მიუნხენის "ბაიერნის" ლეგენდამ, ლოთარ მათეუსმა დავიდ ალაბას მდგომარეობაზე ისაუბრა.

"მან უნდა იცოდეს, თუ რა გააჩნია "ბაიერნში". ვერსად ვერ მიიღებს ისეთ პატივისცემას, როგორიც მას მიუნხენში გააჩნია."

"აქ მომუშავე ხალხიდან დაწყებული ფანებით დამთავრებული ყველა აფასებს. ის დაცვის ცენტრალური ნაწილის ლიდერია და ყველაფერი აქვს, რაც ფეხბურთელს სჭირდება." - აცხადებს მათეუსი.

1-11-2020, 16:27

sandro

მეტის ნახვა

მიუნხენის "ბაიერნის" რიგებში ძალიან კარგი განწყობაა, რაც გუნდის ვარჯიშებზეც ნათლად იგრძნობა.

ფეხბურთელებმა და მთავარმა მწვრთნელმა, ჰანს ფლიკმა ბოლო ვარჯიშზე "ჩელენჯი" მოაწყვეს. წესები მარტივი იყო. 16 მეტრიდან დარტყმები მეკარე ჰოფმანის კარში. გაფუჭებული დარტყმის შემთხვევაში კი "მკაცრად ისჯები".

თავდაპირველად დარტყმის შესრულება ჰანს ფლიკს მოუწია, რომელსაც არ გამოუვიდა. "სასჯელმაც" არ დააყოვნა და გუნდის ბოსს აზიდვების გაკეთება მოუწია, რაზეც ჩუპო-მოტინგმა, სერჟ გნაბრიმ, კრის რიჩარდსმა და მარკ როკამ იხალისეს.

თუმცა, კამერუნელი ფორვარდის სიხარული დიდხანს არ გაგრძელებულა. მიზანს არც ჩუპო-მოტინგის დარტყმამ უწია და ფეხბურთელსაც აზიდვების გაკეთება მოუწია.

იხილეთ ფოტოები:

1-11-2020, 15:12

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა თავისი ბავშვობის კუმირი დაასახელა.

"სულ თავიდან, როდესაც პატარა ვიყავი ჩემი კუმირი პოლ ბრაიტნერი იყო. თუმცა, შემდგომ ერთ მკაფიო პოზიციაზე გავჩერდი, რომ ჩემთვის გერდ მიულერი საუკეთესოა."

"ის იყო ფეხბურთელი, რომლისგანაც მუდამ მაგალითს ვიღებდი. ბავშვობაში მას ხშირად ვუყურებდი და ვხედავდი, როგორ გაჰქონდა გოლები."

"ვფიქრობ, თანამედროვე ფეხბურთში ყველაზე მეტად მას რობერტ ლევანდოვსკი ჰგავს. თუმცა, ზუსტად მისი მსგავსი ფეხბურთელები დღეს აღარ არსებობენ." - აცხადებს ფლიკი.

1-11-2020, 00:07

sandro

მეტის ნახვა

გერმანიის ბუნდესლიგის მეექვსე ტურში მიუნხენის "ბაიერნი" "კიოლნს" ესტუმრა და 1:2 დაამარცხა.

"რეკორდმაისტერის" მხრიდან სრული, 90 წუთი გაატარა მინდორზე ლიდერმა, თომას მიულერმა. აღსანიშნავია, რომ ამ გამარჯვებით მან ისტორიული მიღწევა გაიმეორა.

კერძოდ, ეს მიულერისთვის რიგით ორასმესამოცე გამარჯვება გახლავთ გერმანიის ბუნდესლიგაში. "ბაიერნის" მხრიდან კი მსგავსი შედეგი მხოლოდ "ტიტანს" აქვს. კიდევ ერთი გამარჯვების შემდეგ კი თომასი კლუბის ერთპიროვნული რეკორდსმენი გახდება.

აღსანიშნავია, რომ ამ შედეგით ხსენებულ ფეხბურთელებს მხოლოდ "ჰამბურგის" ლეგენდა, მანფრედ კალცი უსწრებს, რომელსაც 291 გამარჯვება აქვს ბუნდესლიგაში. შესაბამისად, თომასს დაახლოებით 2 სეზონში შეუძლია ამ რეკორდის მოხსნა.

31-10-2020, 22:20

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "კიოლნთან" გამარჯვების შემდეგ პირველი კომენტარი გააკეთა.

"გამარჯვებით მოხარული ვარ, თუმცა, თამაშით არა. 0:2 წინ გასვლის შემდეგ გოლის გატანა ვეღარ მოვახერხეთ და საპირისპიროდ, მეტოქემ გარკვეულ ასპექტებში გვაჯობა."

"გუნდის ხასიათის გამოვლენით კმაყოფილი ვარ. საქმე ბოლომდე მივიყვანეთ, მაგრამ, ჩვენი შეცდომების გამო ცხოვრება გავირთულეთ და "კიოლნს" დაბრუნების შანსი მივეცით."

"პენალტის ეპიზოდი? იყო იქ ხელით თამაში? ამით ყველაფერი ცხადი ხდება წესები ყველამ კარგად იცის. ის მე არ მომიგონებია." - აცხადებს ფლიკი.

31-10-2020, 22:13

sandro

მეტის ნახვა

"კიოლნისა" და მიუნხენის "ბაიერნის" შეხვედრის პირველ ტაიმში მთავარმა არბიტრმა მასპინძელთა კარში თერთმეტმეტრიანი დარტყმა დანიშვნა.

თამაშის დასრულების შემდეგ "კიოლნის" ფეხბურთელებმა ამ თემაზე საჯარო განცხადებები გააკეთეს.

"პენალტის გადაწყვეტილებამ თამაში გააფუჭა. მას შემდეგ კარგად ვთამაშობდით, მაგრამ "ბაიერნთან" ეს საკმარისი არ არის. ვიდეო-რეფერი არ უნდა ჩარეულიყო. მთავარი არბიტრი ახლოს იდგა და მან პენალტის საჭიროება ვერ დაინახა." - აცხადებს ისმაილ იაკობსი.

"თავიდან მუცელზე მომხვდა, შემდგომ კი ხელზე. "ბაიერნის" ფეხბურთელებსაც კი არ გაუპროტესტებიათ. დღეს მსაჯი მოწოდების სიმაღლეზე ვერ იდგა, თუმცა ამას უნდა შევეგუოთ." - ეს უკვე მარკუს ვულფის განცხადებაა.

31-10-2020, 22:03

sandro

მეტის ნახვა

ბუნდესლიგის მეექვსე ტურში მიუნხენის "ბაიერნი" "კიოლნს" ესტუმრა და ანგარიშით 1:2 დაამარცხა.

გთავაზობთ ფეხბურთელების შეფასებებს გამოცემა Whoscored-ის ვერსიით.

31-10-2020, 20:43

sandro

მეტის ნახვა

ბუნდესლიგის მეექვსე ტურის შეხვედრაში მიუნხენის "ბაიერნი" "კიოლნს" უპირისპირდება.

გთავაზობთ მატჩის საყურებელ ლინკებს.

ლინკი 1 (სეტანტა)

ლინკი 2

ლინკი 3

ლინკი 4

​ლინკი 5​​​

31-10-2020, 18:04

sandro

მეტის ნახვა

გერმანიის ბუნდესლიგის მეექვსე ტურში მიუნხენის "ბაიერნი" სტუმრად "კიოლნს" დაუპირისპირდება.

მატჩის დაწყებამდე ერთი საათით ადრე ჰანს ფლიკმა გუნდის სასტარტო თერთმეტეული დაასახელა.

ნოიერი - პავარი, ზულე, ბოატენგი, სარი - კიმიხი, ხავი მარტინესი - გნაბრი, მიულერი, სანე - ჩუპო მოტინგი.

31-10-2020, 17:29

sandro

მეტის ნახვა

მოგეხსენებათ, დღეს საქართველოში საპარლამენტო არჩევნები ტარდება.

როგორც ჩანს, ერთ-ერთ ქართველ გულშემატკივარს პარლამენტში მაჟორიტარად მანუელ ნოიერი სურს. მან მაჟორიტართა სიას "ბაიერნის" კაპიტნის სახელი ჩაუმატა და სლოგანიც კი მოუფიქრა:

"თქვენი კარი დაცულია".

ქართველმა ქომაგმა ფოტო სოციალურ სივრცეში განათავსა.

31-10-2020, 13:46

sandro

მეტის ნახვა

მიუნხენის "ბაიერნის" ამომავალი ვარსკვლავი, ალფონსო დეივისი უმნიშვნელოვანესი ჯილდოსთვის იბრძოლებს.

MLS ყველა დროის 25 საუკეთესო ფეხბურთელის დასახელებას აპირებს და სიაში ფონზიც მოხვდა.

მოგეხსენებათ, კანადელმა გადმოსვლამდე 3 სეზონი გაატარა "ვანკუვერის" რიგებში და დიდი კვალიც დატოვა ამერიკული ფეხბურთის ისტორიაში.

აღსანიშნავია, რომ დეივისის გარდა ამ ტიტულისთვის ასევე იბრძოლებენ ისეთი ლეგენდები, როგორებიც არიან დევიდ ბექემი, ზლატან იბრაჰიმოვიჩი, ტიმ ჰოვარდი, სებასტიან ჯოვინკო და სხვები.

31-10-2020, 01:37

sandro

მეტის ნახვა

მიუნხენის "ბაიერნიდან" ტიაგო ალკანტარას წასვლის შემდეგ კლუბი შემცვლელის ძიებას აქტიურად განაგრძობს.

ფრანგული გამოცემა Le10Sport-ის ინფორმაციით, "რეკორდმაისტერის" რადარზე ამჯერად მილანის "ინტერის" ვარსკვლავი, კრისტიან ერიკსენი გამოჩნდა.

მოგეხსენებათ, დანიელი ნახევარმცველი "ნერაძურის" რიგებს გასულ წელს შეუერთდა, თუმცა, გუნდში თავის დამკვიდრება ბოლომდე ამ დრომდე ვერ მოახერხა და მის წასვლაზე აქტიურად იწერება. მიუნხენელები კი სწორედ ამ შანსის გამოყენებას ეცდებიან.

წყაროს ცნობით, ერიკსენის დამატება გარდა "ბაიერნისა" ასევე ფრანგულ "პსჟ"-საც სურს.

30-10-2020, 18:36

sandro

მეტის ნახვა

ბუნდესლიგის მეექვსე ტურში მიუნხენის "ბაიერნი" სტუმრად "კიოლნთან" გამართავს შეხვედრას.

გერმანული გამოცემა Sky-ს ინფორმაციით, "რეკორდმაისტერი" აღნიშნულ მატჩს დიდი დანაკლისით შეხვდება. გუნდს, სავარაუდოდ, იოზუა კიმიხი ვერ დაეხმარება.

ახალგაზრდა ნახევარმცველმა დღევანდელი ვარჯიში გამოტოვა. მიზეზი ამ მომენტისთვის უცნობია. სავარაუდოდ, ფლიკმა მას დასვენების საშუალება მისცა.

ფაქტობრივად, გადაწყვეტილია, რომ კიმიხი "კიოლნთან" შეხვედრაში არ ითამაშებს. დიდი ალბათობით, ის ჩემპიონთა ლიგაზე, "ოლიმპიაკოსთან" მატჩში დაბრუნდება.

30-10-2020, 18:28

sandro

მეტის ნახვა

მიუნხენის "ბაიერნის" დამრიგებელმა, ჰანს ფლიკმა "კიოლნთან" მატჩამდე პრესკონფერენციაზე ისაუბრა.

"ყველა გუნდი ცდილობს, რომ ჩვენს წინააღმდეგ კარგად ითამაშოს. სიმართლე გითხრათ, "ბაიერნის" წინააღმდეგ თამაშზე მარტივი არაფერია. ეს ემოციური მომენტია და ყველა 100%-ის გაღებას ცდილობს."

"გუშინ ფეხბურთელების უმრავლესობამ ძალები აღიდგინა. დღეს კი სავარჯიშო სესიაზე ყველა გამოცხადდა და ხვალინდელი თამაშისთვის მზად ვართ."

"ზედიზედ ოთხი გასვლითი მატჩის ნაცვლად ვისურვებდი, რომ ერთი საშინაო არენაზე ჩაგვეტარებინა. თუმცა, ეს პრობლემას არ წარმოადგენს. სეზონის დაწყებამდეც ვიცოდით, რომ რთული გრაფიკი გველოდა."

"ზირკზე გასულ დღეებში გარკვეულ ტკივილებს გრძნობდა. თუმცა, ახლა კარგადაა. ნიჭი მხოლოდ საკმარისი არ არის, ის საკუთარ თავზე გამუდმებით მუშაობს."

"იმედი მაქვს, დავიდი ახალ კონტრაქტს გააფორმებს. მან იცის მიუნხენში არსებული სიტუაცია და ხვდება, რომ მსოფლიოში საუკეთესო გუნდში თამაშობს. იმედი მაქვს, სწორ გადაწყვეტილებას მიიღებს."

"სამივე ცენტრალური მცველი სრულ მზადყოფნაშია. ჟერომმა ტრავმა მოიშუშა და მზადაა დაგვეხმაროს, ნიკლასი კი დაბრუნების შემდეგ ყოველდღიურად უმატებს." - აცხადებს ფლიკი.

30-10-2020, 15:43

sandro

მეტის ნახვა

მიუნხენის "ბაიერნის" ლიდერმა, თომას მიულერმა თანაგუნდელი, რობერტ ლევანდოვსკი შეაქო.

"როდესაც უყურებ მის სტაბილურობას გოლების მხრივ, რთულია ეს დაიჯერო. ლევანდოვსკი წარმოუდგენელ ციფრებს აფიქსირებს."

"რობერტს ყოველთვის გოლების გატანა სურდა, ახლა კი მის შექმნაზე და ასისტების გაკეთებაზეც ბევრს მუშაობს. მის შესაფასებლად სიტყვების მოძიება ძალიან რთულია."

"რასაც ლევანდოვსკი ბოლო წლების განმავლობაში აკეთებს, ეს უბრალოდ ფენომენალურია." - აცხადებს მიულერი.

30-10-2020, 14:38

sandro

მეტის ნახვა

ჩემპიონთა ლიგის 1/4 ფინალური მატჩიდან, რომელშიც "ბაიერნმა" კატალონიის "ბარსელონა" დაამარცხა 2 თვე გავიდა, თუმცა, ეს თამაში სამუდამოდ ჩაიწერა ფეხბურთის ისტორიაში.

"რეკორდმაისტერმა" მეტოქეს უბრალოდ არაფრის საშუალება არ მისცა და 8:2 გაანადგურა.

საინტერესოა, როგორ მოახერხა მიუნხენურმა გრანდმა არცთუ ხელწამოსაკრავი მეტოქის ასე იოლად დამარცხება. პასუხი ერთ, მოკლე ვიდეოშიც ნათლად ჩანს - მკვლელი პრესინგით.

ასეთი მძლავრი პრესინგის დახმარებით "ბაიერნმა" მეტოქეს უბრალოდ არ მისცა სივრცეების ათვისებისა და ბურთის კონტროლის საშუალება, აიძულა უკან დახევა და დაცვაში ჩაჯდომა.

იხილეთ ვიდეო.

30-10-2020, 00:05

sandro

მეტის ნახვა