დიდიე დეშამი: "კომპანიმ ოლისეს განვითარებაში უდიდესი როლი ითამაშა"

საფრანგეთის ეროვნული ნაკრების მთავარმა მწვრთნელმა, დიდიე დეშამმა, მაიკლ ოლისეს პროგრესზე ისაუბრა და აღნიშნა, რომ ფეხბურთელის დიდ აღმავლობაში ვინსენ კომპანიმ უდიდესი როლი ითამაშა. დეშამის თქმით, ოლისეს გასული სეზონი საოცარი იყო, სადაც მან უმაღლესი ეფექტურობა და ძლიერი ხასიათი გამოავლინა.

ფრანგი სპეციალისტი მიიჩნევს, რომ თუ შემტევი მიუნხენის ბაიერნში დარჩება, ის კვლავ უმაღლეს დონეზე თამაშს გააგრძელებს. დეშამმა ოლისე პირდაპირ დაახასიათა, როგორც ამჟამად მსოფლიოს ერთ-ერთი საუკეთესო ფეხბურთელი, რომლის პოტენციალიც უსაზღვროა.

მწვრთნელმა ხაზი გაუსვა იმასაც, რომ მაიკლს მედიის ყურადღება არ უყვარს და მისთვის მთავარი მხოლოდ მოედანია. დეშამის თქმით, ფეხბურთელს ცხოვრება და საკუთარი თავის რეალიზება მხოლოდ საფეხბურთო მინდორზე სურს, რაც მისი ასეთი წარმატების მთავარი მიზეზია.