ჩემპიონთა ლიგის ბოლო ტურში "პსჟ" თურქულ "ბაშაქშეჰირს" მასპინძლობს.

პირველი ტაიმის საწყის წუთებში დამხმარე არბიტრმა სტუმართა გუნდის ფეხბურთელის მიმართ რასისტული გამონათქვამი გამოიყენა, რის გამოც შეხვედრა შეწყდა.

კერძოდ, მთავარმა არბიტრმა ერთ მომენტში დამნაშავის გარკვევა სცადა, გვერდითმა მსაჯმა კი დემბა ბაზე მიუთითა და მას "ნეგრო" უწოდა.

ამ მომენტის შემდეგ სტუმრებმა თამაშის გაგრძელებაზე უარი განაცხადეს. აღნიშნულ გადაწყვეტილებას "პსჟს" ფეხბურთელებიც შეუერთდნენ და თამაში შეწყდა.

9-12-2020, 00:36

sandro

მეტის ნახვა

გუშინ მსოფლიოს 2022 წლის ჩემპიონატის საკვალიფიკაციო ეტაპის კენჭისყრა ჩატარდა და ჯგუფები გადანაწილდა, თუმცა, არ არის გამორიცხული, რომ შედეგები გარკვეულწილად შეიცვალოს.

ევროპული გამოცემების ინფორმაციით UEFA-მ მუნდიალის მომავალ მასპინძელს, ყატარს საკვალიფიკაციო ეტაპზე მონაწილეობა შესთავაზა.

მოგეხსენებათ, აზიელები მასპინძლები არიან და შესაბამისად, ისინი მონაწილეობას არ იღებენ საკვალიფიკაციო მატჩებში. თუმცა, სურვილის შემთხვევაში მათ ამის უფლება ექნებათ.

იმ შემთხვევაში, თუ ყატარი შეთავაზებას დათანხმდება, ის A ჯგუფს დაემატება და აქ მონაწილე ნაკრებებთან მატჩებს გამართავს, თუმცა, მისი შედეგები არ იქნება გათვალისწინებული არცერთ კომპონენტში.

შეგახსენებთ, რომ ყატარი გასულ წლებში სამხრეთ ამერიკის ფედერაციამაც მიიწვია კოპა ამერიკაზე მონაწილეობისთვის და ფედერაცია შეთავაზებას დათანხმდა.

8-12-2020, 23:51

sandro

მეტის ნახვა

არ არის გამორიცხული, მიუნხენის "ბაიერნის" ფრანგული გვარდია მომავალი წლიდან კიდევ უფრო გაიზარდოს.

გამოცემა France Football-ის ინფორმაციით, "რეკორდმაისტერი" ორი ფრანგი ამომავალი ვარსკვლავის, ედუარდო კამავინგასა და დაიოტ უპამეკანოს ხელში ჩაგდებას აპირებს.

მოგეხსენებათ, ზაფხულში კლუბი ტიაგო ალკანტარამ დატოვა. გარდა ამისა, სეზონის ბოლოს "ბაიერნიდან" ხავი მარტინესიც მიდის. 18 წლის ნახევარმცველი კი ჰანს ფლიკს სწორედ მათ ჩამნაცვლებლად ესახება.

რაც შეეხება უპამეკანოს, "რეკორდმაისტერმა" მას თვალი საკმაოდ დიდი ხნის წინ დაადგა. ახლა კი, მას შემდგომ, რაც დავიდ ალაბას წასვლა, ფაქტობრივად, გადაწყდა, კლუბი მის ტრანსფერს კიდევ უფრო დიდი მონდომებით ამზადებს.

წყაროს ცნობით, მიუნხენელებმა ორივე ტრანსფერზე მუშაობა უკვე დაიწყეს და სავარაუდოდ, მათ მომავალი ზაფხულიდან "ბაიერნის" რიგებში ვიხილავთ.

8-12-2020, 20:08

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "ლოკომოტივთან" მატჩამდე პრესკონფერენცია ჩაატარა.

"ალფონსო დეივისი ხვალ დაგვიბრუნდება, რაც ძალიან სასიხარულოა. არ ვიცი, სასტარტოდან დაიწყებს თუ სათადარიგოთა სკამიდან, მაგრამ დანამდვილებით შემიძლია ვთქვა, რომ ითამაშებს."

"ლოკომოტივი ძალიან კარგი გუნდია, განსაკუთრებით კი შეტევით ფაზაში. მათ შეუძლიათ ბურთის კონტროლი. ჩვენი მიზანი იქნება, რომ რაც შეიძლება მეტი თავისუფალი სივრცე შევქმნათ."

"სავარაუდოდ ორი ექვსიანით ვითამაშებთ. ლეონ გორეცკას გარდა ასევე გვყავს მარკ როკა, მაქსიმილიან ზაისერი და ანგელო სტილერი. კორენტინ ტოლისო შაბათს დაბრუნდება."

"მანუ ჩვენი გუნდის ლიბეროა და სულაც არ გამკვირვებია ის ფაქტი, რომ საუკეთესო მეკარედ დასახელდა."

"წარმატება არ არის მუდმივი, შენ მას "ქირაობ". ეს კი ნიშნავს, რომ დასვენების საშუალება არ გაქვს, მუდამ უნდა განვითარდე. სწორედ ეს არის ჩვენი მიზანი, მოვიგოთ ხვალინდელი და შემდგომ 2020 წელს დარჩენილი 3 თამაშიც." - აცხადებს ფლიკი.

8-12-2020, 19:00

sandro

მეტის ნახვა

მიუნხენის "ბაიერნის" საპატიო პრეზიდენტმა, ული ჰიონესმა თომას მიულერის ნაკრებში დაბრუნებაზე კომენტარი გააკეთა.

"პირადად ჩემთვის, თომასი გასაოცარ ფორმაშია. ახლა მას შეუძლია ნებისმიერ გუნდს მოაგებინოს თამაში, რომელშიც ასპარეზობს."

"ჩვენ გარკვეული სახის მოლაპარაკებები დაწყებული გვაქვს და დარწმუნებული ვარ, ლიოვი გაზაფხულზე მიულერს ეროვნულ გუნდში დააბრუნებს." - აცხადებს ჰიონესი.

8-12-2020, 15:14

sandro

მეტის ნახვა

ცნობილი განელი მსახიობი, აკრობეტო ფეხბურთის გულშემატკივრებმა პრემიერლიგის გუნდების "წარდგენით" გაიცნეს.

ამჯერად აფრიკელი მსახიობის მსხვერპლი გერმანიის ბუნდესლიგის კლუბები გახლდათ.

იხილეთ სახალისო ვიდეო, რომელიც სოციალურ ქსელებს მოედო.

7-12-2020, 23:15

sandro

მეტის ნახვა

მიუნხენის „ბაიერნის“ აღმასრულებელი საბჭოს დირექტორმა, კარლ-ჰაინც რუმინიგემ მედიასთან საუბრისას საკმაოდ თამამი განცხადება გააკეთა.

„ვფიქრობ, გერმანული დაპირისპირება ელ-კლასიკოზე მაღალი დონისაა. ბოლო მატჩი, რომელიც 3-2 დასრულდა, შესაძლოა 5-4-ც კი დამთავრებულიყო, ასეთ თამაშებს კი კლასიკოში ვეღარ გვთავაზობენ.

შეგვიძლია ვთქვათ, რომ გერმანული დაპირისპირება სხვა დონეზეა." - განაცხადა რუმინიგემ.

7-12-2020, 22:59

sandro

მეტის ნახვა

რამდენიმე წუთის წინ დასრულდა მსოფლიოს 2022 წლის ჩემპიონატის საკვალიფიკაციო ეტაპის კენჭისყრა და გაირკვა გერმანიის ნაკრების მეტოქეები.

ბუნდესნაკრები ექვსგუნდიან J ჯგუფში იასპარეზებს და მისი მეტოქეები იქნებიან რუმინეთი, ისლანდია, ჩრდ. მაკედონია, სომხეთი და ლიხტენშტეინი.

შეგახსენებთ, რომ 2022 წლის მსოფლიო ჩემპიონატი ნოემბერში აიღებს სტარტს და ის ყატარში ჩატარდება.

7-12-2020, 21:46

sandro

მეტის ნახვა

გერმანიის ბუნდესლიგის მე-10 ტურში "შტუტგარტი" ბრემენის "ვერდერს" ესტუმრა და 1:2 დაამარცხა.

დუბლის ავტორი სილას ვამანგიტუკა აღმოჩნდა. მისმა მეორე გოლმა კი ინტერნეტსივრცე მოიცვა.

ახალგაზრდა თავდამსხმელს გოლის გატანის შემდეგ მთავარმა არბიტრმა ყვითელი ბარათი უჩვენა.

იხილეთ ვიდეო.

7-12-2020, 20:19

sandro

მეტის ნახვა

მიუნხენის "ბაიერნის" ლიდერმა, რობერტ ლევანდოვსკიმ თავისი ბავშვობის ფავორიტი ფეხბურთელები დაასახელა.

"ბავშვობაში ორი გამორჩეული ფეხბურთელი მყავდა. პირველი ტიერი ანრი გახლავთ. მის თამაშებს ყოველთვის ვუყურებდი როდესაც "არსენალში" თამაშობდა."

"მეორე კი დელ პიეროა. ის არ არის ჩემი პოზიციის ფეხბურთელი, თუმცა, ყოველთვის მხიბლავდა მისი თამაში." - აცხადებს ლევანდოვსკი.

7-12-2020, 17:07

sandro

მეტის ნახვა

ავტორიტეტულმა გერმანულმა გამოცემა Kicker-მა ბუნდესლიგის გასული ტურის საუკეთესო თერთმეტეული გამოაქვეყნა.

შემადგენლობაში "რეკორდმაისტერის" მხრიდან 2 ფეხბურთელი მოხვდა. ესენი არიან თომას მიულერი და კინგსლი კომანი.

მოგეხსენებათ, "ბაიერნი" გასულ კვირაში საკუთარ კედლებში "ლაიფციგს" დაუხვდა და დაუზავდა - 3:3. თომასმა თავი დუბლით, კინგსლიმ კი 3 საგოლე გადაცემით გამოიჩინა.

იხილეთ სრული თერთმეტეული:

7-12-2020, 16:39

sandro

მეტის ნახვა

ჩემპიონთა ლიგის ჯგუფური ეტაპის ბოლო ტურში მიუნხენის "ბაიერნი" მოსკოვის "ლოკომოტივს" უმასპინძლებს.

გთავაზობთ "რეკორდმაისტერის" სავარაუდო შემადგენლობას მომავალი დაპირისპირებისთვის.

ნოიერი - პავარი, რიჩარდსი, ზულე, სარი - როკა - მუსიალა, მიულერი - სანე, ლევანდოვსკი, დუგლას კოშტა.

7-12-2020, 16:33

sandro

მეტის ნახვა

მიუნხენის "ბაიერნის" რიგებში ტრავმიანობა გრძელდება.

ამჯერად სერიოზული ტრავმა გუნდის ვეტერანმა ნახევარმცველმა, ხავი მარტინესმა მიიღო. ფეხბურთელი "ლაიფციგთან" შაბათს გამართულ შეხვედრაში დაშავდა.

გერმანული გამოცემების ინფორმაციით, ხავი მარტინესს კუნთის არეში აქვს დაზიანება მიღებული, რის გამოც მისთვის 2020 წელი ნაადრევად დასრულდა.

შეგახსენებთ, რომ "ბაიერნს" ნახევარდაცვის ზონაში ტრავმის გამო კიდევ ერთი მნიშვნელოვანი ფეხბურთელი, იოზუა კიმიხი აკლია.

7-12-2020, 15:51

sandro

მეტის ნახვა

გთავაზობთ იუპ ჰაინკესისა და ჰანს ფლიკის საერთო ინტერვიუს, რომელიც გერმანულმა გამოცემა Kicker-მა ჩაწერა.

"რთული გამარჯვებები მსგავსი გადატვირთული გრაფიკის დროს სრულიად ნორმალურია. მას შემდეგ, რაც ჰანსი ჩაუდგა სათავეში, გუნდის ყველა ფეხბურთელი ტოპ ფორმაშია. ექიმი ბროიხი კი ფიტნეს ცენტრში აგვარებს თავის საქმეს. საერთო ჯამში, ეს ნათელი მაგალითია იმისა, რომ გჭირდება პროფესიონალებისგან შემდგარი გუნდი საწვრთნელ შტაბში." - ჰაინკესი.

"დოჰაში ვარჯიშების ჩატარების დროს ვაჩვენეთ, რომ ყველა ტიტულისთვის გვსურდა ბრძოლა. და როგორც იუპის დროს, 2013 წელს, დღეში სამჯერ ვვარჯიშობდით. მისი სავარჯიშო გეგმებიდან ბევრი რამ ავიღე." - ფლიკი

"გუნდმა თავდაჯერება მოიმატა და ეს კარგი შეგრძნებაა. მზადების დროს ყველა თავის საქმეს აკეთებდა ყოველგვარი ყოყმანის გარეშე, რადგან ისინი სამწვრთნელო შტაბს ენდობიან. ტიაგომ მხოლოდ შემდეგ მითხრა: "მწვრთნელო, ეს საკმაოდ რთულია." - ფლიკი.

"ტოპ ჩოგბურთელები ერთსა და იმავე დარტყმას ასჯერ იმეორებენ. ფეხბურთშიც ასეა, უნდა ჩაატარო ერთი და იგივე ვარჯიში ყოველდღე, მხოლოდ ასე თუ მიაღწევ იდეალურ შედეგს მაგალითად პასის კომპონენტში. ეს კი ის არის, რაზეც "ბაიერნი" მუშაობს." - ჰაინკესი.

"ლუის ჰამილტონი ყოველ წელს მსოფლიო ჩემპიონია, მაგრამ, მას ყველა რბოლის მოგება მაინც სურს. ეს ხდის ჩემპიონს. არც ჩვენ განვსხვავდებით. ყველა ვარჯიშზე და თამაშზე კვლავ 100%-იანი მონდომებით გამოვდივართ. თანაც, 55 წლის ვარ და წარმატებას მალევე უნდა მივაღწიო, კიდევ 34 წელს ვერ დაველოდები (იცინის)." - ფლიკი.

"ყველა გუნდს თავისი სათამაშო სტილი აქვს. მესი არ აკოპირებს მარადონასგან. ყველა თავის გზას ადგას. შეგიძლია ისწავლო ყველასგან და ყველაფრისგან." - ჰაინკესი 2013 წლის "ბაიერნთან" შედარებაზე.

"ვან გაალი ერთ-ერთი საუკეთესო მწვრთნელია ისტორიაში. მისი გუნდების მატჩები არაერთხელ მინახავს და ის მუდამ აგრესიულ ფეხბურთს ათამაშებს გუნდს." - ჰაინკესი.

"2013 წელს გუნდი არ დამიტოვებია, უბრალოდ, გუნდი წამართვეს (იცინის). ჰანსი უფრო ჭკვიანია, ის დარჩა." - ჰაინკესი.

"2012 წელს ყველა ჩემპიონატზე მეორე ადგილზე გავედით. როგორც წესი, მსგავს შემთხვევაში "ბაიერნის" დონის გუნდებში მწვრთნელები დიდხანს ვერ ძლებენ, თუმცა, ჰიონესმა ჩემთვის ბევრი იბრძოლა." - ჰაინკესი.

"ჩვენ 5 ტიტული მოვიგეთ, მაგრამ, ყველაფერი გრძელდება. ვიცი, რა მოხდება ზედიზედ 2 მარცხის შემთხვევაში, სწორედ ამიტომ არის "ბაიერნი" საუკეთესო. თუმცა, ჩემთვის ყველაზე პრიორიტეტული განვითარებაა. დღევანდელი მეთოდებით დღეს გამარჯვება არ არის გარანტი ხვალინდელი წარმატებისა." - ფლიკი.

"ამჟამად არც კი ვფიქრობ რომელიმე სხვა გუნდში გადასვლაზე. მას შემდგომ, რაც აქ მოვედი თავს საკუთარ სახლში ვგრძნობ. "ბაიერნი" აბსოლიტურად ყველაფერს მთავაზობს რაც მჭირდება." - ფლიკი.

"ლიგის ფინალს სახლში, მარტომ, ცალკე ოთახში ვუყურე, რადგან არ მიყვარს, როდესაც ვინმე ფეხბურთის ყურების დროს მაწუხებს. ოპტიმისტურად ვიყავი განწყობილი და მჯეროდა ჩვენი გუნდის გამარჯვების." - ჰაინკესი.

"იქნება თუ არა "ბაიერნი" "ლივერპული" უდიდესი დაპირისპირება მომდევნო წლებში? ეს შესაძლოა, თუ გუნდები შეინარჩუნებენ შემადგენლობას." - ჰაინკესი.

"მე მხოლოდ ბაიერნზე ვარ და კონცენტრირებული, თუმცა, არ მინდა შევეწინააღმდეგო იუპს. მას უფრო მეტი გამოცდილება აქვს და უფრო მეტ ლიგას უყურებს." - ფლიკი.

"როდესაც ა.შ.შ.-ს პრეზიდენტის ასაკი გავიგე კარიერის გაგრძელებაზე დავფიქრდი (იცინის)." - ჰაინკესი.

6-12-2020, 23:25

sandro

მეტის ნახვა

მიუნხენის "ბაიერნის" ლიდერმა, თომას მიულერმა გერმანიის ეროვნულ ნაკრებში შესაძლო დაბრუნებაზე კომენტარი გააკეთა.

"ეს ის თემაა, რომელიც ძალიან შორს დგას ჩემგან. მე ვცდილობ დავეხმარო გუნდს, როდესაც მინდორზე ვარ, ვაკეთო საქმე იქ და მხოლოდ ეს თემა მეხება."

"გერმანიის ფეხბურთის ფედერაციამ ლიოვის პოსტზე დატოვება გადაწყვიტა და ამას პატივი უნდა ვცეთ."

"შეგიძლიათ რამდენიც გსურთ იმდენი ილაპარაკოთ, მე კი მხოლოდ ჩემს საქმეს გავაკეთებ. სხვა რამის თქმა ამ მომენტში არ შემიძლია." - აცხადებს თომასი.

6-12-2020, 20:20

sandro

მეტის ნახვა

დღეს ავტორიტეტულმა სტატისტიკურმა გამოცემა IFFHS-მა 2020 წლის საუკეთესოები გამოავლინა.

გასაკვირი არ იქნება თუ გეტყვით, რომ წლის საუკეთესო მეკარედ მიუნხენის "ბაიერნის" კაპიტანი, მანუელ ნოიერი დასახელდა.

აღსანიშნავია, რომ მანუ უკვე მეხუთედ დაასახელა ხსენებულმა გამოცემამ საუკეთესო მეკარედ, ეს კი ისტორიაში საუკეთესო შედეგია.

"ბაიერნის" კარის დარაჯმა იკერ კასილასისა და ჯანლუიჯი ბუფონის შედეგი გაიმეორა, რომლებსაც ეს ტიტული ხუთ-ხუთჯერ ჰქონდათ მოპოვებული. მომავალ წელს კი გაუმჯობესებას ეცდება.

ხმები შემდეგნაირად გადანაწილდა:

6-12-2020, 20:16

sandro

მეტის ნახვა