bayern.ge სიახლეები გვერდი 351
"შტუტგარტი" - "ბაიერნი" პირდაპირი ტრანსლიაცია
გერმანიის ბუნდესლიგის მეცხრე ტურში მიუნხენის "ბაიერნი" სტუმრად "შტუტგარტს" უპირისპირდება.

გთავაზობთ მატჩის საყურებელ ლინკებს.

ლინკი 1 (სეტანტა)

ლინკი 2

ლინკი 3
"შტუტგარტი" - "ბაიერნი" სასტარტო შემადგენლობა
გერმანიის ბუნდესლიგის მეცხრე ტურში მიუნხენის "ბაიერნი" "შვაინშტაიგერს" სტუმრობს.

გთავაზობთ "რეკორდმაისტერის" სასტარტო შემადგენლობას მომავალი დაპირისპირებისთვის.

ნოიერი - პავარი, ბოატენგი, ალაბა, ერნანდესი - გორეცკა, ტოლისო - გნაბრი, მიულერი, კომანი - ლევანდოვსკი.
"ბაიერნი" ლევანდოვსკის შემცვლელს ეძებს
მიუნხენის "ბაიერნი" სამომავლო გეგმებისთვის ახალი თავდამსხმელის ძიებაშია.

გერმანული გამოცემა BILD-ის ინფორმაციით, კლუბს პირველი სამიზნე უკვე შერჩეული ჰყავს და ეს დორტმუნდის "ბორუსიას" ლიდერი, ერლინ ჰოლანდია.

გასულ წელს მიღებული გადაწყვეტილებით ბორუსიელებმა "ბაიერნში" ფეხბურთელის გაყიდვაზე უარი თქვეს, თუმცა, ეს სხვა შემთხვევაა.

კონტრაქტის მიხედვით, 2022 წლიდან გამოსასყიდი ფასი ამოქმედდება, რომლის გადახდის შემთხვევაშიც ნორვეგიელ ფორვარდის შეძენა ნებისმიერ კლუბს შეუძლია.

მოგეხსენებათ, ლევანდოვსკის "ბაიერნთან" კონტრაქტი 2023 წელს ეწურება. ამ დროს პოლონელი უკვე 34 წლის იქნება.
სასიხარულო სიახლე - "ბაიერნის" ტრავმირებულთა სია მცირდება
მიუნხენის "ბაიერნის" ტრავმირებულთა რიგები ნელ-ნელა მცირდება.

გერმანული გამოცემა BILD-ის ინფორმაციით, გუნდის მარცხენა მცველი, ალფონსო დეივისი ვარჯიშს შეუდგა და უკვე დასაბრუნებლად ემზადება.

წყაროს ცნობით, კანადელმა ფეხბურთელმა დღეს ინდივიდუალურად ივარჯიშა და ბურთთან ერთად ვარჯიშის უფლებაც მიიღო. მას მინდორზე დაბრუნება სრული ვარჯიშის ჩატარების შემდეგ შეეძლება, რაც დიდი ალბათობით, ჩემპიონთა ლიგაზე, "ატლეტიკოსთან" მატჩისთვის მოხდეს.

შეგახსენებთ, რომ დეივისი 24 ოქტომბრის შემდეგ არ გამოჩენილა მინდორზე და მის დაბრუნებას 2 კვირის შემდეგ ვარაუდობდნენ.
ერნანდესის გასაოცარი სტატისტიკა ბუნდესლიგის შეხვედრებში
ფრანგ მარცხენა მცველს, ლუკას ერნანდესს "ბაიერნის" რიგებში პირველი წელი იდეალური არ გამოუვიდა. თუმცა, მას შემდგომ, რაც ტრავმები მოირჩინა ის გუნდის ერთ-ერთ უმნიშვნელოვანეს ფეხბურთელად ჩამოყალიბდა და ამაზე ციფრებიც მოწმობს.

ერნანდესს ბუნდესლიგაში "ბაიერნის" მაისურით უკვე 25 შეხვედრა აქვს ჩატარებული და გუნდი არცერთ შემთხვევაში არ დამარცხებულა.

გარდა ამისა, იმ დროს, როდესაც ფრანგი მინდორზე იმყოფება, "რეკორდმაისტერი" ყოველ 110 წუთში ერთხელ უშვებს გოლს, მაშინ, როცა მისი არ ყოფნის დროს ბუნდესლიგური კლუბები ყოველ 35 წუთში უტანენ გუნდს.

როგორც ხედავთ, ლუკასის სტატისტიკა დაცვის მხრივ ძალიან კარგად გამოიყურება და როგორც ჩანს, ის სულ მალე ჩამოყალიბდება "ბაიერნის" დაცვის ლიდერად.
"შტუტგარტი" - "ბაიერნი" სავარაუდო შემადგენლობა
გერმანიის ბუნდესლიგის მეცხრე ტურში მიუნხენის "ბაიერნი" "შტუტგარტს" ესტუმრება.

გთავაზობთ "რეკორდმაისტერის" სავარაუდო შემადგენლობას მომავალი დაპირისპირებისთვის.

ნოიერი - პავარი, ბოატენგი, ალაბა, ერნანდესი - როკა, გორეცკა - გნაბრი, მიულერი, სანე - ლევანდოვსკი.
ალონსო: "ბაიერნმა მისი გაშვებით დიდი შეცდომა დაუშვა"
ვეტერანმა ესპანელმა ნახევარმცველმა, ჩაბი ალონსომ "ბაიერნის" ყოფილი ნახევარმცველი, ტიაგო ალკანტარა შეაქო.

"ტიაგოსთან ერთად გარკვეული პერიოდი გავატარე მიუნხენში და მინდა აღვნიშნო, რომ ის საოცარი ფეხბურთელია. მას შეუძლია როგორც შეტევის წარმართვა, ასევე დაცვაში იდეალურად მოქმედება."

"ვფიქრობ, მიუნხენელებმა ტიაგოს გაშვებით დიდი შეცდომა დაუშვეს. თავის მხრივ კი "ლივერპულმა" ძალიან კარგი ფეხბურთელი დაიმატა." - აცხადებს ალონსო.

შეგახსენებთ, რომ ალონსო "ბაიერნის" ღირსებას 2014-17 წლებში იცავდა.
ფლიკი: "ასეთ რამეს ჩოგბურთში უნებლიე შეცდომა ეწოდება"
გერმანიის ბუნდესლიგის მეცხრე ტურში მიუნხენის "ბაიერნი" "შტუტგარტს" ესტუმრება.

მატჩამდე ერთი დღით ადრე "რეკორდმაისტერის" მთავარმა მწვრთნელმა, ჰანს ფლიკმა პრესკონფერენცია ჩაატარა.

"სანე 100%-ით მზად არის სათამაშოდ. მას ჰქონდა გარკვეული შეცდომები წინა მატჩში, ისევე როგორც სხვებს, თუმცა ამას თავისი მიზეზები აქვს და ეს უკვე განვიხილეთ."

"არ ვიცი ზულე შეძლებს თუ არა ხვალ ჩვენს დახმარებას. დღეს ფინალური ვარჯიშის ჩატარების შემდეგ გადავყწვეტთ."

"როდესაც მეტოქეს ბურთი აქვს, ჩვენ ხშირად ვუშვებთ შეცდომებს. ჩოგბურთში ამას უნებლიე შეცდომა ეწოდება. უფრო მეტად აქტიურები უნდა ვიყოთ."

"ტოლისო და პავარი შემადგენლობასთან ერთად იქნებიან. მათ პრობლემები არ აწუხებთ. კოუასი? ის კარგი ახალგაზრდაა, თუმცა, ჯერ 100%-ით მზად არ არის."

"ზულეს კონტრაქტზე უკვე ყველაფერი ვთქვი. მე, ისევე როგორც გუნდი, მას მხარს ვუჭერთ სრულად. ნიკლასს დიდი პოტენციალი აქვს, რომელიც სრულად უნდა გამოავლინოს მუშაობის შემდეგ." - აცხადებს ფლიკი.
ცვლილებები ბუნდესნაკრებში?! 4 დეკემბერს ფედერაციის შეკრება გაიმართება
ზუსტად ერთ კვირაში, 4 დეკემბერს გერმანიის ფეხბურთის ფედერაციაში მნიშვნელოვანი შეკრება გაიმართება.

ბუნდესნაკრების ოფიციალური საიტის ცნობით, ფედერაციის მთავარი განსახილველი თემა ეროვნული გუნდის მომავალია. შეხვედრაზე სიტყვით გამოვა ოლივერ ბიერჰოფი.

გერმანული გამოცემა BILD-ის ინფორმაციით, ბიერჰოფი ორ მთავარ თემას წამოჭრის. ესენია ნაკრებში ვეტერანი ფეხბურთელების დაბრუნება და იოახიმ ლიოვის მომავალი. ასევე განიხილება ესპანეთთან 6:0 მარცხისა და ამჟამინდელი ფორმის მიზეზები.

ჯერ-ჯერობით უცნობია, როგორი პოზიცია აქვთ ორივე ხსენებულ თემაზე ფედერაციაში. დიდი ალბათობით, ნაკრების მომავალი სწორედ ამ შეხვედრის შემდეგ გადაწყდება.
მუნდიალზე დაპირისპირებიდან მეგობრობამდე - მათეუსისა და მარადონას ურთიერთობა
25 ნოემბერს მსოფლიო ფეხბურთის უდიდესი ლეგენდა, დიეგო არმანდო მარადონა 60 წლის ასაკში გარდაიცვალა. დიდებული ფეხბურთელი არაერთმა ცნობილმა პიროვნებამ გააცილა თბილი სიტყვებით.

გთავაზობთ ლოთარ მათეუსის 2019 წლის ინტერვიუს გამოცემა FourFourTwo-სთან, სადაც ის მარადონასთან ურთიერთობაზე საუბრობს.

"დაახლოებით 2 წლით ადრე, სანამ "ინტერში" გადავიდოდი, სამი ოთხი ადამიანი მოვიდა ნეაპოლიდან ჩემი თამაშის სანახავად. "კიოლნის" წინააღმდეგ მიწევდა შეხვედრა ადგილობრივი დროით 9 საათზე. ჩემი მენეჯმენტი და "ნაპოლის" წარმომადგენლები ერთად ისხდნენ იტალიურ რესტორანში.

ეს ჩემი მეგობრის რესტორანია და როგორც წესი შაბათ საღამოს დაკეტილი ჰქონდა, თუმცა, ჩვენ განცალკევებით გვსურდა საუბარი და სპეციალურად ჩვენთვის გააღო. მათ მითხრეს: "დიეგო მარადონამ მოკითხვა შემოგითვალა და შენი თანაგუნდელობა ისურვა." მათ მკითხეს, თუ მსურდა ნეაპოლში გადასვლა. კონტრაქტი 3 წლიანი იყო და საკმარისი თანხებიც ჰქონდათ.

ქეში მაგიდის ქვეშ ეწყოთ. ეს ერთი მილიონი გერმანული მარკა იყო და მას მხოლოდ ხელის მოწერისთვის მომცემდნენ. ამ დროს "ბაიერნში" ორჯერ ნაკლები ხელფასი მქონდა წლიურად.. დარწმუნებული არ ვიყავი. ეს ძალიან დიდი თანხა იყო, მაგრამ, მზად ვიყავი კლუბის შესაცვლელად? მზად ვიყავი "ნაპოლისთვის"? წასვლა არ მსურდა, მაგრამ დიეგო მარადონასთან თამაში რაღაც განსხვავებული გრძნობა იყო.

მე და მარადონა ერთმანეთს მუდამ ვცემდით პატივს. ჩვენი პიველივე შეხვედრიდან, 1982 წელს. ეს ჩემი მეოთხე მატჩი იყო ნაკრებში და არგენტინას ვეთამაშებოდით. დიეგო მხოლოდ რამდენიმე თვით უფროსი იყო ჩემზე, მაგრამ, 21 წლის ასაკში უკვე სუპერვარსკვლავი იყო. ის ჩემთან შედარებით რამდენიმე ნაბიჯით წინ იყო. მისი ხასიათი, ხარისხი, სისწრაფე, ტექნიკა, ყველაფერი, იდეალური ფეხბურთელი, რომელიც გუნდურად თამაშობდა.

არასდროს მინახავს ისეთი დომინანტი ფეხბურთელი მუნდიალზე, როგორიც მარადონა იყო 1986 წელს. ფინალში მისი პერსონალური მეურვეობა დამავალა. ბეკენბაუერი კარგად ხედავდა რაებს აკეთებდა დიეგო გასულ მატჩებში და მოსაგებად მხოლოდ მისი გაჩერება გვჭირდებოდა.

ვცდილობდი დავალება მაქსიმალურად შემესრულებინა. ყოველი ბურთის მიღების დროს ვაწუხებდი და შეტევას არ ვაცდიდი. როდესაც ბურთი მისდიოდა, შეუჩერებელი იყო. ის მე პატივს მცემდა იმის გამო, რომ სუფთად ვეთამაშებოდი სხვა ფეხბურთელებისგან განსხვავებით, რომლებიც მუდამ მის დაზიანებას ცდილობდნენ.

70-80 წუთისთვის მარადონასგან ბევრი რამ არ გვქონდა ნანახი, მაგრამ, მაინც 2:0 ვაგებდით და მე შეტევაში წასვლა დამევალა. ანგარიში გავათანაბრეთ, მაგრამ უცებ გამოვიდა მარადონა და ბურუჩაგას ბრწყინვალე ასისტი გაუკეთა. ჩვენ დავმარცხდით.

ჩვენ კიდევ არაერთხელ შევხვდით ერთმანეთს. 1989 წელს, როდესაც "ინტერთან" ერთად სერია ა მოვიგეთ, ჩვენ მარადონას "ნაპოლის" ვეთამაშებოდით. დღემდე მაქვს სახლში ფოტო, სადაც ჩემპიონობას აღვნიშნავ, უკან კი მარადონა გაზონზე წევს.

ერთხელ ერთად თამაში მოგვიწია, როდესაც მსოფლიოს ნაკრები საფრანგეთს უპირისპირდებოდა მიშელ პლატინის გაცილების მატჩში. დიეგომ ასისტი გამიკეთა და მე გავიტანე. ეს ყველაზე ბრწყინვალე მოგონებაა ჩვენს შორის მინდორზე.

მინდვრის გარეთ გვქონდა არაერთი ფართი. როდესაც 1992 წელს "სევილიაში" გადავიდა, მე "ბაიერნთან" ერთად ამხანაგურ მატჩში ვითამაშე. ამის შემდეგ დაუსრულებელი წვეულება მოეწყო დილის 7-8 საათამდე. მარადონა მაგიდაზე ცეკვავდა, ესაუბრებოდა ყველას. ის ბედნიერი იყო ევროპაში დაბრუნებით.

ამის შემდეგ ჩვენ ყოველი შეხვედრით ბედნიერები ვიყავით. თუმცა, როდესაც უკანასკნელად რუსეთში მუნდიალზე ვნახე, ის კარგად არ გამოიყურებოდა. ამ ფაქტმა ძალიან მატკინა. როდესაც "ნაპოლიში" თამაშობდა, მესმოდა ჭორები, რომ ხალხი მის გვერდით მხოლოდ იმიტომ იყო, რომ ის მარადონა იყო. სინამდვილეში კი მისი მეგობრები სულაც არ იყვნენ.

მინდორზე ის ნამდვილი საოცრება იყო. როდესაც მიუნხენში ჩამოვიდა ჩემი გაცილების მატჩის ჩასატარებლად, ეს ბევრს ნიშნავდა ჩემთვის. ეს კარგად აღწერდა ჩვენს ურთიერთობას - სრული პატივისცემა." - იხსენებს მათეუსი.
ლამი: "მარადონა დიდებული ტალანტი და ფანებისთვის, ფაქტობრივად, წმინდანი იყო"
მიუნხენის "ბაიერნის" ლეგენდა, ფილიპ ლამი ლეგენდარული ფეხბურთელის, დიეგო არმანდო მარადონას გარდაცვალების ფაქტს გამოეხმაურა.

"გუშინ ყველა დროის ერთ-ერთი საუკეთესო ფეხბურთელი, დიეგო მარადონა წავიდა. დიდებული ტალანტი, ბურთის ლეგენდა და ფანებისთვის, ფაქტობრივად, წმინდანი."

"ჩემი ფიქრები ამ უმძიმეს დროს მისი ოჯახის წევრებთან და ახლობლებთანაა. მშვიდად განისვენე, დიეგო არმანდო მარადონა." - წერს ლამი საკუთარ თვითერზე.

შეგახსენებთ, რომ ლეგენდარული არგენტინტელი გუშინ, 60 წლის ასაკში გულის შეტევით გარდაიცვალა.
მუსიალას სატრანსფერო ღირებულებამ რეკორდულად მოიმატა
ავტორიტეტულმა გამოცემა Transfermarkt-მა რამდენიმე ფეხბურთელის განახლებული ფასები წარმოადგინა.

აღსანიშნავია, რომ მიუნხენის "ბაიერნის" ამომავალი ვარსკვლავის, ჯამალ მუსიალას სატრანსფერო ფასმა რეკორდულად მოიმატა და ახლა 10 მილიონ ევროს შეადგენს.

რამდენიმე თვის წინ, კერძოდ კი ივლისში 17 წლის ფეხბურთელი 1 მილიონ ევროდ ფასდებოდა, ახლა კი როგორც ხედავთ, ეს რიცხვი 10-ჯერ არის გაზრდილი.

თავისი ასაკის ფეხბურთელებში მუსიალაზე მაღალი ღირებულება მხოლოდ ჯუდ ბელინგემს ("დორტმუნდი", 27მ),  რაიან ჩერკის ("ლიონი", 25მ) და ფლორიან ვიცს ("ლევერკუზენი", 24მ) აქვთ.
ნოიერი: "ახლა უფრო მეტად თავდაჯერებული ვარ"
მიუნხენის "ბაიერნის" ლიდერმა, მანუელ ნოიერმა "ზალცბურგთან" გამარჯვების შემდეგ პრესასთან ისაუბრა.

"ჩვენ ორი განსხვავებული ტაიმი ჩავატარეთ. პირველ ნახევარში ფოკუსირება გვაკლდა, ბურთს ხშირად ვკარგავდით, მეორეში კი ეს გამოვასწორეთ."

"ახლა უფრო მეტად თავდაჯერებული ვარ ვიდრე აქამდე, რადგან კარგი მატჩი ჩავატარე. თუმცა, ჩემს წინ ძლიერი გუნდი დგას, რომლის დახმარებითაც უფრო მარტივია კარგი თამაშის ჩატარება. ერთმანეთს მშვენივრად ვიცნობთ და ვენდობით."

"მართალია, გასულ ტურებში ბევრი მომენტი შევაქმნევინეთ მეტოქეებს და გოლებიც გავუშვით, მაგრამ მთავარი გამარჯვებაა, რასაც მივაღწიეთ." - აცხადებს მანუ.
ფლიკი: "ჩვენი თამაშის ხარისხით უკმაყოფილო ვარ"
მიუნხენის "ბაიერნის" მთავარმა მწვრთნელმა, ჰანს ფლიკმა "ზალცბურგის" დამარცხების შემდეგ პირველი კომენტარი გააკეთა.

"დღეს ჩვენი მიზანი 1/8 ფინალში გასვლა იყო და ამას მივაღწიეთ. თუმცა, პირველ ტაიმში გვქონდა პრობლემები, ბურთს ადვილად ვკარგავდით."

"ვფიქრობ, არ ვართ საკმარისად ფოკუსირებულები და ამაზე ბევრი უნდა ვიმუშაოთ. უნდა ვეცადოთ, რომ მეტოქეებს ამდენი შანსი არ მივცეთ."

"რაც მე "ბაიერნში" ვიმყოფები, მას შემდეგ ნოიერი გასაოცარია. ის კარიერის პიკშია. როდესაც მეტოქე მასთან მოდის, თითქოს კარი პატარავდება და გოლის გატანა რთული ხდება."

"მარკ როკას კარგი შეხვედრა გამოუვიდა. ალბათ, წითელი ბარათის გამო გაწბილებული იქნება, თუმცა, მისი თამაშით კმაყოფილი ვარ." - აცხადებს ფლიკი.
ნოიერმა ჩემპიონთა ლიგის რეკორდი დაამყარა
ჩემპიონთა ლიგის მეოთხე ტურში "ბაიერნმა" "ზალცბურგი" დაამარცხა და პლეი-ოფის საგზური ოფიციალურად გაინაღდა.

მატჩში სრული, 90 წუთი გაატარა მინდორზე "რეკორდმაისტერის" ლიდერმა, მანუელ ნოიერმა, რომელმაც ფენომენალური თამაში შემოგვთავაზა და რეკორდის დამყარებაც მოახერხა.

კერძოდ, მანუს ლიგაზე უკვე ზედიზედ 15 მატჩში დაუგროვდა გამარჯვება, ამ შედეგით კი მან კრისტიანო რონალდუ ჩამოიტოვა, რომელსაც ზედიზედ 14 მოგებულ შეხვედრაში ჰქონდა მონაწილეობა მიღებული.

აღსანიშნავია, რომ ამავე რეკორდთან ახლოს იყო იოზუა კიმიხიც, რომელსაც ნოიერის მსგავსად ზედიზედ 14 გამარჯვება ჰქონდა, თუმცა, მოგეხსენებათ ის ტრავმის გამო ვერ ეხმარება გუნდს და სავარაუდოდ, პლეი-ოფის ეტაპამდე ლიგაზე ვერც მოახერხებს თამაშს.
ლევანდოვსკი რაულის ისტორიულ შედეგს გაუთანაბრდა
ჩემპიონთა ლიგის ჯგუფური ეტაპის მეოთხე ტურში მიუნხენის "ბაიერნმა" ავსტრიულ "ზალცბურგს" უმასპინძლა და 3:1 დაამარცხა.

მატჩის პირველი გოლი "რეკორდმაისტერის" ლიდერმა, რობერტ ლევანდოვსკიმ გაიტანა, რითაც მან ისტორიული შედეგი გაიმეორა.

კერძოდ, პოლონელს ჩემპიონთა ლიგაზე უკვე 71 გოლი დაუგროვდა და ამით ლეგენდარულ რაულ გონსალესს დაეწია.

გათამაშების ისტორიაში ლევანდოვსკიზე უკეთესი მაჩვენებელი მხოლოდ კრისტიანო რონალდუს და ლეო მესის აქვთ, შესაბამისად 131 და 118 გოლები.

აღსანიშნავია, რომ ლევანდოვსკის ამ შედეგის მისაღწევად მხოლოდ 94 მატჩი დასჭირდა, მაშინ, როდესაც რაულმა ლიგაზე 142 თამაში ჩაატარა.
  • ბომბარდირები
  • ასისტენტები
  • ბარათები
1
ჰარი კეინი
გოლი: 39 7 32 0
2
ჯამალ მუსიალა
გოლი: 12 2 10 0
3
ლეროი სანე
გოლი: 9 1 8 0
4
მატის ტელი
გოლი: 8 2 5 1
5
კინგსლი კომანი
გოლი: 5 2 3 0
1
ლეროი სანე
ასისტი: 12 1 11 0
2
ჰარი კეინი
ასისტი: 10 3 7 0
3
ტომას მიულერი
ასისტი: 8 1 7 0
4
იოზუა კიმიხი
ასისტი: 9 2 6 1
5
ლეონ გორეცკა
ასისტი: 8 1 6 1
1
ლეონ გორეცკა
5 0 2 3 0
2
ლეროი სანე
5 0 1 4 0
3
დე ლიხტი
5 0 0 5 0
4
ალექსანდარ პავლოვიჩი
5 0 0 5 0
5
დეიოტ უპამეკანო
2 2 1 3 0