მანჩესტერ "სიტის" ნახევარმცველმა, ილქაი გუნდოგანმა იმ ფეხბურთელების სიმბოლური ნაკრები დაასახელა, რომლებთან ერთადაც ოდესმე უთამაშია.

თერთმეტეულში "ბაიერნის" ყოფილი თუ მოქმედი ფეხბურთელებიდან 5 მოხვდა. ესენი არიან ფილიპ ლამი, მატს ჰუმელსი, მარიო გიოტცე, რობერტ ლევანდოვსკი და ლეროი სანე.

სრული თერთმეტეული შემდეგნაირად გამოიყურება:

10-03-2021, 21:34

sandro

მეტის ნახვა

მიუნხენის "ბაიერნმა" ცენტრალური მცველის, ჟერომ ბოატენგის კონტრაქტის თაობაზე საბოლოო გადაწყვეტილება მიიღო.

გერმანული გამოცემების ინფორმაციით, "რეკორდმაისტერი" ვეტერან მცველთან კონტრაქტს არ გაახანგრძლივებს და ეს უკანასკნელი სეზონის დასრულების შემდეგ კლუბს დატოვებს.

მიზეზი ორია. პირველი ის, რომ კლუბმა დაიოტ უპამეკანო შეიძინა. მეორე კი - ბოატენგს ერთ-ერთი ყველაზე მაღალანაზღაურებად მოთამაშეა გუნდში და მიუნხენელები მისი გაშვებით ფინანსურ სარგებელს მიიღებენ. თანაც, ბოატენგი ბოლო პერიოდში ბევრს ტრავმიანობს.

წყაროს ცნობით, მხარეებს შორის მოლაპარაკებები აღარ გაიმართება და კონტრაქტის ვადის ამოწურვის შემდეგ, ანუ სეზონის ბოლოს ბოატენგი აუცილებლად წავა "ბაიერნიდან".

10-03-2021, 20:38

sandro

მეტის ნახვა

მას შემდგომ, რაც დადასტურდა რომ ევროპის ჩემპიონატის დასრულების შემდეგ იოახიმ ლიოვი გერმანიის ნაკრებს დატოვებს, არ წყდება საუბრები მის პოტენციურ შემცვლელთან დაკავშირებით.

ბუნდესნაკრების გულშემატკივრებმა "ბაიერნის" ყოფილი დამრიგებლის, იუპ ჰაინკესის საინტერესო ინტერვიუ ამოქექეს 2017 წლიდან.

"როდესაც მე ვიქნები 80 წლის და ლიოვს აღარ ენდომება გერმანიის ნაკრებში მუშაობა, მე მას ჩავანაცვლებ." - განაცხადა მაშინ იუპმა.

რა თქმა უნდა, ეს განცხადება მან ხუმრობით გააკეთა. თუმცა, არაერთი გულშემატკივარი მიიჩნევს, რომ 75 წლის ასაკში ჰაინკესს კვლავ შეუძლია მაღალ დონეზე გაწვრთნას გუნდი. თანაც, იმ ფაქტსაც თუ გავითვალისწინებთ, რომ ნაკრებში მუშაობა გაცილებით ნაკრებ ენერგიას მოითხოვს, ვიდრე კლუბი.

10-03-2021, 15:39

sandro

მეტის ნახვა

კორონავირუსისგან გამოწვეული შეზღუდვები რომ საფეხბურთო კლუბებზე მძიმედ მოქმედებს, ეს ამბავი არახალია. გამონაკლისი არც მიუნხენის "ბაიერნი" გახლავთ.

გერმანულმა გამოცემებმა დათვალეს და აღმოჩნდა, რომ მხოლოდ ბილეთების ვერ გაყიდვის გამო "რეკორდმაისტერმა" 23 საშინაო მატჩის მანძილზე არც მეტი არც ნაკლები 100 მილიონი ევრო დაკარგა.

ამ თანხაში არ არის გათვალისწინებული ის თანხები, რომელიც "ალიანს არენას" მუზემის სტუმრებისგან თუ სტადიონზე გაყიდული მაისურებით უნდა მიეღო კლუბს. ამ შემთხვევაში ციფრები დაახლოებით გაორმაგდებოდა.

9-03-2021, 23:38

sandro

მეტის ნახვა

როგორც ჩანს, მიუნხენის "ბაიერნში" მომავლის გეგმები უკვე დაწყობილი აქვთ. გერმანული Sky-ს ინფორმაციით, კლუბში უკვე იციან, თუ ვინ ჩაიბარებს კაპიტნის სამკლაურს მანუელ ნოიერის წასვლის შემდეგ.

წყაროს ცნობით, ეს ფეხბურთელი იოზუა კიმიხი იქნება. "რეკორდმაისტერში" ფიქრობენ, რომ 26 წლის ნახევარმცველს ყველა ის თვისება გააჩნია, რაც ამ გუნდის ლიდერს სჭირდება.

შეგახსენებთ, რომ ამჟამად "ბაიერნის" ვიცე კაპიტანი თომას მიულერია. თუმცა, დიდი ალბათობით იმ პერიოდშისთვის, როცა ნოიერი კლუბს დატოვებს, არც მიულერი იქნება "რეკორდმაისტერის" ფეხბურთელი.

9-03-2021, 23:25

sandro

მეტის ნახვა

9 მარტს გერმანიის ფეხბურთის ფედერაციამ ოფიციალურად დაადასტურა, რომ ევროპის ჩემპიონატის შემდეგ იოახიმ ლიოვი ნაკრებს დატოვებს.

გამოცდილმა სპეციალისტმა ბუნდესნაკრები 2006 წელს ჩაიბარა და მის ხელში არაერთი თაობა გაიზარდა. მისმა ნაკრებმა 2014 წელს მუნდიალის მოგებაც მოახერხა.

ალბათ საინტერესოა, როგორ გამოიყურება ყველა იმ ფეხბურთელისგან შემდგარი სიმბოლური ნაკრები, ვისაც ლიოვის ფორმაციის გერმანიის ნაკრებში უთამაშია.

გთავაზობთ საუკეთესო თერთმეტეულს ჩვენი საიტის ვერსიით:

ნოიერი - კიმიხი, ბოატენგი, ჰუმელსი, ლამი - კროოსი, შვაინშტაიგერი - მიულერი, იოზილი, პოდოლსკი - კლოზე.

9-03-2021, 22:58

sandro

მეტის ნახვა

ბოლო პერიოდში აქტიურად იწერება იმის შესახებ, რომ ევრო 2020-ის დასრულების შემდეგ გერმანიის ეროვნულ ნაკრებს სათავეში იურგენ კლოპი ჩაუდგება.

იოახიმ ლიოვის ოფიციალურად წასვლის შემდეგ მერსისაიდელთა დამრიგებელმა ხსენებულ თემაზე კომენტარი გააკეთა.

"არა, არ შეიძლება, რომ მე გერმანიის ნაკრების პოტენციურ მწვრთნელად განმიხილოთ, რადგან "ლივერპულთან" კონტრაქტი 3 წლით მაკავშირებს. სიტუაცია მარტივია, შენ გაქვს კონტრაქტი და ის ბოლომდე უნდა მიიყვანო."

"ლიოვი უმაღლესი დონის მწვრთნელია, რომელმაც გერმანიის ნაკრებში წლების მანძილზე დიდ წარმატებას მიაღწია." - აცხადებს კლოპი.

9-03-2021, 20:53

sandro

მეტის ნახვა

შესაძლოა, სულ მალე მსოფლიო ფეხბურთის ისტორიაში ერთ-ერთი უდიდესი ცვლილება ვიხილოთ.

ბრიტანული გამოცემა Telegraph-ის ინფორმაციით, ევროპული კლუბების ასოციაციის შეხვედრაზე იდეა გაჟღერდა, რომლის მიხედვითაც ჩემპიონთა ლიგაზე მონაწილე კლუბებს შორის ტრანსფერები, შეიძლება, აიკრძალოს.

წყაროს ცნობით, ეს იდეა ასოციაციის პრეზიდენტმა, ანდრეა ანიელიმ გააჟღერა და მიზნად ისახავს, გრანდებს შორის ტრანსფერების აკრძალვას. მისი თქმით, კლუბებმა შედარებით დაბალი დონის ქვეყნების ჩემპიონებიდან უნდა განახორციელონ ტრანსფერები.

მისი თქმით, ასევე უნდა აიკრძალოს სამგზიანი ტრანსფერები, რათა გრანდებმა ვერ მოახერხონ რომელიმე მესამე მხარის ჩარევით ფეხბურთელების ერთმანეთში გაყიდვა.

ჯერ-ჯერობით უცნობია, რამდენად დაუჭერენ მხარს ამ მოსაზრებას ევროპული კლუბების პრეზიდენტები.

9-03-2021, 20:26

sandro

მეტის ნახვა

გერმანიის ეროვნული ნაკრების მთავარმა მწვრთნელმა, იოახიმ ლიოვმა დღეს გაჟღერებულ გადაწყვეტილებაზე პირველი კომენტარი გააკეთა.

"ამ ნაბიჯს ვდგამ დიდი ფიქრის შემდეგ, სრულიად ამაყი და მადლობელი."

"ამაყი ვარ იმის გამო, პატივი მქონდა დიდი ხნის განმავლობაში ვყოფილიყავი ქვეყნის სამსახურში. მე თითქმის 17 წლის მანძილზე შანსი მომეცა გერმანიის საუკეთესო ფეხბურთელებთან ერთად მემუშავა."

"მე არაერთი დიდებული გამარჯვება და მტკივნეული მარცხი მქონდა ნაკრებში, თუმცა, ჩემთვის აქ გატარებული ყოველი წუთი დასამახსოვრებელია. სამუდამოდ დავრჩები გერმანიის ნაკრების ქომაგი."

"ეს გადაწყვეტილება ჩემს მუშაობაზე გავლენას არ მოახდენს. ევროპის ჩემპიონატზე ისეთივე შემართებით გავუძღვები გუნდს, როგორც აქამდე. ყველაფერს გავაკეთებთ, რათა ტიტულის მოგება მოვახერხოთ." - აცხადებს ლიოვი.

9-03-2021, 20:15

sandro

მეტის ნახვა

დღეს გერმანიის ფეხბურთის ფედერაციის ოფიციალურმა საიტმა დაადასტურა, რომ ევროპის ჩემპიონატის დამთავრების შემდეგ ეროვნული ნაკრების მთავარი მწვრთნელის პოსტს იოახიმ ლიოვი დატოვებს.

გერმანული გამოცემების ინფორმაციით, ბუნდესნაკრებში 61 წლის სპეციალისტის სავარაუდო შემცვლელები უკვე არჩეული ჰყავს და კანდიდატი ორია. ესენი არიან იურგენ კლოპი და ჰანს ფლიკი.

"ლივერპულის" დამრიგებელზე უკვე დიდი ხანია რაც პრესაში იწერება და ვარაუდობენ, რომ კლუბში არცთუ სახარბიელო სიტუაციის შემდეგ სეზონის ბოლოს ის მერსისაიდელთა რიგებს დატოვებს.

რაც შეეხება ფლიკს, წყაროს ცნობით ის გერმანიის ფეხბურთის ფედერაციის პირველი არჩევანია და თანხმობის შემთხვევაში სწორედ ის ჩაიბარებს პოსტს.

9-03-2021, 19:03

sandro

მეტის ნახვა

გერმანიის ფეხბურთის ფედერაციამ მნიშვნელოვანი გადაწყვეტილება გააჟღერა.

ზაფხულში გასამართი ევროპის ჩემპიონატის შემდეგ ეროვნული ნაკრების მთავარი მწვრთნელის პოსტს იოახიმ ლიოვი დატოვებს.

ჯერ-ჯერობით უცნობია, ვინ ჩაიბარებს აღნიშნულ თანამდებობას. ბრიტანული გამოცემები ვარაუდობენ, რომ იურგენ კლოპი მზად არის დათანხმდეს გერმანიის ფედერაციის წინადადებას.

შეგახსენებთ, რომ ლიოვი ბუნდესნაკრებს სათავეში 2006 წლიდან ედგა.

9-03-2021, 14:16

sandro

მეტის ნახვა

კინგსლი კომანის კონტრაქტთან დაკავშირებით ახალი ინფორმაცია ვრცელდება.

გერმანული გამოცემა Kicker-ის ინფორმაციით, არ არის გამორიცხული ახალგაზრდა ვინგერმა უახლოეს მომავალში "ბაიერნის" რიგები დატოვოს.

როგორც ცნობილია, ფრანგმა ფეხბურთელმა "ბაიერნის" ბოლო შეთავაზება კონტრაქტის გახანგრძლივებასთან დაკავშირებით უარით გაისტუმრა. ამჟამად კი მოლაპარაკებები ჩიხშია შესული და გაჩერებულია.

მოგეხსენებათ, გასულ ზაფხულს კომანს "მანჩესტერმა" სარფიანი წინადადება შესთავაზა და როგორც ჩანს, ფრანგსაც ეს ოფერი საკმაოდ ხიბლავს.

შეგახსენებთ, რომ კომანს "ბაიერნთან" კონტრაქტი 2023 წელს ეწურება.

8-03-2021, 15:02

sandro

მეტის ნახვა

გერმანიის ბუნდესლიგის 24-ე ტურში მიუნხენის "ბაიერნმა" დორტმუნდის "ბორუსია" მიიღო და 4:2 დაამარცხა.

კარგი გარჯა სათანადოდ დაუფასდათ "რეკორდმაისტერის" შემტევებს და გუნდის 3 ფეხბურთელი ტურის სიმბოლურ ნაკრებში მოხვდა. ესენი არიან ლეროი სანე, ლეონ გორეცკა და რობერტ ლევანდოვსკი.

სრულად გასული ტურის საუკეთესო თერთმეტეული შემდეგნაირად გამოიყურება:

8-03-2021, 14:53

sandro

მეტის ნახვა

ბუნდესლიგის დასრულებამდე 10 ტურით ადრე რობერტ ლევანდოვსკის აქვს შანსი გერდ მიულერის რეკორდი გააუმჯობესოს. იმ შემთხვევაში, თუ ის დარჩენილ მატჩებში 10 გოლს გაიტანს, ყველა დროის საუკეთესო შედეგს დაამყარებს.

პოლონელმა თავდამსხმელმა ამ თემასთან დაკავშირებით საინტერესო განცხადება გააკეთა.

"მიულერის რეკორდი? მხოლოდ ერთი რამის თქმა შემიძლია. წინ კიდევ 9 გოლია გასატანი."

"ეს საკმაოდ დიდი რაოდენობაა. რეკორდზე ამჟამად საერთოდ არ ვფიქრობ. ამისთვის ძალიან ადრეა." - აცხადებს ლევანდოვსკი.

8-03-2021, 14:51

sandro

მეტის ნახვა

გერმანიის ბუნდესლიგის დასრულებამდე 10 ტურით ადრე ჩემპიონის ტიტულის მოსაგებად ორი გუნდი, მიუნხენის "ბაიერნი" და "ლაიფციგი" იბრძვის.

ამ კლუბებს შორის სხვაობა მხოლოდ 2 ქულას შეადგენს და ძნელი წარმოსადგენია, რომ მათ რომელიმე სხვა გუნდი დაეწიოს.

შეიძლება ითქვას, რომ დარჩენილ 10 ტურში შედარებით უფრო მარტივი კალენდარი "ბაიერნს" აქვს, რადგან ფლიკის შეგირდებმა ცხრილის ზედა ნაწილში მყოფი გუნდების წინააღმდეგ თამაშები უკვე მოითავეს.

თუმცა, ასევე აღსანიშნავია, რომ "ბაიერნსა" და "ლაიფციგს" ერთმანეთთან დაპირისპირება 27-ე ტურში უწევთ და შეიძლება ითქვას, რომ ეს შეხვედრა ბევრ რამეს გადაწყვეტს.

სრულად გუნდების კალენდარი შემდეგნაირად გამოიყურება (A ნიშნავს გასვლით მატჩს, H საშინაო მატჩს):

8-03-2021, 14:38

sandro

მეტის ნახვა

ინგლისის პრემიერლიგის 27-ე ტურში მანჩესტერ "სიტიმ" საკუთარ კედლებში თანაქალაქელი "იუნაიტედი" მიიღო და ანგარიშით 0:2 დამარცხდა.

ეს მატჩი "ბაიერნის" ფანებისთვის ერთი ფაქტით გახლდათ გამორჩეული. "ქალაქელთა" მარცხის გამო "რეკორდმაისტერის" რეკორდი კვლავ ხელუხლებელია.

კერძოდ, "სიტის" ამ მატჩამდე ზედიზედ 21 შეხვედრაში ჰქონდა გამარჯვება მოპოვებული. 21-ე საუკუნეში კი ევროპაში საუკეთესო შედეგი მიუნხენის "ბაიერნს" ეკუთვნის.

ფლიკის დამოძღვრილმა გუნდმა 2019/20 წლების სეზონში ზედიზედ 23-ჯერ შეძლო გამარჯვების მოპოვება, რაც 21-ე საუკუნეში ევროპულ კლუბებს შორის საუკეთესო შედეგია.

მეორე ადგილზე მადრიდის "რეალი" იმყოფება, რომელმაც 2014-15 წლებში ზედიზედ 22-ჯერ იმარჯვა. "სიტის" მიღწევა კი მხოლოდ მესამეა.

7-03-2021, 23:09

sandro

მეტის ნახვა