დღეს, თბილისის დროით 23:00 - საათზე გერმანიის ნაკრები დაუპირისპირდება პორტუგალიის ნაკრებს.

მატჩამდე ცნობილია გერმანელთა შემადგენლობა:

ტერ შტეგენი – ანტონი, ტა, კოხი – კიმიხი (კ), პავლოვიჩი, გორეცკა, მიტელშტედი – სანე, ვირცი –
ვოლტემადე.

4-06-2025, 22:44

tornike

მეტის ნახვა

ბრუნო ფერნანდეში გერმანიის საუკეთესო ფეხბურთელზე:

"ამჟამად გერმანიის საუკეთესო ფეხბურთელია ის, ვინც სამწუხაროდ ხვალ ვერ ითამაშებს.

ჩემთვის ეს ჯამალ მუსიალაა. ის ერთ-ერთი საუკეთესო ნომერ 10-ია მსოფლიოში. მასზე ბევრჯერ მისაუბრია ჯოშუა ზირკზესთან.“

4-06-2025, 01:20

tornike

მეტის ნახვა

იულიან ნაგელსმანი ხვალინდელ მატჩზე: „ეს ერთგვარი მინი ევროპის ჩემპიონატია.

მოუთმენლად ველოდები ამ თამაშს ჩვენი გულშემატკივრების წინაშე, მშვენიერ სტადიონზე.

იმედი მაქვს, აქ ორ მატჩს ვითამაშებთ - ეს იდეალური იქნებოდა. ყველანი ბედნიერები ვართ, რომ ეს ტურნირი გერმანიაში ტარდება.“

3-06-2025, 21:15

tornike

მეტის ნახვა

3-06-2025, 18:05

tornike

მეტის ნახვა

ბაიერნი დაინტერესებულია რაფაელ ლეაოს ტრანსფერით და სურს გარიგების დადება საკლუბო მსოფლიო ჩემპიონატამდე.

თუმცა, მილანი მას ხელშეუხებლად და მაქს ალეგრის გეგმების მნიშვნელოვან ნაწილად მიიჩნევს.

მათი პოზიცია მხოლოდ 120-130 მილიონი ევროს შეთავაზების შემთხვევაში შეიცვლება.

3-06-2025, 03:11

tornike

მეტის ნახვა

მოლოდინია, რომ კინგსლი კომანი ამ ზაფხულს დატოვებს მიუნხენის ბაიერნს და ახალ ეტაპს დაიწყებს.

ბაიერნსა და ფრანგ ფეხბურთელს შორის განშორება მოსალოდნელია. კომანი ჰანსი ფლიკს ძალიან მოსწონს, თუმცა ამ ეტაპზე კონკრეტული არაფერი ხდება.

მიუხედავად ამისა, ის ერთ-ერთი საინტერესო ფიგურა იქნება ამ ზაფხულს.

2-06-2025, 22:19

tornike

მეტის ნახვა

ყოველდღიურად სულ უფრო მეტად იკვეთება, რომ ლეროი სანეს შანსები ახალი კონტრაქტის გაფორმებაზე მიუნხენის „ბაიერნთან“ მცირდება.

სანეს უფრო სურს პრემიერ ლიგაში გადაბარგება. „არსენალმა“ უკვე დაიწყო მოლაპარაკებები მისი ტრანსფერის თაობაზე.

„ტოტენჰემიც“ აქტიურადაა პროცესში ჩართული. ამ ორ ჩრდილოეთ ლონდონურ კლუბს შორის შესაძლოა სერიოზული ბრძოლა გაიმართოს სანესთვის, ხოლო მისი ალიანც არენადან წასვლა სულ უფრო რეალური ხდება.

2-06-2025, 17:07

tornike

მეტის ნახვა

ბაიერნს რაფაელ ლეაოს მიმართ არა მხოლოდ სიმპათია აქვს – არამედ ის უკვე შეტანილია კლუბის პრიორიტეტულ სამიზნეთა სიაში. ინტერესს რეალური საფუძველი აქვს, თუმცა ამ ეტაპზე მილანს მისთვის არანაირი ოფიციალური შეთავაზება არ მიუღია.

ახალი მთავარი მწვრთნელი, მაქს ალეგრი და სპორტული დირექტორი, იგლი ტარე, ლეაოს გაუყიდველად მიიჩნევენ და ის გუნდის რიგით პირველ ფიგურად ითვლება.

ამ მომენტისთვის, ბაიერნსა და სხვა დაინტერესებულ კლუბებს მისი გამოსასყიდი თანხის გადახდა მოუწევთ – რაც 175 მილიონ ევროს შეადგენს და როგორც ჩანს, ეს პრაქტიკულად გამორიცხულია.

2-06-2025, 01:17

tornike

მეტის ნახვა

გუშინ საღამოს „ალიანც არენაზე“ ჩემპიონთა ლიგის ფინალის შემდეგ ათასობით გულშემატკივარი მოედანზე შეიჭრა.

ეიფორიამ და ემოციებმა თავისი კვალი მწვანე ბალახზეც დატოვა - ათლეტური ღონით ამოჭრილი ბალახის ლაფთები, გათელილი მინდორი და დაცვის კორდონები მწყობრში მოსაყვანად.

უსაფრთხოების ზომების მიუხედავად, მოედნის ნაწილი სერიოზულად დაზიანდა. სტადიონს წინ დიდი სამუშაო ელოდება, რომ ბრწყინვალე საღამოს შემდეგ თავისი პირვანდელი სილამაზე დაიბრუნოს და 4 ივნისს გერმანია - პორტუგალიას უმასპინძლოს.

1-06-2025, 12:58

tornike

მეტის ნახვა

ჰარი კეინი ჯონათან ტას ტრანსფერზე:

„ვფიქრობ, ის შესანიშნავი შენაძენია. ბოლო ორ წელიწადში მასთან ხშირად მომიწია თამაში და მას აქვს ყველაფერი, რაც ცენტრალურ მცველს სჭირდება — მაღალია, ფიზიკურად ძლიერი, მოედანზე იგრძნობა მისი ყოფნა, ბურთთან ძალიან კარგად მუშაობს.

ის დიდებული დამატებაა გუნდისთვის. მოუთმენლად ველი საკლუბო მსოფლიო ჩემპიონატზე შეხვედრას და ჩვენი ერთობლივი გზის დაწყებას.“

31-05-2025, 22:33

tornike

მეტის ნახვა

ბაიერნმა გააუმჯობესა თავისი შეთავაზება ლეროი სანესთვის - გაზარდა მისი ფიქსირებული ხელფასი.

კლუბს სურს სანეს კონტრაქტის გახანგრძლივება. მაქს ებერლს და განსაკუთრებით ული ჰიონესს უნდათ, რომ ვინგერი გუნდში დარჩეს.

საბოლოო გადაწყვეტილება სანეს მხრიდან ჯერ არ მიუღიათ, თუმცა ეს მალეა მოსალოდნელი.

31-05-2025, 00:03

tornike

მეტის ნახვა

იულიან ნაგელსმანმა დაადასტურა, რომ მარკ-ანდრე ტერ შტეგენი იდგება კარში ერთა ლიგის ფინალური ოთხეულის მატჩებში:

„ის იქნება ნომერ პირველი. მჯერა, რომ ორივე შეხვედრაში მაღალ დონეზე ითამაშებს. კარგად ვარჯიშობს, მიუხედავად იმისა, რომ ცოტა აქვს ნათამაშები.“

ტერ შტეგენის ბარსელონადან შესაძლო წასვლაზე:

„ჰანსი ფლიკს ვესაუბრე – მაგრამ ბარსელონას ტრანსფერებზე ნამდვილად არა. წავიკითხე, რომ შესაძლოა გასაყიდი იყოს, მაგრამ ეს ჩემი საქმე არ არის.“

30-05-2025, 19:08

tornike

მეტის ნახვა

ბაიერნში მიაჩნიათ, რომ ფლორიან ვირცმა მიუნხენში გადასვლა იმიტომ იუარა, რომ ეშინოდა პოზიციური დაპირისპირების ჯამალ მუსიალასთან.

მწვრთნელებს მოუწევდათ “საექსპერიმენტო სვლებზე” გადასვლა – ფაქტობრივად, ვირცისთვის ახალი პოზიციის გამოგონება. ერთ ვარიანტში, ვირცი ითამაშებდა თავდამსხმელის უკან, ხოლო მუსიალას მარცხენა ფლანგზე გადაიყვანდნენ. ან კიდევ შეიქმნებოდა შემოქმედებითი ფეხბურთელების ღერძი: კიმიხი ექვს ნომერზე, ვირცი რვა ნომერზე და მუსიალა ათიანის პოზიციაზე, პირდაპირ ჰარი კეინის უკან.

კომპანიმ ვირცს სასტუმროს ნომერში მთელი საათის განმავლობაში ესაუბრა. მას ლეპტოპი ჰქონდა და პრეზენტაციებიც აჩვენა. საუბარი თავიდან ძალიან რთული იყო, მაგრამ შემდეგ გამხიარულდნენ. მიუხედავად ამისა, საუბრის დასრულების შემდეგ კომპანი სკეპტიკურად იყო განწყობილი ბაიერნის შანსების მიმართ. როგორც ამბობენ, მას ჰქონდა შთაბეჭდილება, რომ ლივერპულს და მათ მწვრთნელ არნე სლოტს უკვე სერიოზული გავლენა ჰქონდათ ვირცზე. მათ წარუდგინეს კონკრეტული გეგმა, სადაც გუნდი სწორედ ვირცის გარშემო იგებოდა.

ხოლო ბაიერნის მიდგომა ასეთი იყო: ჯერ ვირცის ტრანსფერის უზრუნველყოფა – და მერე ვნახოთ, როგორ მოვარგებთ ტაქტიკას.

29-05-2025, 22:50

tornike

მეტის ნახვა

მიუნხენის ბაიერნმა ოფიციალურად დაადასტურა გერმანიის ეროვნული ნაკრების ცენტრალური მცველის, ჯონათან ტას ტრანსფერი ლევერკუზენიდან.

29 წლის ფეხბურთელმა კლუბთან 4-წლიანი კონტრაქტი გააფორმა, რომელიც 2029 წლის ივნისამდე იმოქმედებს და მოირგებს 4 ნომრიან მაისურს.

ფეხბურთელის პირველი კომენტარი:

„ძალიან ბედნიერი ვარ, რომ ბაიერნში გადმოვედი. მინდა, პასუხისმგებლობა ავიღო და ყოველდღიურად მძიმე შრომით მივაღწიოთ წარმატებას, როგორც გუნდი, და ერთად ბევრი ტიტული მოვიგოთ.“

29-05-2025, 17:15

tornike

მეტის ნახვა

თუ სპორტი გიყვარს, აუცილებლად გჭირდება შენს ინტერესებზე მორგებული პლატფორმა, სადაც მიმდინარე მოვლენებს ადევნებ თვალს. წარმოიდგინე, რომ არსებობს პლატფორმა, რომლის დახმარებითაც არ გამოგრჩება შენი საყვარელი გუნდის გარშემო სიახლეები, ნებისმიერ დროს შეხვალ და შეამოწმებ პრევიუებს, ანალიტიკურ სტატიებს, სტატისტიკურ მაჩვენებლებსა და რეიტინგებს, სპორტის სიახლეებს. თუ მოისურვებ, შეგიძლია, საკუთარი ცოდნა სპეციალურად შენთვის მომზადებული ქვიზების დახმარებითაც გადაამოწმო.

29-05-2025, 16:55

jaba-admin

მეტის ნახვა

კრისტოფ ფროინდი: „ფრანს კრაციგი ერთ-ერთი პირველი ახალგაზრდა ფეხბურთელი იყო, ვინც 2017 წელს ახლად გახსნილ ბაიერნის კამპუსში გადავიდა.

წლების განმავლობაში იგი განუწყვეტლივ ვითარდებოდა, გახდა გერმანიის ახალგაზრდული ნაკრების მოთამაშეც და ახლა უკვე 20-ზე მეტი ბუნდესლიგის მატჩი აქვს ჩატარებული.

ის კიდევ ერთი ფეხბურთელია, რომელიც ბაიერნის აკადემიაში გაიზარდა და პროფესიონალურ ფეხბურთში ადგას გზას. წარმატებებს ვუსურვებთ მას.“

28-05-2025, 23:25

tornike

მეტის ნახვა