ბაიერნის ხელმძღვანელებმა ვენსან კომპანის გარანტია მისცეს, რომ იგი თანამდებობაზე დარჩება ჩემპიონთა ლიგის შედეგის მიუხედავად.
ბელგიელისთვის ბუნდესლიგის მოგება საკმარისი იქნება, რათა „ბაიერნში“ მშვიდად გააგრძელოს მუშაობა.
კლუბის ხელმძღვანელობა სრულადაა დარწმუნებული კომპანის მუშაობაში.
მაქს ებერლი კიმიხთან კონტრაქტის მოლაპარაკებებზე:
„ჩვენმა მხარემ მკაფიო პოზიცია დაიკავა და ახლა უნდა ვნახოთ, შევძლებთ თუ არა შეთანხმების მიღწევას.
ვერავის დავაძალებ ხელმოწერას. მხოლოდ იმას ვიტყვი, რომ მისი კონტრაქტის გაგრძელება გვინდა.
გვინდა, რომ მომავალშიც ის ბაიერნის ერთ-ერთ სახედ დარჩეს, მაგრამ საბოლოო გადაწყვეტილება მასზეა დამოკიდებული.“
თომას მიულერი ლოთარ მათეუსის განცხადებაზე, რომ სელტიკთან 24 წამით შეცვლაზე შესვლა დამამცირებელი იყო:
„მწვრთნელთან კარგი კომუნიკაცია მაქვს. ყოველთვის მზად ვარ, როცა საჭირო ვარ. ეს დამამცირებელი არ ყოფილა.
გუნდში ყველა თავს საერთო მიზანს უძღვნის. მწვრთნელი თავის ცოდნასა და გამოცდილებაზე დაყრდნობით იღებს გადაწყვეტილებებს. ყველაფერი კარგადაა."
