მოგეხსენებათ, მიუნხენის ბაიერნი გასული წლის ზაფხულს, აიაქსის ამომავალი ვარსკვლავით, 20 წლის რაიან გრავენბერხით გაძლიერდა - თუმცა, ახალგაზრდა მოთამაშეს რეკორდმაისტერში საკმარისი სათამაშო დრო დღემდე არ ეძლევა.
გრავენბერხის აგენტი შაბათს შუადღისას ენფილდზე შენიშნეს - ადგილობრივი მედია კი ირწმუნება, რომ იანვრის სატრანსფერო ფანჯრის პერიოდშივე, ლივერპული ნიდერლანდელ შუახაზელს იჯარის წესით დაიმატებს.
გარდა ამისა, ცნობილია ის ფაქტიც, რომ იურგენ კლოპს გრავენბერხის დამატება ჯერ კიდევ მაშინ სურდა, სანამ 20 წლის ფეხბურთელი აიაქსის მაისურით თამაშობდა, თუმცა მერსესაიდელებს მაშინ რეკორდმაისტერმა დაასწრო.