ფლორიან ვირცი გადაწყვეტილებას მაქსიმუმ 10 დღის განმავლობაში მიიღებს. ბაიერნის წყაროები დარწმუნებულნი არიან, რომ ამჟამად ესპანეთიდან (რეალ მადრიდიდან) საფრთხე არ არსებობს და ვირცის არჩევანი მხოლოდ მათსა და ლივერპულს შორის იქნება.

ცნობილია, რომ ლივერპულმა ვირცის ოჯახზე დიდი შთაბეჭდილება მოახდინა და მზად არიან ტრანსფერისთვის მაქსიმუმი გააკეთონ — ზუსტად ისევე, როგორც ბაიერნი.

ვენსან კომპანიმ ვირცთან ხანგრძლივად ისაუბრა მის პოტენციურ როლზე ბაიერნში გადმოსვლის შემთხვევაში.

21-05-2025, 17:32

tornike

მეტის ნახვა

მაქს ებერლს გასულ კვირას ზაფხულის გეგმების ყველა პუნქტი სამეთვალყურეო საბჭომ დაუმტკიცა. ებერლს ჯერ კიდევ ენდობიან, თუმცა საბოლოო შეფასება ტრანსფერების ფანჯრის დახურვის შემდეგ, 1 სექტემბერს მოხდება.

სამეთვალყურეო საბჭომ მწვანე შუქი აუნთო ჯონათან ტას ტრანსფერს. საბჭოს წევრებმა ასევე გაგებით მიიღეს ერიკ დაიერის უარი ბაიერნის კონტრაქტზე, რადგან მონაკომ მას 3-წლიანი კონტრაქტი შესთავაზა.

დაიო უპამეკანოსთან ახალი კონტრაქტის თაობაზე მოლაპარაკებები კვლავ მიმდინარეობს. რაც შეეხება კიმ მინ-ჯეს, კლუბმა გადაწყვიტა დაელოდოს შეთავაზებებს უცხოური კლუბებიდან.

21-05-2025, 02:53

tornike

მეტის ნახვა

20-05-2025, 21:20

tornike

მეტის ნახვა

ული ჰიონესი ვენსან კომპანიზე:

„მიუხედავად იმისა, რომ გერმანიაში არასდროს უმუშავია და მხოლოდ ორი სამწვრთნელო პოზიცია ჰქონია, ის გამორჩეულად კარგად მუშაობს.

რაც მას განსაკუთრებით გამოარჩევს, არის სიმშვიდე, ინტელექტი და მედიისადმი დამოკიდებულება.

ფაქტობრივად, მან საჯარო სივრცეში ბაიერნს სიმშვიდე მოუტანა. და ეს ჩვენ ყველასთვის კარგია.“

20-05-2025, 20:02

tornike

მეტის ნახვა

ვენსან კომპანის კვლავ სურს, რომ ლეროი სანე კლუბში დარჩეს. მწვრთნელს მოსწონს სანეს ხელმისაწვდომობა და ის ფაქტი, რომ ის შედარებით იშვიათად იღებს ტრავმებს, ვიდრე კომანი და გნაბრი.

გარდა ამისა, სანეს სირბილის მაჩვენებლები – მათ შორის უკან დაბრუნების დროსაც – ძალიან კარგია და კომპანის სწორედ ეს თვისება მოსწონს.

არსებობს კიდევ ერთი საკითხი: თუ სანე წავა, მის შემცვლელად ვინგერის შეძენა – ტრანსფერის საფასურისა და ხელფასის ჩათვლით – კლუბს უფრო ძვირი დაუჯდება, ვიდრე სანეს კონტრაქტის გაგრძელება.

20-05-2025, 00:20

tornike

მეტის ნახვა

მანჩესტერ სიტიმ ახალგაზრდა ნახევარმცველის ტრანსფერზე უარი განაცხადა და ამით, ფაქტობრივად, ორგუნდიანი ბრძოლა დატოვა.

ვირცი ბაიერნთან გადაბარგებასთან ყველაზე ახლოს ჩანს. გერმანულ პრესაში გავრცელებული ინფორმაციით, ფეხბურთელს ამ კვირაში ბაიერნის ბაზაზე ვიზიტიც კი აქვს დაგეგმილი, რაც მიუთითებს იმაზე, რომ რეკორდმაისტერი ტრანსფერის დასრულებას ცდილობს.

უახლოეს დღეებში შესაძლოა გაირკვეს – დარჩება ვირცი ლევერკუზენში, გადაბარგდება მიუნხენში თუ გადაწყვეტს საზღვრებს გაცდენას და ლივერპულს შეუერთდება.

19-05-2025, 22:01

tornike

მეტის ნახვა

ტომას მიულერმა გულშემატკივრებს უკანასკნელად მიმართა:

„მინდა მადლობა გადაგიხადოთ ამ არაჩვეულებრივი წლებისთვის. იმედი მაქვს, რომ გუნდს, კლუბს, გოგონებსა და ბიჭებს კვლავაც მხარს დაუჭერთ.

ორივე გუნდში ახალგაზრდული, დინამიური სისხლია, რომელმაც იცის, რას ნიშნავს ბაიერნი. შეგვიწყეთ ხელი მთელი გულით. მადლობა, ნახვამდის.“

18-05-2025, 19:28

tornike

მეტის ნახვა

სეზონის ერთ-ერთი საინტერესო თემაა მაიკლ ოლისესა და ლამინ იამალის შედარება. ორივე ფეხბურთელი გამორჩეულად თამაშობს და უკვე მნიშვნელოვან როლს ასრულებენ გუნდების წარმატებაში.

სეზონის სტატისტიკა:

• მაიკლ ოლისე (ბაიერნი): 16 გოლი, 20 ასისტი
• ლამინ იამალი (ბარსელონა): 17 გოლი, 20 ასისტი

ორივე მოთამაშეს 20-20 საგოლე გადაცემა აქვს. მიუხედავად ამისა, ორივე მათგანი მაღალი ეფექტურობით გამოირჩევა და გუნდის თამაშზე დიდი გავლენა აქვს.

ოლისე თამაშში სისწრაფეს, ტექნიკასა და საგოლე ხედვას აერთიანებს. ის ხშირად მონაწილეობს შეტევების ორგანიზებაში და საგოლე შანსების შექმნაში.

18-05-2025, 11:33

tornike

მეტის ნახვა

ვინსენტ კომპანი დღევანდელ მატჩზე:

“ბიჭებს ვუთხარი: ჩემთვის მნიშვნელობა არ აქვს, კარიერაში რამდენი ტიტული გაქვს მოგებული – ყოველთვის ისე უნდა აღნიშნო, თითქოს პირველი ლიგის ტიტულია.

ჩვენაც ისე ვიზეიმებთ, როგორც პირველის დროს – და შემდეგ გავაგრძელებთ გზას.

იმედი მაქვს, მომავალ სეზონშიც კიდევ ერთ ‘პირველ’ ლიგის ტიტულს მოვიგებთ.”

17-05-2025, 22:06

tornike

მეტის ნახვა

დღეს, თბილისის დროით 17:30 - საათზე, მიუნხენის ბაიერნი დაუპირისპირდება ჰოფენჰაიმს.

მატჩამდე 1 საათით ადრე ცნობილია შემადგენლობა:

ნოიერი © - ლაიმერი, დაიერი, სტანიშიჩი, გერეირო - კიმიხი, პავლოვიჩი - ოლისე, კომანი - მიულერი, გნაბრი.

17-05-2025, 16:37

tornike

მეტის ნახვა

ლეროი სანემ ბაიერნის კონტრაქტის შეთავაზება უარყო.

ამ ეტაპზე ყველაფერი მიუთითებს იმაზე, რომ სანე ბაიერნს ზაფხულში დატოვებს, რადგან კლუბს შეთავაზების გაუმჯობესების განზრახვა არ აქვს.

მიუხედავად ამისა, ბაიერნი ჯერ კიდევ მზად არის მოლაპარაკებებისთვის, რათა გამოსავალი მოიძებნოს და კონტრაქტი გაგრძელდეს.

17-05-2025, 02:28

tornike

მეტის ნახვა

ამ საათებში, ბაიერნი ამზადებს თავის პირველ ოფიციალურ წინადადებას ლევერკუზენისადმი ფლორიან ვირცის ტრანსფერთან დაკავშირებით, რომელიც მალე წარედგინება.

ბაიერნი აქტიურად ინარჩუნებს კონტაქტს ვირცთან და მის ოჯახთან. ხელფასისა და კონტრაქტის ხანგრძლივობის თაობაზე პრინციპული შეთანხმება უკვე მიღწეულია. კლუბის ხელმძღვანელობა ძალიან დარწმუნებულია წარმატებაში.

თუმცა, იმის გამო, რომ ბაიერნსა და ლევერკუზენს შორის შეთანხმება ჯერ კიდევ გაურკვეველია, ვირცს აქვს გეგმა B. ამ ეტაპზე, ეს ალტერნატივა მოიცავს მანჩესტერ სიტისა და ლივერპულს. ორივე კლუბს სურს მისი შეძენა და ასევე გეგმავენ ოფიციალური წინადადებების წარდგენას. ბაიერნი ამაზე ინფორმირებულია.

16-05-2025, 21:15

tornike

მეტის ნახვა

მიუხედავად იმისა, რომ გერმანიაში ჯონათან ტას ბაიერნში გადაბარგება დროის საკითხად ითვლება, ფეხბურთელთან დაახლოებული წყაროები აცხადებენ, რომ მას საბოლოო გადაწყვეტილება ჯერ არ მიუღია.

ტას ბარსელონასთან ვერბალური შეთანხმება უკვე ჰქონდა, თუმცა ტრანსფერის დასრულება კლუბის ფინანსური ფეარ-პლეის წესების გამო ვერ მოხერხდა. ფეხბურთელი მზად არის ცოტა ხნით კიდევ დაელოდოს ბარსელონას.

ჰანსი ფლიკი ტრანსფერის მთავარი დამცველია, თუმცა ტას ესმის, რომ მწვრთნელს მისი რეგისტრაციის გარანტია არ შეუძლია, რადგან ეს მის პასუხისმგებლობას სცდება. მიუხედავად ამისა, ტა მზად არის კიდევ ცოტათი დაელოდოს. ბარსელონაში ამ ტრანსფერს რთულად მიიჩნევენ, თუმცა ჰანსი ფლიკი მაინც დაჟინებით ითხოვს მის შემადგენლობაში დამატებას.

16-05-2025, 20:06

tornike

მეტის ნახვა

ბაიერნის სპორტულმა დირექტორმა, მაქს ებერლმა, ჟურნალისტებთან საუბარში ფლორიან ვირცისა და მისი ოჯახის ინგლისში მოგზაურობის თაობაზე გავრცელებულ ინფორმაციას მოკლედ გამოეხმაურა.

„თუ ფლორიან ვირცმა და მისმა ოჯახმა ეს მოგზაურობა განახორციელეს, ამას თავისი მიზეზი ექნება. ჩვენ არ მიგვაჩნია, რომ ამის შესახებ კომენტარის გაკეთება ჩვენს კომპეტენციაში შედის“ – განაცხადა მაქს ებერლმა.

როგორც ცნობილია, ბოლო პერიოდში ვირცს არაერთ ევროპულ გრანდს უკავშირებენ, მათ შორის პრემიერ ლიგის კლუბებსაც. ფეხბურთელის ოჯახური ვიზიტი ინგლისში ბუნებრივად აღძრავს კავშირებს შესაძლო მომავალი ტრანსფერის თაობაზე, თუმცა ბაიერნის ხელმძღვანელობა ამ ეტაპზე დისტანცირებულია და ვითარების კომენტირებას ერიდება.

16-05-2025, 15:53

tornike

მეტის ნახვა

მაქს ებერლის მომავალი ბაიერნში დამოკიდებული იქნება იმაზე, როგორ განვითარდება მოვლენები უახლოეს კვირებში.

კლუბის ზედამხედველთა საბჭოს ორშაბათის სხდომაზე ებერლს მკაფიოდ მიაწოდეს, რა სურთ მისგან ხელმძღვანელ პირებს: ფეხბურთელების გაყიდვა და სახელფასო ფონდის შემცირება, რათა შესაძლებელი გახდეს ტოპ ტრანსფერების, მაგალითად ფლორიან ვირცის შეძენა.

ზედამხედველთა საბჭოს შეფასებით, ებერლს ამ ეტაპზე არ შეუსრულებია ეს ამოცანა. ამიტომ, მათ კიდევ ერთხელ მკაცრად გაუსვეს ხაზი ამ მოთხოვნის მნიშვნელობას.

ახლა ებერლი რთულ მდგომარეობაშია — მას დაეკისრა დავალება გააუმჯობესოს გუნდი ისე, რომ კლუბი ფინანსურად სერიოზულად არ დაზარალდეს.

15-05-2025, 22:41

tornike

მეტის ნახვა

ფლორიან ვირცის ოჯახი გაკვირვებული და ოდნავ გაღიზიანებულიც დარჩა მიუნხენიდან გასული კვირის განმავლობაში გავრცელებული ცნობებით, რომელთა მიხედვითაც ფეხბურთელმა მიუნხენის ბაიერნთან შეთანხმებას მიაღწია და წინასწარ კონტრაქტსაც მოაწერა ხელი.

ვირცის ოჯახთან დაახლოებული პირების თქმით, აღნიშნული ინფორმაცია სიმართლეს არ შეესაბამება და არც რაიმე შეთანხმება არსებობს მიუნხენურ გრანდთან. მათი განცხადებით, ფლორიანის მთელი ყურადღება ახლა მხოლოდ ლევერკუზენის მიმდინარე სეზონსა და გერმანიის ნაკრებთან ერთად ევროპის ჩემპიონატზე თამაშზეა კონცენტრირებული.

შეგახსენებთ, რომ ვირცი ბოლო პერიოდში ერთ-ერთ ყველაზე მოთხოვნად ფეხბურთელად იქცა ევროპულ ბაზარზე და მისით არაერთი ტოპ-კლუბია დაინტერესებული, თუმცა, როგორც ჩანს, მისი მომავალი ჯერ კიდევ გადაწყვეტილი არ არის.

15-05-2025, 19:38

tornike

მეტის ნახვა