კომპანი კიმს იცავს: “დრამა არ იქნება - გუნდი ერთად უნდა იდგეს”

ვენსან კომპანი კიმ მინ-ჯეს სიტუაციაზე:

„ბევრჯერ მითქვამს პრესკონფერენციებზე, რამდენად მნიშვნელოვანია ჩემთვის, რომ არც ერთი ფეხბურთელი არ იყოს იზოლირებული. არანაირი შანსი არ არსებობს, რომ ასე მოვიქცე. ჩვენთვის აუცილებელია, ყოველთვის ერთად ვიდგეთ. თუ ვინმე კარგად ვერ თამაშობს და აქ არ ვგულისხმობ კონკრეტულად კიმს - ამას ყოველთვის შიგნით განვიხილავთ, გუნდის წინაშე ან ინდივიდუალურად თავად მოთამაშესთან. საჯარო დრამებს არ ვაწყობ.

სერჟ გნაბრი, მაგალითად, სეზონის პირველ ნაწილში, ალბათ, ჩვენი საუკეთესო ფეხბურთელი იყო, მერე ტრავმებმა ხელი შეუშალა. ახლა ის სრულ მზადყოფნაშია.

სეზონის ბოლოს ყველა მოთამაშესთან გულწრფელი საუბარი გვექნება. ამ ეტაპზე კი მთავარი ისაა, რომ ყველამ მაქსიმუმი გაიღოს და საკუთარ თამაშზე ვიყოთ კონცენტრირებულები.“