bayern.ge სიახლეები გვერდი 295
ოფიციალურად: "ბაიერნმა" ტიაგო დანტასის მომავალი გადაწყვიტა
მიმდინარე სეზონის დასრულების შემდეგ მიუნხენის "ბაიერნის" რიგებს კიდევ ერთი ფეხბურთელი დატოვებს.

ჰერბერტ ჰაინერის განცხადებით, იჯარის ვადის ამოწურვის შემდეგ ტიაგო დანტასი მშობლიურ "ბენფიკაში" დაბრუნდება.

ახალგაზრდა ნახევარმცველი "რეკორდმაისტერს" გასულ წელს შეუერთდა, თუმცა, ძირითად შემადგენლობაში სათამაშო დრო იშვიათად ეძლეოდა.

დანტასის შენარჩუნება ყველაზე მეტად ჰანსი ფლიკს სურდა, თუმცა, მოგეხსენებათ 56 წლის სპეციალისტი სეზონის ბოლოს "ბაიერნს" დატოვებს და როგორც ჩანს, მისი წასვლით ტიაგოს ბედიც გადაწყდა.
გერმანიის ნაკრების სავარაუდო თერთმეტეული ევროპის ჩემპიონატზე
რამდენიმე დღის წინ იოახიმ ლიოვმა ის 26-კაციანი შემადგენლობა დაასახელა, რომელიც მომავალ ევროპის ჩემპიონატზე გერმანიის ნაკრების ღირსებას დაიცავს.

გამოცემა BILD-მა განაცხადის გათვალისწინებით ბუნდესნაკრების სავარაუდო თერთმეტეული დაასახელა მომავალ ევროასპარეზზე.

მათი აზრით, გერმანიის ნაკრები გამოკვეთილი ფორვარდის გარეშე ითამაშებს და ამ საქმეს თომას მიულერი და სერჟ გნაბრი შეითავსებენ.

სავარაუდო თერთმეტეული შემდეგნაირად გამოიყურება:

ნოიერი - გინტერი, რუდიგერი, ჰუმელსი, ჰოლშტენბერგი - კროოსი, კიმიხი, გორეცკა - გნაბრი, მიულერი, სანე.
"ბაიერნის" 2021/22 წლების სეზონის გასვლითი ფორმა ცნობილია (ფოტოები)
მიუნხენის "ბაიერნმა" 2021/22 წლების სეზონის გასვლითი ფორმა წარადგინა.

დიზაინი, რა თქმა უნდა, კვლავ კომპანია ადიდასის მიერ არის შექმნილი. ფორმის ფერი შავი იქნება.

აღსანიშნავია, რომ ამ მაისურს ფეხბურთელები სეზონის ბოლო ტურში, "აუგსბურგის" წინააღმდეგ ჩაიცმევენ.

იხილეთ ფოტოები:


ჰანსი ფლიკის მსურველთა რიცხვი გაიზარდა
მოგეხსენებათ, სეზონის დასრულების შემდეგ მიუნხენის "ბაიერნის" მთავარი მწვრთნელის პოსტს ჰანს ფლიკი დატოვებს.

გასულ თვეებში ვრცელდებოდა ინფორმაცია, რომ 56 წლის სპეციალისტი გერმანიის ეროვნულ ნაკრებს ჩაიბარებდა. თუმცა, ახლა სიტუაცია იზრდება.

ესპანური გამოცემების ცნობით, ფლიკის მსურველთა რიგებს ორი ევროპული გრანდი, კატალონიის "ბარსელონა" და ტურინის "იუვენტუსი" შეუერთდნენ.

განსაკუთრებული აქტიურობით "ბლაუგრანას" პრეზიდენტი, ჟოან ლაპორტა გამოირჩევა. როგორც ცნობილია, მას ძალიან მოსწონს ფლიკის სტილი და სურს, რომ მომავალი სეზონიდან სწორედ ის ჩაუდგეს კლუბს სათავეში.

ჯერ-ჯერობით უცნობია, რა გადაწყვეტილებას მიიღებს გერმანელი სპეციალისტი. წყაროს ცნობით, ფლიკი ყველა შესაძლო ვარიანტს განიხილავს.
ოფიციალურად: მომავალი სეზონიდან ლეონ გორეცკას ახალი ნომერი ექნება
2021/22 წლების სეზონიდან მიუნხენის "ბაიერნს" ახალი 8 ნომერი ეყოლება და ეს ლეონ გორეცკა იქნება.

მოგეხსენებათ, გერმანელ ნახევარმცველს ეროვნულ გუნდში სწორედ ზემოხსენებული მაისური აცვია და სწორედ ამის გამო გადაწყვიტა კლუბში ცვლილება.

ამ დრომდე 8 ნომრიან მაისურს ხავი მარტინესი ატარებდა, რომელიც სეზონის დასრულების შემდეგ "ბაიერნის" რიგებს დატოვებს.

შესაბამისად, გორეცკა მომავალი სეზონიდან 18 ნომერს რვიანში გადაცვლის.
ლიოვი: "სწორედ ამიტომ გამოვიძახე ჰუმელსი და არა ბოატენგი"
გერმანიის ეროვნული ნაკრების მთავარმა მწვრთნელმა, იოახიმ ლიოვმა ევროასპარეზის შემადგენლობის დასახელების შემდეგ პრესასთან ისაუბრა.

"ჰუმელსსა და მიულერს ბრწყინვალე სეზონები ჰქონდათ. მათ შეუძლიათ ლიდერობის შემოტანა გუნდში. ისინი განვითარებაში დაგვეხმარებიან."

"გვსურდა განსხვავებული ტიპის ფორვარდები გვყოლოდა. სანე და ვერნერი ძალიან სწრაფები არიან, ვოლანდი კი ფიზიკურად ძლიერია. მან საფრანგეთში კარგი სეზონი ჩაატარა და განაცხადშიც მოხვდა."

"დავინახეთ, რომ უკანა ხაზში გამოცდილება გვაკლდა, რაც პრობლემებს გვიჩენდა. მატსს შეუძლია დაცვის ორგანიზება, მას აქვს გამოცდილება რთულ მომენტებთან გამკლავების."

"ბოატენგს უდიდეს პატივს ვცემ. მან ნაკრებში დიდი სამუშაო გაწია. თუმცა, ასევე არიან ფეხბურთელები, რომლებმაც მიმდინარე სეზონში შესანიშნავად ითამაშეს. სწორედ ამიტომ გადავწყვიტეთ ჰუმელსის წაყვანა და ბოას დატოვება."

"ჩვენ ტურნირის მთავარი ფავორიტები არ ვართ, ამიტომ კონკრეტული მიზანი არ გვაქვს. თუმცა, ყველაფერს გავაკეთებთ მაქსიმალურად შორს გასასვლელად. ყველა თამაშს ისე ჩავატარებთ, თითქოს ის უკანასკნელია." - აცხადებს ლიოვი.
მიულერის პირველი კომენტარი ნაკრებში გამოძახების შემდეგ
დღეს გერმანიის ეროვნული ნაკრების მთავარმა მწვრთნელმა, იოახიმ ლიოვმა ის შემადგენლობა დაასახელა, რომელიც ევრო 2020-ზე გაყვება გუნდს.

განაცხადში ვეტერანი შემტევი, თომას მიულერიც მოხვდა, რომელსაც ბოლო პერიოდში ეროვნულ გუნდში არ იძახებდნენ.

"ძალიან გახარებული ვარ ეროვნულ გუნდში დაბრუნებით. მე და ლიოვს სასიამოვნო და ღია საუბარი გვქონდა და ორივემ გავიგეთ, თუ რას ველით მომავალ ევროტურნირზე."

"გერმანიის ნაკრების ფორმის კიდევ ერთხელ მორგება დიდი გამოწვევა იქნება. ყველაფერს გავაკეთებ, რათა ბიჭებთან ერთად წარმატებას მივაღწიო." - აცხადებს მიულერი.
ყოფილი აგენტი: "ლევანდოვსკის ოცნება ამ კლუბში თამაშია"
ბოლო დროს აქტიურად მიდის საუბრები იმის შესახებ, რომ რობერტ ლევანდოვსკის დამატება არაერთ ევროპულ გრანდს სურს.

ამ ფონზე პოლონელის ყოფილმა აგენტმა, სეზარ კუხაროვსკიმ განაცხადა, რომ ფეხბურთელის ოცნების კლუბი მადრიდის "რეალია".

"როდესაც ლევანდოვსკი გერმანიაში გადმობარგდა, გეგმა ჰქონდა. ჯერ "დორტმუნდში" უნდა ეთამაშა, შემდეგ "ბაიერნში" ბოლოს კი - "რეალში".

"დასამალი არ არის, რომ რობერტის ყველაზე დიდი ოცნება სწორედ "სამეფო კლუბში" თამაშია. თუმცა, ახლა სიტუაცია განსხვავებულია."

"ესპანურ კლუბებს ფინანსურად ძალიან უჭირთ და მეეჭვება, ლევანდოვსკი ოდესმე "რეალში" ვიხილოთ." - აცხადებს აგენტი.
ნოიერი ალისონის გოლზე: "ყველა მეკარე ოცნებობს ასეთ მომენტზე"
პრემიერლიგის გასულ ტურში "ლივერპულის" კიპერმა, ალისონ ბეკერმა ბოლო წუთზე "ვესტ ბრომვიჩის" კარის დალაშქვრა მოახერხა და გუნდს 3 ქულა მოუპოვა.

ამ იშვიათ მოვლენას "ბაიერნის" მეკარე, მანუელ ნოიერი გამოეხმაურა.

"მე მას მივულოცე და რამდენიმე მესიჯი გავცვალეთ. ყველა მეკარე ოცნებობს ბოლო წუთზე გამარჯვების მომტანი გოლის გატანაზე."

"როგორც წესი მეკარეები მეტოქის საჯარიმოში მაშინ ჩადიან, როდესაც აგებენ, თუმცა, ამ შემთხვევაში "ლივერპულს" ლიგის საგზურისთვის მოგება სჭირდებოდა და ალისონი სწორად მოიქცა."

"უბრალოდ ფენომენალურია. მან ბრწყინვალე თავური შეასრულა. სრულიად ნასიამოვნები ვარ ამ მომენტით. ალისონი დიდებული ადამიანია და ეს დაიმსახურა." - აცხადებს ნოიერი.
ოფიციალურად: სეზონის ბოლოს "ბაიერნის" რიგებს კიდევ ერთი წევრი დატოვებს
მიროსლავ კლოზე გერმანული ფეხბურთისა და "მიუხენის" ბაიერნის ერთ-ერთი ლეგენდაა. მან მსოფლიოს თავი მაღალი კლასითა და გამორჩეული საფეხბურთო უნარებით დაამახსოვრა.

კლოზემ გერმანულ გამოცემა kickers-თან დაადასტურა, რომ ბაიერნთან კონტრაქტის გახანგრძლივება აღარ სურს და ამ სეზონის შემდეგ ის მიუხენურ გუნდს დატოვებს.

ის "ბაიერნის" მთავარი მწვრთნელის, ჰანს ფლიკის, ასისტენტი გახლდათ.

როგორც მოგეხსენებათ, ამ სეზონის დასრულების შემდეგ ჰანს ფლიკს "ბაიერნში" იულიან ნაგელსმანი შეცვლის და აქედან გამომდინარე, მიროსლავ კოლზემაც კონტრაქტის გახანგრძლივება არ ისურვა.
ბუნდესლიგაში ლევანდოვსკი გამოარჩიეს
33-ე ტურის შეხვედრაში "ბაიერნმა" სტუმრად "ფრაიბურგს" დაძაბული ფრე, 2-2, ეთამაშა.

აღსანიშნავია რობერტ ლევანდოვსკის თამაში. როგორც მოგეხსენებათ, მას ერთი გოლი აკლდა, ლეგენდარული გერმანელის, გერდ მიულერის რეკორდამდე. 26-ე წუთზე გატანილი პენალტით კი შეძლო მისი გამეორება.

რობერტ ლევანდოვსკი ამ უმნიშვნელოვანესი მიღწევისა და კარგი თამაშის გამო ტურის საუკეთესო მოთამაშედ აღიარეს.

იმ შემთხვევაში, თუ პოლონელი შემდეგ ტურშიც შეძლებს მეტოქის კარის აღებას, ის ყველა დროის საუკეთესო შედეგს დააფიქსირებს.
ლევანდოვსკის დამატებით კიდევ ერთი გრანდი დაინტერესდა
მიუნხენის "ბაიერნის" თავდამსხმელის, რობერტ ლევანდოვსკის დამატებით კიდევ ერთი ევროპული გრანდი დაინტერესდა.

ფრანგული გამოცემა L'equipe-ს ინფორმაციით, ამჯერად 33 წლის ფეხბურთელის ტრანსფერი "პსჟს" სურს.

წყაროს ცნობით, იმ შემთხვევაში, თუ ზაფხულში პარიზელთა რიგებს კილიან მბაპე დატოვებს, მაშინ კლუბის პირველი სამიზნე სწორედ პოლონელი იქნება.

"პსჟს" ლევანდოვსკის შეძენა გასულ წლებშიც სურდა და არ გამოუვიდა. თუმცა, ახლა ფეხბურთელს "ბაიერნთან" კონტრაქტის ვადა უმცირდება, რაც მისი წასვლის შანსებს ზრდის.

შეგახსენებთ, რომ ლევანდოვსკის დამატება ლონდონის "ჩელსისაც" სურს.
"ფრაიბურგი" - "ბაიერნი" სავარაუდო შემადგენლონა
ბუნდესლიგის 33-ე ტურში აწ უკვე ჩემპიონი "ბაიერნი" "ფრაიბურგს" ესტუმრება.

წინა ტურში "ბაიერნმა" გლადბახის "ბორუსია" გააცამტვერა, ექვსი უპასუხო გოლი გაუტანა და გაჩემპიონდა ორი ტურით ადრე ბუნდესლიგის დამთავრებამდე.

kickers-მა დააანონსა ის ძირითადი შემადგენლობები, რომლითაც სავარაუდოდ წარდგებიან გუნდები ერთმანეთის პირისპირ.

"ბაიერნის" შემადგენლობა კი ასეთია: ნოიერი - პავარი, ბოატენგი, ერნანდესი, დევისი, - კიმიხი, ალაბა - გნაბრი, მიულერი, კომანი - ლევანდოვსკი.

მიუხენელებს დუგლას კოშტა, ნიანზუ და გორეცკა დააკლდებიან.

შეგახსენებთ, რომ რობერტ ლევანდოვსკის ერთი გოლი აშორებს ლეგენდარული გერმანელის გერდ მიულერის რეკორდამდე და ძალიან მონდომებული იქნება, რომ ეს გოლი ამ ტურშივე გაიტანოს.
ფილიპ ლამი: "ლაიფციგიდან ბაიერნში ამ ერთ ფეხბურთელს გადმოვიყვანდი"
გერმანული ფეხბურთის და მიუხენის "ბაიერნის" ყოფილმა მარჯვენა მცველმა, ფილიპ ლამმა, "ლაიფიციგის" ფეხბურთელ, დანი ოლმოზე, ისაუბრა.

ფილიპმა არ დამალა, რომ ის მოხიბლულია ახალგაზრდა ნახევარმცველის უნარებით და დიდი სიამოვნებით იხილავდა მას მიუნხენში.

"ბაიერნში ტრანსფერისთვის მე დანი ოლმოს ავირჩევდი. ის ტექნიკურად ძალიან კარგი ფეხბურთელია და გადამწყვეტი პასების გაკეთება შეუძლია." - აცხადებს ლამი.

ლამი ამბობს, რომ დანი ოლმოს ძალიან კარგი ვარჯიშები აქვს ესპანეთში გავლილი და ის იმედოვნებს, რომ ერთ დღესაც დანი "ბაიერნისათვის" იბრძოლებს.

ჰანსი ფლიკს კიდევ ერთი მსურველი გამოუჩნდა
გამოცემა ESPN-ის ინფორმაციით, მიუნხენის "ბაიერნის" მთავარი მწვრთნელის, ჰანსი ფლიკის დამატებით კატალონიის "ბარსელონა" დაინტერესდა.

მოგეხსენებათ, სეზონის დასრულების შემდეგ 53 წლის სპეციალისტი "რეკორდმაისტერის" რიგებს დატოვებს და მას იულიან ნაგელსმანი ჩაანაცვლებს.

წყაროს ცნობით, "ბლაუგრანა" უკვე დაუკავშირდა ფლიკის აგენტს და შეთავაზება გაუკეთა. თუმცა, სავარაუდოდ, ესპანური გრანდი უარს მიიღებს.

კატალონიური გრანდის პრეზიდენტი, ხოან ლაპორტა მოხიბლულია გერმანელი მწვრთნელების შედეგებით ბოლო პერიოდში და როგორც ცნობილია, მან ნაგელსმანის გადაბირებაც ცადა, თუმცა უშედეგოდ.

ფლიკის დამატებით ყველაზე მეტად გერმანიის ნაკრები არის დაინტერესებული და დიდი ალბათობით, ის სწორედ ბუნდესნაკრებს ჩაიბარებს.
მინცლაფი: "ნაგელსმანი ბაიერნში ამ პირობით გავუშვით"
ცნობილია, რომ მიუხენის "ბაიერნს" მომავალი სეზონიდან ახალი მწვრთნელი, იულიან ნაგელსმანი გაწვრთნის, რომელმაც თავი "ლაიფციგში" წარმატებული მუშაობით და  ლამაზი, შემტევი, გერმანული სტილის საფეხბურთო ტაქტიკით დაგვამახსოვრა.

"ლაიფციგის" აღმასრულებელი დირექტორი, ოლივერ მინცლაფი იმ შეხვედრაზე საუბრობს, რომელიც იულიან ნაგელსმანის დანიშვნამდე შედგა ოლივერ კანთან.

მინცლაფი აცხადებს, რომ ის და ოლივერ კანი სხვადასხვა აზრზე იყვნენ პირველი შეხვედრისას, თუმცა ხალნგრძლივი საუბრის შემდეგ მაინც შეთანხმდნენ. იულიან ნაგელსმანს" "ბაიერნის" გაწვრთნა ოცნებად ჰქონდა, რომელიც მინცლაფს 2019 წელს გაუმხილა და ზუსტად ერთ-ერთი მიზეზიც ეს იყო მინცლაფის თანხმობისა ნაგელსმანის გაშვების თაობაზე.

ნაგელსმანმა შანსი მიიღო და მინცლაფმაც რა თქმა უნდა არ დააკავა იგი, თუმცა ორი პირობა მაინც წამოაყენა: პირველ, რიგში გადასახადი გადაჭარბებულიც კი უნდა ყოფილიყო და მეორე პირობა იყო ის, რომ თასის ნახევარფინალამდე ვერდერის "ბრემენის" წინააღმდეგ ბევრი რამისათვის უნდა მოეფინათ ნათელი "ბაიერნის" წარმომადგნელებს და მათი შემოთავაზება ჩამოყალიბებული უნდა ყოფილიყო კარგი გადასახადით. 

როგორც ჩანს, ორივე პირობა ოლივერ კანისა და "ბაიერნის" წარმომადგენლების მიერ შესრულდა და მომავალი სეზონიდან იულიან ნაგელსმანს მიუხენის "ბაიერნის" თავკაცად ვიხილავთ.


  • ბომბარდირები
  • ასისტენტები
  • ბარათები
1
ჰარი კეინი
გოლი: 37 6 31 0
2
ჯამალ მუსიალა
გოლი: 12 2 10 0
3
ლეროი სანე
გოლი: 9 1 8 0
4
მატის ტელი
გოლი: 8 2 5 1
5
კინგსლი კომანი
გოლი: 5 2 3 0
1
ლეროი სანე
ასისტი: 12 1 11 0
2
ჰარი კეინი
ასისტი: 10 3 7 0
3
ტომას მიულერი
ასისტი: 9 1 8 0
4
იოზუა კიმიხი
ასისტი: 8 2 5 1
5
ჯამალ მუსიალა
ასისტი: 7 1 6 0
1
ლეონ გორეცკა
5 0 2 3 0
2
ლეროი სანე
5 0 1 4 0
3
დე ლიხტი
5 0 0 5 0
4
ალექსანდარ პავლოვიჩი
5 0 0 5 0
5
დეიოტ უპამეკანო
2 2 1 3 0