რამდენიმე დღის წინ მიუნხენის "ბაიერნის" მთავარმა მწვრთნელმა, ჰანს ფლიკმა დაადასტურა, რომ სეზონის დასრულების შემდეგ კლუბს ტოვებს.

როგორც ცნობილია, 53 წლის სპეციალისტის წასვლის ერთ-ერთი მთავარი მიზეზი ჰასან სალიჰამიჯიჩთან კონფლიქტი გახლავთ.

"რეკორდმაისტერის" გულშემატკივრების უმრავლესობა ამ დაპირისპირებაში ჰანს ფლიკს უჭერს მხარს და ამაზე გამოკითხვის შედეგებიც მოწმობს.

შესაბამისად, "ბაიერნის" გულშემატკივრებმა სპეციალური პეტიცია შექმნეს, სადაც ისინი ფლიკის დარჩენასა და ჰასან სალიჰამიჯიჩის კლუბიდან გაშვებას მოითხოვენ.

პეტიციაზე უკვე 41'000-ზე მეტმა ადამიანმა მოაწერა ხელი. მასზე ხელის მოწერა ნებისმიერი ქვეყნის წარმომადგენელს შეუძლია ამ ლინკის საშუალებით.

20-04-2021, 20:17

sandro

მეტის ნახვა

მიუნხენის "ბაიერნის" მაღალჩინოსნებმა სუპერლიგის თაობაზე ოფიციალური განცხადება გააკეთეს.

"ჩვენი წევრები და ფანები უარს აცხადებენ სუპერლიგაზე. ჩვენი მიზანია, რომ ევროპულმა კლუბებმა ერთად გააგრძელონ ცხოვრება და განვითარება ჩემპიონთა ლიგაზე, UEFA-ს დახმარებით. "ბაიერნი" უარს ამბობს სუპერლიგაზე." - ჰაინერი.

"კლუბის ხელმძღვანელობის სახელით მინდა დავადასტურო, რომ ჩვენ ამ ტურნირში მონაწილეობას არ მივიღებთ. "ბაიერნი" მუდამ გვერდში უდგას ბუნდესლიგას. ჩვენთვის ყოველთვის დიდი პატივი იყო ჩემპიონთა ლიგაზე გერმანული სახელის წარმოჩენა." - რუმენიგე.

20-04-2021, 18:20

sandro

მეტის ნახვა

გერმანული გამოცემა BILD სენსაციურ ინფორმაციას აქვეყნებს. ჩემპიონთა ლიგის მიმდინარე სეზონში შესაძლოა, მიუნხენის "ბაიერნი" კვლავ ვიხილოთ.

სუპერლიგის დაარსების შემდეგ UEFA აქტიურად განიხილავს მასში მონაწილე გუნდების დასჯის ხერხს.

წყაროს ცნობით, არ არის გამორიცხული, მიმდინარე სეზონის 1/2 ფინალში ის კლუბები არ დაუშვან, რომლებმაც სუპერლიგის შექმნაში მიიღეს მონაწილეობა. ესენი არიან "რეალი", "ჩელსი" და "მანჩესტერ სიტი". მათ ნაცვლად კი 1/4 ფინალში გავარდნილმა კლუბებმა ითამაშონ ("ბაიერნი", "დორტმუნდი" და "პორტუ").

კიდევ ერთ ვარიანტად სამივე ხსენებული კლუბის გარიცხვა და "პსჟს" პირდაპირ ჩემპიონად გამოცხადებაა, თუმცა, ეს ნაკლებად სავარაუდოა, რადგან ნახევარფინალური და ფინალური მატჩების ტრანსლიაციის ლიცენზიები UEFA-ს უკვე გაყიდული აქვს და ამ თამაშების ჩაშლა უდიდეს ფინანსურ დარტყმას მიაყენებს მათ.

ასევე, არის ალბათობა, რომ მიმდინარე სეზონში ჩემპიონთა ლიგაზე არაფერი შეიცვალოს და ჩვეულებრივად გაგრძელდეს. საბოლოო პასუხი პარასკევს, UEFA-ს სხდომის ჩატარების შემდეგ გვეცოდინება.

19-04-2021, 23:48

sandro

მეტის ნახვა

დღეს UEFA-მ ოფიციალურად გადაწყვიტა, რომ ის კლუბები, რომლებიც ევროპის სუპერლიგაში მიიღებენ მონაწილეობას, UEFA-ს ტურნირებიდან მოიკვეთებიან.

შესაბამისად, დიდია ალბათობა იმისა, რომ მადრიდის "რეალი", "ბარსელონა", "ლივერპული", "მანჩესტერ სიტი" და სხვა 8 გრანდი მომდევნო სეზონში ჩემპიონთა ლიგაზე ვეღარ ვიხილოთ.

ასეთ შემთხვევაში, შიდა ჩემპიონატების მიმდინარე ცხრილიდან გამომდინარე შესაძლოა, ჩემპიონთა ლიგაზე შემდეგი კლუბები ვიხილოთ:

გერმანია: "ბაიერნი", "ლაიფციგი", "ვოლფსბურგი", "აინტრახტი".

ინგლისი: "ლესტერი", "ვესტ ჰემი", "ევერტონი", "ლიდსი".

ესპანეთი: "სევილია", "ვილიარეალი", "ბეტისი", "სოსიედადი".

იტალია: "ატალანტა", "ნაპოლი", "რომა", "ლაციო".

საფრანგეთი: "ლილი", "პსჟ", "მონაკო".

19-04-2021, 23:13

sandro

მეტის ნახვა

გერმანიის ბუნდესლიგის 30-ე ტურში მიუნხენის "ბაიერნი" საკუთარ კედლებში ლევერკუზენის "ბაიერს" მიიღებს.

მატჩამდე ერთი დღით ადრე მიუნხენურ კლუბს ტრავმის გამო კიდევ ერთი ფეხბურთელი გამოაკლდა, ლეროი სანე.

გერმანელმა ვინგერმა ორშაბათს ჩატარებული ვარჯიშის დროს დაზიანება მიიღო და მისი თამაში ხვალ, ფაქტობრივად, გამორიცხულია. უცნობია, რა დროით გამოაკლდება სანე "ბაიერნს".

გარდა ამისა, ორშაბათის ვარჯიშში მონაწილეობა არ მიუღია დავიდ ალაბას. მიზეზი უცნობია.

19-04-2021, 21:32

sandro

მეტის ნახვა

მოგეხსენებათ, სუპერლიგის შექმნის იდეას მიუნხენის "ბაიერნი" და სხვა გერმანული კლუბები ეწინააღმდეგებიან. თუმცა, მათი ტურნირზე მონაწილეობის შანსი ჯერ კიდევ არსებობს.

სულ ცოტა ხნის წინ კონტრაქტის დეტალები გახდა ცნობილი, რომლის მიხედვითაც "რეკორდმაისტერს", დორტმუნდის "ბორუსიასა" და "პსჟს" საბოლოო პასუხის გასაცემად დრო ეძლევათ.

სუპერლიგაში ჯამში 20 კლუბი მიიღებს მონაწილეობას, საიდანაც 15 დამფუძნებელი წევრი იქნება. ამ 15 კლუბიდან 12 უკვე გარკვეულია, დანარჩენი სამი ზემოხსენებული კლუბის პასუხს კი კვლავ ელოდებიან.

წყაროს ცნობით, "ბაიერნსა" და "დორტმუნდს" პასუხის გასაცემად 30 კალენდარული დღე ექნებათ. "პსჟმ" კი თავისი გადაწყვეტილება 14 კალენდარული დღის ვადაში უნდა დააფიქსიროს. ამის შემდგომ მათ აღარ ექნებათ სუპერლიგის დამფუძნებელი წევრის სტატუსით სარგებლობის უფლება.

19-04-2021, 21:04

sandro

მეტის ნახვა

მიუნხენის "ბაიერნის" აღმასრულებელი საბჭოს დირექტორმა, კარლ-ჰაინც რუმენიგემ სუპერლიგის შექმნაზე კომენტარი გააკეთა.

"მიუნხენის "ბაიერნს" მონაწილეობა არ მიუღია სუპერლიგის შექმნაში. ჩვენ მიგვაჩნია, რომ ამჟამინდელი სტრუქტურა ფეხბურთში გარანტიას იძლევა საიმედო საფუძვლისა."

"კლუბი მიესალმება ჩემპიონთა ლიგაზე ცვლილებების შემოღებას და გვჯერა, რომ ეს ფეხბურთის განვითარებას ხელს შეუწყობს. მოდიფიცირებული ჯგუფური ეტაპი მოგვცემს კიდევ უფრო მეტ საინტერესო და ამაღელვებელ მატჩს."

"არ ვფიქრობ, რომ სუპერლიგა იმ ფინანსურ პრობლემებს გადაჭრის, რაც ევროპულმა კლუბებმა კორონავირუსის პანდემიისგან მიიღეს."

"ყველა კლუბმა და ფეხბურთელმა ერთად უნდა მიიღოს ამ პრობლემის გადაჭრაში მონაწილეობა, რათა ფეხბურთი კიდევ უფრო მიმზიდველი გახდეს." - წერია განცხადებაში.

19-04-2021, 20:16

sandro

მეტის ნახვა

სულ ცოტა ხნის წინ 12-მა ევროპულმა კლუბმა ახალი სუპერლიგის შექმნაზე გადაწყვეტილება მიიღო. მათ შორის გახლავთ ტურინის "იუვენტუსიც", რომლის პრეზიდენტი, ანდრე ანიელი UEFA-ში აღმასრულებელი საბჭოს დირექტორი გახლდათ.

დღეს მიღებული გადაწყვეტილებით, ევროპული ფეხბურთის მმართველმა ორგანომ ანიელი დაკავებული თანამდებობიდან გაანთავისუფლა და მის ადგილზე კარლ-ჰაინც რუმენიგე დანიშნა.

როგორც ცნობილია, "ბაიერნი" კატეგორიულად ეწინააღმდეგება სუპერლიგის შექმნის იდეას და ხსენებული გადაწყვეტილების ერთ-ერთი მიზეზიც სწორედ ესაა.

შესაბამისად, ამიერიდან UEFA-ს აღმასრულებელი საბჭოს დირექტორი კარლ-ჰაინც რუმენიგე ხდება, რაც "ბაიერნის" სუპერლიგაში გაწევრიანების შანსებს მნიშვნელოვნად ამცირებს.

19-04-2021, 18:46

sandro

მეტის ნახვა

მას შემდგომ, რაც ევროპულმა გრანდებმა ახალი სუპერლიგის შექმნა დააანონსეს, UEFA-მ საპასუხო ნაბიჯები მალევე გადადგა.

ევროპული ფეხბურთის მმართველმა ორგანომ ჩემპიონთა ლიგის განახლებული ფორმატი წარადგინა, რომელიც მკვეთრად განსხვავებული იქნება ძველისგან.

პირველ რიგში, აღსანიშნავია გაზრდილი გუნდების რაოდენობა. ნაცვლად 32-ისა, ახალ ტურნირში 36 გუნდი მიიღებს მონაწილეობას.

გარდა ამისა, აღარ იქნება ჯგუფური ეტაპის მატჩები. ყველა გუნდს გარანტირებულად 10 მატჩის ჩატარება მოუწევს, საიდანაც 8 საუკეთესო პლეი-ოფის ფაზაში მოხვდება, დანარჩენ ადგილებს კი ურთიერთდაპირისპირებით გაარკვევენ სხვა გუნდები.

ასევე, გრანდებს გარანტირებული ადგილი ექნებათ ტურნირზე, მიუხედავად შიდა ჩემპიონატში ნაჩვენები შედეგებისა.

როგორც ცნობილია, მსგავსი ფორმატი ჩემპიონთა ლიგაზე 2024 წლიდან ამოქმედდება.

19-04-2021, 14:11

sandro

მეტის ნახვა

გერმანული გამოცემების ინფორმაციით, მიუნხენის "ბაიერნიდან" ჰანს ფლიკის წასვლის ერთ-ერთი მთავარი მიზეზი ჰასან სალიჰამიჯიჩთან კონფლიქტია.

საინტერესოა, რომ კლუბისთვის ხსენებულ ორ პიროვნებას შორის არჩევანის გაკეთების შემთხვევაში, უმჯობესი იქნება, თუ ის გერმანელ მწვრთნელზე შეჩერდება. ამას კი სპორტულის გარდა ასევე ფინანსური ახსნაც აქვს.

კერძოდ, თუ კლუბი ფლიკს გაუშვებს, მის ნაცვლად მთავარ კანდიდატად იულიან ნაგელსმანი განიხილება. ახალგაზრდა სპეციალისტის სანაცვლოდ კი "ბაიერნს" 20 მილიონი ევროს გადახდა მოუწევს.

ასევე, ფლიკის მოთხოვნა კონტრაქტის გაწყვეტაა. ასეთ შემთხვევაში "ბაიერნი" ვერანაირ ფინანსურ სარგებელს ვერ მიიღებს. ამჟამინდელი სიტუაციის ფონზე კი კონტრაქტის გაწყვეტის გარდა სხვა გამოსავალი ნაკლებად რეალური ჩანს.

თავის მხრივ, სალიჰამიჯიჩთან კონტრაქტის გაწყვეტა კლუბს მხოლოდ 2 მილიონი ევრო დაუჯდება, რაც ნაგელსმანის "ტრანსფერთან" შედარებით გაცილებით მცირე თანხაა.

შესაბამისად, "ბაიერნის" მესვეურებს სერიოზული დაფიქრება მოუწევთ საბოლოო გადაწყვეტილების მიღებამდე.

18-04-2021, 23:52

sandro

მეტის ნახვა

ევროპულმა გამოცემებმა სულ ცოტა ხნის წინ სენსაციური ინფორმაცია გაავრცელეს. როგორც ჩანს, რამდენიმე საათში ახალი ტურნირის, ევროპის სუპერლიგის შექმნის შესახებ ოფიციალურ განცხადებას ვიხილავთ.

წყაროს ცნობით, ევროპული გრანდები ამ წუთებში შეხვედრას მართავენ ახალი ტურნირის შექმნის თაობაზე, რომელსაც ევროპის სუპერლიგა დაერქმევა.

როგორც ცნობილია, შეხვედრაზე იმყოფებიან 3 ესპანური ("რეალი", "ბარსელონა", "ატლეტიკო"), 3 იტალიური ("მილანი", "იუვენტუსი", "არსენალი") და რამდენიმე ინგლისური კლუბის წარმომადგენლები.

ყველა მხარეს გადაწყვეტილი აქვს, რომ ისინი ჩემპიონთა ლიგის განახლებულ ფორმატში მონაწილეობას არ მიიღებენ.

აღსანიშნავია, რომ შეხვედრაზე არ იმყოფებიან გერმანული და ფრანგული კლუბების წარმომადგენლები. როგორც ცნობილია, ისინი კვლავ მხარს უჭერენ UEFA-ს.

18-04-2021, 18:24

sandro

მეტის ნახვა

მიუნხენის "ბაიერნის" ოფიციალურმა საიტმა ჰანს ფლიკთან დაკავშირებით განცხადება გამოაქვეყნა.

"გუშინ, შაბათს ჰანს ფლიკმა, მიუნხენის "ბაიერნის" მთავარმა მწვრთნელმა საჯაროდ განაცხადა, რომ მას კონტრაქტის გაწყვეტის სურვილი აქვს სეზონის დასრულების შემდეგ."

"კლუბი არ ეთანხმება ჰანსი ფლიკის მხრიდან ცალმხრივ კომუნიკაციას. მხარეებს შორის მოლაპარაკებები "მაინცთან" ბუნდესლიგის მატჩის შემდეგ ჩატარდება." - წერია განცხადებაში.

18-04-2021, 16:17

sandro

მეტის ნახვა

მიუნხენის "ბაიერნის" ლეგენდამ, ლოთარ მათეუსმა ჰანს ფლიკის სავარაუდო შემცვლელი დაასახელა.

"რა თქმა უნდა, სამშაბათს ყველაფერი არ მითქვამს, რისი თქმაც მინდოდა. "ბაიერნი" პირდაპირ არ დაკავშირებია ნაგელსმანს. კლუბს დიალოგი ჰქონდა მის წარმომადგენლებთან."

"დარწმუნებული ვარ, მომავალ სეზონში ფლიკის ნაცვლად "ბაიერნს" სწორედ ნაგელსმანი გაუძღვება." - აცხადებს მათეუსი.

შეგახსენებთ, რომ მათეუსმა სამშაბათს ფლიკის გუნდიდან წასვლა დაანონსა, რაც სულ მალე თავად მწვრთნელმაც დაადასტურა.

18-04-2021, 14:48

sandro

მეტის ნახვა

"ვოლფსბურგთან" ბუნდესლიგის მატჩის შემდეგ ჰანს ფლიკმა დაადასტურა, რომ სეზონის დასრულებისთანავე ის მიუნხენის "ბაიერნის" რიგებს დატოვებს.

ამ განცხადების გაკეთების შემდეგ გააქტიურდა საუბრები მის პოტენციურ შემცვლელთან დაკავშირებით.

გერმანული გამოცემების ინფორმაციით, ჯამში დაახლოებით 10 კანდიდატია, რომლებმაც შესაძლოა ეს ვაკანტური ადგილი დაიკაონ, თუმცა მათგან რამდენიმე ფავორიტი გახლავთ.

პირველ რიგში ეს იულიან ნაგელსმანი გახლავთ. ახალგაზრდა სპეციალისტს უკვე დიდი ხანია რაც "ბაიერნის" მწვრთნელობას უწინასწარმეტყველებენ და მის შესაძლო დანიშვნაზე საუბრები ფლიკის წასვლამდეც იყო.

ასევე რეალურ კანდიდატად შეგვიძლია მივიჩნიოთ რალფ რანგნიკიც. 62 წლის სპეციალისტი უკანასკნელად "ლაიფციგს" უძღვებოდა და ის ფლიკის მსგავსად ბუნდესნაკრების პოტენციურ მწვრთნელადაც მიიჩნევა.

სრული კანდიდატების სია კი შემდეგნაირად გამოიყურება:

18-04-2021, 13:41

sandro

მეტის ნახვა

ჰანს ფლიკმა სულ ცოტა ხნის წინ დაადასტურა, რომ სეზონის დასრულების შემდეგ ის მიუნხენის "ბაიერნს" დატოვებს.

გერმანული გამოცემების ინფორმაციით, 56 წლის სპეციალისტის "რეკორდმაისტერში" დარჩენის შანსები ჯერ კიდევ არსებობს და ამის 2 მიზეზი არსებობს.

პირველ რიგში, კლუბს ჯერ არ დაუკმაყოფილებია ფლიკის მოთხოვნა წასვლის თაობაზე და მხარეებს შეთანხმება მომავალში მოუწევთ.

მეორე მიზეზი კი ჰასან სალიჰამიჯიჩია. თუ "ბაიერნი" მას კლუბიდან გაანთავისუფლებს, შესაძლოა, ფლიკმა საკუთარ პოზიციას გადახედოს და შეიცვალოს.

შესაბამისად, არ არის გამორიცხული სეზონის დასრულებამდე გარკვეული ცვლილებები მოხდეს.

18-04-2021, 00:44

sandro

მეტის ნახვა

მიუნხენის "ბაიერნის" ლიდერმა, თომას მიულერმა ჰანს ფლიკის გუნდიდან წასვლის გადაწყვეტილებაზე ისაუბრა.

"მას ზუსტი მიზეზები ჩვენთვის არ უთქვამს და ეს არც უნდა გაეკთებინა. ჰანსიმ ძალიან დიდი ენერგია ჩადო იმ 1.5 წლის მანძილზე, რაც აქ გაატარა."

"ბაიერნის მწვრთნელობა მარტივი საქმე არ არის. ასეთ დროს განსაკუთრებული ფსიქოლოგია გჭირდება."

"აქ ყოფნის დროს მოლოდინები ყოველთვის ძალიან მაღალია და მუდამ გუნდის გვერდზე უნდა იყო." - აცხადებს მიულერი.

17-04-2021, 21:02

sandro

მეტის ნახვა