bayern.ge სიახლეები გვერდი 349
ყველა დროის 15 საუკეთესო მეკარის ვინაობა ცნობილია
ცნობილმა გამოცემა 90min.com-მა მსოფლიოს ყველა დროის 15 საუკეთესო გოლკიპერი დაასახელა.

აღსანიშნავია, რომ სიაში მიუნხენის "ბაიერნის" მხრიდან სამი ფეხბურთელი, ზეპ მაიერი, მანუელ ნოიერი და ოლივერ კანი მოხვდნენ. "ტიტანი" ჩამონათვალში მე-13 ადგილზე გავიდა, რაც შეეხება მანუს, მას მხოლოდ და მხოლოდ მე-9 ადგილი ერგო. მაიერი კი მეექვსეზე გავიდა.

სრული თხუთმეტეული შემდეგნაირად გამოიყურება:

15. ნევილ საუთოლი

14. პეტ ჯენინგსი

13. ოლივერ კანი

12. ვოლტერ ზენგა

11. ედვინ ვან დერ სარი

10. პიტერ შილტონი

9. მანუელ ნოიერი

8. მიშელ პრედჰომი

7. იკერ კასილასი

6. ზეპ მაიერი

5. გორდონ ბენსკი

4. დინო ძოფი

3. პიტერ შმეიხელი

2. ლევ იაშინი

1. ჯანლუიჯი ბუფონი
მიულერი: "მსგავსი საუბრები მაშინ იწყება, როდესაც მინდორზე შენს საქმეს ვერ აკეთებ"
მიუნხენის "ბაიერნის" ლიდერმა, თომას მიულერმა "ლოკომოტივთან" მატჩამდე პრესკონფერენციაზე ისაუბრა.

"მოხარულები ვართ ჩემპიონთა ლიგის დაწყებით. გუნდში კარგი ატმოსფეროა, ყველანი კარგ განწყობაზე ვართ."

"ჩემი გადმოსახედიდან მიმდინარე სეზონი დიდად არ განსხვავდება წინასგან. რა თქმა უნდა, შედარებით მეტი მატჩის ჩატარება გვიწევს მოკლე პერიოდში, მაგრამ მსგავსი საუბრები მხოლოდ მაშინ იწყება, როდესაც მინდორზე შენს საქმეს ვერ აკეთებ."

"ყველა თამაშისგან დიდ სიამოვნებას ვიღებთ, განსაკუთრებით კი შეტევაში. გუნდი მოტივაციის ნაკლებობას არ განიცდის. რაც შეეხება დაცვას, შესაძლოა, თავდაპირველად კარგად ვერ დავიწყეთ, მაგრამ "ატლეტიკოსთან" და "აინტრახტთან" გამოვაჩინეთ ჩვენი ძალები."

"ბაიერნი ყოველთვის ფავორიტებს შორის სახელდება და დასკვნით ფაზამდე მისვლას ყოველთვის ვახერხებთ. ახლა კარგ ფორმაში ვართ, თუმცა, ეს მარტსა და აპრილში არ გამოგვადგება. მთელი სეზონი მაღალ დონეზე უნდა ჩავატაროთ." - აცხადებს მიულერი. 

"ლოკომოტივი" - "ბაიერნი" განაცხადი ცნობილია
ჩემპიონთა ლიგის ჯგუფური ეტაპის მეორე ტურში მიუნხენის "ბაიერნი" მოსკოვის "ლოკომოტივს" სტუმრობს.

მატჩამდე ერთი დღით ადრე "რეკორდმაისტერის" დამრგებელმა, ჰანს ფლიკმა გუნდის განაცხადი დაასახელა.

იხილეთ შემადგენლობა, რომელიც გუნდთან ერთად რუსეთში მიემგზავრება:


ფლიკი: "ფრთხილად უნდა ვიყოთ. "ლოკომოტივმა" რუსეთში ეს მოახერხა"
მიუნხენის "ბაიერნის" მთავარმა მწვრთნელმა, ჰანს ფლიკმა მოსკოვის "ლოკომოტივთან" მატჩამდე პრესკონფერენციაზე ისაუბრა.

"სანაკრებო პაუზის დროს თომასს კარგი შესაძლებლობა ჰქონდა დასასვენებლად და ძალების 100%-ით აღსადგენად, რაც მან გამოიყენა."

"ვიცი, რომ მარკ როკას ჯერ ბუნდესლიგასა და ჩემპიონთა ლიგაზე დებიუტი არ ჰქონია, თუმცა, ამის საჭიროება არ ყოფილა. აქტიურად ვაკვირდები მის პროგრესს და ის მიიღებს შანსს, როდესაც დრო მოვა."

"ყველა ჯანმრთელია. სერჟი უკვე დაუბრუნდა გუნდს და შეიძლება, სასტარტო თერთმეტეულშიც ითამაშოს. მან მხოლოდ 4-5 დღე გამოტოვა გასაგები მიზეზების გამო."

"დევისის ტრავმა ამ სპორტის ერთ-ერთი ნაწილია. სერიოზული დაზიანება არ არის, თუმცა 6-8 კვირის განმავლობაში ვერ დაგვეხმარება. ჩვენ მაქსიმალურად მხარს ვუჭერთ მას. აუცილებლად დაგვჭირდება მისი დახმარება სეზონის დასკვნით ნაწილში."

"ტოლისო კარგ ფორმაშია. მან თავისი შესაძლებლობები "ატლეტიკოსთანაც" დაამტკიცა და კარგად ითამაშა "არმინიასთანაც". ყველაზე მნიშვნელოვანია, რომ მას თამაში სიამოვნებს."

"მუსიალასადმი ჩვენი დამოკიდებულება ნათელია. მიზანი გვაქვს, რომ ეტაპობრივად განვითარდეს, რაც ხერხდება კიდეც. მას ბურთთან ერთად კარგად თამაში შეუძლია, თუმცა, არის რამდენიმე საკითხი, სადაც პროგრესი საჭიროა."

"მოსკოვის "ლოკომოტივი" ძალიან კარგ ფორმაშია. ამ გუნდმა რუსეთში მიმდინარე სეზონში ყველაზე ცოტა გოლი გაუშვა. გარდა ამისა, მათ ედერის და სმოლოვის სახით კარგი შემტევებიც ჰყავთ. ფრთხილად უნდა ვიყოთ." - აცხადებს ფლიკი.
"ლოკომოტივი" - "ბაიერნი" სავარაუდო შემადგენლობა
ჩემპიონთა ლიგის მეორე ტურში მიუნხენის "ბაიერნი" რუსეთში ჩავა და მოსკოვის "ლოკომოტივს" დაუპირისპირდება.

გთავაზობთ "რეკორდმაისტერის" სავარაუდო თერთმეტეულს მომდევნო შეხვედრისთვის.

ნოიერი - პავარი, ზულე, ალაბა, ერნანდესი - ტოლისო, კიმიხი - კომანი, მიულერი, სანე - ლევანდოვსკი.
წარმოუდგენელი სტატისტიკა - ლევანდოვსკის 2020 წელი ციფრებში
2020 წელი რომ რობერტ ლევანდოვსკის კარიერაში ყველაზე წარმატებულია, ამაზე არავინ დაობს. გთავაზობთ პოლონელი ფეხბურთელის ბრწყინვალე სტატისტიკას ციფრების სახით, რომელიც მან მიმდინარე წელს დააფიქსირა.

1 - 2020 წლის პირველ ოქტომბერს ლევანდოვსკი ევროპის საუკეთესო ფეხბურთელად დასახელდა. მან კევინ დე ბრუინსა და მანუელ ნოიერს აჯობა.

2 - ლევანდოვსკის ორი ან მეტი გოლი ერთ შეხვედრაში 2020 წელს რვაჯერ აქვს გატანილი.

3 - ბუნდესლიგაში გატანილი 34 გოლით პოლონელმა რიგით მესამედ მოიგო საუკეთესო ბომბარდირის ტიტული.

4 - ლევანდოვსკის მიზანი მიმდინარე სეზონში. ბუნდესლიგის ბომბარდირი ოთხჯერ ისტორიაში არავინ გამხდარა, მას კი რეკორდის დამყარების შანსი აქვს.

5 - ბუნდესლიგის არცერთ ფეხბურთელს არ გაუტანია 5 ტურის შემდეგ ლევანდოვსკიზე მეტი გოლი.

9 - პოლონელმა ზედიზედ 9 შეხვედრაში შეძლო ჩემპიონთა ლიგაზე გოლის გატანა. ამ შედეგით მხოლოდ ლეგენდარულ კრისტიანო რონალდუს ჩამორჩება, რომელსაც 11 მატჩიანი სერია ჰქონდა.

10 - ლევანდოვსკი უკვე ზედიზედ 10 სეზონია რაც ბუნდესლიგაში 10 ან მეტ გოლს იტანს.

12 - საგოლე გადაცემების რაოდენობა, რომელიც პოლონელმა შეასრულა.

18 - ბუნდესლიგაში მოასპარეზე გუნდების რაოდენობა, რომლებსაც ლევანდოვსკიმ გაუტანა. მას ყველა გუნდის კარის ბადე აქვს შერხეული.

19 - კორონავირუსის პაუზის შემდეგ ლევანდოვსკიმ 13 შეხვედრაში 19 გოლი გაიტანა გერმანიაში. მსგავსი შედეგი არავის აქვს.

21 - 21 თამაში გავიდა მას შემდეგ, რაც პოლონელმა ზედიზედ 2 შეხვედრაში ვერ გაიტანა.

23 - 2020 წელს ლევანდოვსკიმ 23 შეხვედრაში შეძლო მინიმუმ 1 გოლის გატანა, 30 თამაშიდან.

32 - რობერტ ლევანდოვსკი 2020 წლის 21 აგვისტოს 32 წლის გახდა.

35 - საკლუბო ტურნირებზე წელს ლევანდოვსკიმ 35 გოლი გაიტანა. მასთან ყველაზე ახლოს რონალდუა, 28 გოლით.

55 - ლევანდოვსკის გოლების რაოდენობა "ბაიერნის" მაისურით 2019/20 წლების სეზონში.
დეივისმა ტრავმის მიღების შემდეგ პირველი კომენტარი გააკეთა
მოგეხსენებათ, ფრანქფურტის "აინტრახთან" დაპირისპირების დროს მიუნხენის "ბაიერნის" ამომავალმა ვარსკვლავმა, ალფონსო დეივისმა სერიოზული დაზიანება მიიღო, რის გამოც ის 8 კვირას გამოტოვებს.

კანადელმა მარცხენა მცველმა ტრავმის მიღების შემდეგ პირველი კომენტარი გააკეთა.

"დიდი მადლობა ყველას მხარდასაჭერი წერილებისთვის. მე უფრო ძლიერი დავბრუნდები." - წერს ფონზი სოციალურ ქსელში.
ოფიციალურად: გნაბრის დაბრუნების თარიღი ცნობილია
მოგეხსენებათ, სამშაბათს მიუნხენის "ბაიერნის" ლიდერს, სერჟ გნაბრის კორონავირუსი დაუდასტურდა ამის გამო "ატლეტიკოსთან" მატჩის გამოტოვება მოუწია.

განმეორებითმა ტესტებმა, რომლებიც ზედიზედ ბოლო ოთხი დღის განმავლობაში ტარდებოდა, უარყოფითი პასუხები დააფიქსირა. "რეკორდმაისტერის" ოფიციალური საიტის ცნობით, ახალგაზრდა ვინგერს კარანტინის დატოვების უფლება მისცეს.

შესაბამისად, ხვალიდან გნაბრი უკვე გუნდთან ერთად განაახლებს ვარჯიშს. გარდა ამისა, მას მოსკოვის "ლოკომოტივთან" შეხვედრაში მონაწილეობის უფლება ექნება.

მიუნხენის ჯანმრთელობის დეპარტამენტში მიიჩნევენ, რომ გნაბრის დადებითი პასუხი გასულ კვირაში უბრალოდ შეცდომა იყო და მას კორონავირუსი არ ჰქონდა.
ლევანდოვსკი: "რეკორდები არ მაინტერესებს"
ბუნდესლიგის მეხუთე ტურში მიუნხენის "ბაიერნმა" ფრანქფურტის "აინტრახტს" უმასპინძლა და 5:0 დაამარცხა.

შეხვედრაში ჰეთ-თრიკის გაფორმება მოახერხა გუნდის ლიდერმა, რობერტ ლევანდოვსკიმ. პოლონელმა თამაშის შემდეგ საინტერესო განცხადება გააკეთა.

"მსგავსი სტატისტიკები ჩემთვის მნიშვნელოვანი არ არის. გუნდს მე არა მხოლოდ გოლების გასატანად, არამედ სხვა რამეებისთვისაც ვჭირდები."

"20 წუთით ნაკლები დროის გატარება მინდორზე ნიშნავს, რომ მომდევნო მატჩში უფრო ენერგიული ვიქნები. ჩემთვის სკამზე დაჯდომა პრობლემას არ წარმოადგენს." - აცხადებს ლევანდოვსკი.
დეივისის ტრავმის სიმძიმე ცნობილია
ბუნდესლიგის მეხუთე ტურში მიუნხენის "ბაიერნმა" ფრანქფურტის "აინტრახტს" უმასპინძლა და 5:0 დაამარცხა.

დამაჯერებელი გამარჯვების მიუხედავად შეხვედრას "რეკორდმაისტერისთვის" იდეალურად არ ჩაუვლია. საწყის წუთებში დაზიანება მიიღო კანადელმა მცველმა, ალფონსო დეივისმა და იგი მალევე გაიყვანეს მინდვრიდან.

გერმანული გამოცემების ინფორმაციით, 19 წლის ფეხბურთელის ტრავმა სერიოზული გამოდგა და მას დაახლოებით 8 კვირის განმავლობაში მოუწევს უქმობა.

დიდი ალბათობით, დეივისი წლის ბოლოს, მსოფლიოს საკლუბო ჩემპიონატის დროს დაბრუნდება.
"ბაიერნი" - "აინტრახტი" სასტარტო შემადგენლობა
გერმანიის ბუნდესლიგის მეხუთე ტურში მიუნხენის "ბაიერნი" ფრანქფურტის "აინტრახტს" მასპინძლობს.

გთავაზობთ "რეკორდმაისტერის" სასტარტო თერთმეტეულს მომავალი დაპირისპირებისთვის.

ნოიერი - სარი, ბოატენგი, ალაბა, დეივისი - კიმიხი, გორეცკა - დუგლას კოშტა, მიულერი, კომანი - ლევანდოვსკი.
"ბაიერნი" - "აინტრახტი" პირდაპირი ტრანსლიაცია
ბუნდესლიგის მეხუთე ტურში მიუნხენის "ბაიერნი" ფრანქფურტის "აინტრახტს" მასპინძლობს.

გთავაზობთ შეხვედრის საყურებელ ლინკებს:

ლინკი 1

ლინკი 2​​​

ლინკი 3​​​
ლევანდოვსკიმ ყოფილი აგენტის წინააღმდეგ სარჩელი შეიტანა
მიუნხენის "ბაიერნის" ლიდერი, რობერტ ლევანდოვსკი თავის ყოფილ აგენტს გადასახადებისგან თავის არიდებაში სდებს ბრალს.

ყველაფერი რამდენიმე კვირის წინ დაიწყო, როდესაც ცეზარ კუხარსკიმ პოლონელ ფეხბურთელს თანხის უკანონო მითვისების გამო სასამართლოში უჩივლა და კომპენსაციის სახით 9 მილიონი ევრო მოითხოვა. ახლა კი სიტუაცია საპირისპიროდ შეტრიალდა.

გერმანული გამოცემების ინფორმაციით, არსებობს დოკუმენტები იმისა, რომ 32 წლის ფეხბურთელი კუხარსკის სააგენტოს თანხებს ურიცხავდა, ეს უკანასკნელი კი ლევანდოვსკისგან მალულად რიცხავდა ფულს პოლონურ ანგარიშებზე.

როგორც ცნობილია, გამოძიება უახლოეს პერიოდში დაიწყება და ლევანდოვსკის სიმართლის შემთხვევაში, ფეხბურთელი კომპენსაციის სახით დიდ თანხებს მიიღებს.
"ბაიერნი" გერმანიის თასზე სპეციალური ფორმებით გამოვა (ფოტოები)
22-23 დეკემბერს გერმანიის თასის მეორე ეტაპის შეხვედრები გაიმართება, რომელშიც მონაწილეობას, რა თქმა უნდა, მიუნხენის "ბაიერნიც" მიიღებს.

ჯერ-ჯერობით უცნობია, ვის შეხვდება "რეკორდმაისტერი", თუმცა, უკვე გარკვეულია, რომ ფეხბურთელები მინდორზე სპეციალური ფორმებით გამოვლენ.

ახალი მაისური ე.წ. Human Race-ის მოძრაობის მხარდასაჭერი იქნება და ის ადიდასის დიზაინერმა, ფარელ ვილიამსმა შექმნა. როგორც ცნობილია, ამ მაისურით გუნდი მხარს დაუჭერს ტოლერანტულობისა და მშვიდად თანაცხოვრების იდეას.

იხილეთ ფოტოები:



ფლიკი: "ტიაგო მსოფლიო დონის ფეხბურთელია, დანტასს კი თავისი სტილი აქვს"
გერმანული გამოცემა Sport1-ის ინფორმაციით, მიუნხენის "ბაიერნის" მთავარი მწვრთნელი, ჰანს ფლიკი წლების განმავლობაში აკვირდებოდა ტიაგო დანტასის პროგრესს. იგი თავდაპირველად ჟოზე ბოტოს, "ბენფიკას" ყოფილ სკაუტს დაუკავშირდა.

წყაროს ცნობით, ახალგაზრდა ნახევარმცველის დამატება თავად "რეკორდმაისტერის" მთავარი მწვრთნელის მოთხოვნა იყო. დიდი ალბათობით, კლუბი მას სეზონის ბოლოს 7.5 მილიონ ევროდ გამოისყიდის.

დანტასმა უკვე დაიწყო გერმანული ენის შესწავლა. ის მალევე დაუმეგობრდა თომას მიულერს. ეს უკანასკნელი ტიაგოს ადაპტაციაში და ენის სწავლაში აქტიურად ეხმარება.

აქვე გთავაზობთ ნაწყვეტს ფლიკის ინტერვიუდან, სადაც ის ტიაგო დანტასის შესახებ საუბრობს.

"როგორც მწვრთნელს, ძალიან მსიამოვნებს მასთან ერთად მუშაობა. ტიაგო მოწადინებულია, რომ რაც შეიძლება ბევრი ისწავლოს. მან თავისი ძალა უკვე გვაჩვენა ვარჯიშებზე."

"ალკანტარა მსოფლიო დონის ფეხბურთელია, რომელმაც საკუთარი შესაძლებლობები დაამტკიცა, დანტასს კი თავისი სტილი აქვს, რომელსაც მალე გვაჩვენებს. ის ფიზიკურ ორთაბრძოლებში ოდნავ მოიკოჭლებს, თუმცა, ამაზე ვიმუშავებთ." - აცხადებს ფლიკი.
  • ბომბარდირები
  • ასისტენტები
  • ბარათები
1
ჰარი კეინი
გოლი: 31 4 27 0
2
ლეროი სანე
გოლი: 9 1 8 0
3
ჯამალ მუსიალა
გოლი: 9 2 7 0
4
მატის ტელი
გოლი: 7 2 4 1
5
კინგსლი კომანი
გოლი: 5 2 3 0
1
ლეროი სანე
ასისტი: 12 1 11 0
2
ტომას მიულერი
ასისტი: 9 1 8 0
3
ჰარი კეინი
ასისტი: 8 3 5 0
4
იოზუა კიმიხი
ასისტი: 6 2 3 1
1
კინგსლი კომანი
1 0 0 1 0
2
ლეონ გორეცკა
1 0 0 1 0
3
უპამეკანო
2 0 0 2 0
4
კიმ მინ-ჯაე
1 0 0 1 0
5
იოზუა კიმიხი
0 1 0 1 0