ბაიერნს რაფა ლეაუს შეძენის მცირე შანსი აქვს - ცნობილია მიზეზი

მას შემდეგ, რაც ზაფხულის სატრანსფერო ფანჯარა გაიხსნა, მიუნხენის ბაიერნს არაერთი ცნობილი გარემარბის სახელი დაუკავშირეს, თუმცა ეს კავშირი დიდად არც არაფერში გადაზრდილა.

ერთ-ერთი ასეთი ვინგერი მილანის რაფაელ ლეაუა, რომლის ყიდვის შანსიც ბაიერნს არც ისე დიდი აქვს, ყველაფერი კი ფეხბურთელის ხელფასს უკავშირდება.

ჟურნალისტი კრისტიან ფალკი წერს, რომ როსონერიში პორტუგალიელი შემტევი წლიურად 7 მილიონ ევრომდე იღებს, რასაც, ფალკის აზრით, ბაიერნი არ გადაიხდის.

მეორე მხრივ, მილანის ხელმძღვანელობას ახლა ფულის მოხვეჭა აქვს გადაწყვეტილი, რის გამოც გუნდიდან ტიჯანი რეინდერსი და ტეო ერნანდესი უკვე წავიდნენ. თავისუფლად შეიძლება, რომ ამ გზას დაადგეს ლეაუც, თუმცა იქნება თუ არა მისი შემდეგი გაჩერება ალიანც არენა, ეს საკმაოდ რთული სათქმელია.