მიუნხენის "ბაიერნმა" სატრანსფერო ფანჯრის დახურვის დღეს საინტერესო ტრანსფერო განახორციელა. კლუბმა ამომავალი ვარსკვლავი, ჯასტინ ჩე დაიმატა.

17 წლის ფეხბურთელი პოზიციით ცენტრალური მცველია. მიუნხენელები სავარჯიშო სესიების დროს მისი ფიზიკური მომზადებით მოიხიბლნენ და კლუბმა ტრანსფერი მალევე დახურა.

ჩე "რეკორდმაისტერს" ექვსთვიანი იჯარით შეუერთდა. გარდა ამისა, კლუბს მისი გამოსყიდვის უფლება ექნება და დიდი ალბათობით, გამოიყენებს კიდეც ამ უფლებას.

ამერიკელი ფეხბურთელი ამჟამად "დალასის" საკუთრება გახლავთ. მასზე დიდ იმედებს ამყარებენ ეროვნულ ნაკრებში.

2-02-2021, 23:08

sandro

მეტის ნახვა

მიუნხენის "ბაიერნის" ოფიციალურმა საიტმა გულშემატკივრებისთვის ძალიან სასიხარულო ინფორმაცია დაადასტურა.

წყაროს ცნობით, Amazon Prime-თან შეთანხმების შედეგად ეს უკანასკნელი "რეკორდმაისტერზე" დოკუმენტურ ფილმს გადაიღებს, რისი საშუალებითაც ქომაგებს შესაძლებლობა ექნებათ უფრო უკეთ გაეცნონ გუნდის შიდა სამზარეულოს.

როგორც ცნობილია, ფილმი სულ ექვსი სერიისგან იქნება შემდგარი და მას 2021 წლის შემოდგომაზე ვიხილავთ. მასში აღწერილი იქნება გასულ სეზონში მოგებული ტრებლი, მომავალი საკლუბო მუნდიალი, ვარჯიშები, დიალოგები და სხვა.

Amazon-მა მსგავსი სახის დოკუმენტური ფილმები "სიტისა" და "ტოტენჰემის" შესახებაც გადაიღო. თუმცა, "ბაიერნის" შემთხვევაში ეს ოდნავ განსხვავებული იქნება და მთავარი აქცენტი გაკეთებული იქნება კლუბსა და მის ისტორიაზე, ნაცვლად მწვრთნელებისა და მათი ხედვების.

2-02-2021, 20:29

sandro

მეტის ნახვა

ჯამალ მუსიალას გადასაბირებლად საფეხბურთო კლუბების გარდა ასევე ნაკრებებიც იბრძვიან.

მოგეხსენებათ, ამ მომენტში ახალგაზრდა ფეხბურთელს როგორც ინგლისის, ასევე გერმანიის ეროვნულ გუნდში თამაშის უფლება აქვს და შესაბამისად, ორივე ნაკრები ცდილობს მის დარწმუნებას.

ამ დუელში დადებითი ქულები ჩაიწერა ბუნდესნაკრების მთავარმა მწვრთნელმა, იოახიმ ლიოვმა.

60 წლის სპეციალისტი მიუნხენში პირადად ესტუმრა მუსიალას და პირადად ესაუბრა. გარდა ამისა, დაესწრო "ბაიერნის" მატჩს და საჯაროდ შეაქო ამომავალი ვარსკვლავი.

მუსიალა საბოლოო გადაწყვეტილებას მარტში, მსოფლიო ჩემპიონატის საკვალიფიკაციო ეტაპის დაწყებამდე მიიღებს.

2-02-2021, 20:24

sandro

მეტის ნახვა

გერმანულმა გამოცემა Spox-მა მიუნხენის "ბაიერნის" ზაფხულის სატრანსფერო გეგმები გაასაჯაროვა.

ნახევარდაცვის ხაზში უკვე გადაწყვეტილია, რომ ლეროი სანე, კინგსლი კომანი და სერჟ გნაბრი გუნდის უცვლელი ვინგერები იქნებიან. რაც შეეხება დუგლას კოშტას, ის სეზონის ბოლოს დატოვებს კლუბს. ჯამალ მუსიალას შემთხვევაში ფლიკი მას სრულ ნდობას უცხადებს, რაც ნიშნავს იმას, რომ ის გუნდში დარჩება და გაზრდილ სათამაშო დროს მიიღებს.

თავდამსხმელთა შორის ჯერ-ჯერობით გაურკვეველია ჩუპო-მოტინგის მომავალი. კამერუნელ ფორვარდს სურვილის შემთხვევაში შეუძლია "რეკორდმაისტერში" დარჩენა, თუ ის სათადარიგოთა სკამის მოთამაშის როლს დათანხმდება. რაც შეეხება ზირკზეს, თუ "პარმას" ახალგაზრდა ფორვარდის გამოსყიდვის სურვილი ექნება, ის იტალიაში დარჩება.

დაცვის ხაზში კი მცირე არეულობაა. უკვე, ფაქტობრივად, გადაწყვეტილია, რომ დავიდ ალაბა კონტრაქტის ამოწურვის შემდეგ კლუბს დატოვებს. უცნობია, გაახანგრძლივებს თუ არა "ბაიერნი" ჟერომ ბოატენგთან კონტრაქტს. ნიკლას ზულეს რამდენიმე ინგლისური კლუბი იწვევს, თუმცა, ნაკლებ სავარაუდოა, რომ "ბაიერნმა" ის გაყიდოს. ხოლო ლუკას ერნანდესის როლი გუნდში ბოლომდე ჩამოყალიბებული არ არის. ჯერ-ჯერობით ფლიკს ბოლომდე არ გადაუწყვიტავს, დაცვის რომელ პოზიციაზე ათამაშოს ფრანგი. თუმცა, მისი გუნდში დარჩენა უკვე გადაწყვეტილია.

2-02-2021, 20:14

sandro

მეტის ნახვა

მიუნხენის "ბაიერნის" დირექტორთა საბჭოს წევრმა, კარლ-ჰაინც რუმენიგემ "ბარსელონას" ფინანსურ კრიზისზე ისაუბრა.

"როდესაც "ბარსელონას" ვალის ოდენობა გავიგე, ამ დროს ვსაუზმობდი და კინაღამ დავიხრჩვე."

"თუ "ბაიერნსაც" ექნებოდა მსგავსი რაოდენობის ვალი, მშვიდად დაძინებას ნამდვილად ვერ მოვახერხებდი. თუმცა, საბედნიეროდ ასეთი რამ არ მოხდება."

"ბარსელონას დონის კლუბი ასე მარტივად არ ჩაიძირება ვალების გამო. თუმცა, ცუდია, როდესაც ასეთი დონის გუნდს ფინანსური კრიზისი აქვს." - აცხადებს რუმენიგე.

2-02-2021, 18:06

sandro

მეტის ნახვა

4 თებერვალს მსოფლიოს საკლუბო ჩემპიონატი აიღებს სტარტს, რომელშიც მიუნხენის "ბაიერნი" იღებს მონაწილეობას.

"რეკორდმაისტერი" თავის პირველ შეხვედრას 1/2 ფინალურ ეტაპზე 8 თებერვალს, "ალ დუჰაილსა" და "ალ აჰლის" შორის გამარჯვებულის წინააღმდეგ გამართავს.

მუნდიალის დაწყებამდე ჰანს ფლიკმა შემადგენლობა დაასახელა, რომელიც გუნდს ჩემპიონატზე გაყვება.

იხილეთ სრული განაცხადი:

1-02-2021, 14:35

sandro

მეტის ნახვა

მიუნხენის "ბაიერნის" დირექტორთა საბჭოს წევრმა, ოლივერ კანმა სერხიო რამოსის შესაძლო ტრანსფერზე კომენტარი გააკეთა.

"რა თქმა უნდა, სეზონის ბოლოს დავიდ ალაბას ჩამნაცვლებელის პოვნა დაგვჭირდება, თუმცა, ამ თემაზე დიდად არ ვღელავ. ჩვენ კარგი მცველები გვყავს."

"რამოსის ტრანსფერი? როგორც ფეხბურთელი, ძალიან ბედნიერი ვიქნებოდი, თუ მასთან ერთად ვითამაშებდი. თუმცა, ამ ეტაპზე მსგავსი არაფერი იგეგმება." - აცხადებს კანი.

შეგახსენებთ, რომ ესპანელ მცველს "რეალთან" კონტრაქტი მიმდინარე სეზონის დასრულების შემდეგ ეწურება.

1-02-2021, 00:04

sandro

მეტის ნახვა

ზამთრის სატრანსფერო ფანჯრის დროს აქტიურად იწერებოდა იმის შესახებ, თუ სად გააგრძელებს კარიერას იოზუა ზირკზე.

19 წლის თავდამსხმელმა პრესასთან საუბრის დროს მომავალი კლუბის ვინაობა ოფიციალურად გააჟღერა.

"გარკვეული დრო დასჭირდა ტრანსფერის შეთანხმებას, მაგრამ, საბოლოოდ დასრულდა. ვფიქრობ, "პარმაში" მომეცემა შანსი განვვითარდე და დავეხმარო კლუბს წარმატების მიღწევაში." - აცხადებს ზირკზე.

როგორც ცნობილია, იტალიის სერია ა-ს ბინადარი კლუბი ახალგაზრდა ფორვარდს 6-თვიანი იჯარით იმატებს, გამოსყიდვის უფლებით.

31-01-2021, 20:50

sandro

მეტის ნახვა

ფრანგული "პსჟს" ლიდერმა, ნეიმარ ჯუნიორმა მიუნხენის "ბაიერნთან" განცდილი მარცხი გაიხსენა.

"ეს ერთ-ერთი ყველაზე ცუდი მოგონებაა ჩემს კარიერაში. ძალიან მსურდა თასის საფრანგეთში ჩატანა. ფინალური მატჩის შემდეგ ვტიროდი."

"სამწუხაროდ, ტიტულის მოსაგებად საკმარისად კარგად ვერ ვითამაშეთ. თუმცა, მომავალში აუცილებლად კვლავ მოგვეცემა ამის შანსი." - აცხადებს ნეიმარი.

შეგახსენებთ, რომ 2019/20 წლების სეზონის ჩემპიონთა ლიგის ფინალი "რეკორდმაისტერის" გამარჯვებით, 1:0 დასრულდა.

31-01-2021, 17:04

sandro

მეტის ნახვა

საზოგადოებრივი მაუწყებლის პირველ არხთან საუბრის დროს ხვიჩა კვარაცხელიას აგენტმა, მამუკა ჯუღელმა ფეხბურთელისადმი სხვადასხვა გრანდების ინტერესი დაადასტურა.

"კვარაცხელიას არაერთი ევროპული გუნდი იწვევს, მათ შორის არიან "ინტერი", "იუვენტუსი", "მილანი" და "დორტმუნდი". ყველა ეს ვარიანტი რეალურია და არცერთი არ გახლავთ ჭორი."

"ახლა მსოფლიოს საკვალიფიკაციო შესარჩევზე ხვიჩას უფრო აქტიურად დააკვირდებიან."

"თუმცა, ასევე არ არის გამორიცხული, სატრანსფერო ფანჯრის დახურვამდეც წაიყვანონ კვარაცხელია. მთავარია, "რუბინმა" სასურველი შეთავაზება მიიღოს." - აცხადებს ჯუღელი.

31-01-2021, 15:22

sandro

მეტის ნახვა

მიუნხენის "ბაიერნმა" გუნდის ფრანგი ნახევარმცველი, კორენტინ ტოლისო დასაჯა.

კლუბის ოფიციალური საიტის ცნობით, ახალგაზრდა ფეხბურთელმა კორონავირუსის დაცვის წესები დაარღვია. ამის გამო ტოლისო მიმდინარე კვირაში გასამართ ვარჯიშებში მონაწილეობას არ მიიღებს.

"ჩვენ ბედნიერები ვართ, რომ კორონავირუსისგან გამოწვეული სიტუაციის მიუხედავად ვახერხებთ მატჩების ჩატარებას, ამიტომაც საჭიროა, რომ ყველამ დაიცვას მისი წესები."

"კორენტინმა ხსენებული წესები დაარღვია. მსგავსი ქმედება ძალიან გამაღიზიანებელია და შეუძლებელია ეპატიოს ვინმეს." - აცხადებს რუმენიგე.

გარდა დასჯისა, ფეხბურთელი ასევე ერთი კვირის ხელფასით დაჯარიმდა.

30-01-2021, 21:51

sandro

მეტის ნახვა

"ჰოფენჰაიმის" დამარცხების შემდეგ მიუნხენის "ბაიერნის" მთავარმა მწვრთნელმა, ჰანს ფლიკმა პრესასთან ისაუბრა.

"ორივე გუნდს გამარჯვება სწყუროდა. მანუმ ორი შესანიშნავი სეივი შემოგვთავაზა. კარგი შეხვედრა ჩავატარეთ და ვერ მოგების შემთხვევაშიც კმაყოფილი ვიქნებოდი ჩემი ფეხბურთელების გამოსვლით."

"ორი მარცხის შემდეგ ზედიზედ 4 გამარჯვება მოვიპოვეთ და 12 მნიშვნელოვანი ქულა ავიღეთ. რთული სეზონის ფონზე ძალიან ბრწყინვალე შედეგია."

"როკამ კარგი შეხვედრა ჩაატარა. მისთვის მნიშვნელოვანია ნებისმიერი გატარებული წუთი მინდორზე. მარკი ბურთს კარგად ფლობს." - აცხადებს ფლიკი.

30-01-2021, 21:39

sandro

მეტის ნახვა

იტალიის სერია ა-ს მე-20 ტურში "ტორინომ" საკუთარ კედლებში "ფიორენტინა" მიიღო და დაუზავდა - 1:1.

სტუმართა მხრიდან ერთადერთი გოლი ფრენკ რიბერიმ ულამაზესი კომბინაციის შედეგად გაიტანა.

იხილეთ ვიდეო.

30-01-2021, 20:48

sandro

მეტის ნახვა

მანუელ ნოიერმა "ჰოფენჰაიმთან" მატჩში მორიგი ფენომენალური სეივი შემოგვთავაზა.

იხილეთ ვიდეო.

30-01-2021, 20:32

sandro

მეტის ნახვა

გერმანიის ბუნდესლიგის მე-19 ტურში მიუნხენის "ბაიერნმა" საკუთარ კედლებში "ჰოფენჰაიმი" მიიღო და 4:1 გაანადგურა.

გთავაზობთ ფეხბურთელების შეფასებებს გამოცემა whoscored-ის ვერსიით.

30-01-2021, 20:21

sandro

მეტის ნახვა

გერმანიის ბუნდესლიგის მე-19 ტურში მიუნხენის "ბაიერნი" საკუთარ კედლებში "ჰოფენჰაიმს" მასპინძლობს.

ჟერომ ბოატენგმა ეფექტური გოლით "რეკორდმაისტერი" დააწინაურა.

იხილეთ ვიდეო.

30-01-2021, 19:09

sandro

მეტის ნახვა