ანდალუსიის "სევილიას" ნახევარმცველმა, ივან რაკიტიჩმა განაცხადა, რომ მას მიუნხენის "ბაიერნში" თამაშის შანსი ჰქონდა.

"ბაიერნს ჩემი ტრანსფერი შესთავაზეს 2019 წელს, თუმცა, მე ეს არ ვიცოდი. სამწუხაროა, რომ სალიჰამიჯიჩმა ეს წინადადება უარით გაისტუმრა. დიდი სიამოვნებით ვითამაშებდი ნოიერთან ერთად."

"ამ კლუბში თამაში ნებისმიერი ფეხბურთელისთვის დიდი პატივია. გასული წლების მანძილზე "ბაიერნმა" დიდი პროგრესი განიცადა. ამის შემხედვარე მხოლოდ შეგიძლია მიულოცო ამ წარმატების შემოქმედებს."

"ჩემპიონთა ლიგიდან გავარდნის მიუხედავად "ბაიერნი" ევროპის საუკეთესო კლუბია. სამწუხაროა, რომ ამ გუნდში თამაშის საშუალება არ მომეცა." - აცხადებს რაკიტიჩი.

24-04-2021, 14:33

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "მაინცთან" მატჩამდე პრესკონფერენცია ჩაატარა.

"ბუნდესლიგაში 34 ტურის შემდეგ პირველ ადგილზე ყოფნა დიდი პატივია. ეს ძალიან მნიშვნელოვანი ტურნირია ყველა მონაწილე გუნდისთვის."

"ლევანდოვსკის დიდი მიზანი აქვს, გერდ მიულერის რეკორდის მოხსნა. ის, გორეცკა და გნაბრი გუნდს დაუბრუნდნენ. შემადგნელობა ეტაპობრივად ივსება."

"მაინცთან მატჩის შემდეგ ორკვირიანი პაუზა გვაქვს. ფეხბურთელებს დასვენების საშუალება მიეცემათ. გადაბმულად ამდენი თამაშის ჩატარების შემდეგ ეს საჭირო იყო."

"რუმენიგეს დიდი გამოცდილება აქვს. ის იმსახურებდა UEFA-ში მსგავს თანამდებობას."

"ყველაფერს აქვს თავისი საზღვრები. ოჯახის შეურაცხყოფა არ შეიძლება. ჩემსა და სალიჰამიჯიჩს შორის კონფლიქტი არ ყოფილა. მან უდიდესი როლი ითამაშა გუნდის წარმატებაში."

"ტიტულის შენარჩუნება ჩვენი მიზანია, თუმცა, "მაინცმა" ძალიან კარგი მატჩები ჩაატარა ბოლო ტურებში." - აცხადებს ფლიკი.

23-04-2021, 18:13

sandro

მეტის ნახვა

მას შემდგომ, რაც სუპერლიგის არაერთმა კლუბმა ტურნირის დატოვების შესახებ მიიღო გადაწყვეტილება, გაჩნდა ცნობები, რომ მათ გარკვეული სახის ჯარიმის გადახდა მოუწევთ. ეს ცნობა ფლორენტინო პერესმაც დაადასტურა ინტერვიუს დროს, თუმცა, ზუსტი თანხა არ დაუსახელებია.

ევროპული გამოცემების ინფორმაციით, ჯარიმა საკმაოდ სოლიდურია და ის არანაკლებ 300 მილიონ ევროს შეადგენს.

როგორც ცნობილია, სუპერლიგაში შესულ ყველა კლუბს კონტარქტზე ჰქონდა მოწერილი ხელი, რომლის დარღვევის შემთხვევაშიც სწორედ ზემოხსენებული თანხის გადახდა მოუწევთ.

შეგახსენებთ, რომ სუპერლიგის დატოვება 12-დან 9 კლუბმა დაადასტურა. ამ დრომდე ტურნირზე რჩებიან მადრიდის "რეალი", კატალონიის "ბარსელონა" და ტურინის "იუვენტუსი".

23-04-2021, 12:28

sandro

მეტის ნახვა

იტალიური გამოცემა Calciomercato-ს ინფორმაციით, "პსჟს" ნახევარმცველს, იულიან დრაქსლერს მიუნხენის "ბაიერნში" სურს კარიერის გაგრძელება.

გერმანელ ნახევარმცველს კლუბთან კონტრაქტი სეზონის დასრულების შემდეგ ეწურება და თავისუფალი აგენტი ხდება.

წყაროს ცნობით, დრაქსლერის აგენტი უკვე დაუკავშირდა "ბაიერნის" წარმომადგენლებს და მისი კლიენტი შესთავაზა.

ჯერ-ჯერობით უცნობია თავად "რეკორდმაისტერის" პოზიცია. დიდი ალბათობით, ზაფხულში მიუნხენელები უპამეკანოს ტრანსფერის შემდეგ დიდი თანხების გადახდას მოერიდებიან და არ არის გამორიცხული, დრაქსლერი უფასოდ დაიმატონ.

23-04-2021, 00:04

sandro

მეტის ნახვა

მიუნხენის "ბაიერნის" დირექტორთა საბჭოს წევრმა, კარლ-ჰაინც რუმენიგემ ფლორენტინო პერესზე ისაუბრა.

"მე ფლორენტინო პერესთან ყოველთვის ძალიან კარგი ურთიერთობა მქონდა. არ უნდა დავივიწყოთ, რომ ის მსოფლიოს ერთ-ერთი საუკეთესო კლუბის პრეზიდენტია."

"UEFA-ს პრეზიდენტმა, ალექსანდრ შეფერინმა გვთხოვა, რომ ყველა კლუბთან კვლავ კარგი ურთიერთობა დავიჭიროთ და წინსვლა განვაგრძოთ."

"ამ პოზიციას სრულაიდ ვეთანხმები, ამ ქაოსში ბრძნულად უნდა ვიმოქმედოთ. იმედი მაქვს, ფლორენტინო ამას მიხვდება."

"გასულ კვირაში მომხდარი მოვლენების შემდეგ ვეჭვობ, რომ სუპერლიგის იდეამ კვლავ იარსებოს." - აცხადებს რუმენიგე.

22-04-2021, 22:58

sandro

მეტის ნახვა

მიუნხენის "ბაიერნის" სპორტული დირექტორის, ჰასან სალიჰამიჯიჩის მეუღლემ მიმართვა გაავრცელა.

"გასული დღეების განმავლობაში არაერთი უხამსი და შეურაცხმყოფელი მესიჯი მივიღე, რაც ჩემს საქმიანობას არ ეხება და მხოლოდ ჩემი ქმრის და მისი საქმიანობის გამო მოხდა."

"მას შეურაცხყოფას აყენებენ პირადულად და ეხებიან მთლიან ოჯახს. გთხოვთ მსგავსი ქცევა შეწყვიტოთ. ნამდვილი გულშემატკივრები ასე არ იქცევიან." - აცხადებს ესთერი.

22-04-2021, 20:22

sandro

მეტის ნახვა

როგორც ცნობილია, სუპერლიგაში მონაწილე კლუბების დასჯას რამდენიმე ევროპული გრანდი ითხოვს.

UEFA-ს ვიცე პრეზიდენტის განცხადებით, ეს ადრე თუ გვიან აუცილებლად მოხდება.

"ჩვენ უნდა განვიხილოთ რა დამატებითი შედეგები მოჰყვება ამას. მათ სასჯელი ემუქრებათ."

"ამ კლუბების პირველი სასჯელი უკვე გამოტანილია და ეს სირცხვილის ქვეშ ცხოვრება იქნება." - აცხადებს ვიცე-პრეზიდენტი.

21-04-2021, 21:59

sandro

მეტის ნახვა

მიუნხენის "ბაიერნის" აღმასრულებელი საბჭოს წევრმა, ჰერბერტ ჰაინერმა ფლიკისა და სალიჰამიჯიჩის დაპირისპირებაზე ისაუბრა.

"ყველა, მათ შორის მეც, აღტაცებულები ვიყავით ბოლო 18 თვის განმავლობაში გუნდის მიერ ნაჩვენები შედეგებით."

"მედალს ორი მხარე აქვს. გვესმის, რომ მწვრთნელს სურს 30 სუპერვარსკვლავის ყოლა გუნდში, მაგრამ მეორე მხარეს არის კორონავირუსის პანდემია, რომლის გამოც 150 მილიონი ევროს დანაკარგი განვიცადეთ."

"სპორტული დირექტორის საქმე არა მხოლოდ სპორტული, არამედ ეკონომიკური კუთხით ყურებაცაა. მთავარი მწვრთნელი უფრო მეტად მოკლევადიან წარმატებაზე ფიქრობს, მაშინ, როდესაც სპორტული დირექტორი გრძელვადიან გეგმებს ანგარიშობს."

"ჩვენ გადაწყვეტილებები უნდა მივიღოთ ერთად, შეთანხმებულად და მხოლოდ ამის შედეგად მივაღწევთ წარმატებას." - აცხადებს ჰაინერი.

21-04-2021, 21:40

sandro

მეტის ნახვა

სეზონის დასრულების შემდეგ მიუნხენის "ბაიერნის" რიგებს დავიდ ალაბა დატოვებს.

როგორც ჩანს, ავსტრიელი მცველი კარიერას მადრიდის "რეალში" გააგრძელებს. ეს ინფორმაცია ირიბად იოზუა კიმიხმაც დაადასტურა.

"დავიდმა მიუნხენში არაერთი ტიტული მოიგო, მათ შორის ორი ტრებლი. რაც შეეხება "რეალს", ეს ნამდვილად ღირებული კლუბია."

"ბაიერნის შემდეგ ბევრი ნაბიჯი არ არსებობს, რომლის გადადგმაც შეუძლია ფეხბურთელს, თუმცა "რეალი" ცუდი ვარიანტი არ არის." - აცხადებს იოზუა.

21-04-2021, 20:58

sandro

მეტის ნახვა

გერმანიის ბუნდესლიგის 31-ე ტურში მიუნხენის "ბაიერნი" სტუმრად "მაინცს" დაუპირისპირდება.

აღნიშნულ მატჩში "რეკორდმაისტერს" ორი ლიდერი, რობერტ ლევანდოვსკი და სერჟ გნაბრი დაუბრუნდება.

პოლონელმა თავდამსხმელმა ტრავმა სრულიად მოირჩინა და დღეს გუნდთან ერთად სრული დატვირთვით ივარჯიშა. რაც შეეხება გნაბრის, ის კორონავირუსისგან განიკურნა და ახლა ფორმაში დასაბრუნებლად ვარჯიშებს ატარებს.

შეგახსენებთ, რომ "მაინცთან" გამარჯვების შემთხვევაში "ბაიერნი" 3 ტურით ადრე ოფიციალურად გაინაღდებს ჩემპიონის ტიტულს.

21-04-2021, 15:58

sandro

მეტის ნახვა

სამშაბათს, 20 აპრილს სუპერლიგის კლუბებმა ჩემპიონატის დატოვების შესახებ მიიღეს გადაწყვეტილება.

თავდაპირველად, ეს გადაწყვეტილება "სიტიმ" და ლონდონის "ჩელსიმ" მიიღეს, რასაც მალევე შეუერთდნენ პრემიერლიგის დანარჩენი კლუბებიც.

ამ მომენტისთვის სუპერლიგა უკვე 9 კლუბმა დატოვა. გარდა პრემიერლიგის 6 კლუბისა, იგივე გადაწყვეტილება "მილანმა", "ინტერმა" და მადრიდის "ატლეტიკომაც" მიიღეს.

სუპერლიგაში ამ დროისთვის მხოლოდ 3 კლუბი არის დარჩენილი, ესენი არიან "ბარსელონა", "რეალი" და "იუვენტუსი".

გუშინ გაკეთებული განცხადების მიხედვით, ჯერ-ჯერობით პროექტი სრულად გაუქმებული არ არის. რა ნაბიჯს გადადგამენ დარჩენილი კლუბები, ამ მომენტისთვის უცნობია.

21-04-2021, 15:35

sandro

მეტის ნახვა

გერმანიის ბუნდესლიგის 30-ე ტურში მიუნხენის "ბაიერნმა" საკუთარ კედლებში ლევერკუზენის "ბაიერს" უმასპინძლა და 2:0 დაამარცხა.

იმ შემთხვევაში, თუ "რეკორდმაისტერი" მომდევნო ტურში "მაინცის" დამარცხებას მოახერხებს, კლუბი ვადაზე ადრე გაიფორმებს ბუნდესლიგის ჩემპიონის ტიტულს.

გთავაზობთ ფეხბურთელების შეფასებებს "ლევერკუზენთან" მატჩიდან:

21-04-2021, 00:25

sandro

მეტის ნახვა

"ბაიერნისა" და "ლევერკუზენის" შეხვედრის მე-14 წუთზე იოზუა კიმიხმა ანგარიშში სხვაობა ორამდე გაზარდა.

იხილეთ ვიდეო.

20-04-2021, 22:52

sandro

მეტის ნახვა

როგორც ჩანს, ახალი სუპერლიგის შექმნის იდეა ძალიან მალე წარსულს ჩაბარდება.

ბრიტანული გამოცემების ინფორმაციით, ფანების პროტესტისა და UEFA/FIFA-ს გაფრთხილებების შემდეგ ერთბაშად სამ კლუბს სურს სუპერლიგის დატოვება.

თავდაპირველად ინფორმაცია ლონდონის "ჩელსიზე" გაჩნდა, რასაც მალევე მოჰყვა "სიტის" შესახებ ცნობები. სულ ბოლოს გავრცელებული ინფორმაციის თანახმად კი ტურნირიდან გასვლის მსურველთა რიცხვს მადრიდის "ატლეტიკოც" შეუერთდა.

წყაროს ცნობით, დღეს თორმეტივე კლუბის წარმომადგენელი შეიკრიბება და ახლიდან განიხილავენ სუპერლიგის შესაძლო მომავალს.

20-04-2021, 22:28

sandro

მეტის ნახვა

მიუნხენის "ბაიერნის" დირექტორთა საბჭოს წევრმა, კარლ-ჰაინც რუმენიგემ ევროპის სუპერლიგის ერთ-ერთ დამაარსებელ ანდრეა ანიელიზე კომენტარი გააკეთა.

"მე მსურს რომ ანიელის გავესაუბრო. მასთან რამდენჯერმე ვცადე დაკონტაქტება, თუმცა, ჩემს ზარებს არ პასუხობს."

"ჯერ-ჯერობით არ ვიცი მისი მოტივები, შესაბამისად, ამის გარეშე ნამდვილად არ მსურს ვინმეს გაკრიტიკება."

"ჩვენ პასუხისმგებლობას ვგრძნობთ ფეხბურთისა და ფანების წინაშე, რომლებსაც არ სურთ სუპერლიგის შექმნა." - აცხადებს რუმენიგე.

20-04-2021, 21:55

sandro

მეტის ნახვა

გერმანიის ბუნდესლიგის 30-ე ტურში მიუნხენის "ბაიერნი" საკუთარ კედლებში ლევერკუზენის "ბაიერს" მიიღებს.

მატჩის დაწყებამდე მცირე ხნით ადრე ჰანს ფლიკმა სასტარტო თერთმეტეული დაასახელა:

ნოიერი - პავარი, ბოატენგი, ერნანდესი, დეივისი - კიმიხი, ალაბა - კომანი, მიულერი, მუსიალა - ჩუპო მოტინგი.

20-04-2021, 21:35

sandro

მეტის ნახვა