"რეკორდმაისტერის" კანადელი ფეხბურთელი, ალფონსო დევისი, ტრავმის მოშუშების ბოლო ფაზაშია, ის დღეს დილაადრიან სობენერ ტრასეზე შენიშნეს, სადაც შეხვდა და ესაუბრა "ბაიერნის" ახალ, თავკაცს, იულიან ნაგელსმანს.

აღნიშნულ ადგილას დევისი ყავარჯნებით გადაადგილდებოდა და მარცხენა ტერფი სრულად შეხვეული ჰქონდა.

ის ამ დაზიანების გამო კიდევ დაახლოებით 4 კვირას გამოტოვებს. სავარაუდოდ, კანადელს სეზონის საწყისი ტურების გამოტოვებაც მოუწევს.

შეგახსენებთ, რომ დეივისმა დაზიანება ეროვნული ნაკრების მატჩის მიმდინარეობის დროს მიიღო.

17-07-2021, 20:16

sandro

მეტის ნახვა

"ბაიერნსა" და რობერტ ლევანდოვსკის შორის მოლაპარაკებები ახალ კონტრაქტზე კვლავ ჭიანურდება.

"მიუნხენის ბაიერნი" კი მტკიცედ დგას იმ აზრზე, რომ პოლონელი ფეხბურთელი შეინარჩუნოს და მინიმუმ ამ ზაფხულს არ გაყიდოს. "რეკორდმაისტერიდან" ლევანდოვსკის  წასვლის ოპერაცია 74 წლის ებრაელმა აგენტმა ჯერ კიდევ 2018 წლის თებერვალში დაიწყო, მაშინ ფეხბურთელმა გაუშვა თავისი მრჩეველი ჩეზარი კუხარსკი და მთელი კარიერა ზაჰავის მიანდო.

როგორც ცნობილია, "ბაიერნსა" და ფეხბურთელის აგენტს შორის მოლაპარაკებები ჩიხშია შესული. ამ უკანასკნელს გაზრდილი ხელფასი სურს, რაზეც კლუბი არ თანხმდება.

შეგახსენებთ პოლონელმა გოლების მანაქნამ წლევანდელ ბუნდესლიგის სეზონში გერდ მიულერის რეკორდი დაამხო, მან  ერთ სეზონში 41 გოლი გაიტანა, საინტერესოა ისიც, რომ მან გერდს ტურის ბოლო მატჩში "აუგსბურგის" წინააღმდეგ 90-ე წუთზე გატანილი გოლით აჯობა.

17-07-2021, 20:14

sandro

მეტის ნახვა

მიუნხენის "ბაიერნი" კინგსლი კომანთან ახალი კონტრაქტის გაფორმებას ვერ ახერხებს.

გერმანული გამოცემა BILD-ის ინფორმაციით, მხარეებს შორის მოლაპარაკებები ჩიხშია შესული და არ არის გამორიცხული, დავიდ ალაბას სიტუაცია განმეორდეს.

როგორც ცნობილია, პირველად ალაბას კონტრაქტზე მოლაპარაკებები მაშინ დაიძაბა, როდესაც ჰასან სალიჰამიჯიჩმა მის აგენტს, პინი ზაჰავს უყვირა. წყაროს ცნობით, ასეთივე დაძაბული სიტუაციაა კლუბსა და კინგსლი კომანის წარმომადგენლებს შორის.

ფეხბურთელი ახალი კონტრაქტის გაფორმებას არ აპირებს. თავის მხრივ კი "ბაიერნი" მას 90 მილიონ ევროზე ნაკლებად არ შეელევა.

შესაბამისად, არ არის გამორიცხული, საბოლოოდ კლუბმა ფეხბურთელი კონტრაქტის ვადის ამოწურვის შემდეგ თავისუფალი აგენტის სტატუსით გაუშვას. ეს კი 2023 წელს მოხდება.

30-06-2021, 20:06

sandro

მეტის ნახვა

თბილისი, ქუთაისი, ბათუმი - 'ნიკოს' და RESPONSIBLE.GE-ს პროექტი გრძელდება
მასშტაბური კედლების შემდეგ მოძრაობა "ნიკო" კალათბურთის სტადიონების მოხატვას შეუდგა. ქუჩის ხელოვნების მოძრაობა "ევროპაბეთის" პასუხისმგებლიანი თამაშის პლატფორმის Responsible.ge პარტნიორი გახდა. თანამშრომლობის ფარგლებში უბნის სპორტული მოედნები „ნიკოს“ ორგანიზებით გიგანტური ნახატებით დაიფარა. კალათბურთის სტადიონები ცნობილმა არტისტებმა მოხატეს.
 
ქუჩის ხელოვნებისა და სპორტის გამაერთიანებელი სივრცე ქვეყნის მასშტაბით ჯამში 5 მოედანი გახდება. პროექტის ფარგლებში უკვე მოიხატა 3 სხვადასხვა მოედანი 3 სხვადასხვა ქალაქში - ბათუმში, ქუთაისსა და თბილისში. პროექტის მიზანი ერთგვარი ქუჩის გალერეებისა და ახალი ღირსშესანიშნაობების შექმნის გარდა, უბნის სტადიონების გაცოცხლება და სამოყვარულო კალათბურთის პოპულარიზებაა.
 
თბილისი
 
პირველი სტადიონი თბილისში, ვაზისუბანში, სანდრო ციცქიშვილმა (ციცქო) მოხატა. 145 ლიტრი საღებავით საკალათბურთო მოედნის 198-კვადრატულმეტრიანი ფართობი დაიფარა. სტადიონზე გამოსახულია პორტრეტი, რომელიც სანდროს და დანტეს კოლაბორაციული ხატვის დროს შეიქმნა. ხატვის პროცესი დაახლოებით 2 კვირა გაგრძელდა, რადგან ესკიზი სტადიონზე ტექნიკურად საკმაოდ რთული გადმოსატანი იყო.
 
სტადიონი ვაზისუბანში - მხატვარი: სანდრო ციცქიშვილი (ციცქო)
 
"სტადიონის მოხატვა ძალიან საინტერესო გამოწვევა იყო, რადგან მუშაობა გვიწევდა ზედაპირზე, რომელზეც ჩვენთვითონ ვიდექით. ვერტიკალური კედლებისაგან განსხვავებით, ამ შემთხვევაში საერთო სურათის დანახვა რთული იყო. დროდადრო საჭირო იყო დრონის გამოყენება, რათა დაგვენახა, თუ რა ეტაპზე იყო ნამუშევარი და ხომ არ იყო რაიმე შეცდომა დაშვებული. საბოლოო ჯამში მიღებულმა სურათმა გვიჩვენა, რომ რაც უფრო რთულია გამოწვევა, მით უფრო ეფექტურია შედეგი. მთავარი სათქმელი არის მოწოდება, კოლაბორაციისკენ და ერთობისკენ, ამას კალათბურთის სტადიონიც კარგად უზრუნველყოფს მაშინ, როდესაც მასზე სხვადასხვა ადამიანები იკრიბებიან და კალათბურთს თამაშობენ", - ამბობს ციცქო.
 
ციცქო, იგივე სანდრო ციცქიშვილი - 30 წლის, არტ დირექტორი. სწავლობდა სამხატვრო აკადემიაში, რესტავრაციის ფაკულტეტზე, თუმცა სწავლა ბოლომდე არ მიუყვანია. შემდეგ მოხვდა ლონდონში, Central st.Martins College -ში, სადაც გრაფიკული დიზაინის ბნელ კუთხეებში საფუძვლიანად შეიჭყიტა. უკანასკნელი 11 წლის განმავლობაში უმუშავია ასობით სარეკლამო პროექტზე, მოუგია ბევრი პრესტიჟული და ნაკლებად პრესტიჟული ჯილდო. დღეს ფიქრობს, რომ გააფართოოს ვიზუალური დისციპლინების დიაპაზონი და ამჯერად თავი ქუჩის მხატვრობაში გამოცადოს.
 
https://www.facebook.com/streetartniko/videos/162675032555686
 
 
ქუთაისი
 
ქუთაისის მოედანზე ავსტრიელმა მხატვარმა მანუელ სკირლმა იმუშავა. არტისტს მოედანზე სამუშაოების შესასრულებლად 3 დღე დასჭირდა. საერთო ჯამში, ქუთაისში 220 ლიტრი საღებავი გამოიყენეს. მხატვარმა ესკიზის შესრულებისას თავისი კლასიკური სტილი გამოიყენა.

სტადიონი ქუთაისში - მხატვარი: მანუელ სკრილი


"ჩემი ინსპირაცია, რა თქმა უნდა, ესკიზი იყო. ვცდილობდი, გეგმას მივყოლოდი, თუმცა იმპულსურიც ვარ. ამინდის გათვალისწინებით ნახატის დასრულებას 3 დღე დასჭირდა. ეს შეუძლებელი იქნებოდა კარგი ორგანიზებისა და საოცარი დახმარების გარეშე. ეს ჩემთვის მოედნის ზედაპირის მოხატვის პირველი შემთხვევა იყო და უნიკალური გამოცდილება მივიღე," - განაცხადა ავსტრიელმა მხატვარმა.
 
მანუელ სკრილი დაიბადა ავსტრიაში, ვენაში. მუშაობდა გრავიურებზე და საბავშვო ბაღში. გრაფიტებს თინეიჯერობის ასაკიდან ხატავს.
 
ბათუმი
 
კრისტიან ჰინცმა, იგივე "კერამ", პროექტის ფარგლებში მესამე სტადიონი ქალაქ ბათუმში მოხატა. გერმანელი მხატვრის ნამუშევარი არის აბსტრაქტული და გეომეტრიული. იგი თამაშობს ფორმებით და დინამიკით, რათა მიიღოს ძლიერი და ჰარმონიული სურათი, რომლის მთლიანი დინამიკა მიმართულია კალათისკენ. "კერამ" ბათუმის მოედნის მოხატვისას 208 კვადრატულ მეტრზე 165 ლიტრი საღებავი გამოიყენა.
 

სტადიონი ბათუმში - მხატვარი: კრისტიან ჰინცი
 
"ნამუშევრის დასასრულებლად 6 დღე დამჭირდა, თუმცა პირველი დღეები წვიმიანი იყო და ხშირად მიწევდა შეჩერება. ჩემი ინსპირაცია მოთამაშეთა დინამიკა იყო. ბევრი სხვადასხვა მოთამაშე, რომლებსაც ერთიდაიგივე სურთ. იმისთვის, რომ ბურთი კალათში ჩააგდონ ისინი თამაშობენ ერთად და ამავდროულად მარტო. ამიტომ, ჩემი გამოსახული ფორმები ცდილობენ, იგივე გააკეთონ. კიდევ ერთი ინსპირაციის წყარო კი მიმდებარე შენობები და ლანდშაფტი გახლდათ, საიდანაც ფერები ავიღე, რათა ნაცნობი განცდა მქონოდა. ეს ახალი და ფანტასტიკური გამოცდილება იყო - კედლის მხატვრობისგან განსხვავებული. კალათბურთის მოედნებზე თამაშის დროს შეგიძლია, დაუკავშირდე ნამუშევრებს. ეს ახალი სასიამოვნო გრძნობაა ჩემთვის", - ამბობს კრისტიან ჰინცი.
 
კრისტიან ჰინცი, იგივე "კერა", 1985 წელს, ბერლინში დაიბადა. უკვე 20 წელზე მეტია მუშაობს ფერების, ბეჭდვის ტექნიკასა და ფასადების დიზაინზე და ფერწერაზე. მისი ნამუშევრები გეომეტრიული და აბსტრაქტულია, მაგრამ ამავე დროს სივრცული. "კერას" ნამუშევრებზე დიდ გავლენას ახდენს თავისი გრაფიკული დიზაინის კვლევები, სწორი ხაზების სტრუქტურისა და ზედაპირის გატაცება. 2012 წლიდან კრისტიანი მუშაობს როგორც თავისუფალი მხატვარი და კითხულობს ლექციებს ბერლინის ხელოვნების სკოლაში.    
 
პროექტის ფარგლებში საერთო ჯამში 4 სტადიონის მოხატვის გეგმაა გაწერილი. მეხუთე სტადიონის ლოკაციის წარდგენის და არჩევის შესაძლებლობა კი საზოგადოებას ექნება. მოძრაობა "ნიკოსა" და responsible.ge-ს გადაწყვეტილებით, ზაფხულში პროექტის ბოლო სტადიონი ფეისბუქ გვერდზე ხმის მიცემით გამოვლინდება.
 
სანდრო კვანტალიანი („ნიკოს“ დამფუძნებელი): მოედნების მოხატვის დროს სახალისო სტატისტიკას ვაწარმოებდით. სამივე მოედნის გაწმენდას 154 საათი მოვანდომეთ. დაახლოებით 11 საათი დაიხარჯა გამვლელების ხუმრობების მოსმენაში. 25 წუთი მოვანდომეთ იმის მტკიცებას ვაზისუბანში, რომ კობი ბრაიანტს არ ვხატავთ. ჯამში 11-ჯერ გაგვიწვიმდა და მოგვიწია სამუშაოების შეწყვეტა. ხატვების მიმდინარეობისას ვითამაშეთ 25 პარტია „მინუს-ხუთი“, 3 ხელი კალათბურთი და 1 ფეხბურთიც ქუთაისში, სადაც ჩვენმა მხატვარმა დუბლით დააწინაურა ჩვენი გუნდი. დაგვპატიჟეს 52 ფინჯან ყავაზე... 
 
„ნიკოს“ სპეციფიკიდან გამომდინარე დაარსების დღიდან კარგად იცნობს საზოგადოება. ჩვენ არამარტო ვაფერადებთ ქალაქებს, არამედ ვქმნით ისეთ პლატფორმას, სადაც დამწყებ თუ გამოცდილ ხელოვანებს საშუალება აქვთ, წარმოაჩინონ თავიანთი ნამუშევრები და ამავე დროს ქალაქებს ახალ-ახალი ღირსშესანიშნაობები შემატონ."
 
Responsible.ge "ევროპაბეთის" პასუხისმგებლიანი თამაშის პლატფორმაა. კომპანია პასუხისმგებლიანი თამაშის ევროპული მოდელის დანერგვას ინდუსტრიაში 2019 წლის ბოლოდან ცდილობს. "ევროპაბეთის" პასუხისმგებლიანი თამაშის პოლიტიკა სამ მიმართულებას მოიცავს. ესაა პასუხისმგებლობა ბიზნესში, პასუხისმგებლობა კომუნიკაციაში და პასუხისმგებლობა საზოგადოების მიმართ. კორპორაციული სოციალური პასუხისმგებლობის ფარგლებში კომპანია პროექტებს თითოეული მიმართულებით ახორციელებს.

29-06-2021, 23:11

sandro

მეტის ნახვა

ევროპის ჩემპიონატის 1/8 ფინალში გერმანიის ეროვნული ნაკრები ინგლისს დაუპირისპირდა.

მატჩი უმეტესად თანაბრად მიმდინარეობდა, თუმცა, 75-ე წუთზე რაჰიმ სტერლინგმა მცველების შეცდომით ისარგებლა და ანგარიში გახსნა. ამას 10 წუთში ჰარი კეინის კიდევ ერთი გოლი მოჰყვა და საბოლოოდ შეხვედრა ბრიტანელთა გამარჯვებით 2:0 დასრულდა.

ამრიგად, გერმანიის ნაკრები ევროპის ჩემპიონატს გამოეთიშა. იოახიმ ლიოვმა კი თავისი ბოლო მატჩი ჩაატარა ბუნდესნაკრების მთავარი მწვრთნელის რანგში.

გთავაზობთ ფეხბურთელების შეფასებებს გამოცემა Whoscored-ის ვერსიით.

29-06-2021, 21:54

sandro

მეტის ნახვა

ევროპის ჩემპიონატის 1/8 ფინალში გერმანიის ეროვნული ნაკრები ინგლისს უპირისპირდება.

პირველი ტაიმის ბოლოს მასპინძლებს გოლის გატანის ბრწყინვალე შანსი მიეცათ, თუმცა, ჰარი კეინმა მომენტის დაგვირგვინება ვერ მოახერხა.

მატს ჰუმელსმა ბოლო წამზე შეძლო ბურთზე თამაში და ამ ქმედებით მან გუნდი გოლისგან იხსნა.

იხილეთ ვიდეო.

29-06-2021, 20:54

sandro

მეტის ნახვა

მოგეხსენებათ, ევრო 2020-ზე სოლიდარობის ნიშნად ნაკრებები მატჩის დაწყებამდე მუხლს იხრიან. ამას ზოგი გუნდი აკეთებს, ზოგიც არ თვლის საჭიროდ.

გემანელთა კაპიტანმა, მანუელ ნოიერმა, დაადასტურა, რომ ბუნდესნაკრებიც, სხვების მსგავსად, მუხლს მოიხრიან მატჩის დაწყებამდე ინგლისთან 1/8-ფინალურ დაპირისპირებაში.

ამას ინგლისელებიც აკეთებდნენ აქამდე და 1/8 ფინალურ მატჩში ორივე გუნდი მატჩის დაწყებამდე სოლიდარობას ამ ჟესტით გამოიჩენს.

29-06-2021, 17:28

sandro

მეტის ნახვა

მიუნხენის "ბაიერნის" ყოფილმა ნახევარმცველმა, რენატუ სანჩესმა ემოციური განცხადება გააკეთა.

"ჩემი პირველი სეზონი მიუნხენში არ იყო იდეალური. მახსოვს, რას ამბობდა ხალხი. ის ფლოპია, სასწრაფოდ გაყიდეთ სანამ შანსი გვაქვს, არაფერი გამოუვა."

"არ ვწუწუნებ, უბრალოდ მეც ადამიანი ვარ და შეიძლება ზოგჯერ ყველაფერი ისე არ წავიდეს, როგორც მინდა. მამაჩემი ყოველთვის მიმეორებდა: "შენ მებრძოლი ხარ, მებრძოლები არასდროს ნებდებიან. ისინი იბრძვიან მაშინაც კი, როდესაც ყველას დამარცხებული ჰგონია." ვიცი, რომ ბევრმა ჩამომწერა."

"გასულ წელს ბაიერნში კიდევ ერთხელ თამაში განსაკუთრებული შეგრძნება იყო. ვფიქრობდი, რომ ახლიდან დავიწყე მიზნების პოვნა. ევროპის ჩემპიონატის შემდეგ ყველაფრის მოგება მინდოდა, ოქროს ბურთის, ჩემპიონთა ლიგის. ეს ოცნებები ახლაც მაქვს."

"მსურს, რომ კარგ ფორმაში ვიყო, მსურს რომ ბევრი დრო გავატარო მინდორზე, მსურს, რომ მიუნხნეში ხალხმა თქვას: "აი სწორედ ამიტომ ვიყიდეთ რენატუ სანჩესი." - აცხადებს პორტუგალიელი.

28-06-2021, 18:56

sandro

მეტის ნახვა

"მიუნხენ 1860-ის" მთავარმა მწვრთნელმა, დენის ბუშუევმა, Sportbox.ru-სთან ინტერვიუში ქართველ ტალანტზე ისაუბრა და მის მიმართ საქებარი სიტყვები არ დაიშურა.

"იმსახურებს თუ არა ხვიჩა გერმანიის ბუნდესლიგაში თამაშს? რა თქმა უნდა, კი ის იმ ფეხბურთელთა სიას მიეკუთვნება როგორებიც რობენი და რიბერი არიან, ქართველს თავისუფლად შეუძლია გერმანიის ტოპ-5 კლუბში იასპარეზოს. ხვიჩას გიჟური ტექნიკა აქვს და მეტოქის კარზეა დაგეშილი. გერმანიის ჩემპიონატში ასეთი მოთამაშეების რაოდენობამ იკლო და ვფიქრობ, ხვიჩას აქ ასპარეზობა არ გაუჭირდება.“

შეგახსენებთ, რომ 2020-21 წლების სეზონში ხვიჩამ „რუბინის“ მაისურით 23 შეხვედრა ჩაატარა და მის ანგარიშზე 4 გოლი და 8 შედეგიანი გადაცემაა. ქართველ ფეხბურთელს კლუბთან კონტრაქტი 2024 წლამდე აკავშირებს, თუმცა უცხოური პრესის ინფორმაციით, დიდი შანსია, ამ ზაფხულს ყაზანი დატოვოს.

27-06-2021, 19:44

sandro

მეტის ნახვა

გერმანიის საფეხბურთო ნაკრების მთავარი მწვრთნელი, იოახიმ ლიოვი უნგრეთის წინააღმდეგ გამართულ შეხვედრაზე საუბრობს:

"ყველა პატარა ნაკრებმა ისწავლა გუნდურად თამაში, ისინი ბოლომდე იბრძვიან და არცერთ მეტოქეს არ უშინდებიან, ამიტომაც სულაც არ მიკვირს უნგრეთის ასეთი მაღალი დონის პერფორმანსი, მათ 1 ქულა ნამდვილად დაიმსახურეს."

"გარკვეული შეცდომები გვქონდა, თუმცა, სულისკვეთება ვაჩვენეთ. ბოლომდე ვიბრძოდით სასურველი შედეგის მოსაპოვებლად, რაც კარგია."

"1/8 ფინალში გარანტირებულად ვართ, ამიტომაც ახლა უკვე ინგლისთან მატჩისთვის უნდა დავიწყოთ მზადება."

შეგახსენებთ, რომ ზემოთ ხსენებული დაპირისპირება, ფრედ დასრულდა ანგარიშით 2:2.

24-06-2021, 14:21

sandro

მეტის ნახვა

ევროპის ჩემპიონატის ჯგუფური ეტაპის ბოლო მატჩში გერმანიამ მნიშვნელოვანი ქულა მოიპოვა და 1/8 ფინალში გავიდა.

ბუნდესნაკრები საკუთარ კედლებში უნგრეთს დაუპირისპირდა. შეხვედრა ფრედ, 2:2 დასრულდა.

გერმანელთა მხრიდან თავის გამოჩენა კაი ჰავერცმა და ლეონ გორეცკამ მოახერხეს.

გთავაზობთ ფეხბურთელების შეფასებებს Whoscored-ის ვერსიით.

24-06-2021, 01:11

sandro

მეტის ნახვა

ევროპის ჩემპიონატის ჯგუფური ეტაპის ბოლო ტურში გერმანიის ეროვნულმა ნაკრებმა უნგრეთს უმასპინძლა და დაუზავდა - 2:2.

ამრიგად, ბუნდესნაკრებმა 4 ქულის დაგროვება მოახერხა და F ჯგუფში მეორე ადგილზე გავიდა.

1/8 ფინალში იოახიმ ლიოვის შეგირდები ინგლისის ეროვნულ ნაკრებს დაუპირისპირდება.

შეხვედრა 29 ივნისს, ლონდონში, თბილისის დროით 20:00 საათზე გაიმართება.

24-06-2021, 00:53

sandro

მეტის ნახვა

ლეგენდარულმა გერმანელმა ფეხბურთელმა, ლოთარ მათეუსმა ლეროი სანე გააკრიტიკა.

"მე მას გახურების მომენტში ვაკვირდები ხოლმე და თუ შეადარებთ იოზუა კიმიხს, სრულიად სხვადასხვა ადამიანებს დაინახავ. შესაძლოა, მწვრთნელიც ხედავს მის დამოკიდებულებას და სწორედ ამიტომ ეძლევათ სხვა ფეხბურთელებს დრო."

"თუმცა, ჩემი აზრით ლეროი მიულერის შეცვლის პირველი კანდიდატია. უნგრეთთან ის მოახერხებს თომასის ჩანაცვლებას. თუმცა, შემდგომ ეტაპებზე აუცილებლად დაგვჭირდება მიულერის დაბრუნება." - აცხადებს მათეუსი.

22-06-2021, 18:18

sandro

მეტის ნახვა

უეფამ მანუელ ნოიერის წინააღმდეგ გამოძიება დაიწყო. საქმე ეხება ცისარტყელას ფერებში არსებულ კაპიტნის სამკლაურს.

როგორც ირკვევა, მანუელ ნოიერს ეს სამკლაური ევრო 2020-ის მიმდინარეობისას ეკეთა, ეს კი უეფას წესების მიხედვით აკრძალულია და პოლიტიკურ ნიშნად ითვლება.

როგორც ცნობილია, გერმანიის ნაკრებს ნებართვა UEFA-სგან უნდა აეღო, რაც არ გაუკეთებიათ.

შესაბამისი მოცემულობიდან გამომდინარე, ბუნდესნაკრებს ჯარიმა ემუქრება. შეგახსენებთ, რომ ეს სამკლაური განსხვავებული ორიენტაციის მქონეთა დაცვის და სოლიდარობის ნიშანია.

20-06-2021, 22:23

sandro

მეტის ნახვა

ევროპის ჩემპიონატის ჯგუფური ეტაპის მეორე ტურში გერმანიის ეროვნულმა ნაკრებმა პორტუგალიას უმასპინძლა და 4:2 დაამარცხა.

მატჩის სტარტზე გაშვებული გოლის შემდეგ ლიოვის შეგირდებმა მობილიზება მოახერხეს და 60 წუთამდე მეტოქეს 4 ბურთი გაუტანეს.

სტუმრებმა დარჩენილ დროში მხოლოდ ერთი გოლის გაქვითვა მოახერხეს.

იხილეთ ფეხბურთელების შეფასებები გამოცემა Whoscored-ის ვერსიით.

19-06-2021, 21:53

sandro

მეტის ნახვა

ევროპის ჩემპიონატის ჯგუფური ეტაპის მეორე ტურში გერმანიის ნაკრები საკუთარ კედლებში პორტუგალიას ამარცხებს.

მეორე ტაიმის სტარტზე ულამაზესი კომბინაცია კაი ჰავერცმა დააგვირგვინა.

იხილეთ ვიდეო.

19-06-2021, 21:12

sandro

მეტის ნახვა