დღეს, თბილისის დროით 00:00 საათზე, მიუნხენის “ბაუერნი” დაუპირისპირდება “ფეინორდს”.

მატჩამდე 1 დღით ადრე ცნობილია შემადგენლობა:

ნოიერი © - ლაიმერი, უპამეკანი, კიმი, დეივისი - კიმიხი, გორეცკა - ოლისე, მუსიალა, კომანი - კეინი.

22-01-2025, 22:56

tornike

მეტის ნახვა

"ბაიერნი" აქტიურად აკვირდება "ჩელსის" 20 წლის ნახევარმცველ ანდრეი სანტოსს, რომელიც ამჟამად "სტრასბურგშია" იჯარით.

მისმა თამაშმა განსაკუთრებით მიიპყრო ყურადღება და მიუნხენელები ზაფხულის სატრანსფერო ფანჯრისთვის გეგმავენ მის პოტენციურ ტრანსფერს.

ანდრეი სანტოსი ბრაზილიელია და ერთ-ერთ ყველაზე პერსპექტიულ ახალგაზრდად ითვლება თავის პოზიციაზე. მისი ტექნიკური უნარები, მოედანზე ხედვა და ტაქტიკური მრავალფეროვნება მას ევროპული ტოპ კლუბების ინტერესის ობიექტად აქცევს.

"ბაიერნის" გარდა, სანტოსს ყურადღებას აქცევენ "მილანი" და რამდენიმე პრემიერლიგის კლუბი.

22-01-2025, 22:34

tornike

მეტის ნახვა

22-01-2025, 14:52

tornike

მეტის ნახვა

ჯამალ მუსიალამ თავისი მომავლის შესახებ ისაუბრა:

“მგონია, რომ სასაცილოა ის, რასაც ბოლო რამდენიმე კვირაში სოციალურ ქსელებში ვკითხულობ.

ყველამ, ვინც მართლა მიცნობს, იცის, რამდენად ვაფასებ ამ კლუბს და როგორ მიყვარს აქ ყოფნა.

მე ფეხბურთზე ვკონცენტრირდები და ვნახავთ, რა მოხდება მომდევნო რამდენიმე კვირაში. მოლაპარაკებები კარგად მიმდინარეობს.”

22-01-2025, 00:00

tornike

მეტის ნახვა

21-01-2025, 22:37

tornike

მეტის ნახვა

„ბაიერნმა“ 19 წლის ტომ ბიშოფი 4-წლიანი კონტრაქტით 2029 წლამდე თავისუფალი აგენტის სტატუსით დაიმატა.

კრისტოფ ფრინდის კომენტარი:

„ტომ ბიშოფი გერმანიის ერთ-ერთი ყველაზე დიდი ტალანტია, რომელიც უკვე იპყრობს საერთაშორისო ყურადღებას.

ის სულ რაღაც 19 წლისაა, მაგრამ უკვე დიდი გამოცდილება აქვს ფეხბურთში – ბუნდესლიგაში, გერმანიის თასზე და ევროპის ლიგაში.

როგორც კარგი მოთამაშე ნახევარმცველი, ტომი იდეალურად ერგება ჩვენს სტრატეგიას. ჩვენ ძალიან ბედნიერები ვართ, რომ მან გადაწყვიტა კარიერის მომდევნო ნაბიჯები სწორედ მიუნხენის „ბაიერნში“ გადადგას. ტომს ყველაფერი აქვს იმისთვის, რომ უმაღლეს დონეზე გაიბრწყინოს.“

21-01-2025, 16:46

tornike

მეტის ნახვა

ფრანკფურტი, ლაიფციგი და რამდენიმე პრემიერლიგის კლუბი ტომ ბიშოფის მიმართ ინტერესს იჩენდნენ, მაგრამ მან ბაიერნში გადასვლა არჩია.

ბაიერნის ხელმძღვანელებმა ტომ ბიშოფის დამატებისას ასევე კლუბების მსოფლიო ჩემპიონატის გათვალისწინებით იმოქმედეს.

მოსალოდნელია, რომ ბიშოფი ამ ტურნირზე ითამაშებს და გუნდის სიღრმეს გააძლიერებს, ამიტომ მისთვის იჯარა ამ ეტაპზე გამორიცხულია.

ბიშოფის ტრანსფერი ასევე განიხილება ლეონ გორეცკასთვის სიგნალად. მიუხედავად მისი ამჟამინდელი ფორმისა, კლუბი მზადაა ზაფხულში მისი გაყიდვა განიხილოს.

21-01-2025, 14:47

tornike

მეტის ნახვა

მაქს ებერლი ოთხშაბათის თამაშის შესახებ ფეიენორდთან:

"ჩვენ იქ გამარჯვებისთვის მივდივართ და გვინდა, რომ პლეი-ოფში არ ჩავვარდეთ. ეს იქნება რთული თამაში. ფეიენორდს ძალიან კარგად ვიცნობ, რადგან როცა გლადბახის სპორტული დირექტორი ვიყავი, ხშირად დავდიოდი იქ სკაუტინგისთვის.

ფანები ძალიან, ძალიან მტკიცედ იბრძვიან თავიანთი კლუბისთვის. ჩვენ უნდა ვცადოთ თამაში დავაკონტროლოთ, რადგან მაშინ უკეთესი ხარისხი გვექნება.

პირველ რიგში, უნდა ვიბრძოლოთ ამ გულშემატკივრების და ამ გუნდის წინააღმდეგ, რომელიც ეიფორიულად ითამაშებს."

21-01-2025, 00:51

tornike

მეტის ნახვა

"ბაიერნს" სურს იონას ურბიგის ტრანსფერი იანვარში. მიუხედავად იმისა, რომ კლუბი პერეცის მომავალზე ჯერ კიდევ არ არის საბოლოოდ ჩამოყალიბებული.

კლუბს სჯერა, რომ პერეცი, ახალგაზრდა ასაკის გათვალისწინებით, რეგულარული სათამაშო პრაქტიკით უფრო სწრაფად განვითარდება. "ლანსის" შეთავაზება, რომელიც მის იჯარას ითვალისწინებს, კლუბისთვის მისაღებია. თუმცა პერეცმა, გარკვეული მიზეზების გამო, გადაწყვიტა გუნდში დარჩენა და მუშაობა.

ეს გადაწყვეტილება მოულოდნელი აღმოჩნდა "ბაიერნის" ხელმძღვანელებისთვის, რადგან ისინი ფიქრობდნენ, რომ მოთამაშე თავადაც შეეცდებოდა მეტი სათამაშო დროის მოპოვებას.

20-01-2025, 22:09

tornike

მეტის ნახვა

22 იანვარს, თბილისის დროით 23:55 საათზე, მიუნხენის “ბაიერნი” დაუპირისპირდება “ფეინოორდს”…

20-01-2025, 20:45

tornike

მეტის ნახვა

ფაბრიციო რომანო ადასტურებს, რომ სიტყვიერი შეთანხმება უკვე მიღწეულია რაიან ჩერკის ლიონიდან წასვლის თაობაზე იანვრის სატრანსფერო ფანჯარაში.

ტრანსფერის ღირებულება 22.5 მილიონ ევროს შეადგენს. ჩერკის მიმართ ინტერესს აქტიურად გამოხატავენ კლუბები გერმანიიდან, იტალიიდან და ინგლისიდან.

სავარაუდოდ, მოთამაშის მომავალზე საბოლოო გადაწყვეტილება მალე იქნება მიღებული და ეს შესაძლოა გავლენიანი ტრანსფერი აღმოჩნდეს ზამთრის პერიოდში.

20-01-2025, 18:41

tornike

მეტის ნახვა

ბაიერნის პერსპექტივიდან ლეონ გორეცკას მიმართ არაფერი შეცვლილა. კლუბში კვლავ ამბობენ, რომ ნახევარმცველს წასვლის უფლება აქვს. იანვარში გორეცკას გადაბარგება გამორიცხულია. თუმცა ზაფხულში, მისი კონტრაქტის დასრულებამდე ერთი წლით ადრე, შესაძლოა სიტუაცია შეიცვალოს.

კიდევ ერთი სეზონი კლუბის ხელმძღვანელობის მხარდაჭერის გარეშე მისთვის ზედმეტი იქნება. თუ კონკრეტულ შეთავაზებებს მიიღებს უცხოეთიდან, განსაკუთრებით პრემიერლიგიდან, გორეცკა მათ სერიოზულად განიხილავს.

კლუბის ხელმძღვანელობასთან მის მომავალზე საუბარი ჯერჯერობით არ ყოფილა და ამისთვის ზეწოლაც არ არის. ვენსან კომპანი ძალიან აფასებს გორეცკას და ხშირად აქებს მის ერთგულებას, შრომისმოყვარეობას და ვარჯიშზე გამოჩენილ გულმოდგინებას. გორეცკას მოსწონს კომუნიკაცია მწვრთნელთან. თუმცა, მას პროფესიონალურ ფეხბურთში იმდენი გამოცდილება აქვს, რომ კლუბისგან წამოსული სიგნალები სწორად შეაფასოს. ამ ეტაპზე ის იშვიათად საუბრობს საჯაროდ, არ სურს ჩივილი და განზრახ არ აძლევს ინტერვიუებს. მას სურს, რომ თამაშმა მის მაგივრად ილაპარაკოს.

20-01-2025, 15:07

tornike

მეტის ნახვა

ჯამალ მუსიალას ახალი კონტრაქტი შესაძლოა თებერვლის დასაწყისში იყოს გაფორმებული.

მიუნხენის „ბაიერნის“ დატოვება 21 წლის ფეხბურთელისთვის არასდროს ყოფილა ვარიანტი, და მიუხედავად უცხოეთიდან არსებული ინტერესისა, მისი პრიორიტეტი ყოველთვის „ბაიერნი“ იყო.

მინიმალური დეტალები, განსაკუთრებით იურიდიული ხასიათის, ჯერ კიდევ დასაზუსტებელია. თუმცა, პრინციპში, ორივე მხარე ახლოს არის შეთანხმების მიღწევასთან, მათ შორის გათავისუფლების მუხლზე, რომლის გარანტიასაც მუსიალას მხარე ითხოვდა და, როგორც ჩანს, მიიღებს.

20-01-2025, 00:45

tornike

მეტის ნახვა

ალფონსო დეივისმა თავის აგენტს უთხრა, რომ მას “ბაიერნში” დარჩენას სურს.

პირველ რიგში, ის კლუბში თავს კომფორტულად გრძნობს, და მეორე “რეალ” მადრიდში ისეთ ანაზღაურებას ვერ მიიღებს, როგორსაც მიუნხენში.

“ბაიერნი” ახლახანს კვლავ დაუკავშირდა დევისს და შეთავაზება ცოტათი გაზარდა. ახლა ყველაფერი კონტრაქტის გახანგრძლივებაზე მიუთითებს.

19-01-2025, 22:45

tornike

მეტის ნახვა

რობერტ ლევანდოვსკი მის ცნობილ 5 გოლზე 9 წუთში ვოლფსბურგის წინააღმდეგ:

“თამაშის შემდეგაც არ მესმოდა, რას მივაღწიე. ვიცოდი, რომ გოლები გავიტანე, მაგრამ თომას მიულერმა გულშემატკივრებთან მიბიძგა და ვიფიქრე: ‘რატომ?’ კარგი, მოვიგეთ და გოლები გავიტანე, მაგრამ ისტორიული რაღაც რომ გავაკეთე, ეგ ვერ გავაცნობიერე.

იმ 9 წუთის განმავლობაში თითქოს სხვა სამყაროში ვიყავი. არ ვფიქრობდი, რამდენ წუთში გავიტანე ან რამდენი გოლი გავიტანე. როცა პირველი გავიტანე, ვიფიქრე, ‘კარგი, 1-1, მეორე გოლი გვჭირდება’. მეორე რომ გავიტანე, ‘კარგი, მესამე გვჭირდება, რომ გამარჯვება დავდასტუროთ’.

მერე მესამეც გავიტანე, მეოთხეც და მეხუთეც, მაგრამ მაინც არ ვფიქრობდი, რამდენი გოლი გავიტანე, რადგან მომდევნო შანსს ვეძებდი.

მეექვსე გოლის შანსიც მქონდა – ვიღაცამ ბურთი კარის ხაზიდან მოიგერია და ცოტა გაბრაზებული ვიყავი თამაშის შემდეგ, რადგან ექვსი გოლის გატანა შემეძლო. მაგრამ მერე ვუთხარი საკუთარ თავს, რომ მეექვსე გოლს 10 წუთში ვერ მოვასწრებდი; არ ვიცი, რამდენი წუთის შემდეგ იქნებოდა.

9 წუთში 5 გოლი – ეს რიცხვები, 5 და 9, ეპიკურ რაღაცად იქცა, რაც მთელი ჩემი ცხოვრება გამყვება.”

19-01-2025, 21:17

tornike

მეტის ნახვა

მაქს ებერლი გუნდის ამჟამინდელ კარგ ატმოსფეროზე:
“ვფიქრობ, ყველაზე დიდი მიღწევა ვენსან კომპანია. იმიტომ, რომ იგივე მოთამაშეები აქ იყვნენ ბოლო წლების განმავლობაში და განსაკუთრებით, გასულ წელს კარგი ატმოსფერო არ გვინახავს.

ისეთი მოთამაშეები, როგორებიც არიან ლეონ გორეცკა, ასევე კიმი, უპამეკანო, ლაიმერი, გნაბრი, კომანი – ფაქტობრივად, შეგიძლიათ თითქმის ყველა მათგანი ჩამოთვალოთ – ყველას კვლავ სიამოვნებს ფეხბურთის თამაში და ეს, რა თქმა უნდა, დიდ სხვაობას ქმნის გუნდში.

კომპანი ყველას აძლევს მნიშვნელობას და სათამაშო დროს. არ აქვს მნიშვნელობა, ეს მანუელ ნოიერი იქნება თუ ბოლო მოთამაშეები სათადარიგოთა სკამზე ან ტრიბუნებზე. ის ყველას ესაუბრება, რაც, ბუნებრივია, მოთამაშისთვის ღირებულების შეგრძნებას ქმნის. ის უბრალოდ ყველას ესაუბრება და ყველას აძლევს შეგრძნებას, რომ მნიშვნელოვანი არის ამ მომენტში, რაც მნიშვნელოვანია როგორც მოთამაშეებისთვის, ასევე ნებისმიერი ადამიანისთვის.”

19-01-2025, 19:52

tornike

მეტის ნახვა