ბუნდესლიგის მეექვსე ტურის შეხვედრაში მიუნხენის "ბაიერნი" "კიოლნს" უპირისპირდება.

გთავაზობთ მატჩის საყურებელ ლინკებს.

ლინკი 1 (სეტანტა)

ლინკი 2

ლინკი 3

ლინკი 4

​ლინკი 5​​​

31-10-2020, 18:04

sandro

მეტის ნახვა

გერმანიის ბუნდესლიგის მეექვსე ტურში მიუნხენის "ბაიერნი" სტუმრად "კიოლნს" დაუპირისპირდება.

მატჩის დაწყებამდე ერთი საათით ადრე ჰანს ფლიკმა გუნდის სასტარტო თერთმეტეული დაასახელა.

ნოიერი - პავარი, ზულე, ბოატენგი, სარი - კიმიხი, ხავი მარტინესი - გნაბრი, მიულერი, სანე - ჩუპო მოტინგი.

31-10-2020, 17:29

sandro

მეტის ნახვა

მოგეხსენებათ, დღეს საქართველოში საპარლამენტო არჩევნები ტარდება.

როგორც ჩანს, ერთ-ერთ ქართველ გულშემატკივარს პარლამენტში მაჟორიტარად მანუელ ნოიერი სურს. მან მაჟორიტართა სიას "ბაიერნის" კაპიტნის სახელი ჩაუმატა და სლოგანიც კი მოუფიქრა:

"თქვენი კარი დაცულია".

ქართველმა ქომაგმა ფოტო სოციალურ სივრცეში განათავსა.

31-10-2020, 13:46

sandro

მეტის ნახვა

მიუნხენის "ბაიერნის" ამომავალი ვარსკვლავი, ალფონსო დეივისი უმნიშვნელოვანესი ჯილდოსთვის იბრძოლებს.

MLS ყველა დროის 25 საუკეთესო ფეხბურთელის დასახელებას აპირებს და სიაში ფონზიც მოხვდა.

მოგეხსენებათ, კანადელმა გადმოსვლამდე 3 სეზონი გაატარა "ვანკუვერის" რიგებში და დიდი კვალიც დატოვა ამერიკული ფეხბურთის ისტორიაში.

აღსანიშნავია, რომ დეივისის გარდა ამ ტიტულისთვის ასევე იბრძოლებენ ისეთი ლეგენდები, როგორებიც არიან დევიდ ბექემი, ზლატან იბრაჰიმოვიჩი, ტიმ ჰოვარდი, სებასტიან ჯოვინკო და სხვები.

31-10-2020, 01:37

sandro

მეტის ნახვა

მიუნხენის "ბაიერნიდან" ტიაგო ალკანტარას წასვლის შემდეგ კლუბი შემცვლელის ძიებას აქტიურად განაგრძობს.

ფრანგული გამოცემა Le10Sport-ის ინფორმაციით, "რეკორდმაისტერის" რადარზე ამჯერად მილანის "ინტერის" ვარსკვლავი, კრისტიან ერიკსენი გამოჩნდა.

მოგეხსენებათ, დანიელი ნახევარმცველი "ნერაძურის" რიგებს გასულ წელს შეუერთდა, თუმცა, გუნდში თავის დამკვიდრება ბოლომდე ამ დრომდე ვერ მოახერხა და მის წასვლაზე აქტიურად იწერება. მიუნხენელები კი სწორედ ამ შანსის გამოყენებას ეცდებიან.

წყაროს ცნობით, ერიკსენის დამატება გარდა "ბაიერნისა" ასევე ფრანგულ "პსჟ"-საც სურს.

30-10-2020, 18:36

sandro

მეტის ნახვა

ბუნდესლიგის მეექვსე ტურში მიუნხენის "ბაიერნი" სტუმრად "კიოლნთან" გამართავს შეხვედრას.

გერმანული გამოცემა Sky-ს ინფორმაციით, "რეკორდმაისტერი" აღნიშნულ მატჩს დიდი დანაკლისით შეხვდება. გუნდს, სავარაუდოდ, იოზუა კიმიხი ვერ დაეხმარება.

ახალგაზრდა ნახევარმცველმა დღევანდელი ვარჯიში გამოტოვა. მიზეზი ამ მომენტისთვის უცნობია. სავარაუდოდ, ფლიკმა მას დასვენების საშუალება მისცა.

ფაქტობრივად, გადაწყვეტილია, რომ კიმიხი "კიოლნთან" შეხვედრაში არ ითამაშებს. დიდი ალბათობით, ის ჩემპიონთა ლიგაზე, "ოლიმპიაკოსთან" მატჩში დაბრუნდება.

30-10-2020, 18:28

sandro

მეტის ნახვა

მიუნხენის "ბაიერნის" დამრიგებელმა, ჰანს ფლიკმა "კიოლნთან" მატჩამდე პრესკონფერენციაზე ისაუბრა.

"ყველა გუნდი ცდილობს, რომ ჩვენს წინააღმდეგ კარგად ითამაშოს. სიმართლე გითხრათ, "ბაიერნის" წინააღმდეგ თამაშზე მარტივი არაფერია. ეს ემოციური მომენტია და ყველა 100%-ის გაღებას ცდილობს."

"გუშინ ფეხბურთელების უმრავლესობამ ძალები აღიდგინა. დღეს კი სავარჯიშო სესიაზე ყველა გამოცხადდა და ხვალინდელი თამაშისთვის მზად ვართ."

"ზედიზედ ოთხი გასვლითი მატჩის ნაცვლად ვისურვებდი, რომ ერთი საშინაო არენაზე ჩაგვეტარებინა. თუმცა, ეს პრობლემას არ წარმოადგენს. სეზონის დაწყებამდეც ვიცოდით, რომ რთული გრაფიკი გველოდა."

"ზირკზე გასულ დღეებში გარკვეულ ტკივილებს გრძნობდა. თუმცა, ახლა კარგადაა. ნიჭი მხოლოდ საკმარისი არ არის, ის საკუთარ თავზე გამუდმებით მუშაობს."

"იმედი მაქვს, დავიდი ახალ კონტრაქტს გააფორმებს. მან იცის მიუნხენში არსებული სიტუაცია და ხვდება, რომ მსოფლიოში საუკეთესო გუნდში თამაშობს. იმედი მაქვს, სწორ გადაწყვეტილებას მიიღებს."

"სამივე ცენტრალური მცველი სრულ მზადყოფნაშია. ჟერომმა ტრავმა მოიშუშა და მზადაა დაგვეხმაროს, ნიკლასი კი დაბრუნების შემდეგ ყოველდღიურად უმატებს." - აცხადებს ფლიკი.

30-10-2020, 15:43

sandro

მეტის ნახვა

მიუნხენის "ბაიერნის" ლიდერმა, თომას მიულერმა თანაგუნდელი, რობერტ ლევანდოვსკი შეაქო.

"როდესაც უყურებ მის სტაბილურობას გოლების მხრივ, რთულია ეს დაიჯერო. ლევანდოვსკი წარმოუდგენელ ციფრებს აფიქსირებს."

"რობერტს ყოველთვის გოლების გატანა სურდა, ახლა კი მის შექმნაზე და ასისტების გაკეთებაზეც ბევრს მუშაობს. მის შესაფასებლად სიტყვების მოძიება ძალიან რთულია."

"რასაც ლევანდოვსკი ბოლო წლების განმავლობაში აკეთებს, ეს უბრალოდ ფენომენალურია." - აცხადებს მიულერი.

30-10-2020, 14:38

sandro

მეტის ნახვა

ჩემპიონთა ლიგის 1/4 ფინალური მატჩიდან, რომელშიც "ბაიერნმა" კატალონიის "ბარსელონა" დაამარცხა 2 თვე გავიდა, თუმცა, ეს თამაში სამუდამოდ ჩაიწერა ფეხბურთის ისტორიაში.

"რეკორდმაისტერმა" მეტოქეს უბრალოდ არაფრის საშუალება არ მისცა და 8:2 გაანადგურა.

საინტერესოა, როგორ მოახერხა მიუნხენურმა გრანდმა არცთუ ხელწამოსაკრავი მეტოქის ასე იოლად დამარცხება. პასუხი ერთ, მოკლე ვიდეოშიც ნათლად ჩანს - მკვლელი პრესინგით.

ასეთი მძლავრი პრესინგის დახმარებით "ბაიერნმა" მეტოქეს უბრალოდ არ მისცა სივრცეების ათვისებისა და ბურთის კონტროლის საშუალება, აიძულა უკან დახევა და დაცვაში ჩაჯდომა.

იხილეთ ვიდეო.

30-10-2020, 00:05

sandro

მეტის ნახვა

მიუნხენის "ბაიერნის" ლეგენდარულმა ფეხბურთელმა, სტეფან ეფენბერგმა ამჟამინდელი გუნდიდან ერთი ფეხბურთელი გამოარჩია.

"კიმიხმა ბოლო პერიოდის განმავლობაში უდიდესი პროგრესი განიცადა. ის გუნდის ნამდვილ ლიდერად ჩამოყალიბდა."

"მან მინდვრის ცენტრში თავისი ადგილი იპოვა და არა მხოლოდ "ბაიერნის", არამედ გერმანიის ეროვნული ნაკრების მამოძრავებელი ძალაცაა. ვფიქრობ, კიმიხი ჩვენი თაობის ფეხბურთელებს განეკუთვნება." - აცხადებს ეფენბერგი.

29-10-2020, 23:05

sandro

მეტის ნახვა

ბუნდესლიგის მეექვსე ტურში მიუნხენის "ბაიერნი" "კიოლნს" ესტუმრება. შეხვედრა შაბათს, 31 ოქტომბერს, თბილისის დროით 18:30 საათზე დაიწყება.

გთავაზობთ "რეკორდმაისტერის" სავარაუდო სასტარტო შემადგენლობას.

ნოიერი - სარი, ბოატენგი, ალაბა, ერნანდესი - კიმიხი, გორეცკა - სანე, მიულერი, გნაბრი - ლევანდოვსკი.

29-10-2020, 19:42

sandro

მეტის ნახვა

ავტორიტეტულმა გამოცემა Whoscored-მა ჩემპიონთა ლიგის მეორე ტურის სიმბოლური თერთმეტეული გამოაქვეყნა.

აღსანიშნავია, რომ შემადგენლობაში მიუნხენის "ბაიერნის" მხრიდან მხოლოდ ერთი ფეხბურთელი, იოზუა კიმიხი მოხვდა.

სრული თერთმეტეული შემდეგნაირად გამოიყურება:

29-10-2020, 16:40

sandro

მეტის ნახვა

მოგეხსენებათ, ევროპული გრანდები ახალი ტურნირის ჩამოყალიბებას გეგმავენ, რომელსაც განსხვავებული ფორმატი და განსხვავებული სახელი, ევროპის პრემიერლიგა, ექნება.

ბრიტანული გამოცემების ინფორმაციით, ეს იდეა უკვე დიდი ხანია ჩამოყალიბებულია და ტურნირის ჩატარების ფორმატიც განსაზღვრულია.

კერძოდ, გათამაშება, რომელიც 2024/25 წლების სეზონიდან დაიწყება, 18 გუნდიანი იქნება და მასში ადგილი გარანტირებული ექნება, სავარაუდოდ, 12 გრანდს. დანარჩენი 6 ადგილს კი ე.წ. ვაილდ ქარდის მიხედვით გაანაწილებენ. ჩემპიონის ვინაობა NBA-ს პლეი-ოფის პრინციპით გაირკვევა.

გარდა ამისა, ფაქტობრივად, გადაწყვეტილია, რა გუნდები მიიღებენ პირველ გათამაშებაში მონაწილეობას, თუ ტურნირი 2024 წელს დაიწყო. ესენია: 

"რეალი", "ბარსელონა", "ვალენსია", "ბაიერნი", "დორტმუნდი", "ლევერკუზენი", "იუვენტუსი", "მილანი", "ინტერი", "ლივერპული", "მანჩესტერი", "არსენალი", "პორტუ", "აიაქსი", "პსვ", "პსჟ", "მარსელი" და "ლიონი".

29-10-2020, 16:06

sandro

მეტის ნახვა

მადრიდის "რეალის" ლიდერმა, ტონი კროოსმა მიუნხენის "ბაიერნში" გატარებულ პერიოდზე განცხადება გააკეთა.

"მიუნხენში ყოფნის დროს ჩემპიონთა ლიგის ყოველი გასვლითი მატჩის შემდეგ ასეთი ტრადიცია გვქონდა, ყველა ერთად ვიკრიბებოდით, რაც სიმართლე გითხრათ, ძალიან არ მსიამოვნებდა."

"პირადად მე თამაშის დასრულების შემდეგ პირველი მხოლოდ სახლში მისვლა მსურს. "ბაიერნში" კი მსგავსი შეკრება ცოტა მოსაბეზრებელი იყო." - აცხადებს კროოსი.

შეგახსენებთ, რომ გერმანელმა ნახევარმცველმა "რეკორდმაისტერის" რიგები 2014 წელს დატოვა.

29-10-2020, 15:15

sandro

მეტის ნახვა

გერმანული გამოცემა Bild-ის ინფორმაციით, მიუნხენის "ბაიერნსა" და დავიდ ალაბას წარმომადგენლებს შორის ახალი კონტრაქტის თაობაზე მოლაპარაკებები განახლდა, თუმცა, კვლავ უშედეგოდ.

წყაროს ცნობით, "რეკორდმაისტერმა" ავსტრიელ ფეხბურთელს 4-ის ნაცვლად ხუთწლიანი კონტრაქტი შესთავაზა, თუმცა, ანაზღაურება კვლავ უცვლელია, 11 მილიონ ევროს დამატებული 6 მილიონი ბონუსების სახით.

პინი ზაჰავის პოზიცია კი უცვლელია. მას თავისი კლიენტისთვის კვლავ მაღალი, ნოიერთან, ლევანდოვსკისთან და მიულერთან გათანაბრებული ფიქსირებული ხელფასი სურს.

დიდი ალბათობით, თუ მხარეები იანვრამდე შეთანხმებას ვერ მიაღწევენ, ალაბა ახალ კლუბს მოძებნის და მასთან პრე-კონტრაქტს გააფორმებს.

28-10-2020, 14:44

sandro

მეტის ნახვა

მოსკოვის "ლოკომოტივთან" მნიშვნელოვანი გამარჯვების მოპოვების მიუხედავად მატჩს "ბაიერნისთვის" იდეალურად არ ჩაუვლია.

გერმანული გამოცემების ინფორმაციით, პირველი ტაიმის შემდეგ თომას მიულერისა და ლეონ გორეცკას შეცვლის მიზეზი ტრავმებია.

წყაროს ცნობით, თომასს გასული დღეების განმავლობაში კუნთის პრობლემა აწუხებდა, რომელმაც მატჩის დროსაც იჩინა და ფლიკმა მას დასვენების საშუალება მისცა.

რაც შეეხება გორეცკას, ამ უკანასკნელს ბარძაყის კუნთმა შეაწუხა პირველი ტაიმის მიმდინარეობის დროს და რისკისგან თავის ასარიდებლად სათადარიგოთა სკამზე გადაჯდა.

ჯერ-ჯერობით უცნობია, შეძლებენ თუ არა ზემოხსენებული ფეხბურთელები მომდევნო ტურში, "კიოლნის" წინააღმდეგ თამაშს.

28-10-2020, 01:41

sandro

მეტის ნახვა