მოგეხსენებათ, მიუნხენის "ბაიერნი" ახალი მარჯვენა მცველის დამატებას გეგმავს, გუნდს კი მთავარ კონკურენტად სატრანსფერო ბაზარზე კატალონიის "ბარსელონა" ევლინება.

კერძოდ, მოგეხსენებათ, რომ "რეკორდმაისტერის" მთავარი სამიზნეები "ნორვიჩის" ამომავალი ვარსკვლავი, მაქს აარონსი და "აიაქსის" მცველი, სერჟინიო დესტი არიან. "ბლაუგრანამ" კი ორივე მათგანის დამატება სცადა.

წყაროს ცნობით, თავდაპირველად კატალონიელებმა ბრიტანელი მცველის დამატება სცადეს, თუმცა, უარი მიიღეს. ამის შემდეგ კი დესტის ტრანსფერზე დაიწყეს მუშაობა.

როგორც ცნობილია, "ბაიერნისთვისაც" მთავარი პრიორიტეტი სწორედ ნიდერლანდელი ფეხბურთელის ტრანსფერია და სავარაუდოდ, კლუბებს სერიოზული ბრძოლა მოუწევთ დესტის გადასაბირებლად.

19-09-2020, 13:20

sandro

მეტის ნახვა

გელზერკიხენის "შალკეს" განადგურების შემდეგ "ბაიერნის" გარემარბმა, ლეროი სანემ პირველი კომენტარი გააკეთა.

"ბიჭებთან ერთად თამაში სასიამოვნო იყო. კარგი დღე გამოვიდა. თავს კომფორტულად ვგრძნობდი და გუნდთან ერთად ყველაფერი გამომდიოდა. დღეს ყველა დამშეული იყო, ყველას გოლის გატანა სურდა."

"შალკეში დიდი დრო გავატარე. მსგავსი მარცხის მიღება სეზონის სტარტზე ძალიან მტკივნეულია. მათ გამო ვწუხვარ." - აცხადებს სანე.

19-09-2020, 01:22

sandro

მეტის ნახვა

მოგეხსენებათ, მიუნხენის "ბაიერნმა" ბუნდესლიგის პირველ ტურში "შალკე" 8:0 გაანადგურა.

გთავაზობთ ქართველების ყველაზე სახალისო კომენტარებს აღნიშნულ მატჩთან დაკავშირებით:

19-09-2020, 01:13

sandro

მეტის ნახვა

მოგეხსენებათ, მიუნხენის "ბაიერნმა" ბუნდესლიგის გახსნით ტურში "შალკე" მიიღო და 8:0 გადაუარა.

მატჩის დასრულების შემდეგ "ჰამბურგის" Twitter-ის გვერდმა ძალიან სახალისო პოსტი გამოაქვეყნა.

"ჩვენ ვნადგურდებოდით "ბაიერნისგან" მანამ, სანამ ეს ჩვეულებრივ ამბად იქცეოდა." - წერს "ჰამბურგის" გვერდი. 

19-09-2020, 01:01

sandro

მეტის ნახვა

რამდენიმე წუთის წინ დასრულდა გერმანიის ბუნდესლიგის გახსნითი ტურის მატჩი, რომელშიც მიუნხენის "ბაიერნმა" გელზერკიხენის "შალკეს" უმასპინძლა და 8:0 გადაუარა.

"რეკორდმაისტერის" მხრიდან ბოლო, მერვე გოლი ამომავალმა ვარსკვლავმა, ჯამალ მუსიალამ გაიტანა, რითაც კლუბის ისტორიაში შევიდა.

კერძოდ, გოლის მომენტში მუსიალა მხოლოდ 17 წლისა და 205 დღის გახლდათ, რითაც ის "ბაიერნის" ყველაზე ახალგაზრდა გოლის ავტორი გახდა ბუნდესლიგის ისტორიაში.

19-09-2020, 00:48

sandro

მეტის ნახვა

მიუნხენის "ბაიერნის" ახალწვეულმა, ლეროი სანემ გუნდის მაისურით სადებიუტო გოლი გაიტანა.

იხილეთ ვიდეო.

19-09-2020, 00:40

sandro

მეტის ნახვა

ბუნდესლიგის გახსნით ტურში მიუნხენის "ბაიერნმა" გელზერკიხენის "შალკე" მიიღო და გამანადგურებელი სხვაობით, 8:0 დაამარცხა.

იხილეთ ფეხბურთელების შეფასებები Whoscored-ის ვერსიით.

19-09-2020, 00:20

sandro

მეტის ნახვა

მიუნხენის "ბაიერნისა" და "შალკეს" შეხვედრის მეექვსე გოლი თომას მიულერმა ულამაზესი კომბინაციის შემდეგ გაიტანა.

გერმანელმა შემტევმა მრავალსვლიანი კომბინაციის შემდეგ ლევანდოვსკისგან რაბონას სტილში მიიღო გადაცემა და ლამაზად დააგვირგვინა.

იხილეთ გოლი.

19-09-2020, 00:13

sandro

მეტის ნახვა

მიუნხენის "ბაიერნის" მეოთხე გოლის დროს ლეროი სანემ საოცარი სპრინტი გააკეთა.

იხილეთ ვიდეო.

18-09-2020, 23:59

sandro

მეტის ნახვა

მიუნხენის "ბაიერნის" აწ უკვე ყოფილმა ნახევარმცველმა, ტიაგო ალკანტარამ გულშემატკივრებს გამოსამშვიდობებელი წერილი გაუგზავნა.

"ეს ჩემს კარიერაში ყველაზე რთული გადაწყვეტილება იყო. გადავწყვიტე, დამეხურა თავი, რომელსაც მსოფლიოს საუკეთესო კლუბი ჰქვია. კლუბი, რომელმაც ყველაფერი მომცა და 7 წლის მანძილზე ძალიან განვვითარდი."

"გამარჯვებები, წარმატებები, სასიხარულო და ხანდახან რთული მომენტები. მაგრამ, ყველაზე ბედნიერი ადამიანი ვარ, რომ ჩამოვედი მიუნხენში ახალგაზრდა მამაკაცი, რომელსაც ჰქონდა ოცნებები და აქ ცხოვრების განმავლობაში განვახორციელე ეს ოცნებები. აქ ვისწავლე სიყვარული და ტრადიციების პატივისცემა. ახლა უნდა დაგემშვიდობოთ, მაგრამ, არასდროს დამავიწყდება: Mia San Mia"

"მე და ჩემმა ოჯახმა გასაოცარ ადგილას ვიცხოვრეთ. მე მიყვარს ეს ქალაქი და ოჯახი, რომელსაც "ბაიერნი" ჰქვია."

"ჩემი გადაწყვეტილება მთლიანად სპორტული კუთხით არის მიღებული. მსურდა, ახალი გამოწვევების მიღება და სწორედ ამიტომ ვტოვებ მიუნხენს."

"ბაიერნი მუდამ ჩემს გულში იქნება. დიდი მადლობა და ნახვამდის." - წერს ტიაგო.

18-09-2020, 17:19

sandro

მეტის ნახვა

დღეს ბუნდესლიგის გახსნითი ტურის მატჩი გაიმართება, რომელშიც მიუნხენის "ბაიერნი" გელზერკიხენის "შალკეს" უმასპინძლებს.

კინგსლი კომანის შემდეგ "რეკორდმაისტერს" მომდევნო დაპირისპირებაში კიდევ ერთი მნიშვნელოვანი ფეხბურთელი ვერ დაეხმარება. კერძოდ, საუბარია დავიდ ალაბაზე.

გერმანული გამოცემების ინფორმაციით, ავსტრიელ მცველს კუნთზე პრობლემები აქვს, რის გამოც ის დღევანდელ მატჩში მონაწილეობას ვერ მიიღებს.

შეგახსენებთ, რომ "ბაიერნს" ასევე კომანი აკლია. ფრანგი მცველი კორონავირუსიან ადამიანთან კონტაქტის გამო თვითიზოლაციაში იმყოფება.

18-09-2020, 16:32

sandro

მეტის ნახვა

მიუნხენის "ბაიერნის" აწ უკვე ყოფილი ნახევარმცველი, ტიაგო ალკანტარა კარიერას მერსისაიდულ "ლივერპულში" გააგრძელებს.

ესპანელი ნახევარმცველი "რეკორდმაისტერის" რიგებში 2013 წლიდან ირიცხებოდა და მას შემდეგ კლუბთან ერთად 7 ბუნდესლიგა და 1 ჩემპიონთა ლიგა მოიგო.

"მუდამ ბაიერნის მადლობელი ვიქნები. ბავარია ყოველთვის ჩემი სახლი იქნება." - წერს ტიაგო სოციალურ ქსელში.

როგორც ცნობილია, ალკანტარა "ლივერპულს" 30 მილიონი ევროს სანაცვლოდ შეუერთდა.

18-09-2020, 14:31

sandro

მეტის ნახვა

რამდენიმე დღის წინ მიუნხენის "ბაიერნის" მარცხენა მცველმა, ლუკას ერნანდესმა განაცხადა, რომ ის გუნდიდან წასვლას არ გამორიცხავს.

გამოცემა Cadena Ser-ის ინფორმაციით, ფრანგი ფეხბურთელის ტრანსფერი მართლაც საკმაოდ რეალურია და შესაძლოა, მან მიმდინარე სატრანსფერო ფანჯრის დროსვე დატოვოს კლუბი.

წყაროს ცნობით, 24 წლის ფეხბურთელის დამატებით ყველაზე მეტად "პსჟ" არის დაინტერესებული. ლუკასის ტრანსფერში პირადად კილიან მბაპეც არის ჩართული, რომელიც აქტიურად წერს მის თანაგუნდელს ნაკრებში და არწმუნებს პარიზში გადაბარგების დადებით მხარეებში.

შეგახსენებთ, რომ ლუკასი "ბაიერნის" რიგებს 2019 წელს შეუერთდა სარეკორდო თანხად, 80 მილიონ ევროდ.

18-09-2020, 00:09

sandro

მეტის ნახვა

24 სექტემბერს UEFA-ს სუპერთასის შეხვედრა გაიმართება, რომელშიც მიუნხენის "ბაიერნი" ანდალუსიის "სევილიას" დაუპირისპირდება.

სამწუხაროდ, აღნიშნულ მატჩში მონაწილეობის მიღებას ვერ მოახერხებს "რეკორდმაისტერის" გარემარბი, კინგსლი კომანი, მიზეზი კი კორონავირუსის შეზღუდვაა.

კერძოდ, ფრანგს ერთ-ერთ ინფიცირებულთან ჰქონდა შეხება. მიუხედავად იმისა, რომ მას ტესტზე უარყოფითი პასუხი მიუვიდა, პროტოკოლის მიხედვით 14 დღის მანძილზე კარანტინის გავლა მოუწევს.

დიდი ალბათობით, კომანი ბუნდესლიგის მეორე ტურის მატჩსაც გამოტოვებს, რომელიც "ჰოფენჰაიმის" წინააღმდეგ გაიმართება და სწორედ ამის შემდეგ დაუბრუნდება გუნდს.

17-09-2020, 23:47

sandro

მეტის ნახვა

ევროპული ფეხბურთის მმართველმა ორგანომ პოზიციების მიხედვით გასული სეზონის საუკეთესო ფეხბურთელის პრიზისთვის მებრძოლთა გვარები დაასახელა.

გასაკვირი არ იქნება თუ გეტყვით, რომ ყველა პოზიციაზე მიუნხენის "ბაიერნის" ფეხბურთელები ჭარბობენ.

გთავაზობთ ყველა ნომინანტის სიას:

მეკარე: კეილორ ნავასი, იან ობლაკი, მანუელ ნოიერი.

მცველი: დავიდ ალაბა, ალფონსო დეივისი, იოზუა კიმიხი.

ნახევარმცველი: კევინ დე ბრუინი, ტიაგო ალკანტარა, თომას მიულერი.

თავდამსხმელი: კილიან მბაპე, ნეიმარი, რობერტ ლევანდოვსკი.

17-09-2020, 18:17

sandro

მეტის ნახვა

პარასკევს გერმანიის ბუნდესლიგის გახსნითი მატჩი გაიმართება, რომელშიც მიუნხენის "ბაიერნი" გელზერკიხენის "შალკეს" უმასპინძლებს.

გერმანიის მთავრობის გადაწყვეტილებით, საფეხბურთო მატჩებზე მაყურებლების დასწრება დაიშვა და ხვალ "ალიანს არენაზე" 7500 გულშემატკივარს ელოდნენ, თუმცა, როგორც ჩანს ხვალ კვლავ ცარიელ ტრიბუნებს ვიხილავთ.

ქალაქ მიუნხენის მერიის გადაწყვეტილებით, ხვალინდელი შეხვედრა დახურულ კარს მიღმა გაიმართება. დიდი ალბათობით, ეს შეზღუდვა მხოლოდ მიუნხენში ჩასატარებელ მატჩს ეხება და ბუნდესლიგის სხვა შეხვედრებში ფანების ხილვას მოვახერხებთ.

17-09-2020, 16:25

sandro

მეტის ნახვა