მიუნხენის "ბაიერნის" ლეგენდამ, ოლივერ კანმა საკლუბო კარიერა გაიხსენა და აღნიშნა, რომ მას "მანჩესტერში" გადასვლის შანსი ჰქონდა.

"სერ ალექს ფერგიუსონი დღემდე ძალიან გაბრაზებულია ჩემზე იმის გამო, რომ მე "მანჩესტერში" არ გადავედი სათამაშოდ."

"ის ფიქრობდა, რომ 2003 ან 2004 წელს მე მის კლუბში გადავიდოდი. თუმცა, მე მსურდა, რომ "ბაიერნში" ეპოქა შემექმნა და ჩემი თავი კლუბისთვის მიმეძღვნა."

"დღევანდელი გადმოსახედიდან როდესაც ვუყურებ ვფიქრობ, რომ ეს უნდა გამეკეთებინა. ინგლისში თამაში ნამდვილად დიდი გამოწვევა იქნებოდა." - იხსენებს კანი. 

19-02-2021, 23:26

sandro

მეტის ნახვა

დღეს მიუნხენის "ბაიერნის" ოფიციალურმა საიტმა დაადასტურა, რომ კორენტინ ტოლისომ მარცხენა ფეხზე ოპერაცია ჩაიტარა, რის გამოც დიდი ხნის მანძილზე ვერ დაეხმარება კლუბს.

გერმანული გამოცემების ინფორმაციით, გარდა საკადრო პრობლემებისა, ტოლისოს ტრავმამ კლუბს ფინანსური ზარალიც მიაყენა.

წყაროს ცნობით, მიუნხენელებს ფრანგი ნახევარმცველის გაყიდვა ზაფხულში დაახლოებით 25 მილიონ ევროდ სურდა და ამის რეალური შანსიც არსებობდა, თუმცა, ახლა სიტუაცია შეიცვალა.

ტრავმის გამო ტოლისო დაახლოებით 6 თვეს გამოტოვებს, რაც მის სატრანსფერო ღირებულებას მკვეთრად დააგდებს. გარდა ამისა, მძიმე ტრავმის გამო შესაძლოა, ბევრმა კლუბმა უარი განაცხადოს მის შეძენაზე.

იმის ფონზე, რომ "ბაიერნმა" უკვე განახორციელა ზაფხულის ერთი ხმაურიანი ტრანსფერი, დაიოტ უპამეკანოს სახით, სავარაუდოა, რომ ტოლისოს ვერ გაყიდვით კლუბი სერიოზულად იზარალებს და არ არის გამორიცხული, ამის გამო "რეკორდმაისტერმა" რამდენიმე დაგეგმილი ტრანსფერი ვერ განახორციელოს.

19-02-2021, 22:49

sandro

მეტის ნახვა

მიუნხენის "ბაიერნის" რიგებში ტრავმაინობა გრძელდება. მორიგი დაშავებული კორენტინ ტოლისოა.

კლუბის ოფიციალური საიტის ინფორმაციით, ახალგაზრდა ნახევარმცველმა ხუთშაბათს გამართულ ვარჯიშზე მარცხენა ბარძაყის კუნთი გაიწყვიტა.

წყაროს ცნობით, ფრანგმა ფეხბურთელმა დღეს, პარასკევს უკვე ჩაიტარა ოპერაცია და ის გუნდს დიდი ხნის მანძილზე გამოაკლდა.

დიდი ალბათობით, ტოლისოსთვის 2020/21 წლების სეზონი უკვე დასრულებულია. ასევე ძნელად სავარაუდოა, რომ მან ევროპის ჩემპიონატამდე შეძლოს დაბრუნება.

19-02-2021, 20:44

sandro

მეტის ნახვა

გერმანიის ბუნდესლიგის 22-ე ტურის შეხვედრაში მიუნხენის "ბაიერნი" სტუმრად ფრანქფურტის "აინტრახტს" დაუპირისპირდება.

გთავაზობთ "რეკორდმაისტერის" სავარაუდო შემადგენლობას მომავალი მატჩისთვის.

ნოიერი - ზულე, ალაბა, ერნანდესი, დეივისი - კიმიხი, გორეცკა - სანე, მუსიალა, კომანი - ლევანდოვსკი.

19-02-2021, 19:01

sandro

მეტის ნახვა

მიუნხენის "ბაიერნის" რიგებში საკადრო პრობლემები გრძელდება.

კლუბის ოფიციალური საიტის ცნობით, მარჯვენა მცველს, ბენჟამინ პავარს კორონავირუსი დაუდასტურდა.

ფრანგი ფეხბურთელი გუნდისგან იზოლირებულია და ამჟამად თავს კარგად გრძნობს. როგორც ცნობილია, პავარს ტესტზე დადებითი პასუხი დღეს, ხუთშაბათს მიუვიდა.

შეგახსენებთ, რომ კორონავირუსის გამო "ბაიერნს" ასევე თომას მიულერიც გამოაკლდა. ორივე ხსენებული ფეხბურთელი "ლაციოს" წინააღმდეგ გასამართ მატჩში მონაწილეობას ვერ მიიღებს.

18-02-2021, 12:53

sandro

მეტის ნახვა

მიუნხენის "ბაიერნის" აღმასრულებელმა დირექტორმა, კარლ-ჰაინც რუმენიგემ მესისა და რონალდუზე საინტერესო განცხადებები გააკეთა.

"სიმართლე გითხრათ, ძალიან გამეცინა, როდესაც მესის კონტრაქტის დეტალები გავიგე. ერთადერთი რაც შემიძლია გავაკეთო არის ის, რომ მივულოცო ლეოს ასტრონომიული თანხების მიღება."

"ვფიქრობ, ასეთი ხელფასები ოდნავ უსამართლობაა. შესაცვლელია სისტემა."

"რონალდუ? როდესაც "იუვენტუსმა" ის იყიდა მაინტერესებდა რა მოხდებოდა და ვფიქრობ, ყველაფერი ორივე მხარისთვის კარგად წავიდა."

"ტურინში ყოფნის დროს ბაზას ვესტუმრე და კრიშტიანუ მაისურის გარეშე იყო. ასეთი სხეული ცხოვრებაში ძალიან იშვიათად მინახავს. ის წლების მანძილზე შეძლებს უმაღლეს დონეზე ყოფნას." - აცხადებს რუმენიგე.

17-02-2021, 15:43

sandro

მეტის ნახვა

რამდენიმე დღის წინ გერმანულმა გამოცემებმა სამწუხარო ინფორმაცია გაავრცელეს. ჟერომ ბოატენგის ყოფილმა მეგობარმა გოგონამ, კასია ლენჰარდტმა სიცოცხლე თვითმკვლელობით დაასრულა.

ამ ფაქტს დიდი გამოხმაურება მოჰყვა გერმანიაში. ერთ-ერთმა მოდელმა, მელისა ჰოუმ ახალგაზრდა გოგონას სიკვდილში "ბაიერნის" მცველი დაადანაშაულა.

"კასიას არ ვიცნობდი, თუმცა კოლეგებისგან ვიცი, რომ ბევრი ფეხბურთელი მათ ატყუებს, ვითომ ერთგულები არიან, სინამდვილეში კი ბევრ სხვა გოგოს ხვდებიან."

"სამწუხაროა, რომ ყველაფერი საბოლოოდ სიკვდილით დასრულდა. ვფიქრობ, ამ ყველაფერში დიდი წვლილი ჟერომს მიუძღვის." - აცხადებს მელისა.

მისივე თქმით, იმ პერიოდში, როდესაც ბოატენგი კასიას ხვდებოდა, ჟერომი ასევე აქტიურად ურთიერთობდა მელისასთან და ხშირად წერდა მას სოციალურ ქსელებში.

17-02-2021, 13:36

sandro

მეტის ნახვა

ცნობილმა ბრიტანულმა სტატისტიკურმა კომპანიამ სუპერკომპიუტერის გამოთვლებით ჩემპიონთა ლიგის 2020/21 წლების სეზონის მთავარი ფავორიტები დაასახელა.

ბოლო მონაცემებთან შედარებით სტატისტიკა კიდევ ერთხელ შეიცვალა და მიუნხენის "ბაიერნმა" ფავორიტთა შორის მე-3 ადგილზე გადაინაცვლა.

სუპერკპიუტერი "რეკორდმაისტერის" ჩემპიონობის შანსებს 11%-ით აფასებს. ახლა კლუბს უკვე "მანჩესტერ სიტი" და "ბარსელონა" ასწრებენ, რომელთა შანსებიც შესაბამისად 37 და 13 პროცენტებით ფასდება.

საუკეთესოთა სია სრულად ასე გამოიყურება:

16-02-2021, 21:53

sandro

მეტის ნახვა

მიუნხენის "ბაიერნის" რიგებიდან სასიხარულო სიახლეები ვრცელდება. გუნდის ლაზარეთი ნელ-ნელა იცლება.

დღეს ჩატარებულ გუნდურ ვარჯიშში მონაწილეობა მიიღეს ლეონ გორეცკამ და ხავი მარტინესმა. ორივე მათგანმა სრული დატვირთვით ივარჯიშა და უკვე სათამაშოდ მზად არის.

ასევე სრულ მზადყოფნაშია ჟერომ ბოატენგიც, რომელმაც პირადი მიზეზების გამო "რეკორდმაისტერის" ბოლო 2 შეხვედრა გამოტოვა.

გერმანული გამოცემა BILD-ის ინფორმაციით, სამივე ხსენებული ფეხბურთელი "აინტრახტთან" მატჩისთვის უკვე მზად იქნება.

რაც შეეხებათ ტანგე კუიასის და სერჟ გნაბრის, მათ ინდივიდუალური ვარჯიშები განაახლეს. წყაროს ცნობით, არსებობს ალბათობა იმისა, რომ გერმანელმა ვინგერმა "ლაციოსთან" მომდევნო კვირაში გასამართ მატჩშიც მიიღოს გარკვეული წუთები.

16-02-2021, 20:11

sandro

მეტის ნახვა

სულ ცოტა ხნის წინ დავიდ ალაბამ ოფიციალურად დაადასტურა, რომ სეზონის დასრულების შემდეგ მიუნხენის "ბაიერნს" ტოვებს.

ავსტრიელმა მცველმა ასევე შესაძლო მომავალ კლუბებზეც ისაუბრა.

"ჩემი წარმომადგენლები მუდმივ კავშირში არიან რამდენიმე კლუბთან, მათ შორის ესპანურთანაც. გადაწყვეტილება ჯერ მიღებული არ არის."

"ჩვენ ბევრი ესპანელი ფეხბურთელი გვყოლია გუნდში და ამის წყალობით გარკვეულ დონეზე ვიცი ეს ენა, თუმცა, იდეალურად არა."

"ახალი კლუბის არჩევის დროს ბევრ ფაქტოს გავითვალისწინებ. ამაზე საფიქრად დრო მაქვს. ეს ჩემს კარიერაზე დიდ გავლენას მოახდენს." - აცხადებს ალაბა.

16-02-2021, 17:41

sandro

მეტის ნახვა

მიუნხენის "ბაიერნის" მცველმა, დავიდ ალაბამ ოფიციალურად დაადასტურა, რომ სეზონის დასრულების შემდეგ ის კლუბს ტოვებს.

"მე პერსონალური გადაწყვეტილება მივიღე, რომ ვცადო სიახლეები და სეზონის ბოლოს ახალ კლუბში გადავიდე. ეს მარტივი გადაწყვეტილება არ ყოფილა. მიუნხენში 13 წელი გავატარე და ეს კლუბი ძალიან ბევრს ნიშნავს ჩემთვის."

"საიდუმლო არ არის ის ფაქტი, რომ ჩემი აგენტი სხვა კლუბებთან მოლაპარაკებებს აწარმოებს. ზუსტ დეტალებს ახლო მომავალში გაიგებთ."

"ამ გადაწყვეტილების მიღებაში ბევრმა ფაქტორმა იქონია გავლენა. დიდი ფიქრი დამჭირდა სანამ საბოლოო გადაწყვეტილებას მივიღებდი." - აცხადებს ალაბა.

16-02-2021, 17:17

sandro

მეტის ნახვა

ბოლო პერიოდის განმავლობაში მიდის საუბრები იმის შესახებ, რომ UEFA სულ მალე ჩემპიონთა ლიგის ფორმატს შეცვლის.

აღნიშნული ინფორმაცია "ბაიერნის" აღმასრულებელმა დირექტორმა, კარლ-ჰაინც რუმენიგემ დაადასტურა.

"2024 წლიდან ფორმატი შეიცვლება და ვფიქრობ, გაცილებით უფრო სანახაობრივი გახდება, ვიდრე ახლა არის."

"ჯგუფური ეტაპის ბოლო მატჩები ამჟამად საკმაოდ მოსაწყენი არის ხოლმე. მომავალში კი გაცილებით გართულდება ეტაპების გადალახვა და სანახაობა მოიმატებს." - აცხადებს რუმენიგე.

16-02-2021, 14:01

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "არმინიასთან" ფრედ დასრულებული მატჩის შემდეგ პრესკონფერენციაზე ისაუბრა.

"პირველ ტაიმში თავი კარგად ვერ დავიცავით. მინდვრის საფარი ჩვენი ფეხბურთისთვის იდეალური არ იყო. მაგრამ, მეორე ტაიმში ჩვენი მენტალობა გამოვავლინეთ. დღეს შეიძლება ითქვას, რომ ფრე კარგი შედეგია."

"გვქონდა შეგრძნება, რომ ნებისმიერ მომენტში შეგვეძლო მატჩის დატრიალება. თუმცა, "ბიელფილდმა" დღეს ძალიან კარგი ფეხბურთი ითამაშა, ისეთი, როგორიც მე ძალიან მომწონს."

"ჩვენ ძალიან ბევრი ტრავმირებული გვყავს. ყველა გუნდს აქვს თავისი ლიმიტები. 10 დღის მანძილზე მეოთხე მატჩს ვატარებთ, რაც საკმაოდ რთულია. ვიმედოვნებთ, რომ ხავი მარტინესი და გორეცკა სამშაბათს დაუბრუნდებიან გუნდურ ვარჯიშს."

16-02-2021, 02:13

sandro

მეტის ნახვა

გერმანიის ბუნდესლიგის 21-ე ტურში მიუნხენის "ბაიერნმა" საკუთარ კედლებში ბიელფილდის "არმინია" მიიღო.

შეხვედრა საკმაოდ დაძაბული და სანახაობრივი გამოდგა. "რეკორდმაისტერმა" ორბურთიანი ჩამორჩენა აღმოფხვრა, თუმცა, მოგება ვერ მოახერხა - 3:3.

იხილეთ ფეხბურთელების რეიტინგები გამოცემა Whoscored-ის ვერსიით:

16-02-2021, 01:36

sandro

მეტის ნახვა

"ბაიერნისა" და "არმინიას" შეხვედრის 70-ე წუთზე ალფონსო დეივისმა ულამაზესი დარტყმით მეტოქის კარი აიღო და ანგარიში გაათანაბრა.

იხილეთ ვიდეო.

16-02-2021, 01:10

sandro

მეტის ნახვა

"ბაიერნისა" და "არმინიას" შეხვედრის 58-ე წუთზე კორენტინ ტოლისომ ანგარიშში სხვაობა მინიმუმამდე დაიყვანა - 2:3.

იხილეთ ვიდეო.

16-02-2021, 00:59

sandro

მეტის ნახვა