2020 წელი "ბაიერნის" ისტორიაში ერთ-ერთი საუკეთესოა მიღწევების კუთხით, თუმცა, ამის მიუხედავად კლუბმა ფინანსური ვარდნა განიცადა.

მოგეხსენებათ, კორონავირუსის პანდემიამ აბსოლიტურად ყველა ბიზნესი დააზარალა და გამონაკლისი არც ფეხბურთი ყოფილა.

5 ტიტულის მოგების მიუხედავად "რეკორდმაისტერის" შემოსავლები 2019 წელთან შედარებით დაახლოებით 52 მილიონი ევროთი შემცირდა და 750 მილიონი ევროდან 698 მილიონამდე დაეცა.

გარდა ამისა, კლუბის წმინდა მოგებამ გადასახადების დაბეგვრის შემდეგ მხოლოდ 9.8 მილიონ ევროს მიაღწია მაშინ, როცა 2019 წელს იგივე მაჩვენებელი 52.5 მილიონი ევრო იყო.

"8 მარტის შემდეგ სტადიონზე გულშემატკივრები არ გვყოლია. ამ და სხვა ფაქტების გათვალისწინებით ვფიქრობ, კლუბის ფინანსური წელი მაინც დადებითად უნდა შეფასდეს." - აცხადებს რუმენიგე.

23-12-2020, 20:01

sandro

მეტის ნახვა

2020 წელი მიუნხენის "ბაიერნის" ისტორიაში ერთ-ერთი საუკეთესოა. გუნდმა ყველა შესაძლო ტიტული მოიგო და მთელი წლის მანძილზე მხოლოდ 1 მატჩში დამარცხდა.

ჰანს ფლიკის ხელში გუნდის არაერთმა ფეხბურთელმა განიცადა, მათ შორის კი 3 მოთამაშე გახლავთ გამორჩეული.

პირველ რიგში აღსანიშნავია ჟერომ ბოატენგის პროგრესი. 2019/20 წლების სტარტზე ვეტერან მცველს სათამაშო დრო არ ეძლეოდა. მისი წასვლა, ფაქტობრივად, გარდაუვალი იყო, თუმცა, ჰანს ფლიკის მოსვლის შემდეგ ჟერომმა ძირითადში ადგილი დაიბრუნა და შეიძლება ითქვას, რომ მეორე სუნთქვაც გაეხსნა. 32 წლის მცველმა ახალგაზრდობა გაიხსენა და ბევრ კრიტიკოსს აზრი შეაცვლევინა. ბოას მიმდინარე სეზონში უკვე 17 მატჩი აქვს ჩატარებული ყველა ტურნირზე, რაც დავიდ ალაბას შემდეგ "ბაიერნის" მცველებს შორის საუკეთესო შედეგია.

დაახლოებით მსგავსი სიტუაცია გახლავთ თომას მიულერის შემთხვევაშიც. ნიკო კოვაჩი "ბაიერნის" მამოძრავებელ ძალას არ ენდობოდა და სათამაშო დროს არ აძლევდა. თავად თომასმაც განაცხადა, რომ ამ პერიოდში სერიოზულად ფიქრობდა გუნდიდან წასვლაზე. მაგრამ, ფლიკის მოსვლის შემდეგ იმდენად გაიზარდა მისი როლი გუნდში, რომ დღევანდელი "ბაიერნის" წარმოდგენა მიულერის გარეშე შეუძლებელია. ამ სეზონში თომასმა ყველაზე მეტი, 22 მატჩი ჩაატარა რაც თავისთავად მეტყველებს მის მნიშვნელობაზე გუნდისთვის.

და ბოლოს, არ შეიძლება გამოგვრჩეს კინგსლი კომანის პროგრესი. ახალგაზრდა ფრანგი მე-6 სეზონს ატარებს "რეკორდმაისტერში", თუმცა მხოლოდ ახლაღა მოახერხა ეჩვენებინა საკუთარი შესაძლებლობები. მისი პროგრესი გაცილებით აშკარა პანდემიის შემდეგ გახდა, როდესაც ლომის წილი დაიდო მან ჩემპიონთა ლიგის მოგებაში და გადამწყვეტი გოლის ავტორიც გახდა. კინგსლი თამაშიდან თამაშამდე საოცრად უმატებს და ლეროი სანეს, ფაქტობრივად, შანსს არ აძლევს ძირითად შემადგენლობაში დამკვიდრების. ფეხბურთელი, რომელსაც 2020 წლამდე ტრავმები ხშირად სტანჯავდა და სათამაშო დროც მცირედით ეძლეოდა, დღეს-დღეისობით მსოფლიოს ერთ-ერთ საუკეთესო მოთამაშედ იქცა საკუთარ პოზიციაზე.

23-12-2020, 18:25

sandro

მეტის ნახვა

მიუნხენის "ბაიერნის" დირექტორთა საბჭოს წევრმა, ოლივერ კანმა ლეროი სანეს მდგომარეობაზე ისაუბრა.

"მე "ბაიერნს" კარგად ვიცნობ და ვიცი, რომ ახალ ფეხბურთელებს ადაპტაციისთვის გარკვეული დრო სჭირდებათ. განსაკუთრებით კი ისეთი ტრავმის შემდეგ, როგორიც ლეროიმ გადაიტანა."

"ყველამ კარგად ვიცით სანეს შესაძლებლობები და პოტენციალი. ვიცით, რომ ის შეძლებს მომავალში თავის გამოჩენას."

"მან უკვე მოახერხა ისეთი გოლების გატანა, როგორიც სხვებს გაუჭირდებოდათ. საერთო ჯამში მსოფლიოში ერთ-ერთი საუკეთესო შემტევი ხაზი გვყავს." - აცადებს კანი.

23-12-2020, 16:58

sandro

მეტის ნახვა

23-12-2020, 00:30

sandro

მეტის ნახვა

მიუნხენის "ბაიერნის" გარემარბის, დუგლას კოშტას აგენტმა, ჯოვანი ბრანჩინიმ თავისი კლიენტის მომავალზე კომენტარი გააკეთა.

"სეზონი საკმაოდ გრძელია და ხშირად მხოლოდ ერთი კვირაც საკმარისი არის სიტუაციის სრულიად შემოსაბრუნებლად."

"თუმცა, ამჟამად კოშტას სათამაშო დრო, ფაქტობრივად, არ ეძლევა. ამ გადმოსახედიდან მისი დარჩენა მიუნხენში წარმოუდგენლად მეჩვენება." - აცხადებს ბრანჩინი.

შეგახსენებთ, რომ ბრაზილიელი "ბაიერნს" ერთწლიანი იჯარით შეუერთდა გასულ ზაფხულს.

23-12-2020, 00:12

sandro

მეტის ნახვა

მოგეხსენებათ, მიმდინარე სეზონის დასრულების შემდეგ დავიდ ალაბას მიუნხენის "ბაიერნთან" კონტრაქტი ეწურება და ის თავისუფალი აგენტის სტატუსით დატოვებს კლუბს.

ესპანური გამოცემა Marca-ს ინფორმაციით, 28 წლის მცველისთვის ბრძოლაში ორი მთავარი ფავორიტი გამოიკვეთა. ესენი არიან ლა ლიგის გრანდები, "რეალი" და "ბარსელონა".

წყაროს ცნობით, ალაბას დამატებას ყველაზე მეტად "სამეფო კლუბი" ცდილობს და უარზე არც თავად ფეხბურთელია.

შეგახსენებთ, რომ ავსტრიელ მცველს წინასწარი კონტრაქტის გაფორმება იანვრიდან შეუძლია. მისი დამატებით ასევე "პსჟ", "მანჩესტერი" და "სიტი" არიან დაინტერესებული.

22-12-2020, 23:41

sandro

მეტის ნახვა

მიუნხენის "ბაიერნის" ცენტრალურმა მცველმა, ჟერომ ბოატენგმა, შესაძლოა, კარიერა იტალიის სერია ა-ში გააგრძელოს.

იტალიური გამოცემების ინფორმაციით, ვეტერანი ფეხბურთელის დამატებით ყველაზე მეტად "მილანი" არის დაინტერესებული.

წყაროს ცნობით, ბოატენგის გადაბირება პაოლო მალდინის დიდი სურვილია და გუნდის სპორტული მენეჯერი აქტიურად მუშაობს ამ საკითხზე.

შეგახსენებთ, რომ ბოატენგს "ბაიერნთან" კონტრაქტი 2021 წლის ზაფხულში ეწურება.

22-12-2020, 23:38

sandro

მეტის ნახვა

ცნობილმა ქართველმა მსახიობმა, ნოდარ გურგენაშვილმა გადაცემა "ბეთბარის" დროს მიუნხენის "ბაიერნზე" იხუმრა.

იხილეთ ვიდეო.

22-12-2020, 21:45

sandro

მეტის ნახვა

მიუნხენის "ბაიერნის" დირექტორთა საბჭოს წევრმა, კარლ-ჰაინც რუმენიგემ კლუბის სამომავლო გეგმებზე ისაუბრა.

"გასული სეზონის წარმატებამ თვალები არ უნდა აგვიხვიოს. 2020 წელში, როგორც ყველა სხვა გუნდმა, ასევე ჩვენც დიდი ფინანსური დარტყმა მივიღეთ."

"სამწუხაროდ, კორონავირუსის გამო შემოსავლები შემცირდა. შესაბამისად, 2021 წლის ზაფხულში ხმაურიანი ტრანსფერების გაკეთებას არ უნდა ველოდოთ." - აცხადებს რუმენიგე.

22-12-2020, 21:33

sandro

მეტის ნახვა

მიუნხენის "ბაიერნის" ლიდერმა, რობერტ ლევანდოვსკიმ 2020 წლის გამორჩეული მომენტი დაასახელა.

"ვიცი, რომ France Football-ის მიერ ოქროს ბურთის გაუქმებას მიზეზები ჰქონდა, თუმცა, მგონია, რომ ამ გადაწყვეტილების მიღების დროს ძალიან იჩქარეს. ვფიქრობ, ოქროს ბურთის მოგებას ვიმსახურებდი."

"თუმცა, ჩემი აზრით გუნდური ჯილდოები გაცილებით უფრო მნიშვნელოვანია, ვიდრე ინდივიდუალური."

"პირადად მე 2020 წელს კარიერაში საუკეთესო მქონდა, თუმცა, ამ წლიდან ერთი გამორჩეული მომენტის დასახელება რომ მთხოვონ აუცილებლად ჩემპიონთა ლიგის მოგებას ავირჩევდი." - აცხადებს ლევანდოვსკი.

22-12-2020, 20:23

sandro

მეტის ნახვა

მიუნხენის "ბაიერნის" მთავარი მწვრთნელი, ჰანს ფლიკი რეკორდების მსხვრევას განაგრძობს.

მოგეხსენებათ, კლუბმა 2020 წელი მხოლოდ 1 წაგებით ჩაატარა, რაც ისტორიაში საუკეთესო შედეგია. გარდა ამისა, 55 წლის სპეციალისტმა კიდევ ერთი რეკორდი დაამყარა.

ფლიკის გაწვრთნილი "ბაიერნი" ბუნდესლიგის ერთ მატჩში საშუალოდ 2.54 ქულას აგროვებს, მსგავსი შედეგი კი არცერთ კლუბს არ ჰქონია.

მეორე ადგილზე პეპ გვარდიოლას დამოძღვრილი "ბაიერნია", რომელიც ერთ შეხვედრაში 2.52 ქულას იღებდა.

22-12-2020, 19:09

sandro

მეტის ნახვა

მიუნხენის "ბაიერნის" გარემარბმა, ლეროი სანემ "ლევერკუზენთან" მატჩის შემდეგ პირველი კომენტარი გააკეთა.

"ჩვენ გახარებულები ვართ გამარჯვებით. ყველა ტურნირზე კარგად გამოვიყურებით და შესაბამისად, საქმეც კარგად მიდის."

"სიმართლე გითხრათ, არ ველოდი შეცვლას. ამან ძალიან გამაკვირვა, თუმცა, მსგავსი რამები ხდება. მთელი გუნდი გვერდში მიდგას."

"ჩემი თავის ყველაზე დიდი კრიტიკოსი თავად მე ვარ. ვიცი, რომ ყველაფერი იდეალურად ვერ მიდის, თუმცა გპირდებით, რომ სიტუაცია გამოსწორდება." - აცხადებს სანე.

20-12-2020, 16:40

sandro

მეტის ნახვა

"ლევერკუზენისა" და "ბაიერნის" შეხვედრის პირველი ტაიმის მიმდინარეობისას კინგსლი კომანმა დაზიანება მიიღო, რის გამოც შესაცვლელი შეიქნა.

გერმანული გამოცემების ინფორმაციით, ახალგაზრდა ვინგერის ტრავმა სერიოზული არ არის და ის უახლოეს პერიოდში დაუბრუნდება გუნდს.

წყაროს ცნობით, ფრანგმა ფეხბურთელმა მარცხენა ბარძაყის არეში მცირე დაჭიმულობა იგრძნო და გართულებების თავიდან ასარიდებლად შეცვალეს.

შეგახსენებთ, რომ ახლა ბუნდესლიგაში ზამთრის შესვენებაა და "ბაიერნი" 3 იანვრამდე მატჩს არ ატარებს. შესაბამისად, კომანი ამ პერიოდში ძალების აღდგენას და "უნიონთან" გუნდის დახმარებას მოახერხებს.

20-12-2020, 14:54

sandro

მეტის ნახვა

"ლევერკუზენისა" და "ბაიერნის" შეხვედრის 32-ე წუთზე ლეროი სანე დაშავებული კინგსლი კომანის ნაცვლად მინდორზე შემოვიდა.

თუმცა, გამოსვლიდან 36 წუთში, 68-ე წუთზე ფლიკმა ახალგაზრდა გარემარბი კვლავ მინდვრიდან გაიყვანა. გუნდის დამრიგებელმა ამ თემაზე განმარტება გააკეთა.

"ეს სასჯელი არ ყოფილა. მე შეცვლა უნდა გამეკეთებინა და სამი ვარიანტი იყო - თომას მიულერი, სერჟ გნაბრი ან ლეროი სანე."

"თომასი ჩვენი სისტემის განუყოფელი ნაწილია. გნაბრი მეორე ტაიმში ბრწყინვალედ გამოიყურებოდა, შესაბამისად, საჭირო იყო სანეს შეცვლა."

"ჩვენთვის გუნდური წარმატება უფრო მაღლა დგას, ვიდრე ინდივიდუალური. მინდა ვთქვა, რომ მეც და მთელი გუნდიც მხარს ვუჭერთ სანეს." - აცხადებს ფლიკი.

20-12-2020, 14:23

sandro

მეტის ნახვა

გერმანიის ბუნდესლიგის მე-13 ტურში მიუნხენის "ბაიერნი" ლევერკუზენის "ბაიერს" ესტუმრა და მნიშვნელოვანი 3 ქულა მოიპოვა. ეს ტური უკანასკნელია გერმანიაში 2020 წელს. გუნდები ახალ წლამდე დაგვემშვიდობნენ.

აღსანიშნავია, რომ დღევანდელი შედეგით ჰანს ფლიკმა "ბაიერნის" რიგებში კიდევ ერთი ახალი რეკორდი დაამყარა.

კერძოდ, ისტორიაში პირველად, "რეკორდმაისტერმა" ბუნდესლიგის კალენდარული წელი მხოლოდ 1 მარცხით დაასრულა.

ერთადერთი კლუბი, რომელმაც 2020 წელს ბუნდესლიგაშიც და ზოგადად ყველა ტურნირზეც ბავარიელების დამარცხება მოახერხა, "ჰოფენჰაიმია".

19-12-2020, 23:50

sandro

მეტის ნახვა

გერმანის ბუნდესლიგის მე-13 ტურში მიუნხენის "ბაიერნი" ლევერკუზენის "ბაიერს" ესტუმრა და 1:2 დაამარცხა.

გთავაზობთ ფეხბურთელების რეიტინგებს გამოცემა Whoscored-ის ვერსიით.

19-12-2020, 23:30

sandro

მეტის ნახვა