გერმანიის ბუნდესლიგის მეოთხე ტურში მიუნხენის "ბაიერნი" ბიელფილდის "არმინიას" ესტუმრება.

მატჩის დაწყებამდე ერთი საათით ადრე "რეკორდმაისტერის" მთავარმა მწვრთნელმა, ჰანს ფლიკმა სასტარტო თერთმეტეული დაასახელა.

ნოიერი - პავარი, ზულე, ალაბა, ერნანდესი - გორეცკა, ტოლისო - გნაბრი, მიულერი, კომანი - ლევანდოვსკი.

17-10-2020, 19:28

sandro

მეტის ნახვა

მიუნხენის "ბაიერნი" თავისი სატრანსფერო პოლიტიკით გამოირჩევა. გუნდი იშვიათად ხარჯავს ასტრონომიულ თანხებს, თუმცა, ტრანსფერების უმრავლესობა მაინც ამართლებს ხოლმე და ამაზე უახლესი ისტორიიდან მანუელ ნოიერისა და რობერტ ლევანდოვსკის დამატებაც ამტკიცებს.

თუმცა, ყოფილა შემთხვევები, როდესაც "რეკორდმაისტერის" რიგებში ფეხბურთელები დიდი იმედებით მოსულან, მაგრამ, შემდეგ უკვალოდ გამქრალან. ამ სტატიაში გთავაზობთ გუნდის ისტორიაში 5 ყველაზე "ჩაფლავებულ" ტრანსფერს.

მარსელ იანსენი - გერმანელი მარცხენა მცველი 2007 წელს დიდი იმედებით შეუერთდა. კლუბმა მის სანაცვლოდ 14 მილიონი ევრო გადაიხადა, რაც იმ დროისთვის ძალიან დიდ თანხად მიიჩნეოდა. მას ბისენტ ლიზარაზუსა და ზე რობერტოს მომავალს უწინასწარმეტყველებდნენ, მაგრამ ხშირი ტრავმიანობისა და მთავარ მწვრთნელ, იურგენ კლინსმანთან კონფლიქტის შემდეგ 2008 წელს ის "ჰამბურგში" გაყიდეს. იანსენმა კარიერა 29 წლის ასაკში დაასრულა და ამჟამად "ჰამბურგის" პრეზიდენტია.

ხოსე ერნესტო სოსა - სამხრეთ ამერიკელი, რომელსაც უდიდეს მომავალს უწინასწარმეტყველებდნენ, მაგრამ პოტენციალის გამოვლენა ვერ მოახერხა. იანსენის მსგავსად ისიც 2007 წელს მოვიდა გუნდში. სოსას ბრწყინვალე მოედნის ხედვა, საგოლე პასის ალღო და შეტევითი უნარები ჰქონდა. თავდაპირველად მან მიუნხენში კარგად დაიწყო, მაგრამ, ძირითად შემადგენლობაში ადგილი ვერ მოიკიდა და 2010 წელს დატოვა კლუბი. ამის შემდეგ სოსამ არაერთი კლუბი გამოიცვალა და ამჟამად თურქული "ტრაბზონის" ღირსებას იცავს.

ლუკაშ პოდოლსკი - ლუკაში გერმანული ფეხბურთის ლეგენდად ითვლება. ეროვნულ ნაკრებში ჩატარებულ 130 მატჩში 49 გოლი გაიტანა და 2014 წელს მსოფლიოს ჩემპიონიც გახდა. მაგრამ, მისი მიუნხენური კარიერა ისე ვერ აეწყო, როგორც ვარაუდობდნენ. "კიოლნში" ბრწყინვალე სეზონების შემდეგ ფეხბურთელი "რეკორდმაისტერს" 2006 წელს, 10 მილიონ ევროდ შეუერთდა, მაგრამ ტრავმების გამო ის ლუკა ტონისა და მიროსლავ კლოზეს შემცვლელად იქცა. სამწლიანი ცუდი მიუნხენური კარიერის შემდეგ კი ის კვლავ "კიოლნში" დაბრუნდა.

ჟან პიერ პაპინი - ოქროს ბურთის მფლობელი ფეხბურთელი, რომელმაც "რეკორდმაისტერის" რიგებში ვერ გაამართლა. ფრანგული ფეხბურთის ლეგენდამ 1991 წელს მსოფლიოში საუკეთესოდ დაასახელეს, რის შემდეგაც "მილანს" შეუერთდა, 3 წლის შემდეგ კი "ბაიერნს". კლუბმა მის სანაცვლოდ 3 მილიონი ევრო გადაიხადა, რაც ამ დროისთვის სერიოზულ თანხად ითვლებოდა. ბრწყინვალე საგოლე ალღოს მქონე ფეხბურთელისგან ყველა უდიდეს წარმატებებს ელოდა, თუმცა, სამწუხაროდ ტრავმების გამო მისი კარიერა მიუნხენში ვერ აეწყო. მან გუნდთან ერთად მხოლოდ ერთი ტიტული, უეფას თასი მოიგო და ორწლიანი წარუმატებელი კარიერის შემდეგ დატოვა კიდეც "ბაიერნი".

ბრენო ბორხესი - 18 წლის ბრაზილიელი ცენტრალური მცველი "რეკორდმაისტერს" 2008 წელს შეუერთდა. იმ დროს ბრენოსთვის ევროპული გრანდები გამალებით იბრძოდნენ და საბოლოოდ მცველისთვის საკმაოდ სოლიდურ ფასად, 12 მილიონ ევროდ შეძლო "ბაიერნმა" მისი გადაბირება. ბორხესი კლუბის დიდი გეგმის ნაწილი იყო და მას თანამემამულე ლუსიო უნდა ჩაენაცვლებინა. მძიმე ტრავმების შემდეგ ბრაზილიელმა "რეკორდმაისტერში" ადგილის დამკვიდრება ვერ მოახერხა და ის "ნიურნბერგში" გაანათხოვრეს, დაბრუნებიდან მალევე კი სულაც გაყიდეს. ამჟამად ბრენო სამშობლოში, "ვასკო და გამას" ღირსებას იცავს.

17-10-2020, 13:21

sandro

მეტის ნახვა

ბუნდესლიგის მე-4 ტურში მიუნხენის "ბაიერნი" ბიელფილდის "არმინიას" ესტუმრება.

გთავაზობთ "რეკორდმაისტერის" სავარაუდო თერთმეტეულს მომავალი დაპირისპირებისთვის.

ნოიერი - პავარი, ზულე, ერნანდესი, დეივისი - ხავი მარტინესი, გორეცკა - გნაბრი, მიულერი, კომანი - ლევანდოვსკი.

16-10-2020, 20:53

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა ლეროი სანეს ჯანმრთელობის მდგომარეობაზე ისაუბრა.

"ამჟამად დაბრუნების ზუსტი თარიღის თქმა არ შემიძლია. თუმცა, მან ვარჯიში უკვე განაახლა და კარგად გამოიყურება."

"მან ადრე ჯვარედინი მყესები გაიწყვიტა და პრობლემა სავარაუდოდ ამას უკავშირდება. დამატებითი დიაგნოსტიკის შემდეგ უფრო დეტალურად გავიგებთ პასუხს." - აცხადებს ფლიკი.

შეგახსენებთ, რომ სანემ დაზიანების გამო ბუნდესლიგის ბოლო 2 მატჩი გამოტოვა. თავდაპირველი მონაცემებით ის 4 კვირაში უნდა დაბრუნებულიყო. ის დიდი ალბათობით თვის ბოლოდან შეძლებს გუნდის დახმარებას.

16-10-2020, 18:28

sandro

მეტის ნახვა

მიუნხენის "ბაიერნის" ახალწვეულმა, ერიკ ჩუპო-მოტინგმა "დურენთან" გამართული შეხვედრის შემდეგ პირველი კომენტარი გააკეთა.

"ბედნიერი ვარ "ბაიერნში" ჩემი დებიუტით და ორი გოლის გატანით. სათასო მატჩებს თავისი წესები აქვს, სადაც აუცილებლად გამარჯვება არის საჭირო. ამაყი ვარ, რომ ამ გუნდის მაისურს ვატარებ."

"ლევანდოვსკის ძალიან დიდ პატივს ვცემ. ვფიქრობ, დაიმსახურა მან სეზონის საუკეთესო მოთამაშის ტიტული. ჩემი სათამაშო დრო სტილზე არის დამოკიდებული. გამიხარდება, თუ ჩვენ ერთდროულად მოგვეცემა მინდორზე გასვლის უფლება."

"უკვე 100%-ით "ბაიერნის" ფეხბურთელად ვგრძნობ თავს როგორც მინდორზე, ასევე მის გარეთ. დროდადრო კიდევ პროგრესს ყველა დაინახავთ. წარმატებისთვის ყველაფერს გავაკეთებ." - აცხადებს ჩუპო-მოტინგი.

16-10-2020, 16:10

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "დურენთან" მატჩის შემდეგ პირველი კომენტარი გააკეთა.

"დურენმა თავიდანვე საკმაოდ კარგად დაიწყო და გვაჩვენეს, რომ აქ ყოფნას ისმახურებდნენ. საბოლოო ჯამში კარგი გამარჯვება მოვიპოვეთ და მოხარულები ვართ შემდეგ ეტაპზე გასვლით."

"მაქსიმი გუნდში ადვილად ინტეგრირდა და კმაყოფილი ვარ მისი თამაშით. ახლა ზირკზესთან ერთად უკვე 3 თავდამსხმელი გვყავს, რაც საკმარისია."

"ახალ ფეხბურთელებს ჯერ-ჯერობით საკუთარი ძალების 100% არ უჩვენებიათ. მათ კარგი პირველი შეხვედრა ჩაატარეს, თუმცა, ეს მხოლოდ დასაწყისია. წინ რთული სეზონი გველოდება."

"მარკ როკა პოზიციურად კარგად თამაშობდა როგორც ბურთთან, ასევე მის გარეშე. თუმცა, ზოგჯერ ზედმეტად ღრმად ჩადიოდა მეტოქის საჯარიმოსთან. ამაზე ვიმუშავებთ და გამოვასწორებთ."

"რაც შეეხება ნაკრების გაწვრთნას. ლიოვს თავისი ფილოსოფია აქვს, რომელსაც უნდა ვენდოთ. ის ჩემგან სრულ მხარდაჭერას იღებს, რადგან დიდებული მწვრთნელი და ადამიანია. მე კლუბის მწვრთნელი ვარ, რომლის მიზანიც არის ფეხბურთელების ნაკრებისთვის მომზადება და უახლოეს პერიოდში ამ მხრივ ცვლილებას არ ვგეგმავ." - აცხადებს ფლიკი.

16-10-2020, 14:35

sandro

მეტის ნახვა

გერმანიის თასის პირველ ეტაპზე მიუნხენის "ბაიერნი" დაბალლიგელ "დურენს" დაუპირისპირდა და ანგარიშით 3:0 დაამარცხა.

მატჩის შემდგომ ბევრმა 2018 წელს დაარსებული კლუბის პრეზიდენტის სიტყვები გაიხსენა, რომელიც მან Bild-თან საუბრის დროს ახსენა.

"ჩვენ გვსურს, რომ "ბარსელონასა" და "შალკეს" ვაჯობოთ. მინდორზე გამოვალთ და ვეცდებით, ღირსეული წინააღმდეგობა გავუწიოთ მეტოქეს." - განაცხადა დირკ რურიგმა მატჩამდე.

16-10-2020, 01:06

sandro

მეტის ნახვა

სათასო შეხვედრის დროს მიუნხენის "ბაიერნის" ახალწვეულმა, ერიკ ჩუპო-მოტინგმა პირველი გოლი გაიტანა ახალი გუნდის მაისურით.

იხილეთ ვიდეო.

15-10-2020, 23:13

sandro

მეტის ნახვა

გერმანიის თასის პირველ ეტაპზე მიუნხენის "ბაიერნი" მეხუთელიგელ "დურენს" უპირისპირდება.

მატჩის დაწყებამდე ერთი საათით ადრე "რეკორდმაისტერის" მთავარმა მწვრთნელმა, ჰანს ფლიკმა სასტარტო თერთმეტეული დაასახელა.

ნუბელი - სარი, ზულე, ბოატენგი, დეივისი - ხავი მარტინესი, როკა - დუგლას კოშტა, მიულერი, მუსიალა - ჩუპო მოტინგი.

15-10-2020, 21:44

sandro

მეტის ნახვა

ავტორიტეტული ფრანგული გამოცემა France Football წელს ყველა დროის მსოფლიოს საუკეთესო თერთმეტეულს დაასახელებს.

გამოცემამ უკვე გამოაქვეყნა მეკარისა და დაცვის ხაზის პოზიციებზე ნომინირებული მოთამაშეები, სადაც არაერთი მიუნხენელი მოხვდა. ამჯერად კი ცნობილი გახდა ნახევარმცველების სია.

საყრდენი ნახევარმცველების სიაში მიუნხენის "ბაიერნიდან" ორი ფეხბურთელი, ლოთარ მათეუსი და ჩაბი ალონსო მოხვდნენ. რაც შეეხება შემტევ ნახევარმცველს, აქ სამწუხაროდ ვერცერთი ბავარიელი ვერ მოხვდა.

სრული სია შემდეგნაირად გამოიყურება:

15-10-2020, 15:17

sandro

მეტის ნახვა

2020 წლის საუკეთესო ახალგაზრდა ფეხბურთელის ტიტულისთვის მებრძოლი 20 მოთამაშის ვინაობა ცნობილია.

"ოქროს ბიჭის" პრიზისთვის სხვა მონაწილეებთან ერთად მიუნხენის "ბაიერნის" ამომავალი ვარსკვლავი, ალფონსო დეივისიც იბრძოლებს.

აღნიშნული ტიტული იტალიურმა გამოცემა Tuttosport-მა 2003 წელს დააწესა და გადაეცემა 21-წლამდე საუკეთესო ფეხბურთელს. კარიერის მანძილზე პრიზი მიუღიათ ისეთ ფეხბურთელებს, როგორებიც არიან ლეო მესი, კილიან მბაპე და სხვები.

ხმის მიცემა ​ამ ლინკის საშუალებით შეგიძლიათ.​​​

2020 წელს მებრძოლი კანდიდატების სრული სია შემდეგნაირად გამოიყურება:

15-10-2020, 15:04

sandro

მეტის ნახვა

მიუნხენის "ბაიერნის" გამოცდილ ფეხბურთელს, ჟერომ ბოატენგს პატიმრობა ემუქრება. აღნიშნულ ინფორმაციას გერმანული გამოცემა Bild ავრცელებს.

როგორც ცნობილია, 32 წლის ფეხბურთელს ბრალად ედება ძალადობა თავის მეუღლეზე, შერინ სენლერზე.

წყაროს ცნობით, შემთხვევა 2018 წელს მოხდა, როდესაც წყვილი ერთად იმყოფებოდა დასასვენებლად. არსებობს მომხდარი ფაქტის ვიდეომტკიცებულებაც და ბრალის დამტკიცების შემთხვევაში ბოატენგს 5 წლამდე პატიმრობა ემუქრება.

თავად ფეხბურთელი მომხდარს უარყოფს და უსაფუძლო ბრალდებას უწოდებს. სასამართო 10 დეკემბერს გაიმართება.

15-10-2020, 14:27

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა იოახიმ ლიოვის მდგომარეობაზე ისაუბრა.

"ვფიქრობ, რაც ახლა ნაკრების ირგვლივ ხდება ყველაფერი ზედმეტად გაზვიადებულია. ლიოვი საქმეს თავს ძალიან კარგად ართმევს. მას ისეთი ხალხი აკრიტიკებს, რომლებსაც ბურთისთვის ფეხი 25 წელია არ შეუხია." - აცხადებს ფლიკი.

შეგახსენებთ, რომ ლიოვი გერმანიის ნაკრების მიერ ბოლო დროს ნაჩვენები შედეგების გამო არაერთმა გერმანელმა ლეგენდარულმა ფეხბურთელმა გააკრიტიკა.

15-10-2020, 00:44

sandro

მეტის ნახვა

პოლონეთისა და ბოსნიის ეროვნული ნაკრებების დაპირისპირებაში რობერტ ლევანდოვსკიმ გოლისა და საგოლე გადაცემის შესრულება მოახერხა.

გთავაზობთ "ბაიერნის" ფორვარდის შესანიშნავ გადაცემას.

იხილეთ ვიდეო.

14-10-2020, 23:35

sandro

მეტის ნახვა

მიუნხენის "ბაიერნის" სპორტულმა დირექტორმა, ჰასან სალიჰამიჯიჩმა გასული სატრანსფერო ფანჯრის შესახებ ისაუბრა.

"ბუნა სარი დიდი ხნის მანძილზე იყო ჩვენი თვალთახედვის არეში. მას კარგი შეტევითი და დაცვითი უნარები აქვს, რაც გუნდს მრავალფეროვნებას შესძენს. ეს მწვრთნელს არჩევანში დაეხმარება."

"ვიცოდით, რომ დუგლას კოშტა ტრანსფერზე იყო დაყენებული და ჩვენ სწრაფად ვიმოქმედეთ. მას ყველა კარგად ვიცნობთ და ვიცით მისი შესაძლებლობები. რაც შეეხება ჩუპო-მოტინგს, ლისაბონში ჩემპიონთა ლიგაზე მისი გამოსვლა ვნახეთ. მისი ხასიათი გუნდს გამოადგება."

"კინგსლი კომანის წასვლას? ამაზე საერთოდ არ ვფიქრობ. ის ჩვენი გუნდის ერთ-ერთი მნიშვნელოვანი წევრია და ჩემპიონთა ლიგის ფინალში გატანილმა გოლმა ყველაფერი დაამტკიცა."

"დესტის შეძენა გვინდოდა, არ ვუარყოფ, თუმცა, ზოგჯერ ტრანსფერების დასრულება რთულია, რადგან ყველას განსხვავებული სურვილები აქვს. მთავარია, სწორი ალტერნატივა იპოვო. ასევე ჰადსონ-ოდოის შეძენასაც ვცდილობდით, თუმცა კლუბთან შეთანხმებას ვერ მივაღწიეთ." - აცხადებს სალიჰამიჯიჩი.

14-10-2020, 21:04

sandro

მეტის ნახვა

მიუნხენის "ბაიერნისა" და გერმანიის ეროვნული ნაკრების ლეგენდარულმა ფეხბურთელმა, ლოთარ მათეუსმა ის 23 მოთამაშე დაასახელა, რომლებმაც მისი აზრით ევროპის ჩემპიონატზე უნდა იასპარეზონ.

მათეუსის აზრით, ეროვნულ გუნდში უნდა დაბრუნდნენ ისეთი ფეხბურთელები, როგორებიც არიან თომას მიულერი და მატს ჰუმელსი.

სრული შემადგენლობა ასე გამოიყურება:

14-10-2020, 18:04

sandro

მეტის ნახვა