრები გუნდი არ იყო."

"არცერთი გერმანელი ფეხბურთელის შეძახილი არ ისმოდა. მინდვრიდან მხოლოდ და მხოლოდ ესპანელების ხმას გაიგონებდი."

"ასეთი მატჩის მერე ყველაფერს ხაზი არ უნდა გადაუსვა, თუმცა უნდა გაანალიზო. უნდა შეცვალო რაღაცები. არ შეიძლება გერმანიის ნაკრები ასე გამოვიდეს. ამ გუნდს აქვს გარკვეული ღირებულებები, რომლებიც აუცილებლად დასაცავია." - აცხადებს ბასტი.

18-11-2020, 12:35

sandro

მეტის ნახვა

ბოლო დროს ნაჩვენები შედეგებისა და ესპანეთთან განცდილი 6:0 მარცხის შემდეგ ბევრი ვარაუდობდა, რომ იოახიმ ლიოვს დაკავებული თანამდებობიდან გაუშვებდნენ.

აღნიშნულ თემაზე კომენტარი გერმანიის ეროვნული ნაკრების დირექტორმა, ოლივერ ბიერხოფმა გააკეთა.

"დარჩება თუ არა ლიოვი ევრო 2020-მდე? რა თქმა უნდა კი. ეს თამაში არაფერს ცვლის. ჩვენ ვენდობით ლიოვს და ეჭვი არ გვეპარება არაფერში."

"როდესაც საქმე ეროვნული ნაკრების მწვრთნელს ეხება, ჩვენ ტურნირიდან ტურნირამდე ვაფასებთ მას. გვსურს ევროპის ჩემპიონატზე მაქსიმალურ წარმატებას მივაღწიოთ." - აცხადებს ბირხოფი.

18-11-2020, 10:27

sandro

მეტის ნახვა

გერმანიის ეროვნული ნაკრების მთავარმა მწვრთნელმა, იოახიმ ლიოვმა ესპანეთთან განცდილი მტკივნეული მარცხის შემდეგ პირველი კომენტარი გააკეთა.

"რთულია რაიმე განმარტების გაკეთება. ყველაფერი არასწორად წაგვივიდა. პირველივე ტაიმში სამი ბურთით ჩამოვრჩით მეტოქეს."

"მეორე ტაიმში პერსონალური მეურვეობა ვცადეთ, პრესინგზე გადავედით და გოლის გატანას შევეცადეთ, მაგრამ ესპანელებმა შანსი არ დაგვიტოვეს. ისინი ჩვენზე სწრაფები და ზუსტები იყვნენ." - აცხადებს ლიოვი.

18-11-2020, 02:14

sandro

მეტის ნახვა

გერმანიის ეროვნული ნაკრების ლიდერმა, ტონი კროოსმა ესპანეთთან გამანადგურებელი, 6-0 მარცხის შემდეგ პირველი კომენტარი გააკეთა.

"ეს, შესაძლოა, ჩემს კარიერაში ყველაზე მძიმე მარცხი არ არის, თუმცა, ერთ-ერთი ყველაზე მტკივნეული ნამდვილადაა."

"ჩვენ მათი შეჩერება უბრალოდ ვერ შევძელით. ესპანეთმა გვანახა, თუ როგორ უნდა შეუტიოს გუნდმა." - აცხადებს კროოსი.

18-11-2020, 02:01

sandro

მეტის ნახვა

რამდენიმე წუთის წინ დასრულდა ერთა ლიგის ჯგუფური ეტაპის ბოლო ტურის შეხვედრა, რომელშიც გერმანია ესპანეთთან განადგურდა - 6:0.

აღსანიშნავია, რომ გუნდმა ამ შედეგის "წყალობით" ახალი ანტირეკორდი დაამყარა.

კერძოდ, ისტორიაში ბუნდესნაკრები 4 ბურთზე მეტის სხვაობით ოფიციალურ შეხვედრაში არასდროს დამარცხებულა. დღეს კი, როგორც ხედავთ, ყველაზე მტკივნეული წაგება განიცადა გუნდმა.

უკანასკნელად გერმანია 6 ბურთის სხვაობით 1931 წელს დამარცხდა და ისიც ამხანაგურ შეხვედრაში, ავსტრიის წინააღმდეგ, 6-0

18-11-2020, 01:45

sandro

მეტის ნახვა

ერთა ლიგის ჯგუფური ეტაპის ბოლო ტურის მატჩში გერმანიის ეროვნული ნაკრები ესპანეთს ესტუმრა და განადგურდა - 6:0.

გთავაზობთ ფეხბურთელების შეფასებებს გამოცემა Whoscored-ის ვერსიით.

18-11-2020, 01:37

sandro

მეტის ნახვა

საფრანგეთის ეროვნული ნაკრების მარჯვენა მცველმა, ბენჟამინ პავარმა შვედეთის კარში გოლის გატანა მოახერხა.

იხილეთ ვიდეო.

18-11-2020, 00:40

sandro

მეტის ნახვა

მიუნხენის "ბაიერნისა" და გერმანიის ეროვნული ნაკრების ლიდერმა, მანუელ ნოიერმა მორიგი ბრწყინვალე სეივი შემოგვთავაზა.

იხილეთ ვიდეო

18-11-2020, 00:21

sandro

მეტის ნახვა

ერთა ლიგის ჯგუფური ეტაპის ბოლო ტურში გერმანიის ერვონული ნაკრები ესპანეთს სტუმრობს.

გთავაზობთ გუნდების სასტარტო შემადგენლობებს მომავალი შეხვედრისთვის.

ესპანეთი: სიმონი - სერხი რობერტო, რამოსი, პაუ, გაია - კოკე, როდრი, კანალესი - ოლმო, მორატა, ფერან ტორესი.

გერმანია: ნოიერი - გინტერი, ზულე, კოხი, მაქსი - კროოსი, გორეცკა, გუნდოგანი - სანე, ვერნერი, გნაბრი.

17-11-2020, 22:49

sandro

მეტის ნახვა

მსოფლიო ფეხბურთის მმართველმა ორგანომ საკლუბო მსოფლიო ჩემპიონატის ჩატარების თარიღი ოფიციალურად დაადასტურა.

FIFA-ს გადაწყვეტილებით, ტურნირი ნაცვლად მიმდინარე წლის დეკემბრისა, 2021 წლის 1-11 თებერვალს გაიმართება.

ამრიგად, მიუნხენის "ბაიერნს" კატალონიის "ბარსელონას" ისტორიული რეკორდის გამეორების შანსი აღარ ექნება.

კერძოდ, 2009 წელს პეპ გვარდიოლას დამოძღვრილმა "ბლაუგრანამ" ექვსი ტიტულის მოპოვება მოახერხა. 2020 წელს კი ფლიკის "ბაიერნმა" 5 შესაძლო თასიდან ხუთივე მოიგო და მუნდიალის მოგების შემთხვევაში ხსენებულ მიღწევასაც გაიმეორებდა, თუმცა, როგორც ხედავთ ტურნირი ნაცვლად 2020-ისა, 2021 წელს გაიმართება. 

17-11-2020, 20:29

sandro

მეტის ნახვა

მსოფლიო ფეხბურთის მმართველმა ორგანომ 2020 წლის საუკეთესო ფეხბურთელის გამოსავლენად გამოკითხვა დაიწყო.

მოგეხსენებათ, FIFA ფრანგული გამოცემა France Football-ისგან განსხვავებით წელს საუკეთესო მოთამაშებს დაასახელებს და მას Fifa The Best-ის ჯილდოს გადასცემს.

ხმის მიცემა 25 ნოემბრამდე გაგრძელდება და მასში მონაწილეობას ორგანიზაციის წევრი ნაკრებების კაპიტნები და მთავარი მწვრთნელები მიიღებენ. გამარჯვებული კი დეკემბრის პირველ რიცხვებში დაჯილდოვდება.

შეგახსენებთ, რომ აღნიშნული ჯილდო 2016 წელს დაწესდა და მოგებული აქვთ კრისტიანო რონალდუს (2-ჯერ), ლუკა მოდრიჩსა და ლეო მესის.

17-11-2020, 20:00

sandro

მეტის ნახვა

მიუნხენის "ბაიერნის" მცველმა, ლუკას ერნანდესმა თავის მდგომარეობაზე ისაუბრა.

"მსურს, რომ ბაიერნის რიგებში ჩემი შესაძლებლობები დავამტკიცო. პირველი არცთუ კარგი სეზონის შემდეგ წასვლაზე არც კი მიფიქრია. მე აქ იმისთვის ვარ, რომ ვაჩვენო ყველას რა შემიძლია."

"კლუბისგან მუდამ მხარდაჭერას ვგრძნობ. ეს ერთ მუშტად შეკრული კოლექტივია, რომელიც მუდამ გამარჯვებისთვის იბრძვის."

"გუნდში გამარჯვების მენტალიტეტი ბევრ მოთამაშეს აქვს, თუმცა, თუ ერთის გამოყოფა მიწევს ეს აუცილებლად იოზუა კიმიხია. ვარჯიშების დროს, მცირე დეტალებშიც კი ის მარცხს ვერ ეგუება."

"თუ კიმიხი დაინახავს რომ რომელიმე თანაგუნდელი 100%-ით არ იხარჯება, ის აუცილებლად შენიშვნას მისცემს. იოზუა ძალიან მეხმარება." - აცხადებს ლუკასი.

17-11-2020, 19:53

sandro

მეტის ნახვა

მიუნხენის "ბაიერნის" ლეგენდარულმა ფეხბურთელმა, ლოთარ მათეუსმა კლუბს კიდევ ერთი სატრანსფერო რჩევა მისცა.

"ვფიქრობ, კლუბმა დაცვის ხაზი უნდა გააძლიეროს. ბოატენგი უკვე 32 წლის არის და ტრავმებისკენ არის მიდრეკილი."

"ერთი რამ ცხადია. სეზონის ბოლოს, დიდი ალბათობით, "ბაიერნს" არაერთი მცველი დატოვებს. მათი ჩანაცვლება კი აუცილებელია."

"ჩემი აზრით, ფეხბურთელი, რომელმაც ისინი უნდა შეცვალოს დაიოტ უპამეკანოა. მან თავისი ძალები როგორც ბუნდესლიგაში, ასევე ჩემპიონთა ლიგაზე დაამტკიცა."

"უპამეკანოს გამოსასყიდი ფასი 50 მილიონი ევროა და "ბაიერნს" ამ თანხის გადახდა ნამდვილად შეუძლია." - აცხადებს მათეუსი.

17-11-2020, 18:23

sandro

მეტის ნახვა

მიუნხენის "ბაიერნის" რიგებში ტრავმირებულთა სია იზრდება.

ევროპული გამოცემების ინფორმაციით, რობერტ ლევანდოვსკიმ სანაკრებო პაუზის დროს დაზიანება მიიღო. კერძოდ, შემთხვევა იტალიასთან დაპირისპირების დროს დაფიქსირდა.

პოლონელმა ფეხბურთელმა ტკივილები მეორე ტაიმის სტარტზე იგრძნო, თუმცა, მატჩი ბოლომდე ჩაამთავრა. მისი თამაში ნიდერლანდების წინააღმდეგ, ფაქტობრივად, გამორიცხულია.

ჯერ-ჯერობით უცნობია, როდის დაბრუნდება ლევანდოვსკი. არსებობს საშიშროება იმისა, რომ ფეხბურთელმა ბუნდესლიგის მომდევნო მატჩი გამოტოვოს.

17-11-2020, 15:25

sandro

მეტის ნახვა

დღეს ერთა ლიგის ჯგუფური ეტაპის ბოლო შეხვედრა გაიმართება, რომელშიც გერმანიის ეროვნული ნაკრები ესპანეთს ესტუმრება.

გთავაზობთ გუნდების სავარაუდო სასტარტო თერთმეტეულებს მომავალი დაპირისპირებისთვის.


ესპანეთი: დე ხეა - სერხი რობერტო, რამოსი, პაუ, რეგილონი - კოკე, მერინო - ფერან ტორესი, დანი ოლმო, ოიარსაბალი - მორატა.

გერმანია: ნოიერი - გინტერი, ზულე, კოხი, მაქსი - კროოსი, გორეცკა, გუნდოგანი - სანე, ვერნერი, გნაბრი.

17-11-2020, 14:14

sandro

მეტის ნახვა