მიუნხენის "ბაიერნის" მთავარმა მწვრთნელმა, ჰანს ფლიკმა ბიელფილდში მოპოვებული 3 ქულსი შემდეგ პირველი კომენტარი გააკეთა.

"გარკვეულ სიტუაციებში უკეთესად გვმართებდა თავის დაცვა. თუმცა, მოსამზადებლად მცირე დრო გვქონდა და ეს შეცდომები ამით აიხსნება."

"უკან პასი არ იყო საჭირო. ტოლისოს შეეძლო ამ სიტუაციაში უკეთესად მოქმედება. ვფიქრობ, საბოლოო ჯამში ეს ძალიან სულელური წითელი ბარათი იყო."

"დუგლას კოშტას საჯარიმო დარტყმის დროს ჩაწოლა ლუკასმა მოსთხოვა. როგორც წესი ამას გუნდში იოზუა კიმიხი აკეთებს ხოლმე."

"ბავშვის დაბადება გაცილებით უფრო მეტია, ვიდრე ფეხბურთი. მას შეეძლო დღეს ჩამოფრენილიყო თამაშისთვის და ხვალ დაბრუნებულიყო, თუმცა, მის მდგომარეობაში შევედი და ოჯახთან დროის გატარების საშუალება მივეცი." - აცხადებს ფლიკი.

17-10-2020, 23:57

sandro

მეტის ნახვა

"არმინიასთან" მნიშვნელოვანი გამარჯვების მოპოვების შემდეგ მიუნხენის "ბაიერნის" ლიდერმა, რობერტ ლევანდოვსკიმ პირველი კომენტარი გააკეთა.

"ძალიან კარგი პირველი ტაიმი ჩავატარეთ და ეს ყველაფერი შედეგზეც აისახა. რაც შეეხება მეორე ტაიმს, მოვდუნდით და შედარებით ნელები ვიყავით."

"მეოთხე გოლის გატანის შემდეგ თითქმის არაფერი გაგვიკეთებია, თუმცა, რაც მთავარია 3 ქულა ავიღეთ, ეს კი განსაკუთრებით მნიშვნელოვანი იყო სანაკრებო პაუზის შემდეგ." - აცხადებს ლევანდოვსკი.

17-10-2020, 23:28

sandro

მეტის ნახვა

მიუნხენის "ბაიერნის" კაპიტანმა, მანუელ ნოიერმა "არმინიას" დამარცხების შემდეგ პირველი კომენტარი გააკეთა.

"კარგი შეხვედრა ჩავატარეთ და ხასიათი გამოვავლინეთ. მსურს, რომ "არმინიას" მებაღე შევაქო. მოედნის საფარი ბრწყინვალე მდგომარეობაში გამოიყურებოდა."

"ამ ფაქტორმა დიდი უპირატესობა მოგვცა, განსაკუთრებით კი პირველ ტაიმში. აქ თამაში ნამდვილად სასიამოვნო გახლდათ."

"მნიშვნელოვანი 3 ქულა მოვიპოვეთ, ახლა კი შემდეგი მატჩისთვის უნდა მოვემზადოთ, რომელიც მალე გვიწევს." - აცხადებს მანუ.

17-10-2020, 23:21

sandro

მეტის ნახვა

ბუნდესლიგის მეოთხე ტურში მიუნხენის "ბაიერნი" ბიელფილდის "არმინიას" ესტუმრა და ანგარიშით 1:4 დაამარცხა.

ამ მატჩის წყალობით მიუნხენურმა გრანდმა მორიგი, ახალი რეკორდი დაამყარა.

კერძოდ, "ბაიერნს" ბუნდესლიგის საწყის ოთხ ტურში უკვე 17 გოლი აქვს გატანილი. მსგავსი შედეგი კი ჩემპიონატის სტარტზე ისტორიაში არცერთ კლუბს არ ჰქონია.

შეგახსენებთ, რომ "რეკორდმაისტერმა" ამ ტურებში 4-4 გოლი გაუტანა "ჰერტასა" და "არმინიას", "შალკეს" კარი სულაც 8-ჯერ დალაშქრა, "ჰოფენჰაიმთან" კი ანგარიშით 4:1 დამარცხდა.

17-10-2020, 22:46

sandro

მეტის ნახვა

ბუნდესლიგის მეოთხე ტურში მიუნხენის "ბაიერნი" ბიელფილდის "არმინიას" ესტუმრა და დამაჯერებელი სხვაობით, 1:4 დაამარცხა.

გთავაზობთ ფეხბურთელების შეფასებებს გამოცემა Whoscored-ის ვერსიით.

17-10-2020, 22:22

sandro

მეტის ნახვა

ბუნდესლიგის მეოთხე ტურში მიუნხენის "ბაიერნი" ბიელფილდის "არმინიას" სტუმრობს.

შეხვედრის პირველ ტაიმში "რეკორდმაისტერის" ლიდერმა, რობერტ ლევანდოვსკიმ დუბლის შესრულება მოახერხა, რითაც კიდევ ერთი ბრწყინვალე მიღწევა დაამყარა.

კერძოდ, პოლონელ თავდამსხმელს კარიერის განმავლობაში უკვე ბუნდესლიგის მიმდინარე სეზონში მონაწილე ყველა, თვრამეტივე გუნდის კარში აქვს გოლი გატანილი.

მოგეხსენებათ, "არმინია" გერმანიის პირველ ლიგაში მიმდინარე სეზონში აღზევდა და როგორც ხედავთ, პოლონელმა პირველივე მატჩში შეძლო მათი კარის დალაშქვრა.

17-10-2020, 21:26

sandro

მეტის ნახვა

"არმინიასა" და "ბაიერნის" შეხვედრის 26-ე წუთზე რობერტ ლევანდოვსკიმ გუნდი ორამდე დააწინაურა.

იხილეთ გოლი.

17-10-2020, 21:02

sandro

მეტის ნახვა

"არმინიასა" და "ბაიერნის" შეხვედრის მერვე წუთზე თომას მიულერმა რობერტ ლევანდოვსკის ლამაზი გადაცემის შემდეგ გოლის გატანა მოახერხა.

იხილეთ ვიდეო.

17-10-2020, 20:47

sandro

მეტის ნახვა

ბუნდესლიგის მეოთხე ტურში მიუნხენის "ბაიერნი" ბიელფილდის "არმინიას" სტუმრობს.

გთავაზობთ მატჩის საყურებელ ლინკებს:

ლინკი 1

ლინკი 2

ლინკი 3

​ლინკი 4​​​

17-10-2020, 20:20

sandro

მეტის ნახვა

გერმანიის ბუნდესლიგის მეოთხე ტურში მიუნხენის "ბაიერნი" ბიელფილდის "არმინიას" ესტუმრება.

მატჩის დაწყებამდე ერთი საათით ადრე "რეკორდმაისტერის" მთავარმა მწვრთნელმა, ჰანს ფლიკმა სასტარტო თერთმეტეული დაასახელა.

ნოიერი - პავარი, ზულე, ალაბა, ერნანდესი - გორეცკა, ტოლისო - გნაბრი, მიულერი, კომანი - ლევანდოვსკი.

17-10-2020, 19:28

sandro

მეტის ნახვა

მიუნხენის "ბაიერნი" თავისი სატრანსფერო პოლიტიკით გამოირჩევა. გუნდი იშვიათად ხარჯავს ასტრონომიულ თანხებს, თუმცა, ტრანსფერების უმრავლესობა მაინც ამართლებს ხოლმე და ამაზე უახლესი ისტორიიდან მანუელ ნოიერისა და რობერტ ლევანდოვსკის დამატებაც ამტკიცებს.

თუმცა, ყოფილა შემთხვევები, როდესაც "რეკორდმაისტერის" რიგებში ფეხბურთელები დიდი იმედებით მოსულან, მაგრამ, შემდეგ უკვალოდ გამქრალან. ამ სტატიაში გთავაზობთ გუნდის ისტორიაში 5 ყველაზე "ჩაფლავებულ" ტრანსფერს.

მარსელ იანსენი - გერმანელი მარცხენა მცველი 2007 წელს დიდი იმედებით შეუერთდა. კლუბმა მის სანაცვლოდ 14 მილიონი ევრო გადაიხადა, რაც იმ დროისთვის ძალიან დიდ თანხად მიიჩნეოდა. მას ბისენტ ლიზარაზუსა და ზე რობერტოს მომავალს უწინასწარმეტყველებდნენ, მაგრამ ხშირი ტრავმიანობისა და მთავარ მწვრთნელ, იურგენ კლინსმანთან კონფლიქტის შემდეგ 2008 წელს ის "ჰამბურგში" გაყიდეს. იანსენმა კარიერა 29 წლის ასაკში დაასრულა და ამჟამად "ჰამბურგის" პრეზიდენტია.

ხოსე ერნესტო სოსა - სამხრეთ ამერიკელი, რომელსაც უდიდეს მომავალს უწინასწარმეტყველებდნენ, მაგრამ პოტენციალის გამოვლენა ვერ მოახერხა. იანსენის მსგავსად ისიც 2007 წელს მოვიდა გუნდში. სოსას ბრწყინვალე მოედნის ხედვა, საგოლე პასის ალღო და შეტევითი უნარები ჰქონდა. თავდაპირველად მან მიუნხენში კარგად დაიწყო, მაგრამ, ძირითად შემადგენლობაში ადგილი ვერ მოიკიდა და 2010 წელს დატოვა კლუბი. ამის შემდეგ სოსამ არაერთი კლუბი გამოიცვალა და ამჟამად თურქული "ტრაბზონის" ღირსებას იცავს.

ლუკაშ პოდოლსკი - ლუკაში გერმანული ფეხბურთის ლეგენდად ითვლება. ეროვნულ ნაკრებში ჩატარებულ 130 მატჩში 49 გოლი გაიტანა და 2014 წელს მსოფლიოს ჩემპიონიც გახდა. მაგრამ, მისი მიუნხენური კარიერა ისე ვერ აეწყო, როგორც ვარაუდობდნენ. "კიოლნში" ბრწყინვალე სეზონების შემდეგ ფეხბურთელი "რეკორდმაისტერს" 2006 წელს, 10 მილიონ ევროდ შეუერთდა, მაგრამ ტრავმების გამო ის ლუკა ტონისა და მიროსლავ კლოზეს შემცვლელად იქცა. სამწლიანი ცუდი მიუნხენური კარიერის შემდეგ კი ის კვლავ "კიოლნში" დაბრუნდა.

ჟან პიერ პაპინი - ოქროს ბურთის მფლობელი ფეხბურთელი, რომელმაც "რეკორდმაისტერის" რიგებში ვერ გაამართლა. ფრანგული ფეხბურთის ლეგენდამ 1991 წელს მსოფლიოში საუკეთესოდ დაასახელეს, რის შემდეგაც "მილანს" შეუერთდა, 3 წლის შემდეგ კი "ბაიერნს". კლუბმა მის სანაცვლოდ 3 მილიონი ევრო გადაიხადა, რაც ამ დროისთვის სერიოზულ თანხად ითვლებოდა. ბრწყინვალე საგოლე ალღოს მქონე ფეხბურთელისგან ყველა უდიდეს წარმატებებს ელოდა, თუმცა, სამწუხაროდ ტრავმების გამო მისი კარიერა მიუნხენში ვერ აეწყო. მან გუნდთან ერთად მხოლოდ ერთი ტიტული, უეფას თასი მოიგო და ორწლიანი წარუმატებელი კარიერის შემდეგ დატოვა კიდეც "ბაიერნი".

ბრენო ბორხესი - 18 წლის ბრაზილიელი ცენტრალური მცველი "რეკორდმაისტერს" 2008 წელს შეუერთდა. იმ დროს ბრენოსთვის ევროპული გრანდები გამალებით იბრძოდნენ და საბოლოოდ მცველისთვის საკმაოდ სოლიდურ ფასად, 12 მილიონ ევროდ შეძლო "ბაიერნმა" მისი გადაბირება. ბორხესი კლუბის დიდი გეგმის ნაწილი იყო და მას თანამემამულე ლუსიო უნდა ჩაენაცვლებინა. მძიმე ტრავმების შემდეგ ბრაზილიელმა "რეკორდმაისტერში" ადგილის დამკვიდრება ვერ მოახერხა და ის "ნიურნბერგში" გაანათხოვრეს, დაბრუნებიდან მალევე კი სულაც გაყიდეს. ამჟამად ბრენო სამშობლოში, "ვასკო და გამას" ღირსებას იცავს.

17-10-2020, 13:21

sandro

მეტის ნახვა

ბუნდესლიგის მე-4 ტურში მიუნხენის "ბაიერნი" ბიელფილდის "არმინიას" ესტუმრება.

გთავაზობთ "რეკორდმაისტერის" სავარაუდო თერთმეტეულს მომავალი დაპირისპირებისთვის.

ნოიერი - პავარი, ზულე, ერნანდესი, დეივისი - ხავი მარტინესი, გორეცკა - გნაბრი, მიულერი, კომანი - ლევანდოვსკი.

16-10-2020, 20:53

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა ლეროი სანეს ჯანმრთელობის მდგომარეობაზე ისაუბრა.

"ამჟამად დაბრუნების ზუსტი თარიღის თქმა არ შემიძლია. თუმცა, მან ვარჯიში უკვე განაახლა და კარგად გამოიყურება."

"მან ადრე ჯვარედინი მყესები გაიწყვიტა და პრობლემა სავარაუდოდ ამას უკავშირდება. დამატებითი დიაგნოსტიკის შემდეგ უფრო დეტალურად გავიგებთ პასუხს." - აცხადებს ფლიკი.

შეგახსენებთ, რომ სანემ დაზიანების გამო ბუნდესლიგის ბოლო 2 მატჩი გამოტოვა. თავდაპირველი მონაცემებით ის 4 კვირაში უნდა დაბრუნებულიყო. ის დიდი ალბათობით თვის ბოლოდან შეძლებს გუნდის დახმარებას.

16-10-2020, 18:28

sandro

მეტის ნახვა

მიუნხენის "ბაიერნის" ახალწვეულმა, ერიკ ჩუპო-მოტინგმა "დურენთან" გამართული შეხვედრის შემდეგ პირველი კომენტარი გააკეთა.

"ბედნიერი ვარ "ბაიერნში" ჩემი დებიუტით და ორი გოლის გატანით. სათასო მატჩებს თავისი წესები აქვს, სადაც აუცილებლად გამარჯვება არის საჭირო. ამაყი ვარ, რომ ამ გუნდის მაისურს ვატარებ."

"ლევანდოვსკის ძალიან დიდ პატივს ვცემ. ვფიქრობ, დაიმსახურა მან სეზონის საუკეთესო მოთამაშის ტიტული. ჩემი სათამაშო დრო სტილზე არის დამოკიდებული. გამიხარდება, თუ ჩვენ ერთდროულად მოგვეცემა მინდორზე გასვლის უფლება."

"უკვე 100%-ით "ბაიერნის" ფეხბურთელად ვგრძნობ თავს როგორც მინდორზე, ასევე მის გარეთ. დროდადრო კიდევ პროგრესს ყველა დაინახავთ. წარმატებისთვის ყველაფერს გავაკეთებ." - აცხადებს ჩუპო-მოტინგი.

16-10-2020, 16:10

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "დურენთან" მატჩის შემდეგ პირველი კომენტარი გააკეთა.

"დურენმა თავიდანვე საკმაოდ კარგად დაიწყო და გვაჩვენეს, რომ აქ ყოფნას ისმახურებდნენ. საბოლოო ჯამში კარგი გამარჯვება მოვიპოვეთ და მოხარულები ვართ შემდეგ ეტაპზე გასვლით."

"მაქსიმი გუნდში ადვილად ინტეგრირდა და კმაყოფილი ვარ მისი თამაშით. ახლა ზირკზესთან ერთად უკვე 3 თავდამსხმელი გვყავს, რაც საკმარისია."

"ახალ ფეხბურთელებს ჯერ-ჯერობით საკუთარი ძალების 100% არ უჩვენებიათ. მათ კარგი პირველი შეხვედრა ჩაატარეს, თუმცა, ეს მხოლოდ დასაწყისია. წინ რთული სეზონი გველოდება."

"მარკ როკა პოზიციურად კარგად თამაშობდა როგორც ბურთთან, ასევე მის გარეშე. თუმცა, ზოგჯერ ზედმეტად ღრმად ჩადიოდა მეტოქის საჯარიმოსთან. ამაზე ვიმუშავებთ და გამოვასწორებთ."

"რაც შეეხება ნაკრების გაწვრთნას. ლიოვს თავისი ფილოსოფია აქვს, რომელსაც უნდა ვენდოთ. ის ჩემგან სრულ მხარდაჭერას იღებს, რადგან დიდებული მწვრთნელი და ადამიანია. მე კლუბის მწვრთნელი ვარ, რომლის მიზანიც არის ფეხბურთელების ნაკრებისთვის მომზადება და უახლოეს პერიოდში ამ მხრივ ცვლილებას არ ვგეგმავ." - აცხადებს ფლიკი.

16-10-2020, 14:35

sandro

მეტის ნახვა

გერმანიის თასის პირველ ეტაპზე მიუნხენის "ბაიერნი" დაბალლიგელ "დურენს" დაუპირისპირდა და ანგარიშით 3:0 დაამარცხა.

მატჩის შემდგომ ბევრმა 2018 წელს დაარსებული კლუბის პრეზიდენტის სიტყვები გაიხსენა, რომელიც მან Bild-თან საუბრის დროს ახსენა.

"ჩვენ გვსურს, რომ "ბარსელონასა" და "შალკეს" ვაჯობოთ. მინდორზე გამოვალთ და ვეცდებით, ღირსეული წინააღმდეგობა გავუწიოთ მეტოქეს." - განაცხადა დირკ რურიგმა მატჩამდე.

16-10-2020, 01:06

sandro

მეტის ნახვა