"ბაიერნისა" და "დორტმუნდის" შეხვედრის მეორე ტაიმში ჟერომ ბოატენგმა დაზიანება მიიღო, რის გამოც შესაცვლელი შეიქნა.

თავდაპირველად, ჰანს ფლიკმა განაცხადა, რომ ვეტერან მცველს მუხლი გადაუბრუნდა. თუმცა, როგორც ჩანს ტრავმა არც ისე სერიოზულია.

გერმანული გამოცემების ინფორმაციით, ჟერომს გამოკვლევები უკვე ჩაუტარდა და მას მხოლოდ მსუბუქი დაზიანება აღმოაჩნდა.

წყაროს ცნობით, ბოატენგი მხოლოდ რამდენიმე დღეს გამოტოვებს და მალევე დაუბრუნდება გუნდს.

7-03-2021, 14:13

sandro

მეტის ნახვა

მიუნხენის "ბაიერნის" ლიდერმა, რობერტ ლევანდოვსკიმ დორტმუნდის "ბორუსიას" დამარცხების შემდეგ პრესასთან ისაუბრა.

"ვიცით, რომ პირველი 15-20 წუთი კარგად ვერ ჩავატარეთ, თუმცა, მეორე გოლის გაშვების შემდეგ ყველამ გავაანალიზეთ, რომ სასწრაფოდ შეტევაში უნდა წავსულიყავით."

"რაც შეეხება მეორე ტაიმს, ამ დროს თამაშს უკვე ვაკონტროლებდით. შესვენებაზე ვთქვით: "მიდით ბიჭებო, უნდა ვეცადოთ და გავიტანოთ შემდეგი გოლი, რადგან ეს თამაში მოსაგებია."

"ვფიქრობ, საბოლოო ჯამში კარგი შეხვედრა გამოგვივიდა. ყველას ვაჩვენეთ, რომ პირველი ადგილის დათმობას არ ვაპირებთ." - აცხადებს ლევანდოვსკი.

7-03-2021, 01:55

sandro

მეტის ნახვა

"ბაიერნისა" და "დორტმუნდის" შეხვედრის შემდეგ სტუმართა კაპიტანმა, მარკო როისმა განაცხადა, რომ მესამე გოლის ეპიზოდში მთავარ არბიტრს თამაში უნდა შეეჩერებინა.

თუმცა, განსხვავებული პოზიცია აქვს ბორუსიელთა ნახევარმცველს, ემრე ჯანს, რომელიც ამ ეპიზოდში მონაწილეობდა.

"ჯარიმა სანეზე? არ ვიცი ამაზე რა გიპასუხოთ. შეეძლო მსაჯს ჯარიმა დაენიშნა, თუმცა, ეს აუცილებლობას არ წარმოადგენდა."

"საერთოდ, არბიტრი ხშირად იყენებდა სასტვენს და მე მას ვუთხარი ამის შესახებ. ზოგადად ეს კარგი არ არის, რადგან თამაშის რიტმს აგდებს." - აცხადებს ჯანი.

7-03-2021, 01:50

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "დორტმუნდის" დამარცხების შემდეგ პირველი კომენტარი გააკეთა.

"ამჟამად ვხედავ, რომ მეტოქე ხშირად გვსჯის მატჩის სტარტზე შეცდომების გამო, რაც ძალიან დიდი პრობლემაა. თუმცა, არის პოზიტიური ნიშნებიც. ჩვენ მოვახერხეთ დაბრუნება. მატჩის ბოლოს ოდნავ გაგვიმართლა, მაგრამ დამსახურებული გამარჯვება მოვიპოვეთ."

"ლევანდოვსკი? ძალიან კარგია, როდესაც 3 გოლს იტან. თუმცა, ყველაზე მნიშვნელოვანია, რომ გუნდის გამარჯვებაში შეგაქვს წვლილი. თუ მიულერის რეკორდს მოხსნის, კიდევ უფრო კარგი იქნება."

"ჰოლანდი? ცხოვრებაში შესაძლოა ყველაფერი მოხდეს. ვერაფერს გამოვრიცხავ. მაგრამ, მას "დორტმუნდთან" გრძელვადიანი კონტრაქტი აკავშირებს." - აცხადებს ფლიკი.

7-03-2021, 01:04

sandro

მეტის ნახვა

"ბაიერნისა" და "დორტმუნდის" შეხვედრის მეორე ტაიმში ერთი საკამათო ეპიზოდი დაფიქსირდა, როდესაც ლეონ გორეცკას მომენტში ლეროი სანემ მეტოქე წააქცია, თუმცა მთავარმა არბიტრმა ჯარიმა არ დანიშნა.

ამ თემაზე სტუმართა კაპიტანმა, მარკო როისმა კომენტარი გააკეთა.

"ვფიქრობ, ლეონ გორეცკას გოლის ეპიზოდში 100%-ით ჯარიმა იყო და მსაჯმა უბრალოდ გაატარა."

"სიმართლე რომ გითხრათ, იგივე "ბაიერნის" კარისკენ რომ მომხდარიყო, ჯარიმა აუცილებლად დაინიშნებოდა." - აცხადებს როისი.

7-03-2021, 00:51

sandro

მეტის ნახვა

მიუნხენის "ბაიერნისა" და დორტმუნდის "ბორუსიას" შეხვედრის 68-ე წუთზე ჟერომ ბოატენგმა დაზიანება მიიღო, რის გამოც სასწრაფოდ შესაცვლელი შეიქნა.

მატჩის დასრულების შემდეგ ჰანს ფლიკმა ვეტერანი მცველის ტრავმის სიმძიმეზე ისაუბრა:

"ჟერომს ვესაუბრე და მითხრა, რომ მუხლი გადაუბრუნდა. ამჟამად მეტის თქმა შეუძლებელია. უფრო ზუსტად გამოკვლევების შემდეგ გავიგებთ." - აცხადებს ფლიკი.

როგორც წესი, მსგავსი ტიპის დაზიანების აღდგენას 2-4 კვირა სჭირდება. თუმცა, თუ ოპერაცია გახდა საჭირო არის საშიშროება იმისა, რომ ბოატენგს მთელი დარჩენილი სეზონი გაუცდეს.

7-03-2021, 00:17

sandro

მეტის ნახვა

დორტმუნდის "ბორუსიას" დამარცხების შემდეგ მიუნხენის "ბაიერნის" ლიდერმა, თომას მიულერმა იმედისმომცემი განცხადება გააკეთა.

"ვადასტურებ, მე ნამდვილად მსურს ეროვნულ ნაკრებში დაბრუნება და ზაფხულში ევროპის ჩემპიონატზე გამოსვლა."

"ამჟამად უნდა დაველოდოთ და ვნახოთ, თუ რა მოხდება. თუმცა, ჩემი სურვილი მართლაც ძალიან დიდია." - აცხადებს მიულერი.

შეგახსენებთ, რომ დღევანდელ შეხვედრას გერმანიის ეროვნული ნაკრების მთავარი მწვრთნელი, იოახიმ ლიოვიც ესწრებოდა და გამოცემების ცნობით, ერთ-ერთი მთავარი მიზეზი სწორედ მიულერის თამაშზე დაკვირვება გახლდათ.

7-03-2021, 00:05

sandro

მეტის ნახვა

გერმანიის ბუნდესლიგის 24-ე ტურში მიუნხენის "ბაიერნმა" დორტმუნდის "ბორუსიას" უმასპინძლა და 4:2 დაამარცხა.

"რეკორდმაისტერის" გამარჯვებაში ლომის წილი შეიტანა რობერტ ლევანდოვსკიმ, რომელმაც ჰეთ-თრიკის გაფორმება მოახერხა.

პოლონელი მიმდინარე სეზონში საოცრად გამოიყურება და ის ძალიან ახლოს არის გერდ მიულერის საოცარი რეკორდის მოხსნამდე.

ლევანდოვსკის ბუნდესლიგის 2020/21 წლების სეზონში უკვე 31 გოლი აქვს გატანილი. ყველა დროის რეკორდი კი სწორედ ზემოხსენებულ ფეხბურთელს ეკუთვნის, რომელმაც 1971/72 წლების სეზონში 40 გოლი გაიტანა.

მაშასადამე, იმ შემთხვევაში, თუ პოლონელი დარჩენილ 10 ტურში 9 გოლის გატანას შეძლებს, მიულერის რეკორდს გაიმეორებს. 10 გოლის შემთხვევაში კი სულაც სრულიად ახალ რეკორდს დაამყარებს.

6-03-2021, 23:42

sandro

მეტის ნახვა

გერმანიის ბუნდესლიგის 24-ე ტურში "ბაიერნმა" საკუთარ კედლებში დორტმუნდის "ბორუსია" მიიღო და 4:2 იმარჯვა.

მატჩის სტარტზე, უკვე მე-9 წუთისთვის ერლინ ჰოლანდის დუბლის წყალობით სტუმრები ანგარიშით 0:2 იგებდნენ, თუმცა, ამის შემდეგ მიუნხენური მანქანა ამუშავდა და გუნდმა ე.წ. ქამბექის შესრულება შეძლო.

პირველივე ტაიმში რობერტ ლევანდოვსკიმ დუბლი გაიფორმა, მეორე ტაიმის ბოლოს კი ჯერ ლეონ გორეცკამ შეაგდო, შემდგომ კი პოლონელმა კიდევ ერთხელ გაიტანა და საბოლოო ანგარიში 4:2 დააფიქსირა.

გთავაზობთ მატჩის სრულ მიმოხილვას. 

6-03-2021, 23:31

sandro

მეტის ნახვა

გერმანიის ბუნდესლიგის 24-ე ტურში მიუნხენის "ბაიერნმა" საკუთარ კედლებში დორტმუნდის "ბორუსია" მიიღო და ანგარიშით 4:2 დაამარცხა.

გთავაზობთ ფეხბურთელების შეფასებებს გამოცემა Whoscored-ის ვერსიით:

6-03-2021, 23:22

sandro

მეტის ნახვა

"ბაიერნისა" და "დორტმუნდის" პირველი ტაიმის ბოლოს რობერტ ლევანდოვსკიმ თერთმეტმეტრიანი დარტყმით ანგარიში გაათანაბრა.

იხილეთ ვიდეო.

6-03-2021, 22:20

sandro

მეტის ნახვა

"ბაიერნისა" და "დორტმუნდის" შეხვედრის 26-ე წუთზე რობერტ ლევანდოვსკიმ ანგარიშში სხვაობა მინიმუმამდე შეამცირა.

იხილეთ ვიდეო.

6-03-2021, 22:03

sandro

მეტის ნახვა

გერმანიის ბუნდესლიგის 24-ე ტურში მიუნხენის "ბაიერნი" საკუთარ კედლებში დორტმუნდის "ბორუსიას" იღებს.

გთავაზობთ შეხვედრის საყურებელ ლინკებს:

​ლინკი 1 (აჭარასპორტი)​​​

​ლინკი 2​​​

​ლინკი 3​​​

6-03-2021, 21:20

sandro

მეტის ნახვა

გერმანიის ბუნდესლიგიდ 24-ე ტურში მიუნხენის "ბაიერნი" დორტმუნდის "ბორუსიას" მასპინძლობს.

გთავაზობთ გუნდების სასტარტო შემადგენლბებს:

"ბაიერნი": ნოიერი - ზულე, ბოატენგი, ალაბა, დეივისი - კიმიხი, გორეცკა - გნაბრი, მიულერი, კომანი - ლევანდოვსკი.

"დორტმუნდი": ​​ჰიცი - ​​​​​​მუნიე, ზაგადუ, ჰუმელსი, შულცი - დელეაინი, ჯანი - როისი, დაჰუდი, აზარი - ჰოლანდი.

6-03-2021, 20:30

sandro

მეტის ნახვა

მიუნხენის "ბაიერნის" რადარზე მერსისაიდული "ლივერპულის" საკუთრებაში მყოფი მეკარე, ლორის კარიუსი გამოჩნდა.

ბოლო პერიოდში აქტიურად ვრცელდება ინფორმაცია იმის შესახებ, რომ ალექსანდრ ნუბელი სათამაშო დროის სიმცირით უკმაყოფილოა და კლუბს იჯარით გაშვებას სთხოვს. შესაბამისად, "რეკორდმაისტერი" ნოიერის ახალ შემცვლელს ეძებს.

კარიუსი ამჟამად იჯარის წესით "უნიონის" ღირსებას იცავს და საკმაოდ წარმატებითაც. შესაბამისად, კლუბში მიიჩნევენ, რომ ის მეორე მეკარის როლზე იდეალური კანდიდატი იქნება.

წყაროს ცნობით, "ბაიერნი" 27 წლის კიპერის დამატებას ერთწლიანი იჯარით აპირებს. ტრანსფერი იმ შემთხვევაში განხორციელდება, თუ ნუბელი მართლაც დატოვებს კლუბს.

6-03-2021, 13:54

sandro

მეტის ნახვა

ზაფხულის სატრანსფერო ფანჯრის დროს მიუნხენის "ბაიერნი" და მერსისაიდული "ლივერპული" ერთმანეთს დაუპირისპირდებიან.

გერმანული გამოცემა BILD-ის ინფორმაციით, ორივე კლუბი გლადბახის "ბორუსიას" ამომავალი ვარსკვლავის, ფლორიან ნოიჰაუსის შესაძენად იბრძვის.

როგორც ცნობილია, მიუნხენელები 23 წლის ნახევარმცველს დიდი ხანია აკვირდებიან და კმაყოფილები არიან მისი პროგრესით. ახლა კი სატრანსფერო ბრძოლაში "ლივერპულიც" ჩაერთო.

წყაროს ცნობით, ნოიჰაუსის ტრანსფერისთვის ბორუსიული კლუბი 40 მილიონ ევროს ითხოვს.

6-03-2021, 00:32

sandro

მეტის ნახვა