დეივისი მწყობრშია: ითამაშებს თუ არა ბაიერნის ვარსკვლავი დღეს?

მიუნხენის ბაიერნის მცველმა, ალფონსო დეივისმა ტრავმა სრულად მოიშუშა. ის კანადის ეროვნულ ნაკრებს დაუბრუნდა და დღეს, ყატარის ნაკრების წინააღმდეგ გასამართი მატჩისთვის სრულ მზადყოფნაში იქნება.

კანადელთა მთავარმა მწვრთნელმა, ჯესი მარშმა დაადასტურა, რომ ფეხბურთელი თავს ძალიან კარგად გრძნობს. მწვრთნელის განცხადებით, ახლა მხოლოდ იმაზე უნდა დაფიქრდნენ, თუ როგორ განვითარდება თამაში და რა მომენტში შეძლებს დეივისი გუნდისთვის მაქსიმალური სარგებლის მოტანას.

მარშმა ხაზი გაუსვა, რომ ალფონსო სათამაშოდ ასპროცენტიანად მზად არის და ის განაცხადში აუცილებლად იქნება. ეს სიახლე როგორც კანადის ნაკრებისთვის, ისე მიუნხენის ბაიერნისთვისაც ძალიან მნიშვნელოვანია.