გერმანიის ბუნდესლიგის 31-ე ტურში მიუნხენის "ბაიერნი" სტუმრად "მაინცს" დაუპირისპირდება.

აღნიშნულ მატჩში "რეკორდმაისტერს" ორი ლიდერი, რობერტ ლევანდოვსკი და სერჟ გნაბრი დაუბრუნდება.

პოლონელმა თავდამსხმელმა ტრავმა სრულიად მოირჩინა და დღეს გუნდთან ერთად სრული დატვირთვით ივარჯიშა. რაც შეეხება გნაბრის, ის კორონავირუსისგან განიკურნა და ახლა ფორმაში დასაბრუნებლად ვარჯიშებს ატარებს.

შეგახსენებთ, რომ "მაინცთან" გამარჯვების შემთხვევაში "ბაიერნი" 3 ტურით ადრე ოფიციალურად გაინაღდებს ჩემპიონის ტიტულს.

21-04-2021, 15:58

sandro

მეტის ნახვა

სამშაბათს, 20 აპრილს სუპერლიგის კლუბებმა ჩემპიონატის დატოვების შესახებ მიიღეს გადაწყვეტილება.

თავდაპირველად, ეს გადაწყვეტილება "სიტიმ" და ლონდონის "ჩელსიმ" მიიღეს, რასაც მალევე შეუერთდნენ პრემიერლიგის დანარჩენი კლუბებიც.

ამ მომენტისთვის სუპერლიგა უკვე 9 კლუბმა დატოვა. გარდა პრემიერლიგის 6 კლუბისა, იგივე გადაწყვეტილება "მილანმა", "ინტერმა" და მადრიდის "ატლეტიკომაც" მიიღეს.

სუპერლიგაში ამ დროისთვის მხოლოდ 3 კლუბი არის დარჩენილი, ესენი არიან "ბარსელონა", "რეალი" და "იუვენტუსი".

გუშინ გაკეთებული განცხადების მიხედვით, ჯერ-ჯერობით პროექტი სრულად გაუქმებული არ არის. რა ნაბიჯს გადადგამენ დარჩენილი კლუბები, ამ მომენტისთვის უცნობია.

21-04-2021, 15:35

sandro

მეტის ნახვა

გერმანიის ბუნდესლიგის 30-ე ტურში მიუნხენის "ბაიერნმა" საკუთარ კედლებში ლევერკუზენის "ბაიერს" უმასპინძლა და 2:0 დაამარცხა.

იმ შემთხვევაში, თუ "რეკორდმაისტერი" მომდევნო ტურში "მაინცის" დამარცხებას მოახერხებს, კლუბი ვადაზე ადრე გაიფორმებს ბუნდესლიგის ჩემპიონის ტიტულს.

გთავაზობთ ფეხბურთელების შეფასებებს "ლევერკუზენთან" მატჩიდან:

21-04-2021, 00:25

sandro

მეტის ნახვა

"ბაიერნისა" და "ლევერკუზენის" შეხვედრის მე-14 წუთზე იოზუა კიმიხმა ანგარიშში სხვაობა ორამდე გაზარდა.

იხილეთ ვიდეო.

20-04-2021, 22:52

sandro

მეტის ნახვა

როგორც ჩანს, ახალი სუპერლიგის შექმნის იდეა ძალიან მალე წარსულს ჩაბარდება.

ბრიტანული გამოცემების ინფორმაციით, ფანების პროტესტისა და UEFA/FIFA-ს გაფრთხილებების შემდეგ ერთბაშად სამ კლუბს სურს სუპერლიგის დატოვება.

თავდაპირველად ინფორმაცია ლონდონის "ჩელსიზე" გაჩნდა, რასაც მალევე მოჰყვა "სიტის" შესახებ ცნობები. სულ ბოლოს გავრცელებული ინფორმაციის თანახმად კი ტურნირიდან გასვლის მსურველთა რიცხვს მადრიდის "ატლეტიკოც" შეუერთდა.

წყაროს ცნობით, დღეს თორმეტივე კლუბის წარმომადგენელი შეიკრიბება და ახლიდან განიხილავენ სუპერლიგის შესაძლო მომავალს.

20-04-2021, 22:28

sandro

მეტის ნახვა

მიუნხენის "ბაიერნის" დირექტორთა საბჭოს წევრმა, კარლ-ჰაინც რუმენიგემ ევროპის სუპერლიგის ერთ-ერთ დამაარსებელ ანდრეა ანიელიზე კომენტარი გააკეთა.

"მე მსურს რომ ანიელის გავესაუბრო. მასთან რამდენჯერმე ვცადე დაკონტაქტება, თუმცა, ჩემს ზარებს არ პასუხობს."

"ჯერ-ჯერობით არ ვიცი მისი მოტივები, შესაბამისად, ამის გარეშე ნამდვილად არ მსურს ვინმეს გაკრიტიკება."

"ჩვენ პასუხისმგებლობას ვგრძნობთ ფეხბურთისა და ფანების წინაშე, რომლებსაც არ სურთ სუპერლიგის შექმნა." - აცხადებს რუმენიგე.

20-04-2021, 21:55

sandro

მეტის ნახვა

გერმანიის ბუნდესლიგის 30-ე ტურში მიუნხენის "ბაიერნი" საკუთარ კედლებში ლევერკუზენის "ბაიერს" მიიღებს.

მატჩის დაწყებამდე მცირე ხნით ადრე ჰანს ფლიკმა სასტარტო თერთმეტეული დაასახელა:

ნოიერი - პავარი, ბოატენგი, ერნანდესი, დეივისი - კიმიხი, ალაბა - კომანი, მიულერი, მუსიალა - ჩუპო მოტინგი.

20-04-2021, 21:35

sandro

მეტის ნახვა

რამდენიმე დღის წინ მიუნხენის "ბაიერნის" მთავარმა მწვრთნელმა, ჰანს ფლიკმა დაადასტურა, რომ სეზონის დასრულების შემდეგ კლუბს ტოვებს.

როგორც ცნობილია, 53 წლის სპეციალისტის წასვლის ერთ-ერთი მთავარი მიზეზი ჰასან სალიჰამიჯიჩთან კონფლიქტი გახლავთ.

"რეკორდმაისტერის" გულშემატკივრების უმრავლესობა ამ დაპირისპირებაში ჰანს ფლიკს უჭერს მხარს და ამაზე გამოკითხვის შედეგებიც მოწმობს.

შესაბამისად, "ბაიერნის" გულშემატკივრებმა სპეციალური პეტიცია შექმნეს, სადაც ისინი ფლიკის დარჩენასა და ჰასან სალიჰამიჯიჩის კლუბიდან გაშვებას მოითხოვენ.

პეტიციაზე უკვე 41'000-ზე მეტმა ადამიანმა მოაწერა ხელი. მასზე ხელის მოწერა ნებისმიერი ქვეყნის წარმომადგენელს შეუძლია ამ ლინკის საშუალებით.

20-04-2021, 20:17

sandro

მეტის ნახვა

მიუნხენის "ბაიერნის" მაღალჩინოსნებმა სუპერლიგის თაობაზე ოფიციალური განცხადება გააკეთეს.

"ჩვენი წევრები და ფანები უარს აცხადებენ სუპერლიგაზე. ჩვენი მიზანია, რომ ევროპულმა კლუბებმა ერთად გააგრძელონ ცხოვრება და განვითარება ჩემპიონთა ლიგაზე, UEFA-ს დახმარებით. "ბაიერნი" უარს ამბობს სუპერლიგაზე." - ჰაინერი.

"კლუბის ხელმძღვანელობის სახელით მინდა დავადასტურო, რომ ჩვენ ამ ტურნირში მონაწილეობას არ მივიღებთ. "ბაიერნი" მუდამ გვერდში უდგას ბუნდესლიგას. ჩვენთვის ყოველთვის დიდი პატივი იყო ჩემპიონთა ლიგაზე გერმანული სახელის წარმოჩენა." - რუმენიგე.

20-04-2021, 18:20

sandro

მეტის ნახვა

გერმანული გამოცემა BILD სენსაციურ ინფორმაციას აქვეყნებს. ჩემპიონთა ლიგის მიმდინარე სეზონში შესაძლოა, მიუნხენის "ბაიერნი" კვლავ ვიხილოთ.

სუპერლიგის დაარსების შემდეგ UEFA აქტიურად განიხილავს მასში მონაწილე გუნდების დასჯის ხერხს.

წყაროს ცნობით, არ არის გამორიცხული, მიმდინარე სეზონის 1/2 ფინალში ის კლუბები არ დაუშვან, რომლებმაც სუპერლიგის შექმნაში მიიღეს მონაწილეობა. ესენი არიან "რეალი", "ჩელსი" და "მანჩესტერ სიტი". მათ ნაცვლად კი 1/4 ფინალში გავარდნილმა კლუბებმა ითამაშონ ("ბაიერნი", "დორტმუნდი" და "პორტუ").

კიდევ ერთ ვარიანტად სამივე ხსენებული კლუბის გარიცხვა და "პსჟს" პირდაპირ ჩემპიონად გამოცხადებაა, თუმცა, ეს ნაკლებად სავარაუდოა, რადგან ნახევარფინალური და ფინალური მატჩების ტრანსლიაციის ლიცენზიები UEFA-ს უკვე გაყიდული აქვს და ამ თამაშების ჩაშლა უდიდეს ფინანსურ დარტყმას მიაყენებს მათ.

ასევე, არის ალბათობა, რომ მიმდინარე სეზონში ჩემპიონთა ლიგაზე არაფერი შეიცვალოს და ჩვეულებრივად გაგრძელდეს. საბოლოო პასუხი პარასკევს, UEFA-ს სხდომის ჩატარების შემდეგ გვეცოდინება.

19-04-2021, 23:48

sandro

მეტის ნახვა

დღეს UEFA-მ ოფიციალურად გადაწყვიტა, რომ ის კლუბები, რომლებიც ევროპის სუპერლიგაში მიიღებენ მონაწილეობას, UEFA-ს ტურნირებიდან მოიკვეთებიან.

შესაბამისად, დიდია ალბათობა იმისა, რომ მადრიდის "რეალი", "ბარსელონა", "ლივერპული", "მანჩესტერ სიტი" და სხვა 8 გრანდი მომდევნო სეზონში ჩემპიონთა ლიგაზე ვეღარ ვიხილოთ.

ასეთ შემთხვევაში, შიდა ჩემპიონატების მიმდინარე ცხრილიდან გამომდინარე შესაძლოა, ჩემპიონთა ლიგაზე შემდეგი კლუბები ვიხილოთ:

გერმანია: "ბაიერნი", "ლაიფციგი", "ვოლფსბურგი", "აინტრახტი".

ინგლისი: "ლესტერი", "ვესტ ჰემი", "ევერტონი", "ლიდსი".

ესპანეთი: "სევილია", "ვილიარეალი", "ბეტისი", "სოსიედადი".

იტალია: "ატალანტა", "ნაპოლი", "რომა", "ლაციო".

საფრანგეთი: "ლილი", "პსჟ", "მონაკო".

19-04-2021, 23:13

sandro

მეტის ნახვა

გერმანიის ბუნდესლიგის 30-ე ტურში მიუნხენის "ბაიერნი" საკუთარ კედლებში ლევერკუზენის "ბაიერს" მიიღებს.

მატჩამდე ერთი დღით ადრე მიუნხენურ კლუბს ტრავმის გამო კიდევ ერთი ფეხბურთელი გამოაკლდა, ლეროი სანე.

გერმანელმა ვინგერმა ორშაბათს ჩატარებული ვარჯიშის დროს დაზიანება მიიღო და მისი თამაში ხვალ, ფაქტობრივად, გამორიცხულია. უცნობია, რა დროით გამოაკლდება სანე "ბაიერნს".

გარდა ამისა, ორშაბათის ვარჯიშში მონაწილეობა არ მიუღია დავიდ ალაბას. მიზეზი უცნობია.

19-04-2021, 21:32

sandro

მეტის ნახვა

მოგეხსენებათ, სუპერლიგის შექმნის იდეას მიუნხენის "ბაიერნი" და სხვა გერმანული კლუბები ეწინააღმდეგებიან. თუმცა, მათი ტურნირზე მონაწილეობის შანსი ჯერ კიდევ არსებობს.

სულ ცოტა ხნის წინ კონტრაქტის დეტალები გახდა ცნობილი, რომლის მიხედვითაც "რეკორდმაისტერს", დორტმუნდის "ბორუსიასა" და "პსჟს" საბოლოო პასუხის გასაცემად დრო ეძლევათ.

სუპერლიგაში ჯამში 20 კლუბი მიიღებს მონაწილეობას, საიდანაც 15 დამფუძნებელი წევრი იქნება. ამ 15 კლუბიდან 12 უკვე გარკვეულია, დანარჩენი სამი ზემოხსენებული კლუბის პასუხს კი კვლავ ელოდებიან.

წყაროს ცნობით, "ბაიერნსა" და "დორტმუნდს" პასუხის გასაცემად 30 კალენდარული დღე ექნებათ. "პსჟმ" კი თავისი გადაწყვეტილება 14 კალენდარული დღის ვადაში უნდა დააფიქსიროს. ამის შემდგომ მათ აღარ ექნებათ სუპერლიგის დამფუძნებელი წევრის სტატუსით სარგებლობის უფლება.

19-04-2021, 21:04

sandro

მეტის ნახვა

მიუნხენის "ბაიერნის" აღმასრულებელი საბჭოს დირექტორმა, კარლ-ჰაინც რუმენიგემ სუპერლიგის შექმნაზე კომენტარი გააკეთა.

"მიუნხენის "ბაიერნს" მონაწილეობა არ მიუღია სუპერლიგის შექმნაში. ჩვენ მიგვაჩნია, რომ ამჟამინდელი სტრუქტურა ფეხბურთში გარანტიას იძლევა საიმედო საფუძვლისა."

"კლუბი მიესალმება ჩემპიონთა ლიგაზე ცვლილებების შემოღებას და გვჯერა, რომ ეს ფეხბურთის განვითარებას ხელს შეუწყობს. მოდიფიცირებული ჯგუფური ეტაპი მოგვცემს კიდევ უფრო მეტ საინტერესო და ამაღელვებელ მატჩს."

"არ ვფიქრობ, რომ სუპერლიგა იმ ფინანსურ პრობლემებს გადაჭრის, რაც ევროპულმა კლუბებმა კორონავირუსის პანდემიისგან მიიღეს."

"ყველა კლუბმა და ფეხბურთელმა ერთად უნდა მიიღოს ამ პრობლემის გადაჭრაში მონაწილეობა, რათა ფეხბურთი კიდევ უფრო მიმზიდველი გახდეს." - წერია განცხადებაში.

19-04-2021, 20:16

sandro

მეტის ნახვა

სულ ცოტა ხნის წინ 12-მა ევროპულმა კლუბმა ახალი სუპერლიგის შექმნაზე გადაწყვეტილება მიიღო. მათ შორის გახლავთ ტურინის "იუვენტუსიც", რომლის პრეზიდენტი, ანდრე ანიელი UEFA-ში აღმასრულებელი საბჭოს დირექტორი გახლდათ.

დღეს მიღებული გადაწყვეტილებით, ევროპული ფეხბურთის მმართველმა ორგანომ ანიელი დაკავებული თანამდებობიდან გაანთავისუფლა და მის ადგილზე კარლ-ჰაინც რუმენიგე დანიშნა.

როგორც ცნობილია, "ბაიერნი" კატეგორიულად ეწინააღმდეგება სუპერლიგის შექმნის იდეას და ხსენებული გადაწყვეტილების ერთ-ერთი მიზეზიც სწორედ ესაა.

შესაბამისად, ამიერიდან UEFA-ს აღმასრულებელი საბჭოს დირექტორი კარლ-ჰაინც რუმენიგე ხდება, რაც "ბაიერნის" სუპერლიგაში გაწევრიანების შანსებს მნიშვნელოვნად ამცირებს.

19-04-2021, 18:46

sandro

მეტის ნახვა

მას შემდგომ, რაც ევროპულმა გრანდებმა ახალი სუპერლიგის შექმნა დააანონსეს, UEFA-მ საპასუხო ნაბიჯები მალევე გადადგა.

ევროპული ფეხბურთის მმართველმა ორგანომ ჩემპიონთა ლიგის განახლებული ფორმატი წარადგინა, რომელიც მკვეთრად განსხვავებული იქნება ძველისგან.

პირველ რიგში, აღსანიშნავია გაზრდილი გუნდების რაოდენობა. ნაცვლად 32-ისა, ახალ ტურნირში 36 გუნდი მიიღებს მონაწილეობას.

გარდა ამისა, აღარ იქნება ჯგუფური ეტაპის მატჩები. ყველა გუნდს გარანტირებულად 10 მატჩის ჩატარება მოუწევს, საიდანაც 8 საუკეთესო პლეი-ოფის ფაზაში მოხვდება, დანარჩენ ადგილებს კი ურთიერთდაპირისპირებით გაარკვევენ სხვა გუნდები.

ასევე, გრანდებს გარანტირებული ადგილი ექნებათ ტურნირზე, მიუხედავად შიდა ჩემპიონატში ნაჩვენები შედეგებისა.

როგორც ცნობილია, მსგავსი ფორმატი ჩემპიონთა ლიგაზე 2024 წლიდან ამოქმედდება.

19-04-2021, 14:11

sandro

მეტის ნახვა