მადრიდის რეალის განაპირა შემტევი, როდრიგო გოეში კლუბიდან წასვლას აპირებს, რათა ახალი გამოწვევები მიიღოს და რაც მთავარია, სათამაშო დრო საგრძნობლად გაიზარდოს.
ახლახანს დაიწერა, რომ ლივერპულის, მანჩესტერ სიტის და არსენალის გარდა, სამხრეთ ამერიკელი გარემარბით ბაიერნიცაა დაინტერესებული, რომელიც სიტუაციას აქტიურად აკვირდება.
თავის მხრივ, როდრიგოს გაყიდვაზე უარს არც რეალი ამბობს, რომლის ახალმა მწვრთნელმაც როდრიგო კვლავ სათადარიგოთა სკამზე დატოვა, ეს კი 24 წლის ბრაზილიელისთვის მიუღებელი აღმოჩნდა.
გერმანული მედიის ცნობით, თუ ბაიერნი როდრიგოს დაიმატებს, მაშინ ის შეტევაში ტრიოს ჰარი კეინთან და მაიკლ ოლისესთან ერთად შექმნის.
რაც შეეხება ფეხბურთელის ღირებულებას, მისი ფასი დაახლოებით 70 მილიონი ევრო გახლავთ.