მიუნხენის "ბაიერნმა" ჩემპიონთა ლიგის პირველ 1/8 ფინალურ შეხვედრაში ლონდონის "ჩელსი" სტუმრად 3:0 გაანადგურა.
მატჩის საუკეთესო მოთამაშედ უეფამ დუბლის ავტორი სერჟ გნაბრი დაასახელა, მაგრამ აგრეთვე ფანტასტიკური იყო "რეკორდმაისტერის" 19 წლის კანადელი ვუნდერკინდი - ალფონსო დეივისი.
დეივისმა მთელი თამაში ფანტასტიკურად იასპარეზა - დაცვაში უშეცდომო იყო, ხოლო შეტევაში ძალიან აქტიური და რობერტ ლევანდოვსკიმ სწორედ მისი ბრწყინვალე გარღვევისა და გადაცემის შემდეგ გამოიჩინა თავი.
ახალგაზრდა ტალანტი ზოგადად ჩინებულ ფორმაში იმყოფება და "სტემფორდ ბრიჯზე" მისულმა "ბაიერნის" ფანებმა ფონზის ბრწყინვალე სათამაშო ფორმა და თამაში დაუფასეს.
მატჩის დასრულების შემდეგ ტრიბუნებიდან ისმოდა შეძახილები: "ფონზი! ფონზი! ფონზი!".