bayern.ge სიახლეები გვერდი 358
რა გახდა "ბაიერნის" მარცხის მთავარი მიზეზები
მოგეხსენებათ, დღეს მიუნხენის "ბაიერნი" ბუნდესლიგის მეორე ტურში "ჰოფენჰაიმთან" 4:1 დამარცხდა, რამაც ფანების დიდი უკმაყოფილება გამოიწვია. გთავაზობთ, რამდენიმე მნიშვნელოვან მიზეზს, რაც "რეკორდმაისტერის" მარცხს ლოგიკურ ახსნას მოუძებნის.

პირველ რიგში, ამის მთავარი მიზეზი შემადგენლობის გადაღლაა. გუნდმა სულ რაღაც 3 დღის წინ ურთულესი, 120-წუთიანი მატჩი ჩაატარა ევროპის სუპერთასზე და შესაბამისად, საკმარისად ძალების აღდგენა ვერ მოახერხა.

გადაღლამ თავის მხრივ შემადგენლობის როტაცია გამოწივია. ფლიკს მოუწია, რომ რამდენიმე ძირითადი შემადგენლობის წევრი, მათ შორის რობერტ ლევანდოვსკიც სათადარიგოთა სკამზე გადაესვა და შედარებით გამოუცდელი ფეხბურთელებით დაეწყო დღევანდელი მატჩი.

ამას ემატება ფსიქოლოგიური წნეხიც. როდესაც რამდენიმე დღის წინ სეზონში რიგით მეოთხე ტიტული მოიგე და თანაც 23 მატჩიანი მოგებათა რეკორდიც დაამყარე, რა თქმა უნდა ეს გარკვეულ წნეხში აქცევს გუნდს.

ამ ყველაფერმა საბოლოო ჯამში საკმაოდ ცუდი სტარტი და საწყის წუთებშივე მასპინძელთა ორი ბურთით დაწინაურება გამოიწვია.

რა თქმა უნდა, გუნდის ყოველი მარცხი მტკივნეულია, მითუმეტეს, როდესაც ასე იშვიათად ხდება ეს მოვლენა. თუმცა, იმედს ვიტოვებთ, რომ ჰანს ფლიკი შესაბამის დასკვნებს გამოიტანს და მომდევნო ტურში კვლავ ჩვეულ "ბაიერნს" ვიხილავთ.
როდის გაუშვა "ბაიერნმა" უკანასკნელად 4 გოლი
დღეს მიუნხენის "ბაიერნი" ბუნდესლიგის მეორე ტურში "ჰოფენჰაიმს" ესტუმრა და გამანადგურებელი სხვაობით, 4:1 დამარცხდა.

"რეკორდმაისტერი" ამ მატჩამდე ბრწყინვალე ფორმაში იყო და ზედიზედ 23 გამარჯვება ჰქონდა მოპოვებული, მაგრამ, დღეს ბოლო 10 თვის განმავლობაში ყველაზე მძიმე მარცხი იწვნია.

უკანასკნელად "ბაიერნმა" 4 ან მეტი გოლი ერთ შეხვედრაში გასული წლის ნოემბერში გაუშვა. ნიკო კოვაჩის უკანასკნელ მატჩში გუნდი "აინტრახტთან" სტუმრად 5:1 დამარცხდა. ამის შემდეგ კი კლუბს სულაც მხოლოდ 2 წაგება და 1 ფრე ჰქონდა, დღევანდელ თამაშამდე.
"ჰოფენჰაიმი" 4:1 "ბაიერნი" ფეხბურთელების შეფასებები
მიუნხენის "ბაიერნმა" 23 მატჩიანი მოგებების სერია შეწყვიტა და "ჰოფენჰაიმთან" სტუმრად, ანგარიშით 4:1 დამარცხდა.

გთავაზობთ ფეხბურთელების შეფასებებს Whoscored-ის ვერსიით.


გოოოლ! კიმიხმა ულამაზესი დარტყმით ანგარიშში სხვაობა შეამცირა (ვიდეო)
"ჰოფენჰაიმისა" და მიუნხენის "ბაიერნის" შეხვედრის 36-ე წუთზე იოზუა კიმიხმა ანგარიშში სხვაობა შეამცირა, 2:1.

იხილეთ გოლი.
"ჰოფენჰაიმი" - "ბაიერნი" პირდაპირი ტრანსლიაცია
ბუნდესლიგის მეორე ტურში მიუნხენის "ბაიერნი" "ჰოფენჰაიმს" სტუმრობს.

გთავაზობთ შეხვედრის საყურებელ ლინკებს:

ლინკი 1

ლინკი 2

ლინკი 3

ლინკი 4​​​
"ჰოფენჰაიმი" - "ბაიერნი" სასტარტო შემადგენლობა
ბუნდესლიგის მეორე ტურში მიუნხენის "ბაიერნი" "ჰოფენჰაიმს" ესტუმრება და მორიგი სამი ქულის ჩაწერას შეეცდება.

"რეკორდმაისტერის" მთავარმა მწვრთნელმა, ჰანს ფლიკმა მატჩის დაწყებამდე ერთი საათით ადრე სასტარტო შემადგენლობა დაასახელა.

ნოიერი - პავარი, ბოატენგი, ალაბა, დეივისი - კიმიხი, ტოლისო - გნაბრი, მიულერი, სანე - ზირკზე.
4 მიზეზი რის გამოც ლევანდოვსკი საუკეთესო ფეხბურთელის ჯილდოს იმსახურებს
1 ოქტომბერს UEFA 2020 წლის ევროპის საუკეთესო ფეხბურთელს გამოავლენს, სამ ნომინანტს შორის კი რობერტ ლევანდოვსკი ფიგურირებს. გთავაზობთ 4 მთავარ მიზეზს, რის გამოც პოლონელი იმსახურებს ამ ტიტულის მოპოვებას.

პირველ რიგში ეს ჩემპიონთა ლიგაზე საოცარი პერფორმანსი გახლდათ. პოლონელმა 15 გოლი გაიტანა და მხოლოდ 2 გოლით ჩამორჩა კრისტიანო რონალდუს ისტორიულ მიღწევას ერთ სეზონში გატანილი გოლებით. თანაც, ლევანდოვსკიმ ეს შემცირებული გრაფიკის დროს მოახერხა, რაც კიდევ უფრო საოცარს ხდის მის მიღწევას.

შემდეგი მთავარი მიზეზი გუნდური წარმატებაა. მიუნხენის "ბაიერნმა" 2020 წელს ოთხი შესაძლო მთავარი ტურნირიდან ოთხივე მოიგო და უდაოა, რომ ლევანდოვსკი ამ გუნდის მთავარი მამოძრავებელი ძალა იყო.

მესამე, რის გამოც პოლონელი ჯილდოს იმსახურებს, არის ინდივიდუალური წარმატება. გარდა ზემოთ ნახსენები ჩემპიონთა ლიგის ბომბარდირობისა, მან ასევე ბუნდესლიგისა და გერმანიის თასის ბომბარდირობაც გაიფორმა. ყველაფერთან ერთად ბუნდესლიგის საუკეთესო ფეხბურთელადაც დასახელდა და გასულ სეზონში აბსოლიტურად ყველა შესაძლო ინდივიდუალური ჯილდო მოიგო. ამის დაგვირგვინება კი UEFA-სგან დაფასება უნდა იყოს.

და ბოლოს, ლევანდოვსკი გახლავთ პირველი ფეხბურთელი გასულ დეკადაში, რომელმაც ნათლად აჯობა ლეო მესის და კრისტიანო რონალდუს. მართალია, გასულ წლებში ლუკა მოდრიჩმა და ვირჯილ ვან დაიკმა შეძლეს გარკვეული ინდივიდუალური ჯილდოების მიღება, თუმცა, მათ შემთხვევაში გარკვეული კითხვები მაინც დაიბადა. რაც შეეხება პოლონელს, ორი აზრი არ არსებობს, რომ მიმდინარე წელს მან გაცილებით უფრო მაღალი შედეგები დააფიქსირა, ვიდრე ზემოხსენებულმა ტიტანებმა. შესაბამისად, ამ ყველაფრის გათვალისწინებით ის უდაოდ იმსახურებს საუკეთესოს ტიტულს.
იმობილე: "ოქროს ბურთისთვის ბრძოლაში ლევანდოვსკის მივცემდი ხმას"
რომის "ლაციოს" ლიდერმა, ჩირო იმობილემ ლევანდოვსკისთან დაპირისპირებაზე კომენტარი გააკეთა.

"ოქროს ბუცის მოგება და ლევანდოვსკისთვის ორი გოლით გასწრება ძალიან საამაყო მომენტია. ის ჩემთვის სამაგალითო ფეხბურთელია. ოქროს ბურთისთვის ხმის მიცემა რომ შემეძლოს, აუცილებლად პოლონელს ავირჩევდი."

"როდესაც მსოფლიოს საუკეთესო ცხრიანებზე საუბრობ, პირველი ლევანდოვსკი, სუარესი და ბენზემა გახსენდება. ამაყი ვარ იმით, რომ ყველა მათგანს ვაჯობე." - აცხადებს ჩირო.
"ჰოფენჰაიმი" - "ბაიერნი" სავარაუდო შემადგენლობა
ბუნდესლიგის მე-2 ტურში მიუნხენის "ბაიერნი" "ჰოფენჰაიმს" ესტუმრება.

გთავაზობთ "რეკორდმაისტერის" სავარაუდო თერთმეტეულს მომავალი დაპირისპირებისთვის.

ნოიერი - პავარი, ზულე, ბოატენგი, დეივისი - კიმიხი, გორეცკა - გნაბრი, მიულერი, სანე - ლევანდოვსკი.
ფლიკი: "ბაიერნის მთავარ კოზირს ეს წარმოადგენს"
მიუნხენის "ბაიერნის" მთავარმა მწვრთნელმა, ჰანს ფლიკმა "ჰოფენჰაიმთან" მატჩამდე პრესკონფერენციაზე ისაუბრა.

"მატჩამდეც ვამბობდი, რომ "სევილია" დიდ წინააღმდეგობას გაგვიწევდა. ამ გუნდს ბურთის კონტროლი შეუძლია და ჩვენ მსგავსი გუნდების წინააღმდეგ თამაში უნდა ვისწავლოთ. თუმცა, არ ვაპირებ მეტოქე გუნდების მწვრთნელებისთვის რაიმე რჩევების მიცემას."

"როტაციის შესაძლებლობა ყველაზე დიდი კოზირია ჩვენთვის. მნიშვნელობა არ აქვს ვინ იქნება მინდორზე, ყველას შეუძლია უმაღლეს დონეზე თამაში. მთავარია, მთელი სეზონის მანძილზე შევძლოთ ფიზიკური მზადყოფნა."

"ხავიმ გუნდისთვის ძალიან ბევრი რამ გააკეთა. ხუთშაბათის შემდეგ ახალი ინფორმაცია არ მაქვს. თუმცა, ის ჯერ კიდევ "ბაიერნის" მოთამაშეა და რა თქმა უნდა, მას განვიხილავ როგორც შემადგენლობის წევრს."

"ჩვენს მთავარ მიზანს ყოველ თამაშში მეტოქის ნახევარზე ბურთის კონტროლი წარმოადგენს. სწორედ ამის წყალობით შევძლებთ ბევრი მომენტის შექმნას და მატჩების მოგებას." - აცხადებს ფლიკი.
ბაბელი: "ალაბას ცუდი გამოსვლა ლიგაზე, ჩემპიონობამ გადაფარა"
მიუნხენის "ბაიერნის" ყოფილმა ფეხბურთელმა, მარკუს ბაბელმა დავიდ ალაბას მდგომარეობაზე კომენტარი გააკეთა.

"ისეთი შეგრძნება მაქვს, თითქოს ყველაფერი, რაც დავიდის გარშემო ხდება, მასზე ზეგავლენას ახდენს. ლიგაზე მისი თამაში არ მომეწონა, არადამაჯერებელი იყო, მაგრამ ჩემპიონობამ ეს გადაფარა."

"ჩემი დიდი სურვილია, რომ დავიდმა საბოლოო გადაწყვეტილება რაც შეიძლება სწრაფად მიიღოს. არ აქვს მნიშვნელობა რა სახის გადაწყვეტილება იქნება. ეს მას დაამშვიდებს და გონებას გაუსუფთავებს." - აცხადებს ბაბელი.
დეივისი მაკდონალდსს: "თქვენ არც კი დამირეკეთ"
მიუნხენის "ბაიერნის" ამომავალმა ვარსკვლავმა, ალფონსო დეივისმა ის პერიოდი გაიხსენა, როდესაც ჯერ კიდევ პირველ სამსახურს ეძებდა.

"ჰეი, მაკდონალდს. თუ ახლა მიყურებთ იცოდეთ, რომ ერთ დროს თქვენს ვაკანსიაზე მოთხოვნა გამოვგზავნე. თუმცა, თქვენ, ბიჭებო, არც კი დამირეკეთ." - მიმართავს ფონზი ცნობილ ფრენჩაიზს.

შეგახსენებთ, რომ დეივისი "ბაიერნის" რიგებს 2019 წელს შეუერთდა და 1 სეზონის განმავლობაში მან უკვე მოასწრო გერმანიის თასის, ბუნდესლიგის, ჩემპიონთა ლიგისა და ევროპის სუპერთასის მოგება.
ალაბას კონტრაქტის თაობაზე ახალი დეტალები ცნობილია
მოგეხსენებათ, მიუნხენის "ბაიერნი" და დავიდ ალაბა ახალი კონტრაქტის თაობაზე ვერ თანხმდებიან. გერმანულმა გამოცემებმა ამ თემასთან დაკავშირებით საინტერესო ინფორმაცია გაავრცელეს.

წყაროს ცნობით, "რეკორდმაისტერი" ავსტრიელ მცველს კვირაში ანაზღაურების სახით მაქსიმუმ 290'000 ფუნტსა და ოთხწლიან კონტრაქტს სთავაზობს, თუმცა, ფეხბურთელის მოთხოვნა 400'000 ფუნტი და ხუთწლიანი კონტრაქტია.

მიუნხენში ეჭვობენ, რომ ალაბას მამა და მისი აგენტი, პინი ზაჰავი განზრახ წელავენ მოლაპარაკებებს, რათა სეზონის ბოლოს მან თავისუფალი აგენტის სტატუსით დატოვოს კლუბი და ევროპული გრანდებისგან უფრო მეტად სარფიანი წინადადება მიიღოს.

ამ ყველაფერის ფონზე, კიდევ უფრო ნაკლებად სავარაუდოა, რომ მხარეები რაიმე შეთანხმებას მიაღწევენ და ახალი კონტრაქტი გაფორმდება.
"ბაიერნის" რადარზე "პსჟს" ორი ფეხბურთელი გამოჩნდა
მიუნხენის "ბაიერნის" რადარზე ფრანგული "პსჟს" ორი ფეხბურთელი გამოჩნდა.

ფრანგული გამოცემა L'equipe-ს ინფორმაციით, ჰანს ფლიკი აქტიურად აკვირდება იულიან დრაქსლერსა და ტილო კერერს.

წყაროს ცნობით, 55 წლის სპეციალისტს გერმანელი ნახევარმცველი იმ ფეხბურთელების სიაში ფიგურირებს, რომლებიც მას ტიაგო ალკანტარას შემცვლელად ესახება.

რაც შეეხება კერერს, 24 წლის მცველის ტრანსფერზე მუშაობას კლუბი მხოლოდ იმ შემთხვევაში დაიწყებს, თუ დავიდ ალაბასთან შეთანხმება ვერ მოხერხდება.
რა თანხა გამოიმუშავა "ბაიერნმა" სუპერთასის მოგებით
UEFA-ს სუპერთასის შეხვედრაში მიუნხენის "ბაიერნი" ანდალუსიურ "სევილიას" დაუპირისპირდა და დამატებით დროში 2:1 დაამარცხა.

მორიგი ტიტულის მოპოვების შემდეგ ევროპულმა გამოცემებმა ფინანსური სტატისტიკა გამოაქვეყნეს, სადაც ნაჩვენებია, რომ "რეკორდმაისტერმა" გამარჯვების წყალობით 5 მილიონი ევროს სარგებელი მიიღო.

იმ შემთხვევაში, თუ გუნდი დამარცხდებოდა, მაშინ მხოლოდ 3.8 მილიონ ევროს მიიღებდა, რა თანხაც ამ შემთხვევაში ესპანურ კლუბს შეხვდა.

შეგახსენებთ, რომ "ბაიერნმა" ჩემპიონთა ლიგის გასულ სეზონში ტრიუმფისთვის 128.41 მილიონი ევრო მიიღო. საერთო ჯამში კი ევროთასების 2019/20 წლების სეზონში კლუბმა 133.41 მილიონი ევრო გამოიმუშავა, რაც სარეკორდო მაჩვენებელია.
  • ბომბარდირები
  • ასისტენტები
  • ბარათები
1
ჰარი კეინი
გოლი: 31 4 27 0
2
ლეროი სანე
გოლი: 9 1 8 0
3
ჯამალ მუსიალა
გოლი: 8 2 6 0
4
მატის ტელი
გოლი: 6 2 3 1
5
კინგსლი კომანი
გოლი: 5 2 3 0
1
ლეროი სანე
ასისტი: 12 1 11 0
2
ტომას მიულერი
ასისტი: 9 1 8 0
3
ჰარი კეინი
ასისტი: 8 3 5 0
4
იოზუა კიმიხი
ასისტი: 6 2 3 1
1
კინგსლი კომანი
1 0 0 1 0
2
ლეონ გორეცკა
1 0 0 1 0
3
უპამეკანო
2 0 0 2 0
4
კიმ მინ-ჯაე
1 0 0 1 0
5
იოზუა კიმიხი
0 1 0 1 0