მიუნხენის "ბაიერნის" მთავარმა მწვრთნელმა, ჰანს ფლიკმა გერმანულ გამოცემასთან ინტერვიუში საინტერესო თემებზე ისაუბრა.

"ჩემთვის ყველაზე მნიშვნელოვანი სწორად თამაშია. ვიცი, რომ ამ გუნდს დიდი პოტენციალი აქვს შეტევაში და ეს მეტოქეზე ორმაგად ზრდის წნეხს. ჩვენს ფეხბურთელებს საკუთარი თავის რწმენა აქვთ გაზრდილი."

"ჩემი ხედვით "ბაიერნის" დნმ უნდა გადაეცემოდეს მთელს გუნდს და საწვრთნელ პერსონალს. ეს დნმ არა მხოლოდ ძირითად გუნდში, არამედ აკადემიებში, სკაუტინგში და ნებისმიერ საკითხში უნდა ჩანდეს."

"თუ მე არ შემიძლია გამოწვევებს ვუპასუხო, მაშინ "ბაიერნში" არაფერი მესაქმება. ჩვენ არ გვჭირდება ფეხბურთელი, რომელიც მხოლოდ იმ სიმაღლეზე ხტება, რამდენზეც საჭიროა. ყველა მათგანი საკუთარ თავს უნდა გადაახტეს და მაქსიმალურისთვის იბრძოლოს." - აცხადებს ფლიკი.

3-12-2020, 15:59

sandro

მეტის ნახვა

გერმანული გამოცემა BILD-ის ინფორმაციით, მიუნხენის "ბაიერნმა" ედუარდო კამავინგას ტრანსფერზე მუშაობა განაახლა.

ახალგაზრდა ნახევარმცველის შესახებ გასული კვირების განმავლობაშიც იწერება, თუმცა, უკანასკნელი ცნობებით, "რეკორდმაისტერი" საქმეს უკვე სერიოზულად მიუდგა.

როგორც ცნობილია, ჰანს ფლიკი ტიაგო ალკანტარას ჩამნაცვლებლად სწორედ 18 წლის უნიჭიერეს ფეხბურთელს მიიჩნევს და მასში დიდ პოტენციალს ხედავს.

კამავინგას შეძენა "ბაიერნის" გარდა ასევე მანჩესტერ "იუნაიტედსაც" სურს. მის ტრანსფერში მთავარ ფავორიტებად სწორედ ეს კლუბები მიიჩნევიან.

2-12-2020, 23:54

sandro

მეტის ნახვა

ჩემპიონთა ლიგის ჯგუფური ეტაპის მეხუთე ტურში მიუნხენის "ბაიერნი" მადრიდის "ატლეტიკოს" ესტუმრა და დაუზავდა - 1:1.

"რეკორდმაისტერის" ერთადერთი გოლი გუნდის ლიდერმა, თომას მიულერმა 86-ე წუთზე, თერთმეტმეტრიანი დარტყმით გაიტანა. აღსანიშნავია, რომ გერმანელი ფეხბურთელისთვის ეს გოლი ისტორიული აღმოჩნდა.

კერძოდ, მიულერს უკვე 47 გოლი დაუგროვდა ჩემპიონთა ლიგის ისტორიაში, რითაც ის საუკეთესო ბომბარდირთა ათეულში შევიდა.

თომასმა ლეგენდარული ფილიპო ინძაგი ჩამოიტოვა, რომელსაც მის მსგავსად 46 გოლი ჰქონდა გატანილი.

ისტორიაში საუკეთესო ბომბარდირთა ათეული ამჟამად ასე გამოიყურება:

2-12-2020, 23:17

sandro

მეტის ნახვა

რამდენიმე დღის წინ FIFA-ს ოფიციალურმა საიტმა გასული წლის საუკეთესო ფებხურთელის ჯილდოსთვის მებრძოლთა სია დაასახელა.

საბუკმეიკერო კანტორებმა თითოეულ კანდიდატს კოეფიციენტი მიანიჭეს. არ იქნება გასაკვირი თუ გეტყვით, რომ მთავარ ფავორიტად რობერტ ლევანდოვსკი მიიჩნევა.

პოლონელ თავდამსხმელის შანსი 1.3 კოეფიციენტით შეფასდა, რაც ყველაზე დაბალია კანდიდატებს შორის. მას შემდეგ მოდიან კრისტიანო რონალდუ და ლეო მესი, შესაბამისად 6.0 და 8.0 კოეფიციენტებით.

შეგახსენებთ, რომ FIFA მსოფლიოს საუკეთესო ფეხბურთელს 11 დეკემბერს დაასახელებს.

2-12-2020, 23:12

sandro

მეტის ნახვა

როგორც ჩანს, მიუნხენის "ბაიერნი" აღებული კურსის ცვლილებას არ აპირებს და მომავალი სეზონიდან კვლავ გაგრძელდება გუნდის გადახალისება.

გერმანული გამოცემების ინფორმაციით, "რეკორდმაისტერმა" 2021 წლის ზაფხულის ტრანსფერები უკვე დაგეგმა და 2 მთავარი სატრანსფერო სამიზნეც ამოირჩია.

წყაროს ცნობით, კლუბი ყველაზე მეტად გლადბახის "ბორუსიას" ფეხბურთელების, დენის ზაქარიასა და ფლორიან ნეუჰაუსის შეძენას ეცდება.

როგორც ცნობილია, ორივე ხსენებული მოთამაშის მოყვანა პირადად ჰანს ფლიკის მოთხოვნაა, რაც 2021/22 წლების სეზონის დაწყებამდე აუცილებლად შესრულდება.

2-12-2020, 21:26

sandro

მეტის ნახვა

ბრიტანული გამოცემა The Times-ის ინფორმაციით, არ არის გამორიცხული, უახლოეს მომავალში ჩემპიონთა ლიგის ფორმატის ცვლილება ვიხილოთ.

კერძოდ, წყაროს ცნობით, UEFA განიხილავს ჭადრაკის სისტემაზე გადასვლას, რაც გულისხმობს შემდეგს:

სავარაუდოდ, მონაწილეთა რაოდენობა 36 კლუბამდე გაიზრდება, თითოეული კლუბი კი 5 მოწინააღმდეგეს შეხვდება შინ და გარეთ. სულ 10 შეხვედრა.

საუკეთესო 16 გუნდი 1/8 ფინალში შეძლებს გასვლას. დივიზიონის პირველადგილოსანი მეთექვსმეტეს შეხვდება, მეორეადგილოსანი მეთხუთმეტეს და ა. შ.

სავარაუდოდ, დამტკიცების შემთხვევაში ეს ცვლილება ძალაში 2024/25 წლების სეზონიდან შევა.

2-12-2020, 20:42

sandro

მეტის ნახვა

ჩემპიონთა ლიგის ჯგუფური ეტაპის მე-5 ტურში მიუნხენის "ბაიერნი" მადრიდის "ატლეტიკოს" სტუმრობს.

გთავაზობთ სასტარტო შემადგენლობებს:

"ატლეტიკო": ობლაკი - ტრიპიერი, სავიჩი, ხიმენესი, ერმოსო - ლორენტე, კოკე, საული, კარასკო - ჟოაო ფელიში, კორეა

"ბაიერნი": ​ნუბელი - ზულე, ალაბა, ერნანდესი - სარი, ხავი მარტინესი, მუსიალა, არი-მბი - სანე, ჩუპო მოტინგი, დუგლას კოშტა

1-12-2020, 22:37

sandro

მეტის ნახვა

UEFA-ს ოფიციალურმა საიტმა გასული სეზონის საუკეთესო თერთმეტეულის გამოსავლენად გამოკითხვა დაიწყო.

გასაკვირი არ იქნება თუ გეტყით, რომ სიაში ყველაზე მეტი, 10 წარმომადგენელი მიუნხენის "ბაიერნს" ჰყავს.

ხმის მიცემა ამ ლინკის საშუალებით შეგიძლიათ.

იხილეთ ნომინანტების სრული სია:

1-12-2020, 15:37

sandro

მეტის ნახვა

მოგეხსენებათ, დღეს გერმანიის ფეხბურთის ფედერაციის შეხვედრა გაიმართა, სადაც გადაწყდა, რომ იოახიმ ლიოვი ეროვნულ ნაკრებში მინიმუმ ევროპის ჩემპიონატამდე დარჩება.

გარდა ამისა, ბუნდესფედერაციამ ლიოვთან ერთად კიდევ ერთ მნიშვნელოვან საკითხზე იმსჯელა. ეს გახლავთ ვეტერანი ფეხბურთელების დაბრუნება ნაკრებში.

გერმანული გამოცემების ინფორმაციით, გადაწყვეტილება შეიცვალა, ოღონდ მცირედით.

ჟერომ ბოატენგი, თომას მიულერი და მატს ჰუმელსი ეროვნულ გუნდში დაბრუნებას მხოლოდ ერთ შემთხვევაში შეძლებენ. თუ ნაკრებს ბევრი ტრავმირებული ფეხბურთელი დაუბრუნდება.

სხვა შემთხვევაში კი ლიოვის პოზიცია უცვლელია და ვეტერანები კვლავ ნაკრებს მიხმა ხვდებიან.

1-12-2020, 00:09

sandro

მეტის ნახვა

დღეს გერმანიის ფეხბურთის ფედერაციამ გადაწყვეტილება მიიღო, რომლის მიხედვითაც იოახიმ ლიოვი ევროპის ჩემპიონატის დასრულებამდე ნაკრების მთავარი მწვრთნელის პოსტზე რჩება.

აღნიშნულ თემაზე კომენტარი მიუნხენის "ბაიერნის" ვეტერანმა ცენტრალურმა მცვლემა, ჟერომ ბოატენგმა გააკეთა.

"მე ბედნიერი ვარ ამ ფაქტით. ვფიქრობ, გასული წლების განმავლობაში ლიოვმა სრულიად დაიმსახურა ნაკრების მწვრთნელის პოსტის შენარჩუნება." - აცხადებს ბოატენგი.

30-11-2020, 23:56

sandro

მეტის ნახვა

გერმანიის ფეხბურთის ფედერაციის ოფიციალურმა საიტმა იოახიმ ლიოვის შესახებ განცხადება გაავრცელა.

წყაროს ცნობით, ორშაბათს ფედერაციის პრეზიდიუმის სხდომა გაიმართა, სადაც სხვადასხვა თემასთან ერთად მთავარი მწვრთნელის საკითხიც განიხილებოდა.

ფედერაციის წარმომადგენლებმა იმსჯელეს და საბოლოოდ გადაწყვიტეს, რომ ლიოვი ევროპის ჩემპიონატის დასრულებამდე გერმანიის ნაკრების მთავარი მწვრთნელი იქნება.

ბუნდესფედერაციამ მთავარ მწვრთნელს სრული ნდობა გამოუცხადა. შესაბამისად, ის მინიმუმ ევრო 2021-მდე არ დატოვებს გერმანიის ნაკრებს.

30-11-2020, 19:00

sandro

მეტის ნახვა

როგორც ჩანს, იოზუა კიმიხი იმაზე უფრო მალე დაბრუნდება, ვიდრე ამას გულშემატკივრები ელოდნენ.

გერმანული გამოცემების ინფორმაციით, "ბაიერნის" ლიდერი აღდგენით პროცესებს შეუდგა და უკვე მინდორზეც შეძლო სავარჯიშოდ გასვლა.

მოგეხსენებათ, 7 ნოემბერს "დორტმუნდთან" მიღებული ტრავმის შემდეგ იოზუამ ოპერაცია ჩაიტარა და მას იანვრის შუა რიცხვებში უწინასწარმეტყველებდნენ დაბრუნებას.

თუმცა, უკანასკნელი ცნობებით მისი აღდგენითი პროცესი დათქმულ ვადაზე ადრე დაიწყო და არ არის გამორიცხული, მან წლის ბოლომდე შეძლოს დაბრუნება.

30-11-2020, 17:56

sandro

მეტის ნახვა

მიუნხენის "ბაიერნის" ვეტერანმა ფეხბურთელმა, ხავი მარტინესმა პრესკონფერენიაზე ისაუბრა,

"გასულ ზაფხულს ვფიქრობდი კლუბიდან წასვლაზე და შესაბამისი შეთავაზების შემთხვევაში, მართლაც წავიდოდი. თუმცა, საბოლოოდ დარჩენა გადავწყვიტე. მწვრთნელი და გუნდი მენდობა, ეს კი სრულიად საკმარისია ჩემთვის."

"კონტრაქტის მიხედვით ბოლო წელიწადი მაქვს, თუმცა, ივნისამდე შეიძლება ბევრი რამ შეიცვალოს. "ბაიერნში" მეცხრე წელს ვატარებ, რაც ძალიან დიდი დროა. მე გუნდის ნაწილი ვარ და ეს არის ყველაზე მნიშვნელოვანი."

"მიუნხენში დიდებული წლები გავატარე. კარიერის დასრულებამდე სიახლის გამოცდა მსურს. მაგრამ, გადაწყვეტილი არაფერია."

"ატლეტიკოს წინააღმდეგ ახალ სტადიონზე აქამდე არ მითამაშია და ეს განსაკუთრებული იქნება. სამწუხაროა, რომ თამაშს ფანები ვერ დაესწრებიან." - აცხადებს მარტინესი.

30-11-2020, 17:24

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა ოფიციალურად დაადასტურა, რომ ხვალინდელ შეხვედრაში მონაწილეობას რამდენიმე ლიდერი არ მიიღებს.

"ლევანდოვსკი, ნოიერი, გორეცკა და ტოლისო მიუნხენში დარჩებიან. მათ დასვენების საშუალება მიეცემათ. კორენტინს მცირე ტრავმა აწუხებდა, თუმცა, სერიოზული არაფერია და "ლაიფციგთან" დაბრუნდება. სხვა ყველა მოთამაშე განაცხადში იქნება."

"ნუბელმა ვარჯიშებზე კარგი შთაბეჭდილება დატოვა. ხვალ მას მიეცემა შანსი და სასტარტო თერთმეტეულიდან დაიწყებს თამაშს." - აცხადებს ფლიკი.

30-11-2020, 16:32

sandro

მეტის ნახვა

ჩემპიონთა ლიგის ჯგუფური ეტაპის მეოთხე ტურში მიუნხენის "ბაიერნი" მადრიდის "ატლეტიკოს" ესტუმრება.

გთავაზობთ გუნდების სავარაუდო შემადგენლობებს მომავალი დაპირისპირებისთვის.

"ატლეტიკო": ობლაკი - ტრიპიერი, სავიჩი, ხიმენესი, ჰერმოსო - კოკე, საული, ლორენტე, კარასკო - ჟოაო ფელიში, ლემარი.

"ბაიერნი": ნოიერი - პავარი, ზულე, ალაბა, ერნანდესი - ხავი მარტინესი, გორეცკა - სანე, მიულერი, დუგლას კოშტა - ზირკზე.

30-11-2020, 13:48

sandro

მეტის ნახვა

UEFA-ს ოფიციალურმა საიტმა განახლებული რეიტინგები გამოაქვეყნა, რომელიც ბოლო 5 წლის მონაცემებით ჯამდება.

აღსანიშნავია, რომ მიუნხენის "ბაიერნმა" მადრიდის "რეალი" ჩამოიტოვა და რეიტინგში უკვე ერთპიროვნულად გალიდერდა.

"რეკორდმაისტერს" 119 ქულა აქვს და 5-ით უსწრებს მეორეადგილოსან "ბარსელონას". მესამეზე კი "რეალია" 110 ქულით.

მეოთხე და მეხუთე ადგილებზე შესაბამისად ტურინის "იუვენტუსი" და მადრიდის "ატლეტიკო" იმყოფებიან.

29-11-2020, 21:43

sandro

მეტის ნახვა