bayern.ge სიახლეები გვერდი 378
მათეუსი: "ევროპის ჩემპიონატზე ეს ფეხბურთელები უნდა წავიდნენ"
მიუნხენის "ბაიერნისა" და გერმანიის ეროვნული ნაკრების ლეგენდარულმა ფეხბურთელმა, ლოთარ მათეუსმა ის 23 მოთამაშე დაასახელა, რომლებმაც მისი აზრით ევროპის ჩემპიონატზე უნდა იასპარეზონ.

მათეუსის აზრით, ეროვნულ გუნდში უნდა დაბრუნდნენ ისეთი ფეხბურთელები, როგორებიც არიან თომას მიულერი და მატს ჰუმელსი.

სრული შემადგენლობა ასე გამოიყურება:


ფლიკი: "მნიშვნელობა არ აქვს ბარსელონას ვეთამაშებით თუ დურენს"
მიუნხენის "ბაიერნის" მთავარმა მწვრთნელმა, ჰანს ფლიკმა "დურენთან" სათასო მატჩამდე პრესკონფერენციაზე ისაუბრა.

"მნიშვნელობა არ აქვს ეთამაშები ბარსელონას, დორტმუნდს თუ დურენს, ყველა მატჩს სერიოზულად უნდა მიუდგე. ჩვენ ამ შეხვედრისთვის კარგად მოვემზადეთ და ეს ყველაფერი მომდევნო ეტაპზე გასვლაში უნდა გარდაისახოს."

"ხვალ სამწუხაროდ ის ფეხბურთელები ვერ დაგვეხმარებიან, რომლებიც ნაკრებებთან ერთად არიან. თუმცა, მაინც კარგი შემადგნელობა გვყავს და მზად ვართ."

"კრის რიჩარდსს ტრავმა აქვს და ხვალ ვერ დაგვეხმარება. აღდგენითი ვარჯიშები უკვე დაიწყო და გარკვეული პერიოდის შემდეგ დაგვიბრუნდება. ხვალ ნუბელი დაიწყებს სასტარტოდან."

"ახალწვეულებზე პირველი შთაბეჭდილება საკმაოდ დადებითია. მათ კარგად ივარჯიშეს და მუშაობით კმაყოფილი ვარ."

"მარკ როკასგან 100%-ით დახარჯვას ველოდები. ის კარგი ფეხბურთელია, რომელსაც თამაშის კონტროლი შეუძლია. ახლა მას მხოლოდ ჩვენს სისტემაზე მოუწევს მორგება." - აცხადებს ფლიკი. 
"დურენი" - "ბაიერნი" სავარაუდო შემადგენლობა
გერმანიის თასის პირველ ეტაპზე მიუნხენის "ბაიერნი" ობერლიგის წარმომადგენელ "დურენს" დაუპირისპირდება.

გთავაზობთ "რეკორდმაისტერის" სავარაუდო შემადგენლობას მომდევნო შეხვედრისთვის.

ნუბელი - სარი, ბოატენგი, ხავი მარტინესი, დეივისი - როკა, სტილერი - დუგლას კოშტა, მიულერი, მუსიალა - ჩუპო მოტინგი.
ლიოვი: "ევროპის ჩემპიონატზე ჩვენი მინიმალური მიზანი ეს იქნება"
გერმანიის ეროვნული ნაკრების მთავარმა მწვრთნელმა, იოახიმ ლიოვმა შვეიცარიასთან ფრედ, 3-3 დასრულებული შეხვედრის შემდეგ პირველი კომენტარი გააკეთა.

"კარგია, როდესაც დაცვის ხაზში გამოცდის საშუალება გვეძლევა. უნდა შეგვეძლოს როგორც 3 მცველით, ასევე 4 მცველით თამაში. ამ გუნდს დიდი პოტენციალი აქვს. ჩვენი მიზანი ევროპის ჩემპიონატზე მინიმუმ 1/2 ფინალში გასვლაა."

"ორივე გუნდი დიდ რისკზე წავიდა და ბევრი შეცდომებიც დაუშვა. თავდაპირველად სუსტად დავიწყეთ, რაც შეცდომებშიც გადაიზარდა, თუმცა, შემდგომ თამაშში დავბრუნდით და ეს კარგია."

"ამ გუნდს ნამდვილად აქვს დიდი პოტენციალი, თუ შეცდომებს გამოვასწორებთ და მომავლისკენ დავიწყებთ ხედვას." - აცხადებს ლიოვი.
მათეუსი: "ეს ყველაფერი ახლავე უნდა დასრულდეს"
ლეგენდარულმა გერმანელმა ფეხბურთელმა, ლოთარ მათეუსმა იოახიმ ლიოვი კიდევ ერთხელ გააკრიტიკა.

"მატჩამდეც ვთქვი, რომ გუნდი თავს კომფორტულად გრძნობდა როდესაც დაცვით ზონაში 3 ფეხბურთელი იყო. ლიოვმა კვლავ ახალი ცდა ჩაატარა. ექსპერიმენტები ახლავე უნდა დასრულდეს."

"გოსენსი, რომელიც 3 მცველიან ტაქტიკას არის მიჩვეული, თავს გადატვირთულად გრძნობდა ოთხმცველიან ტაქტიკაში. გინტერსა და რუდიგერს შორის ძალიან დიდი სივრცეები ჩნდებოდა."

"როგორც მწვრთნელს ეს ტაქტიკა თავსატეხს უნდა მიჩენდეს. როგორც მაყურებელი, მადლობას ვუხდი ლიოვს, რომ კარგი შეტევითა და ცუდი დაცვით საფეხბურთო სანახაობა გვაჩუქა." - აცხადებს მათეუსი.
"ბაიერნის" ფეხბურთელებმა გადაცემა "ვის უნდა მილიონი"-ში მიიღეს მონაწილეობა
მიუნხენის "ბაიერნის" ფეხბურთელებმა, იოზუა კიმიხმა, ლეონ გორეცკამ და ნიკლას ზულემ ცნობილ გადაცემა "ვის უნდა მილიონი"-ში მიიღეს მონაწილეობა.

იოზუა და ლეონი ერთად თამაშობდნენ და მათ საკმაოდ კარგი შედეგიც დააფიქსირეს. 15 შეკითხვიდან 12-ს უპასუხეს და 64'000 ევრო მოიგეს. რაც შეეხება ზულეს, ის "ლაიფციგის" მცველ ლუკაშ კლოშტერმანთან ერთად გამოდიოდა და ამ წყვილმა სულაც 125'000 ევროს მოგება მოახერხა.

ორივე წყვილმა მოგებული თანხა მთლიანად საქველმოქმედო ფონდებს გადაურიცხა.

აღსანიშნავია, რომ ეს პირველი შემთხვევა არაა, როდესაც გერმანელი ფეხბურთელი ხსენებულ გადაცემაში იღებს მონაწილეობას. 2011 წელს მანუელ ნოიერმა 500'000 ევროს მოგება მოახერხა, 5 წლის წინ კი ლუკაშ პოდოლსკიმ 125'000 ევრო მოიპოვა. ორივე მათგანმა მსგავსად ზემოხსენებული მოთამაშეებისა თანხა საქველმოქმედო ორგანიზაციას შეწირა.
ლუკასის საოცარი ბლოკი რონალდუს წინააღმდეგ (ვიდეო)
ერთა ლიგის მესამე ტურში საფრანგეთის ეროვნულმა ნაკრებმა პორტუგალიას უმასპინძლა და უგოლოდ დაშორდა.

"მამლების" მხრიდან ერთ-ერთი გამორჩეული გახლდათ ლუკას ერნანდეს. "ბაიერნის" მცველმა ბრწყინვალე მატჩი ჩაატარა და ერთ-ერთ მომენტში აშკარა გოლისგან იხსნა გუნდი.

იხილეთ ვიდეო.
ფლიკი სათასო შეხვედრაში ექსპერიმენტებს აპირებს
სანაკრებო პაუზის შემდეგ მიუნხენის "ბაიერნი" გერმანიის თასის მატჩით ბრუნდება. გუნდი პირველ ეტაპზე "დურენს" დაუპირისპირდება.

გერმანული გამოცემა Kicker-ის ინფორმაციით, ჰანს ფლიკი გადატვირთული გრაფიკისა და ნაკრებებიდან ჩამოსული ფეხბურთელების დასვენების მიზნით მომდევნო თამაშში ექსპერიმენტალური შემადგენლობის დაყენებას აპირებს.

წყაროს ცნობით, "რეკორდმაისტერის" ხუთი ახალწვეული - ალექსანდრ ნუბელი, ჩუპო-მოტინგი, მარკ როკა, ბოუნა სარი და გულას კოშტა მომდევნო თამაშს სასტარტო შემადგენლობიდან დაიწყებენ. გარდა ამისა, უნდა ველოდოთ, რომ რამდენიმე აკადემიის წევრსაც მიეცემა შანსი.

შეგახსენებთ, რომ შეხვედრა ხუთშაბათს, 15 ოქტომბერს, თბილისის დროით 22:45 საათზე დაიწყება.
რობერტ ლევანდოვსკის ტრავმის სიმძიმე ცნობილია
პოლონეთისა და იტალიის ეროვნული ნაკრებების შეხვედრის დროს მიუნხენის "ბაიერნის" ლიდერმა, რობერტ ლევანდოვსკიმ დაზიანება მიიღო.

აღნიშნულ თემაზე კომენტარი პოლონეთის ფეხბურთის ფედერაციის სპიკერმა გააკეთა.

"რობერტს ძლიერი სისხლჩაქცევები და ჰემატომა აღენიშნებოდა. ის გაივლის გარკვეულ შემოწმებებს და მოემზადება ოთხშაბათის მატჩისთვის."

"მომდევნო შეხვედრამდე მცირე დროა, თუმცა, თამაშის შემდეგვე თავად ლევანდოვსკიმ თავი უკვე კარგად იგრძნო. თვითონ ოპტიმისტურად არის განწყობილი და სჯერა, რომ ბოსნიასთან შეძლებს თამაშს." - აცხადებენ პოლონეთის ფეხბურთის ფედერაციაში.
"ინტერი" "ბაიერნს" ფეხბურთელების გაცვლას სთავაზობდა
გამოცემა Sky Sport-ის ინფორმაციით, მილანის "ინტერი" გასული სატრანსფერო ფანჯრის დროს "ბაიერნს" ხმაურიან გაცვლას სთავაზობდა.

კერძოდ, წყაროს ცნობით, "ნერაძურის" დაცვის ცენტრალური ხაზის გაძლიერება უნდოდა და ჟერომ ბოატენგის დამატებას ცდილობდა. სანაცვლოდ კი მზად იყო კრისტიან ერიკსენი დაეთმო.

როგორც ცნობილია, საუბარი იყო პირდაპირ გაცვლაზე, თანხის დამატების გარეშე. თუმცა, "რეკორდმაისტერმა" ბოატენგი გუნდისთვის მნიშვნელოვან წევრად მიიჩნია და უარი განაცხადა მის გაშვებაზე.
გერმანია - შვეიცარია სავარაუდო შემადგენლობები
ერთა ლიგის მეოთხე ტურის შეხვედრაში გერმანიის ეროვნული ნაკრები შვეიცარიას უმასპინძლებს.

გთავაზობთ გუნდების სავარაუდო თერთმეტეულებს მომავალი დაპირისპირებისთვის:

გერმანია: ნოიერი - გინტერი, ზულე, რუდიგერი - კლოშტერმანი, კიმიხი, კროოსი, ჰოლშტენბერგი - გორეცკა, ვერნერი - გნაბრი.

შვეიცარია: ზომერი - როდრიგესი, შარი, ველვედი - ვიდმერი, სოუ, ჯაკა, ფროილერი, ბენიტო - შაქირი, სეფეროვიჩი.
რუმენიგე: "რამდენ ხანს გაძლებს ფეხბურთი ასე? შეგვიძლია თითებზე დავთვალოთ დრო"
მიუნხენის "ბაიერნის" აღმასრულებელი საბჭოს დირექტორმა, კარლ-ჰაინც რუმენიგემ ფინანსურ პრობლემებზე ისაუბრა.

"ჩვენ დაახლოებით 100 მილიონ ევრომდე ვიზარალეთ. თუ გადავხედავთ ევროპულ კლუბებს, ეს ციფრი 50-დან 200 მილიონამდე მერყეობს. რამდენ ხანს გაძლებს ფეხბურთი ასე? ხელის თითებზე შეგვიძლია დავთვალოთ დრო."

"პირადად ჩემთვის ფინანსური მხარე მეორე ადგილზე დგას. პირველზე საფეხბურთო კულტურა და მისი მთავარი შემადგენელი ნაწილი, ქომაგები არიან."

"ჩვენ შევადგინეთ სპეციალური გეგმა, თუ როგორ შეიძლება სტადიონზე ფანების დაბრუნება და ეს მიუნხენის მთავრობას წარვუდგინეთ. თუმცა, როგორც მთელი ქვეყანა, ჩვენც ხელისუფლებაზე ვართ ამ მხრივ დამოკიდებულები."

"ბუნდესლიგის ასე გაგრძელება წარმოუდგენლად მეჩვენება. ბევრი გუნდი უბრალოდ ვერ გადარჩება. თუ ასე გაგრძელდება, ბუნდესლიგის ბევრი კლუბი ბანკროტის პირას მივა." - აცხადებს რუმენიგე.
ლიოვი: "წლების წინ ფსკერზე ვიყავით, ახლა კი ვვითარდებით"
გერმანიის ეროვნული ნაკრების მთავარმა მწვრთნელმა, იოახიმ ლიოვმა უკრაინასთან გამართული შეხვედრის შემდეგ პირველი კომენტარი გააკეთა.

"გამარჯვებით მოხარული ვარ, თუმცა, ვფიქრობ 3-4 გოლით მეტი უნდა გაგვეტანა. პენალტი, რომელიც გავუშვით, საერთოდ ამოვარდნილი იყო კონტექსტიდან."

"გარკვეულ პოზიციებში ბურთი მარტივად დავთმეთ. თუმცა, დაცვაში კარგად ვითამაშეთ მიუხედავად იმისა, რომ 3 მცველით ვიყავით გამოსული და მეტოქეც ამდენივე ფორვარდით თამაშობდა."

"მთავარია სურათი რეალურად შევაფასოთ. არ უნდა დავივიწყოთ საიდან მოვდივართ. 2 წლის წინ ფსკერზე ვიყავით, თუმცა, მას შემდეგ განვვითარდით. ვიცით ახლა რა ადგილზე ვართ და ჩვენი თავის რწმენა გვაქვს." - აცხადებს ლიოვი.
უკრაინა 1:2 გერმანია ფეხბურთელების შეფასებები
უეფას ერთა ლიგის ჯგუფური ეტაპის მესამე ტურში გერმანიის ეროვნული ნაკრები უკრაინას ესტუმრა და 1:2 დაამარცხა.

გთავაზობთ ფეხბურთელების შეფასებებს გამოცემა Whoscored-ის ვერსიით:


ამ კაცს ნერვები არ აქვს - ნოიერის საოცარი გადაცემა მძიმე ზეწოლის დროს (ვიდეო)
უკრაინისა და გერმანიის ეროვნული ნაკრებების მატჩის დროს ბუნდესნაკრების მცველებმა სუსტად ითამაშეს, თუმცა, მათი შეცდომა მანუელ ნოიერმა გამოასწორა.

იხილეთ ვიდეო.
  • ბომბარდირები
  • ასისტენტები
  • ბარათები
1
ჰარი კეინი
გოლი: 44 8 36 0
2
ჯამალ მუსიალა
გოლი: 12 2 10 0
3
ლეროი სანე
გოლი: 10 2 8 0
4
მატის ტელი
გოლი: 9 2 6 1
5
თომას მიულერი
გოლი: 7 1 5 1
1
ლეროი სანე
ასისტი: 12 1 11 0
2
ჰარი კეინი
ასისტი: 11 3 8 0
3
ტომას მიულერი
ასისტი: 8 1 7 0
4
იოზუა კიმიხი
ასისტი: 9 2 6 1
5
ლეონ გორეცკა
ასისტი: 9 1 7 1
1
ლეონ გორეცკა
5 0 2 3 0
2
ლეროი სანე
5 0 1 4 0
3
დე ლიხტი
5 0 0 5 0
4
ალექსანდარ პავლოვიჩი
5 0 0 5 0
5
დეიოტ უპამეკანო
2 2 1 3 0