ტომ ბიშოფი ოფიციალურად წარდგა როგორც მიუნხენის „ბაიერნის“ ახალი ფეხბურთელი.

ფეხბურთელი პირველ შთაბეჭდილებებზე:

„პირველი დღე ძალიან კარგი იყო - გუნდელებისგან არაჩვეულებრივი დახვედრა მივიღე.

გამიმართლა, რადგან რამდენიმე მათგანთან ერთად ეროვნულ ნაკრებშიც მითამაშია. დღეს პირველი მატჩები ჩავატარეთ ვარჯიშის შემდეგ, ასევე ვითამაშეთ მაგიდის ჩოგბურთი და სხვა ბევრი რამ. ძალიან ვერთობი აქ ყოფნით.“

13-06-2025, 23:56

tornike

მეტის ნახვა

მაქს ებერლს უკვე ჰქონდა პირდაპირი კონტაქტი ბრედლი ბარკოლასთან 2023 წელს, როცა ლაიფციგის სპორტული დირექტორი იყო.

მაშინ ებერლი პირადად გაფრინდა პარიზში, რათა შეხვდა მოთამაშეს და მის ოჯახს. იმ პერიოდში ბარკოლა ლიონის „ოლიმპიკში“ თამაშობდა, თუმცა იმ ზაფხულს პარიზში გადავიდა.

ებერლი ბარკოლას კარგად იცნობს და მას ძალიან აფასებს – ახლა, მიუნხენის „ბაიერნში“, მისით ინტერესიც განაახლა. თუმცა ფრანგ ფეხბურთელს კონტრაქტი 2028 წლამდე აქვს, ხოლო პსჟ მას მომავალ ვარსკვლავად განიხილავს, რის გამოც მისი ტრანსფერი რთულად წარმოსადგენია.

13-06-2025, 18:47

tornike

მეტის ნახვა

ლეროი სანე ოფიციალურად ემშვიდობება მიუნხენის ბაიერნს.

გერმანელმა ვინგერმა სოციალურ ქსელში გულშემატკივრებს ემოციური წერილით მიმართა, სადაც მადლიერება გამოხატა კლუბის, თანაგუნდელებისა და გულშემატკივრების მიმართ:

„ძვირფასო ბაიერნის გულშემატკივრებო,
5 ინტენსიური წლის შემდეგ, გადავწყვიტე ახალი თავის დაწყება.
უსაზღვროდ ვამაყობ, რომ ჩავიცვი გერმანიის საუკეთესო და უდიდესი კლუბის მაისური 200-ზე მეტ მატჩში და ყოველთვის გავიხსენებ იმ ტიტულებს, რაც ერთად მოვიგეთ.

მადლობა კლუბს, მწვრთნელებს, მომუშავე მთელ პერსონალს, ჩემს თანაგუნდელებს და განსაკუთრებით თქვენ – გულშემატკივრებს, იმ დროისთვის, რაც ერთად გავატარეთ და იმ მოგონებებისთვის, რაც ერთად შევქმენით.

სამუდამოდ მადლიერი ვიქნები ბაიერნში გატარებული დროისთვის!"

12-06-2025, 17:58

tornike

მეტის ნახვა

როდესაც რალფ რანგნიკი თომას ტუხელის შემცვლელად „ბაიერნის“ მთავარი კანდიდატი იყო, კლუბთან მიმდინარე მოლაპარაკებებისას მის პოტენციურ გეგმებში მაიკლ ოლისე და ნიკო უილიამსი შედიოდნენ.

ახლა ეს გეგმა შესაძლოა ერთი წლის შემდეგ რეალობად იქცეს.

„ბაიერნი“ ინტენსიურად მუშაობს უილიამსის ტრანსფერზე და მას ოლისესთან ერთად ფლანგებზე დაყენებაზე.

12-06-2025, 01:20

tornike

მეტის ნახვა

ერთი მიზეზი, რის გამოც ლეროი სანემ ბაიერნის ახალი წინადადება უარყო, იყო ის, რომ კლუბმა შემოთავაზება არ გააუმჯობესა.

უბრალოდ ფიქსირებული ხელფასისა და ბონუსების პროპორცია შეცვალა.

მაქს ებერლმა თავდაპირველად სანეს შესთავაზა 10 მილიონი ევრო ფიქსირებულად და 5 მილიონი ბონუსად, შემდეგ კი შეცვალა შეთავაზება 12 მილიონზე პლუს 3.5 მილიონი ბონუსი – რაც ფეხბურთელისთვის მაინც საკმარისი არ აღმოჩნდა.

ლეროი სანემ სრულად მიაღწია ვერბალურ შეთანხმებას გალათასარაისთან. საბოლოო დეტალებზე ამჟამად სტამბოლში მიმდინარეობს მოლაპარაკებები.

11-06-2025, 20:17

tornike

მეტის ნახვა

კეინი ვინსენტ კომპანიზე:

„ის ჩვენთვის ძალიან კარგია. ის ადამიანია, რომელიც ზედმეტად არ მოიხიბლება, როცა საქმეები კარგად მიდის, და არც მაშინ კარგავს მოტივაციას, როცა რაღაცები ვერ გამოსდის.

თუ ჩვენს გამოსვლებს ამ სეზონში დააკვირდებით, ვიტყოდი, რომ 90% ძალიან კარგი იყო. ბევრ თამაშს ვაკონტროლებთ და მაღალი ინტენსივობით ვთამაშობთ — ეს უბრალოდ სიამოვნებაა.

მგონია, რომ ამ სეზონში ისეთი გუნდი ავაწყვეთ, რომელმაც ზუსტად იცის, რა სურს მწვრთნელს და როგორ უნდა შეასრულოს ეს. ყველა ვიხარჯებით 110%-ით, როგორც ვარჯიშებზე, ისე თამაშებზე. ეს ძალიან ბევრს ამბობს მწვრთნელზე.“

10-06-2025, 20:52

tornike

მეტის ნახვა

ნიკო უილიამსი მიუნხენის ბაიერნისთვის პრიორიტეტია. თუმცა, პოტენციური შეთანხმება რთულდება ფეხბურთელის მაღალი ხელფასის მოთხოვნების გამო, რადგან გავრცელებული ინფორმაციით, ის არ თანხმდება „ნორმალურ ხელფასს“ და წელიწადში დაახლოებით 24 მილიონ ევროს ითხოვს.

„ატლეტიკ ბილბაო“ მოლაპარაკებებს არ აპირებს, რაც იმას ნიშნავს, რომ დაინტერესებულმა კლუბებმა მისი გამოსასყიდი პუნქტი უნდა გადაიხადონ, რაც, გავრცელებული ინფორმაციით, დაახლოებით 58-60 მილიონი ევროა.

თუ უილიამსი გადაწყვეტს დარჩენას, „ატლეტიკი“ მას მნიშვნელოვან ახალ კონტრაქტს შესთავაზებს ხელფასის მნიშვნელოვანი ზრდით, შესაძლოა, სეზონში 10 მილიონ ევრომდე და მიზნად ისახავს მისი გამოსასყიდი პუნქტის გაზრდას. საბოლოო ჯამში, გადაწყვეტილება მთლიანად ფეხბურთელზეა დამოკიდებული.

10-06-2025, 14:55

tornike

მეტის ნახვა

ბრედლი ბარკოლამ მიიპყრო რამდენიმე დიდი ევროპული კლუბის, მათ შორის მიუნხენის ბაიერნის, ყურადღება.

პსჟ-ს სრულად ესმის ბარკოლას პოტენციალი და აქტიურად მუშაობს მისი კონტრაქტის გახანგრძლივებაზე.

ფეხბურთელი მაღალი შეფასებით სარგებლობს როგორც მენეჯმენტში, ასევე გუნდის გასახდელში. ლუის ენრიკეც ძალიან აფასებს მას.

10-06-2025, 02:33

tornike

მეტის ნახვა

ჯონათან ტა საფრანგეთთან მარცხზე საუბრობს:

„დღეს ყველაფერი დავდეთ მოედანზე. პირველი ტაიმი ბრწყინვალე იყო — ერთადერთი, რაც გვაკლდა, გოლი იყო. შესვენებაზე 4:1–ით შეგვეძლო წასვლა.

მეორე ტაიმში თამაში ცოტა არეულად წარიმართა. მაღლა ვაწვებოდით და მეტი რისკი ავიღეთ, რამაც საფრანგეთს კონტრშეტევისთვის სივრცეები მისცა. რთული იყო დაცვაში თამაში ასეთი ბევრი სივრცის პირობებში, მაგრამ რაღაც ეტაპზე რისკზე წასვლა გვჭირდებოდა.

მთლიანობაში, მიუხედავად მარცხისა და იმისა, რომ ახლა ამის თქმა ძნელია, კარგი მატჩი გვქონდა — უბრალოდ, გოლები დაგვაკლდა.“

9-06-2025, 15:35

tornike

მეტის ნახვა

იულიან ნაგელსმანი საფრანგეთთან მატჩზე:

„დღეს ჩვენი გუნდი ბევრად მეტად დავინახე, ვიდრე ოთხშაბათს. ბოლოს და ბოლოს, როცა ასე ბევრ მომენტს ქმნი, ასეთ ტოპ გუნდთან აუცილებლად უნდა მოიგო.

ძალიან მიმზიდველად ვითამაშეთ და უამრავი შანსი შევქმენით. მაგრამ ფეხბურთის ნაწილია ისიც, რომ ეს შანსები გამოიყენო. ორივე შედეგი მტკივნეულია, თუმცა დღევანდელი თამაში ბევრად უკეთესი იყო, ვიდრე ოთხშაბათს.

თუ მსოფლიო ჩემპიონატის საკვალიფიკაციო ეტაპზე დღევანდელივით ვითამაშებთ, მაშინ უნდა გავიდეთ. მაგრამ ერთი ნაბიჯითაც არ უნდა დავიხიოთ უკან – აგრესიულები უნდა ვიყოთ და ყოველი შანსი გამოვიყენოთ.“

8-06-2025, 22:29

tornike

მეტის ნახვა

დღეს, თბილისის დროით 17:00 - საათზე, გერმანიის ნაკრები დაუპირისპირდება საფრანგეთს.

მატჩამდე ცნობილია გერმანელთა შემადგენლობა:

ტერ შტეგენი – კიმიხი (კ), ტა, კოხი, რაუმი – გროსი, გორეცკა – ადეიემი, ვირცი – ფიულკრუგი, ვოლტემადე.

8-06-2025, 15:51

tornike

მეტის ნახვა

პსჟ-ის მრჩეველი ლუის კამპოსი კიმ მინ-ჯეს გულშემატკივარია ჯერ კიდევ იმ დროიდან, როცა ის ფენერბახჩეში თამაშობდა.

მცველით დაინტერესებულნი არიან ასევე ალ-ნასრი და მილანი. ვენსან კომპანი მზად არის კიმის გაშვებისათვის - მწვრთნელს ურჩევნია ვინმე ისეთი, როგორიც ბარნლის მაქსიმ ესტევეა.

კომპანის მოსწონს ფრანგის სიძლიერე ორთაბრძოლებში და მისი მშვიდი, სუფთა თამაშის აგება. ბაიერნს კი სურს, კიმ მინ-ჯეს სანაცვლოდ დაახლოებით 50 მილიონი ევრო მიიღოს.

8-06-2025, 14:49

tornike

მეტის ნახვა

ნაგელსმანი: “ფრანსის ნაკრების შემადგენლობის სიღრმე, სიმართლე რომ ვთქვა, შთამბეჭდავია. ვფიქრობ, დაახლოებით 10 ცენტრალური მცველი ჰყავთ, თანაბარი დონის.

დიახ, გარკვეულ პოზიციებზე აქვთ პრობლემები, მაგრამ მთლიანობაში მათი ხარისხი უბრალოდ გამანადგურებელია.

როცა ფორმაში არიან, ძალიან რთულია მათი დაჩაგვრა. მაგრამ მარტში ჩვენ ისინი დავამარცხეთ და ვეცდებით, ხვალაც იგივე გავაკეთოთ.”

7-06-2025, 22:15

tornike

მეტის ნახვა

რაფაელ ლეაო მილანის დატოვებას აპირებს. იტალიური კლუბი ამის შესახებ ინფორმირებულია და მის სანაცვლოდ მინიმუმ 70 მილიონ ევროს ითხოვს.

ლეაო მიუნხენის ბაიერნის სიაში შედის, თუმცა ამ ეტაპზე არაფერი კონკრეტული ან წინაწარ შეთანხმებული არ არის.

კლუბი კვლავ განიხილავს რამდენიმე ვარიანტს და ჯერ არ გადაუწყვეტია, რომელ მოთამაშეზე გააკეთოს ძირითადი აქცენტი.

7-06-2025, 01:04

tornike

მეტის ნახვა

მილანი შესაძლოა კიმ მინ-ჯეს ახალი კლუბი გახდეს. “ბაიერნმა” კორეელ მცველს აცნობა, რომ შეუძლია ახალი გუნდი მოძებნოს და მისი აგენტი პრიორიტეტად იტალიაში დაბრუნებას მიიჩნევს.

თუმცა, ამ ეტაპზე ტრანსფერს ეკონომიკური სირთულეები ახლავს თან. პირველ რიგში, “ბაიერნი” იჯარას არ განიხილავს და მხოლოდ სრულფასოვანი გაყიდვა სურს - მინიმუმ 30 მილიონ ევროდ.

მეორეც, კიმი წელიწადში დაახლოებით 8-9 მილიონ ევროს იღებს ხელფასის სახით, რაც მილანისთვის დამატებითი სირთულეა. ამ ეტაპზე ტრანსფერი გართულებულია, თუ “ბაიერნი” იჯარის ვარიანტზე არ დათანხმდა.

6-06-2025, 18:55

tornike

მეტის ნახვა

ნიკო უილიამსი მაქს ებერლის „საოცნებო არჩევანია“ მარცხენა ფლანგის პოზიციისთვის.

ერთადერთი დაბრკოლება უილიამსის ხელფასის მოთხოვნებია - ამის მიხედვით, ის ბაიერნის ერთ-ერთ ყველაზე მაღალანაზღაურებად მოთამაშედ იქცევა.

თუ ბაიერნი გადაწყვეტს, რომ ბოლომდე წავიდეს უილიამსის ტრანსფერზე, მთავარი კონკურენცია პრემიერ ლიგის კლუბებისგან იქნება.

6-06-2025, 01:33

tornike

მეტის ნახვა