ლატვიის ნაკრების წინააღმდეგ გერმანიის ნაკრების კაპიტანი, მანუელ ნოიერი თავის მე-100 შეხვედრას ატარებს ეროვნულ გუნდში.

ამ ფაქტის აღსანიშნად ფეხბურთელებმა ვეტერან კიპერს საპატიო კორიდორი მოუწყვეს.

იხილეთ ვიდეო.

7-06-2021, 22:56

sandro

მეტის ნახვა

ევროპის ჩემპიონატის საწყის მატჩებს გერმანიის ეროვნული ნაკრები დიდი დანაკლისით ხვდება.

გუნდის ერთ-ერთი ლიდერი, ლეონ გორეცკა ტრავმირებულია და დაბრუნების ზუსტი დრო უცნობია.

26 წლის ნახევარმცველმა დაზიანება 8 მაისს მიიღო და ვარაუდობდნენ, რომ ევროპის ჩემპიონატამდე სრულად გამოჯანმრთელებას მოახერხებდა, თუმცა, პროგნოზი ვერ გამართლდა.

როგორც ცნობილია, გორეცკა გახსნით ორ მატჩში მონაწილეობას ვერ მიიღებს. არადა, გერმანიის ნაკრები პირველ ტურში საფრანგეთს, მეორეში კი პორტუგალიას უპირისპირდება.

ჯერ-ჯერობით უცნობია, მოახერხებს თუ არა გორეცკა დაბრუნებას ჯგუფური ეტაპის ბოლო ტურში, უნგრეთის წინააღმდეგ.

7-06-2021, 14:53

sandro

მეტის ნახვა

ფრანგულმა ჟურნალმა Onze Mondial-მა 2020/21 წლების სეზონის საუკეთესო შემადგენლობა დაასახელა.

თერთმეტეულში "ბაიერნის" ორი ფეხბურთელი მოხვდა, თუმცა, საინტერესოა, რომ სიაში არ არის რობერტ ლევანდოვსკი.

დაცვის ხაზში ადგილი დავიდ ალაბამ დაიკავა, საყრდენი ნახევარმცველის პოზიციაზე კი იოზუა კიმიხი მოხვდა.

საინტერესოა, რომ ამავე გამოცემამ გასული სეზონის საუკეთესო ფეხბურთელად ქარიმ ბენზემა დაასახელა.

იხილეთ სრული თერთმეტეული:

6-06-2021, 19:08

sandro

მეტის ნახვა

მიუნხენის "ბაიერნის" რადარზე მადრიდის "ატლეტიკოს" ვარსკვლავი, საულ ნიგესი გამოჩნდა.

მოგეხსენებათ, "რეკორდმაისტერი" უკვე დიდი ხანია, რაც ახალ ცენტრალურ ნახევარმცველს ეძებს. ევროპული გამოცემების ინფორმაციით კი ერთ-ერთი სამიზნე სწორედ ესპანელი ფეხბურთელია.

წყაროს ცნობით, საულის გაყიდვა თავად "როხიბლანკოს" გეგმებშიც შედის და სასურველი შეთავაზების შემთხვევაში მის გასაშვებად მზად არიან.

როგორც ცნობილია, საულ ნიგესის დამატება "ბაიერნის" გარდა ასევე "პსჟს" და ლონდონის "ჩელსისაც" სურთ.

3-06-2021, 23:59

sandro

მეტის ნახვა

გუშინ, 2 ივნისს ამხანაგური შეხვედრა გაიმართა, რომელშიც გერმანიის ეროვნული ნაკრები დანიას დაუპირისპირდა და დაუზავდა - 1:1.

თამაშის მიმდინარეობის დროს უსიამოვნო ფაქტი დაფიქსირდა, რომელიც გერმანულ გამოცემებს არ გამოჰპარვიათ.

კერძოდ, ბუნდესნაკრების ფეხბურთელები ძალიან უკმაყოფილოები იყვნენ ლეროი სანეს თამაშით.

ერთ მომენტში იოზუა კიმიხმა თანაგუნდელს დაუყვირა. თავის მხრივ კი ნიკლას ზულემაც ბევრი შენიშვნა მისცა სანეს და არაერთხელ მოუწოდა გააქტიურებისკენ.

როგოც ცნობილია, სანეს ნაჩვენები თამაშით არაერთი თანაგუნდელი დარჩა უკმაყოფილო.

3-06-2021, 18:52

sandro

მეტის ნახვა

გერმანიის პროფესიონალური ფეხბურთელების ასოციაციამ ბუნდესლიგის გასული სეზონის საუკეთესო მოთამაშე დაასახელეს.

ხმების 75.9% მიუნხენის "ბაიერნის" ლიდერს, რობერტ ლევანდოვსკის ერგო, რომელმაც საგრძნობლად აჯობა მეორეზე გასულ ერლინ ჰოლანდს (7.1%). მესამე ადგილი თომას მიულერმა დაიკავა.

აღსანიშნავია, რომ თავად ბუნდესლიგამ გულშემატკივრების გამოკითხვის შედეგად წლის საუკეთესო ფეხბურთელად ერლინ ჰოლანდი დაასახელა.

წლის საუკეთესო მწვრთნელად ჰანსი ფლიკი დასახელდა. მან ხმების 29.1% მიიღო. მეორე და მესამე ადგილები იულიან ნაგელსმანმა და ოლივერ გლასნერმა თანაბარი რაოდენობით გაინაწილეს.

რაც შეეხებია საუკეთესო ახალწვეულს, ეს პრიზი ჯუდი ბელინგემმა დაისაკუთრა. მეორე ადგილზე ჯამალ მუსიალა გავიდა.

3-06-2021, 14:51

sandro

მეტის ნახვა

მიუნხენის "ბაიერნისა" და გერმანიის ეროვნული ნაკრების ცენტრალურმა მცველმა, ნიკლას ზულემ ევროპის ჩემპიონატის ფავორიტები დაასახელა.

"როგორც მსოფლიო ჩემპიონატის მოქმედ გამარჯვებულებს, ვფიქრობ ფრანგებს საუკეთესო შანსი აქვთ. მათ ძალიან ღრმა და ნიჭიერი შემადგენლობა ჰყავთ."

"ასევე უძლიერესი გუნდი ჰყავს პორტუგალიის ნაკრებსაც, რომელმაც გასული ევროპის ჩემპიონატის ტიტული მოიგო."

"ჩვენს შანსებს რეალურად ვაფასებთ, თუმცა, არ ვაპირებთ ევროპის ჩემპიონატზე უქმად ყოფნას."

"ეს არის ტურნირი, რომლის მოგებაც ნებისმიერ მონაწილე გუნდს შეუძლია. ყველაფერს გავაკეთებთ წარმატების მისაღწევად." - აცხადებს ზულე

2-06-2021, 18:43

sandro

მეტის ნახვა

მიუნხენის "ბაიერნს" რომ მსოფლიოში ერთ-ერთი უძლიერესი შემადგენლობა ჰყავს, ამ ფაქტზე ყველა თანხმდება.

სამწუხაროდ, "რეკორდმაისტერის" ლიდერების, მანუელ ნოიერისა და რობერტ ლევანდოვსკის ასაკი უკვე 33 წელს გადაცდა და უნდა ვივარაუდოთ, რომ არცთუ შორეულ მომავალში მათ კარიერის დასრულება მოუწევთ.

თუმცა, გულშემატკივრებს ამ ფაქტის გამო დიდად ნერვიულობა არ მოუწევთ.

"ბაიერნის" ერთ-ერთმა ქომაგმა გუნდის ახალგაზრდა წევრებისგან შემდგარი სიმბოლური თერთმეტეული დაასახელა და შეიძლება ითქვას, რომ ეს შემადგენლობა საკმაოდ ძლიერად გამოიყურება.

შემადგენლობაში შედიან "ბაიერნის" ის ფეხბურთელები, რომელთა ასაკიც 25 წელი ან უფრო ნაკლებია.

სრული თერთმეტეული შემდეგნაირად გამოიყურება:

1-06-2021, 22:29

sandro

მეტის ნახვა

გერმანიის ეროვნულ გუნდში დაბრუნების შემდეგ თომას მიულერმა პრესასთან ისაუბრა.

"ჩემი კარანტინი გერმანიის ნაკრებში დიდხანს გაგრძელდა. გუნდი დიდი სიხარულით მომესალმა. ერთმანეთს ბუნდესლიგიდან ძალიან კარგად ვიცნობთ."

"ჰავერცს ჩემპიონთა ლიგის ფინალში გატანილი გოლი დაეხმარება. ეს მას თავდაჯერებას შემატებს."

"გუნდს მოვუტან იმ ძალას, რასაც გასულ პერიოდში ვინახავდი. მსურს, რომ ნაკრებს ვულიდერო. მოტივირებული ვარ და ყველაფერს გავაკეთებ წარმატებისთვის."

"ბუნდესნაკრებში სიახლე ჩემთვის არაფერია. ეროვნულ გუნდს ყოველთვის ვქომაგობდი და მათ თამაშებს ვუყურებდი. ფეხბურთელებს კარგად ვიცნობ."

"ლიოვთან არაერთხელ ვისაუბრე. ჩვენ განვიხილეთ გეგმები. ორივეს მიზანი ევროპის ჩემპიონატზე წარმატების მიღწევაა." - აცხადებს მიულერი.

31-05-2021, 21:19

sandro

მეტის ნახვა

გერმანიის ეროვნულმა ნაკრებმა ევრო 2020-ის მოსამზადებელი ვარჯიშები უკვე დაიწყო.

პერიოდულად სოციალურ ქსელებში ვარჯიშების ამსახველი ვიდეოები ვრცელდება.

სოციალურ სივრცეში ყურადღება მიიპყრო ნიკლას ზულემ. "ბაიერნის" მცველმა ერთ-ერთ მომენტში ფინტების კასკადი მოაწყო და ამით ბევრი ქომაგის გული მოიგო.

იხილეთ ვიდეო.

31-05-2021, 21:12

sandro

მეტის ნახვა

ახალგაზრდული ევროპის ჩემპიონატის 1/4 ფინალში ნიდერლანდების ეროვნული ნაკრები საფრანგეთს უპირისპირდება.

"მამლების" რიგებში სასტარტო თერთმეტეულიდან დაიწყო თამაში დაიოტ უპამეკანომ.

"ბაიერნის" ახალწვეულმა 23-ე წუთზე საკუთარი ნაკრების დაწინაურება მოახერხა.

იხილეთ ვიდეო.

31-05-2021, 20:38

sandro

მეტის ნახვა

გერმანული გამოცემა BILD-ის ინფორმაციით, მიუნხენის "ბაიერნი" კიდევ ერთი ტრანსფერის გაჩარხვასთან არის ახლოს.

ამჯერად საუბარი გლადბახის "ბორუსიას" ამომავალ ვარსკვლავ ფლორიან ნიუჰაუსია.

წყაროს ცნობით, მიუნხენურმა გრანდმა ახალგაზრდა ვარსკვლავთან სიტყვიერ შეთანხმებას უკვე მიაღწია.

სავარაუდოდ, 24 წლის ნახევარმცველი "გლადბახის" რიგებში კიდევ ერთი სეზონის განმავლობაში დარჩება და სწორედ ამის შემდეგ შედგება ტრანსფერი.

ნიუჰაუსის გამოსასყიდი ღირებულება 40 მილიონი ევროა. "ბაიერნი" 2022 წელს სწორედ ამ თანხას გადაიხდის მის სანაცვლოდ.

31-05-2021, 14:59

sandro

მეტის ნახვა

მიუნხენის "ბაიერნის" ლიდერმა, რობერტ ლევანდოვსკიმ თავის მომავალზე ისაუბრა.

"ბაიერნში ყველაფერი ძალიან მომწონს. ეს დიდებული ქალაქის დიდებული კლუბია, მაგრამ რა მოხდება ჩემს საფეხბურთო კარიერაში წინასწარ არასდროს ვიცი."

"რეკორდებზე დამოკიდებული არ ვარ. უბრალოდ, მიზნებს ვისახავ, რომლებიც უნდა შევასრულო და ეს ყველაფერი მოტივაციაში მეხმარება." - აცხადებს ლევანდოვსკი.

შეგახსენებთ, რომ ბოლო პერიოდში პოლონელ ფორვარდს აქტიურად უკავშირებენ "პსჟს" სახელს.

31-05-2021, 00:51

sandro

მეტის ნახვა

ევროპულ ჩემპიონატებსა და ჩემპიონთა ლიგაზე სეზონები დასრულდა და უკვე ვიცით იმ გუნდების უმრავლესობა, რომლებიც მომავალ წელს ევროტურნირებზე იასპარეზებენ.

ცნობილია იმ 16 კლუბის ვინაობა, რომლებიც პირველ და მეორე კალათებში იქნებიან განთესილები.

მოგეხსენებათ, პირველ კალათაში ტოპ ჩემპიონატებისა და ევროტურნირების გამარჯვებულები ხვდებიან, მათ შორის არის "ბაიერნიც". შესაბამისად, ამ კალათიდან მიუნხენურ გრანდს არცერთი გუნდი არ შეხვდება.

თუმცა, აღსანიშნავია მეორე კალათის შემადგენლობა, სადაც ისეთი გუნდები მოხვდნენ, როგორებიცაა "რეალი", "ბარსელონა", "იუვენტუსი", "პსჟ" და სხვები. შესაბამისად, "ბაიერნი" ამ კალათიდან ერთ-ერთ გრანდს დაუპირისპირდება.

რაც შეეხება მესამე და მეოთხე კალათებს, აქ გუნდების დიდი რაოდენობა საკვალიფიკაციო ეტაპით შეივსება და შესაბამისად, ჯერ-ჯერობით საბოლოო სახე არ ვიცით.

30-05-2021, 14:54

sandro

მეტის ნახვა

გასული პერიოდის განმავლობაში აქტიურად იწერებოდა იმის შესახებ, რომ "ბაიერნი" აჩრაფ ჰაკიმის დამატებით იყო დაინტერესებული, თუმცა, როგორც ჩანს ტრანსფერი აღარ შედგება.

გამოცემა RMC-ის ინფორმაციით, "რეკორდმაისტერი" სატრანსფერო ბრძოლაში "პსჟსთან" დამარცხდა და ახალგაზრდა მცველი სწორედ პარიზულ კლუბს შეუერთდება.

წყაროს ცნობით, მთავარი პრობლემა სატრანსფერო ფასი გახლდათ. "ბაიერნს" ფასის შემცირება სურდა, პარიზელები კი 60 მილიონიან წინადადებას დათანხმდნენ.

შესაბამისად, ჰაკიმი ზაფხულის სატრანსფერო ფანჯრის დროს საფრანგეთის დედაქალაქში გადაბარგდება.

29-05-2021, 17:59

sandro

მეტის ნახვა

გერმანული გამოცემა BILD-ის ინფორმაციით, მიუნხენის "ბაიერნის" ცენტრალური მცველი, ჟერომ ბოატენგი იოახიმ ლიოვის ქმედებებით გაბრაზებულია.

კერძოდ, წყაროს ცნობით, გერმანიის ნაკრების დამრიგებელმა ვეტერან მცველს გასულ პერიოდში არცერთხელ არ დაუკავშირდა.

ჟერომს იმედი ჰქონდა, რომ ის ბუნდესნაკრებთან ერთად ევრო 2020-ზე გაემგზავრებოდა, თუმცა, ასე არ მოხდა.

გარდა ამისა, ბოატენგის სურვილი იყო, რომ ნაკრებიდან უარის შემთხვევაში ეს მისთვის პირადად ლიოვს ეცნობებინა და აეხსნა სიტუაცია, თუმცა, ამ უკანასკნელმა ეს არ მოიმოქმედა.

შეგახსენებთ, რომ ევრო 2020-ისთვის გერმანიის ეროვნულ ნაკრებში ვეტერანი ფეხბურთელები, თომას მიულერი და მატს ჰუმელსი დაბრუნდნენ.

29-05-2021, 00:41

sandro

მეტის ნახვა