რამდენიმე დღის წინ მიუნხენის "ბაიერნის" მარცხენა მცველმა, ლუკას ერნანდესმა განაცხადა, რომ ის გუნდიდან წასვლას არ გამორიცხავს.

გამოცემა Cadena Ser-ის ინფორმაციით, ფრანგი ფეხბურთელის ტრანსფერი მართლაც საკმაოდ რეალურია და შესაძლოა, მან მიმდინარე სატრანსფერო ფანჯრის დროსვე დატოვოს კლუბი.

წყაროს ცნობით, 24 წლის ფეხბურთელის დამატებით ყველაზე მეტად "პსჟ" არის დაინტერესებული. ლუკასის ტრანსფერში პირადად კილიან მბაპეც არის ჩართული, რომელიც აქტიურად წერს მის თანაგუნდელს ნაკრებში და არწმუნებს პარიზში გადაბარგების დადებით მხარეებში.

შეგახსენებთ, რომ ლუკასი "ბაიერნის" რიგებს 2019 წელს შეუერთდა სარეკორდო თანხად, 80 მილიონ ევროდ.

18-09-2020, 00:09

sandro

მეტის ნახვა

24 სექტემბერს UEFA-ს სუპერთასის შეხვედრა გაიმართება, რომელშიც მიუნხენის "ბაიერნი" ანდალუსიის "სევილიას" დაუპირისპირდება.

სამწუხაროდ, აღნიშნულ მატჩში მონაწილეობის მიღებას ვერ მოახერხებს "რეკორდმაისტერის" გარემარბი, კინგსლი კომანი, მიზეზი კი კორონავირუსის შეზღუდვაა.

კერძოდ, ფრანგს ერთ-ერთ ინფიცირებულთან ჰქონდა შეხება. მიუხედავად იმისა, რომ მას ტესტზე უარყოფითი პასუხი მიუვიდა, პროტოკოლის მიხედვით 14 დღის მანძილზე კარანტინის გავლა მოუწევს.

დიდი ალბათობით, კომანი ბუნდესლიგის მეორე ტურის მატჩსაც გამოტოვებს, რომელიც "ჰოფენჰაიმის" წინააღმდეგ გაიმართება და სწორედ ამის შემდეგ დაუბრუნდება გუნდს.

17-09-2020, 23:47

sandro

მეტის ნახვა

ევროპული ფეხბურთის მმართველმა ორგანომ პოზიციების მიხედვით გასული სეზონის საუკეთესო ფეხბურთელის პრიზისთვის მებრძოლთა გვარები დაასახელა.

გასაკვირი არ იქნება თუ გეტყვით, რომ ყველა პოზიციაზე მიუნხენის "ბაიერნის" ფეხბურთელები ჭარბობენ.

გთავაზობთ ყველა ნომინანტის სიას:

მეკარე: კეილორ ნავასი, იან ობლაკი, მანუელ ნოიერი.

მცველი: დავიდ ალაბა, ალფონსო დეივისი, იოზუა კიმიხი.

ნახევარმცველი: კევინ დე ბრუინი, ტიაგო ალკანტარა, თომას მიულერი.

თავდამსხმელი: კილიან მბაპე, ნეიმარი, რობერტ ლევანდოვსკი.

17-09-2020, 18:17

sandro

მეტის ნახვა

პარასკევს გერმანიის ბუნდესლიგის გახსნითი მატჩი გაიმართება, რომელშიც მიუნხენის "ბაიერნი" გელზერკიხენის "შალკეს" უმასპინძლებს.

გერმანიის მთავრობის გადაწყვეტილებით, საფეხბურთო მატჩებზე მაყურებლების დასწრება დაიშვა და ხვალ "ალიანს არენაზე" 7500 გულშემატკივარს ელოდნენ, თუმცა, როგორც ჩანს ხვალ კვლავ ცარიელ ტრიბუნებს ვიხილავთ.

ქალაქ მიუნხენის მერიის გადაწყვეტილებით, ხვალინდელი შეხვედრა დახურულ კარს მიღმა გაიმართება. დიდი ალბათობით, ეს შეზღუდვა მხოლოდ მიუნხენში ჩასატარებელ მატჩს ეხება და ბუნდესლიგის სხვა შეხვედრებში ფანების ხილვას მოვახერხებთ.

17-09-2020, 16:25

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა ტიაგო ალკანტარას მომავალზე კომენტარი გააკეთა.

"ტიაგო ექსტრაორდინალური ფეხბურთელია და ძალიან მნიშვნელოვანი წევრი გახლდათ ჩვენი გუნდისთვის. ჩემთვის დიდი პატივი იყო მასთან ერთად მუშაობა."

"დღეს ძალიან ემოციური დღეა, რადგან ის დაგვემშვიდობა. მინდა მივულოცო "ლივერპულს" ძალიან კარგი ფეხბურთელის და რაც მთავარია ძალიან კარგი ადამიანის დამატება." - აცხადებს ფლიკი.

17-09-2020, 16:12

sandro

მეტის ნახვა

„ევროპაბეთი“ ინდუსტრიაში თამაშის წესების შეცვლას განაგრძობს და მომხმარებლებს მაგიდის თამაშების ახალ, უკონკურენტო რეალობას სთავაზობს. დღეიდან და სამუდამოდ ნარდი, ბურა და დომინო „ევროპაბეთზე“ სრულიად უფასო ხდება. პოპულარული სამაგიდო თამაშებით გართობას მსურველები 0%-ანი კომპანიის წილით და ნულოვანი ბალანსით შეძლებენ.

„ევროპაბეთი“ მაგიდის თამაშების ყველაზე მსხვილი პლატფორმაა რეგიონში. პორტალზე სამაგიდო თამაშებს ერთდროულად 10 000-ზე მეტი ადამიანი თამაშობს. კომპანიის უპრეცედენტო ინიციატივის შედეგად მოთამაშეები ერთმანეთს სრულიად უფასოდ, მხოლოდ სიამოვნებისთვის ეთამაშებიან.

ლაშა გოგუა, ევროპაბეთის მარკეტინგის დირექტორი: “ ჩვენი ეს გადაწყვეტილება კიდევ ერთხელ ახალ წესებს სთავაზობს სათამაშო ბიზნესს. თუმცა მსგავს ნაბიჯებს ევროპაბეთისგან ვფიქრობ საზოგადოება უკვე მიეჩვია. პასუხისმგებლიანი თამაშის და ოპერირების პოლიტიკა ბევრ უპრეცედენტო ინიციატივას გულისხმობს.

უფასო სამაგიდო თამაშების შეთავაზება ყველაზე ზუსტად ეხმიანება ჩვენი კომპანიის სლოგანს „ითამაშე, მხოლოდ სიამოვნებისთვის!“

პანდემიის პერიოდში ამ პროდუქტების მოხმარება მნიშვნელოვნად გაიზარდა და ევროპაბეთის სამაგიდო თამაშების პორტალი რეგიონალური მნიშვნელობის გახდა. ამ ფაქტის და ზოგადად გაზრდილი მოთხოვნის გათვალისწინებით, მივიღეთ გადაწყვეტილება პოპულარული თამაშები კიდევ უფრო ხელმისაწვდომი გაგვეხადა გართობის მსურველებისთვის.

დღეიდან ევროპაბეთი უარს ამბობს იმ სოლიდურ მოგებაზე, რომელსაც როგორც წესი ნარდის, ბურასა და დომინოს თამაშისას მომხმარებელი კომპანიას უხდის და ნებისმიერ მსურველს აძლევს საშუალებას ითამაშოს პოპულარული თამაშები მხოლოდ სიამოვნებისთვის. რაც მთავარია, ბოლო თვეების გამოცდილებამ აჩვენა, რომ ჩვენი პლატფორმა ყველაზე დიდი პორტალია რეგიონში, სადაც ერთდროულად ათასობით ადამიანს შეუძლია ყოველგვარი შეფერხების გარეშე ითამაშოს.“

უალტერნატივო პირობების გარდა ევროპაბეთის სამაგიდო თამაშების განყოფილება არაერთ ექსკლუზიურ პროდუქტსაც სთავაზობს მომხარებელს.

• წაგების დაზღვევის ფუნქციონალი

ბურას, ნარდისა და დომინოს ქეშ მაგიდებზე ევროპაბეთზე ექსკლუზიური „დაზღვეული ხელი“ მოქმედებს. თამაშის დაწყების შემდეგ, დაზღვეული მაგიდა შემთხვევითობის პრინციპით ირჩევა და წაგებულ მოთამაშეს რეალური ფული ანგარიშზე სრულად უბრუნდება. ექსკლუზიური ფუნქციონალით უკვე დაზღვეულია 252 380-ზე მეტი ხელი და ამ მოთამაშეებისთვის ჯამში დაბრუნებულია 412 800 ლარი.

• მრავალფეროვანი უფასო ტურნირები

მხოლოდ ევროპაბეთზე მოთამაშეებს აქვთ შესაძლებლობა ითამაშონ 5 კარტა ბურას და გრძელი ნარდის უფასო ტურნირები. მომხმარებელს საშუალება აქვს უფასოდ ჩაერთოს ფრიროლების ყველაზე დიდ სერიაში და ყოველ საათში ერთხელ მოიგოს ფულადი პრიზები.

• სპინ ტურნირები

სამაგიდო თამაშების თითოეულ სახეობაში სპინ თამაშების მრავალფეროვანი ჩამონათვალია. მათ შორის გამორჩეულია 5+1 სპინ ტურნირები. რომლის ფარგლებშიც მოთამაშეები ყოველ მეექვსე ტურნირს უფასოდ თამაშობენ. როცა მოთამაშე მონაწილეობას იღებს ნარდის, ბურასა და დომინოს 5 ერთნაირ სპინ ტურნირში, ის მსგავს ტურნირზე რეგისტრაციისთვის მომდევნო ბილეთს იღებს უფასოდ. დღის განმავლობაში შესაძლებელია სულ 10 სხვადასხვა სპინ ტურნირის უფასო ბილეთის მიღება.

„ევროპაბეთის“ რეგიონის ყველაზე დიდ პორტალზე თითოეულ სამაგიდო თამაშში შესაძლებელია როგორც ინდივიდუალური თამაშის შექმნა საკუთარი წესებით, ისე სხვა მომხმარებლების მიერ შექმნილ თამაშებში მონაწილეობა.

17-09-2020, 15:17

sandro

მეტის ნახვა

როგორც ჩანს, ტიაგო ალკანტარას ირგვლივ დაწყებული სატრანსფერო საგა უახლოეს დროში საბოლოოდ დასრულდება.

სანდო ბრიტანელი ჟურნალისტის, დევიდ ორნშტეინის ინფორმაციით, მიუნხენის "ბაიერნსა" და "ლივერპულს" შორის საბოლოო შეთანხმება შედგა და 29 წლის ნახევარმცველი მერსისაიდელთა რიგებში გადაბარგდება.

წყაროს ცნობით, ინგლისური გუნდი დათანხმდა 30 მილიონი ევროს გადახდას ტიაგოს სანაცვლოდ. ტრანსფერი კი სავარაუდოდ უახლოეს საათებში დადასტურდება.

შეგახსენებთ, რომ ესპანელი ნახევარმცველი უკვე დიდი ხანია რაც "ბაიერნიდან" წასვლას ითხოვს.

17-09-2020, 14:33

sandro

მეტის ნახვა

გთავაზობთ მიუნხენის "ბაიერნის" ყველა ფეხბურთელის განახლებულ სატრანსფერო ღირებულებას Transfermarkt-ის მონაცემებით:

16-09-2020, 23:18

sandro

მეტის ნახვა

ბოლო დროს აქტიურად მიდის საუბრები იმის შესახებ, რომ მიუნხენის "ბაიერნი" და დავიდ ალაბა ახალ კონტრაქტზე შეთანხმებას ვერ აღწევენ.

ავსტრიელმა მცველმა აღნიშნული ინფორმაცია დაადასტურა და საინტერესო განცხადებაც გააკეთა.

"მე მიყვარს "ბაიერნი". ეს ჩემი ოჯახია და ამ თემაზე საუბარი არ მსიამოვნებს, თუმცა, ნათელია, რომ ახალი ხელშეკრულების თაობაზე შეთანხმება ვერ ხერხდება."

"დიდი იმედი მაქვს, რომ საბოლოოდ ყველაფერი გაირკვევა და საერთო ენის გამონახვას მოვახერხებთ." - აცხადებს ალაბა.

16-09-2020, 23:14

sandro

მეტის ნახვა

ავტორიტეტულმა გერმანულმა გამოცემა Transfermarkt-მა მიუნხენის "ბაიერნის" ფეხბურთელების განახლებული ფასები გამოაქვეყნა.

გასაკვირი არ იქნება თუ გეტყვით, რომ მოთამაშეების უმრავლესობის ღირებულება გაიზარდა. განსაკუთრებით კი აღსანიშნია იოზუა კიმიხის, ალფონსო დეივისისა და სერჟ გნაბრის ფასები.

გერმანელი საყრდენი ნახევარმცველის ღირებულებამ 10 მილიონი ევროთი მოიმატა და უკვე 85 მილიონ ევროს შეადგენს, რითაც ის ყველაზე ძვირადღირებული მოთამაშეა თავის პოზიციაზე.

რაც შეეხებათ სერჟ გნაბრისა და ალფონსო დეივისს, ამ მოთამაშეების ფასები შესაბამისად 18 და 20 მილიონით გაიზარდა და 90 და 80 მილიონ ევროს შეადგენს.

16-09-2020, 23:08

sandro

მეტის ნახვა

ავტორიტეტულმა გამოცემა Transfermarkt-მა ბუნდესლიგის ყველაზე ძვირადღირებული ფეხბურთელების სიმბოლური ნაკრები გამოაქვეყნა.

აღსანიშნავია, რომ თერთმეტეულში მიუნხენის "ბაიერნის" ერთბაშად 8 ფეხბურთელი მოხვდა.

სრული შემადგენლობა შემდეგნაირად გამოიყურება:

16-09-2020, 22:57

sandro

მეტის ნახვა

ბუნდესლიგის პირველ ტურში მიუნხენის "ბაიერნი" გელზერკიხენის "შალკეს" უმასპინძლებს. შეხვედრა პარასკევს, 18 სექტემბერს გაიმართება.

გთავაზობთ "რეკორდმაისტერის" სავარაუდო სასტარტო თერთმეტეულს მომავალი დაპირისპირებისთვის.

ნოიერი - პავარი, ზულე, ალაბა, დეივისი - კიმიხი, გორეცკა - გნაბრი, მიულერი, სანე - ლევანდოვსკი.

16-09-2020, 14:41

sandro

მეტის ნახვა

მიუნხენის "ბაიერნის" ლიდერმა, რობერტ ლევანდოვსკიმ მომავალი სეზონის გეგმებზე ისაუბრა.

"მომდევნო სეზონი ყველა კლუბისთვის და ფეხბურთელისთვის ურთულესი იქნება. შესაძლოა, ასეთი მძიმე სეზონი არავის ჰქონია ისტორიაში. ყოველ 3 დღეში თამაში შესვენების გარეშე."

"ჩვენ მზად უნდა ვიყოთ არა მხოლოდ საფეხბურთო უნარების კუთხით, არამედ ფიზიკურადაც." - აცხადებს პოლონელი.

16-09-2020, 00:48

sandro

მეტის ნახვა

მიმდინარე კვირას ბუნდესლიგის 2020/21 წლების სეზონი აიღებს სტარტს.

მიუნხენის "ბაიერნი" პირველ ტურში გელზერკიხენის "შალკეს" უმასპინძლებს და რაც მთავარია, გულშემატკივრებთან ერთად.

გერმანიის ფედერაციის მთავრობის გადაწყვეტილებით, სტადიონებზე ფანების დაშვება ნებადართული გახდა. ამიერიდან ოქტომბრის ბოლომდე გუნდებს ტრიბუნების 20%ის შევსების უფლება ექნებათ.

16-09-2020, 00:30

sandro

მეტის ნახვა

ავტორიტეტულმა ფინანსურმა გამოცემა Forbes-მა მსოფლიოს 10 ყველაზე მაღალშემოსავლიანი ფეხბურთელი გამოავლინა.

ათეული მოთამაშეების წლიური ხელფასითა და რეკლამებიდან შემოსული თანხით შედგა და მასში მხოლოდ ერთი "ბაიერნის" ფეხბურთელი მოხვდა, რობერტ ლევანდოვსკის სახით.

სრული ათეული შემდეგნაირად გამოიყურება:

15-09-2020, 17:59

sandro

მეტის ნახვა

მიუნხენის "ბაიერნმა" 2020/21 წლების სეზონისთვის ვარჯიშები განაახლა, თუმცა, სამწუხაროდ დანაკლისით.

გერმანული გამოცემა Sky-ს ინფორმაციით, "რეკორდმაისტერის" ვარჯიშებში მონაწილეობას არ იღებს კინგსლი კომანი. ჯერ-ჯერობით უცნობია, რა სახის ტრავმასთან გვაქვს საქმე, თუმცა, ფრანგი ამ დრომდე ვერ ახერხებს ვარჯიშს.

სამაგიეროდ, არის სასიხარულო ინფორმაციაც. ხავი მარტინესმა, რომელიც ბოლო პერიოდში განცალკევებით ვარჯიშობდა, ტრავმა სრულად მოიშუშა და ძირითად გუნდს შეუერთდა. იგი მატჩებში მონაწილეობის მისაღებად მზადაა.

შეგახსენებთ, რომ მიუნხენის "ბაიერნი" ბუნდესლიგის გახსნით ტურში 18 სექტემბერს, გელზერკიხენის "შალკეს" დაუპირისპირდება.

15-09-2020, 14:11

sandro

მეტის ნახვა