მაქს ებერლი კიმიხთან კონტრაქტის მოლაპარაკებებზე:
„ჩვენმა მხარემ მკაფიო პოზიცია დაიკავა და ახლა უნდა ვნახოთ, შევძლებთ თუ არა შეთანხმების მიღწევას.
ვერავის დავაძალებ ხელმოწერას. მხოლოდ იმას ვიტყვი, რომ მისი კონტრაქტის გაგრძელება გვინდა.
გვინდა, რომ მომავალშიც ის ბაიერნის ერთ-ერთ სახედ დარჩეს, მაგრამ საბოლოო გადაწყვეტილება მასზეა დამოკიდებული.“
თომას მიულერი ლოთარ მათეუსის განცხადებაზე, რომ სელტიკთან 24 წამით შეცვლაზე შესვლა დამამცირებელი იყო:
„მწვრთნელთან კარგი კომუნიკაცია მაქვს. ყოველთვის მზად ვარ, როცა საჭირო ვარ. ეს დამამცირებელი არ ყოფილა.
გუნდში ყველა თავს საერთო მიზანს უძღვნის. მწვრთნელი თავის ცოდნასა და გამოცდილებაზე დაყრდნობით იღებს გადაწყვეტილებებს. ყველაფერი კარგადაა."
მანუელ ნოიერის კონტრაქტის გახანგრძლივების შემდეგ, ალექსანდერ ნიუბელის ბაიერნთან ხელშეკრულებაც ავტომატურად ერთი წლით, 2030 წლამდე გაგრძელდა.
ეს პუნქტი გასული წლის აპრილის შეთანხმების ნაწილი იყო.
ნიუბელი შტუტგარტში იჯარით 2026 წლამდე რჩება, ხოლო ყველა მხარე ელოდება, რომ ის მომავალ სეზონსაც ისევ მანდ გაატარებს.
დაიო უპამეკანო ძალიან ახლოსაა ბაიერნთან კონტრაქტის გახანგრძლივებასთან 2026 წლის შემდეგაც.
მოლაპარაკებები უკვე კარგად წარიმართა. კლუბში არანაირი ეჭვი არ აქვთ, რომ უპამეკანო მომავალში გუნდის ერთ-ერთ მთავარ საყრდენად იქცევა, ამიტომ მისი ხელმოწერის უზრუნველყოფა სურთ რაც შეიძლება მალე.
სავარაუდოდ, უპამეკანო ახალ კონტრაქტს იოზუა კიმიხზე ადრე მოაწერს ხელს.
