პოზიტიური პასუხი ბაიერნს - ლიონმა მალიკ ფოფანას ფასი დაასახელა

მიუნხენის ბაიერნი სამომავლოდ დასამატებელი გარემარბების ძიებას აქტიურად აგრძელებს, სიის ერთ-ერთი კანდიდატი კი ლიონის მალიკ ფოფანაა.

როგორც იცით, ლიონი ლიგა 2-ში დააქვეითეს და კლუბის ხელმძღვანელობას ფინანსები ახლა ყველაზე მეტად სჭირდება, რაც ბაიერნისთვის დადებითი ამბავია.

გავრცელებული ინფორმაციის თანახმად, ფრანგულმა კლუბმა მალიკ ფოფანას ფასად 50-60 მილიონი ევრო დაასახელა, რაც ბაიერნის ხედვებთან გაცილებით ახლოსაა, ვიდრე სხვა შესაძლო ტრანსფერების შემთხვევაში.

ერთი ცუდი ისაა, რომ ბაიერნთან ერთად ფოფანას წაყვანას 7-8 კლუბი ცდილობს, მათ შორის რამდენიმე გრანდიც, რაც ლიონს აფიქრებინებს, რომ ღირებულების გაზრდა კიდევ შესაძლებელი იქნება.

20 წლის ბელგიელმა გასული სეზონის ლიგა 1-ში 5 გოლი გაიტანა და 4 საგოლე გადაცემა შეასრულა.