გერმანიის ბუნდესლიგის მე-14 ტურში მიუნხენის "ბაიერნმა" "მაინცი" მიიღო და საოცარი ქამბექი შემოგვთავაზა.

პირველ ტაიმში 0:2 განცდილი მარცხის შემდეგ ფლიკის ბიჭებმა მეტოქეს 5 უპასუხო ბურთი გაუტანეს და წელი გამარჯვებით გახსნეს.

იხილეთ ფეხბურთელების რეიტინგები გამოცემა Whoscored-ის ვერსიით.

3-01-2021, 22:49

sandro

მეტის ნახვა

"ბაიერნისა" და "მაინცის" შეხვედრის 55-ე წუთზე ლეროი სანემ ანგარიში გაათანაბრა.

იხილეთ ვიდეო.

3-01-2021, 22:21

sandro

მეტის ნახვა

გერმანიის ბუნდესლიგის მე-14 ტურში მიუნხენის "ბაიერნი" "მაინცს" მასპინძლობს.

გთავაზობთ მატჩის საყურებელ ლინკებს.

ლინკი 1 (სეტანტა)

​ლინკი 2​​​

​ლინკი 3​​​

3-01-2021, 20:50

sandro

მეტის ნახვა

გერმანიის ბუნდესლიგის მე-14 ტურის შეხვედრაში მიუნხენის "ბაიერნი" საკუთარ კედლებში "მაინცს" მიიღებს.

მატჩის დაწყებამდე ერთი საათით ადრე "რეკორდმაისტერის" მთავარმა მწვრთნელმა, ჰანს ფლიკმა სასტარტო თერთმეტეული დაასახელა.

ნოიერი - პავარი, ბოატენგი, ალაბა, დეივისი - კიმიხი, ტოლისო - სანე, მიულერი, გნაბრი - ლევანდოვსკი.

3-01-2021, 19:54

sandro

მეტის ნახვა

გერმანიის ბუნდესლიგის მე-14 ტურში ფრანქფურტის "აინტრახტმა" საკუთარ კედლებში ლევერკუზენის "ბაიერი" მიიღო და 2:1 დაამარცხა.

სტუმართა მხრიდან პირველი გოლი ნადიმ ამირიმ, მატჩის მე-10 წუთზე გაიტანა.

გერმანელმა ნახევარმცველმა მართლაც იშვითი სილამაზის გოლი შეაგდო, რომელმაც ბევრს დენის ბერგკამპი გაახსენა.

იხილეთ ვიდეო.

2-01-2021, 23:17

sandro

მეტის ნახვა

იტალიურმა გამოცემა Gazzetta Dello Sport-მა 18 ლეგენდარულ მეკარეს შორის გამოკითხვა ჩაატარა ისტორიაში საუკეთესო გოლკიპერის გამოსავლენად.

სხვა ლეგენდარულ მეკარეებთან ერთად გამოკითხვაში მონაწილეობა მიიღო მანუელ ნოიერმაც. მისი არჩევანი ჯანლუიჯი ბუფონი გახლდათ.

"ჯიჯი საოცრად დიდებული ადამიანია როგორც მინდორზე, ასევე მის გარეთაც. საოცრებაა, რასაც ის აკეთებს 26 წლის განმავლობაში." - განაცხადა მანუმ.

გამოკითხვაში ასევე მონაწილეობდნენ ისეთი ლეგენდები, როგორებიც არიან ჯიჯი ბუფონი, იკერ კასილასი, დინო ძოფი და სხვები.

მეკარეებს მხოლოდ 1 ვარიანტის არჩევა შეეძლოთ და სამწუხაროდ, მანუმ ვერცერთი ხმა ვერ აიღო. პირველ ადგილზე ბუფონი გავიდა 7 ხმით, მეორეზე ლევ იაშინი, მესამეზე კი დინო ძოფი.

2-01-2021, 20:06

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "მაინცთან" მატჩამდე პრესკონფერენცია ჩაატარა.

"ჩვენი მიზნები არ შეცვლილა. გვსურს, კვლავ საუკეთესოები ვიყოთ. ვიცით, რომ როგორც გერმანიაში, ასევე საერთაშორისო ასპარეზზეც ეს რთული იქნება, მაგრამ მინდორზე ყველაფერს გავაკეთებთ."

"მცირე შესვენება გამოგვადგა. ვარჯიშებზე ყველას დაძაბულობა ჰქონდა მოხსნილი და ხალისიანად იყვნენ. ამ შესვენებამდე რამდენიმე მატჩში არადამაჯერებლად გამოვიყურებოდით."

"კინგსლი კომანს ტრავმა აწუხებს და ამის გამო ვერ დაგვეხმარება. ასევე არ იქნება ტანგი ნიანზუ და მარკ როკა, რომლებსაც ასევე დაზიანება აქვთ."

"მეტოქეს ახალი მწვრთნელი ჰყავს და ზუსტად არ ვიცით, რას შემოგვთავაზებს. თუმცა, "მაინცის" გასული მატჩები გავაანალიზეთ და შევისწავლეთ."

"სანე ყველაფერს აკეთებს გუნდის დასახმარებლად. ის თავისი თავის პირველი კრიტიკოსია. პროგრესი შეინიშნება ვარჯიშების დროს. როდესაც ლეროი ბურთთან ერთადაა, ის სისწრაფეს ბრწყინვალედ ანვითარებს და მარცხენა ფეხს იდეალურად ხმარობს." - აცხადებს ფლიკი.

2-01-2021, 18:56

sandro

მეტის ნახვა

მიუნხენის "ბაიერნის" ვინგერმა, კინგსლი კომანმა განაცხადა, რომ მას თავით თამაშთან გარკვეული პრობლემები აქვს.

"სიმართლე გითხრათ, თავით თამაშის დროს შიშები მაქვს და ამის გამო თანაგუნდელები ხშირად დამცინიან."

"მაგალითად, ლიგის ფინალში თავური დარტყმა თვალდახუჭულმა განვახორციელე და ამის შემოწმება ფოტოებითაც შეიძლება."

"ყოველთვის ვცდილობ, რომ დარტყმის დროს თვალები არ დავხუჭო, მაგრამ ბოლო მომენტში რეფლექსები მოქმედებს." - აცხადებს კომანი.

2-01-2021, 16:22

sandro

მეტის ნახვა

მოგეხსენებათ, პირველი იანვრიდან მიუნხენის "ბაიერნის" მცველ დავიდ ალაბას ნებისმიერ კლუბთან შეუძლია წინასწარი კონტრაქტის გაფორმება.

ესპანური გამოცემა Marca-ს ინფორმაციით, 28 წლის მცველმა მადრიდის "რეალთან" კონტრაქტის პირობები უკვე შეათანხმა და მალე მხარეები ამ ყველაფერს გააოფიციალურებენ.

წყაროს ცნობით, ალაბა "სამეფო კლუბთან" ოთხწლიან კონტრაქტს მოაწერს ხელს, ხოლო მისი ყოველწლიური ანაზღაურება 10 მილიონი ევრო იქნება.

საინტერესოა, რომ ასეთივე ანაზღაურებას ფეხბურთელს "ბაიერნიც" სთავაზობდა, შესაბამისად, უცნაურია, რატომ დათანხმდა ავსტრიელი "რეალის" შეთავაზებას.

შეგახსენებთ, რომ ალაბას "რეკორდმაისტერთან" კონტრაქტი მიმდინარე წლის ზაფხულში ეწურება.

2-01-2021, 15:11

sandro

მეტის ნახვა

მიუნხენის "ბაიერნის" ყოფილმა ფეხბურთელმა, "რეკორდმაისტერში" გატარებული პერიოდი გაიხსენა.

"მსურდა ჩემი თავი გამომეცადა. მინდოდა, რომ პეპის საფეხბურთო ფილოსოფია შემესწავლა."

"ბაიერნთან ერთად სამჯერ გავედი ჩემპიონა ლიგის 1/2 ფინალში და გვარდიოლამ მასწავლა ფეხბურთი სრულიად ახალი პოზიციებიდან."

"საბოლოო ჯამში, რა თქმა უნდა, "ბაიერნში" გადასვლა არ ყოფილა შეცდომა, თუმცა, შეიძლება ოდნავ ვიჩქარე. შესაძლოა, კლოპთან უფრო მეტი დრო უნდა გამეტარებინა." - აცხადებს გიოტცე.

2-01-2021, 00:00

sandro

მეტის ნახვა

2020 წელი რომ რობერტ ლევანდოვსკის კარიერაში საუკეთესოა, ამაზე ციფრებიც მოწმობს.

სტატისტიკის მიხედვით, გასულ წელს პოლონელმა ყველაზე მეტ გოლში მიიღო მონაწილეობა. 32 წლის ფორვარდმა 45 გოლსა და 15 საგოლე გადაცემას მოუყარა თავი, რაც საუკეთესო შედეგია ტოპ 5 ლიგის ფეხბურთელებს შორის.

ათეულში მიუნხენის "ბაიერნის" მხრიდან ასევე თომას მიულერიც მოხვდა, რომელმაც 18 გოლი და 24 საგოლე გადაცემა შეასრულა.

საუკეთესოთა სია კი შემდეგნაირად გამოიყურება:

10. მო სალაჰი - 26 გოლი + 10 საგოლე გადაცემა
9. ერლინ ჰოლანდი - 33+6
8. რომელუ ლუკაკუ - 35+6
7. თომას მიულერი - 18+24
6. ბრუნო ფერნანდეში - 26+18
5. კილიან მბაპე - 26+19
4. ჩირო იმობილე - 34+13
3. კრისტიანო რონალდუ - 41+8
2. ლეო მესი - 26+24
1. რობერტ ლევანდოვსკი - 45+15

1-01-2021, 23:36

sandro

მეტის ნახვა

3 იანვარს ბუნდესლიგის მე-14 ტურის შეხვედრაში მიუნხენის "ბაიერნი" საკუთარ კედლებში "მაინცს" დაუპირისპირდება.

გთავაზობთ "რეკორდმაისტერის" სავარაუდო შემადგენლობას მომავალი შეხვედრისთვის.

ნოიერი - ზულე, ბოატენგი, ალაბა, დეივისი - კიმიხი, გორეცკა - გნაბრი, მიულერი, სანე - ლევანდოვსკი.

1-01-2021, 22:48

sandro

მეტის ნახვა

მიუნხენის "ბაიერნისა" და მერსისაიდული "ლივერპულის" ყოფილმა ფეხბურთელმა, დიეტმარ ჰამანმა ინგლისურ კლუბს კინგსლი კომანის შეძენა ურჩია.

"ამჟამად "ბაიერნს" ორი უძლიერესი გარემარბი ჰყავს სერჟ გნაბრისა და კინგსლი კომანის სახით. უნდათ მათ კლუბის დატოვება? ასე არ მგონია, თუმცა არასდროს იცი რა მოხდება."

"ბოლო დროს ხშირად იწერება იმის შესახებ, რომ სალაჰი წავა. ვფიქრობ, თუ მას ამის სურვილი აქვს კლუბმა არ უნდა შეაჩეროს."

"იმ შემთხვევაში, თუ ეგვიპტელი კლუბს დატოვებს, "ლივერპულმა" აუცილებლად უნდა იყიდოს კინგსლი კომანი. ამჟამად ფრანგი თავის პოზიციაზე საუკეთესოა. ტრავმების მიუხედავად ფორმა დაიბრუნა და უმაღლეს მწვერვალზეა." - აცხადებს ჰამანი.

1-01-2021, 20:06

sandro

მეტის ნახვა

ცნობილმა სტატისტიკურმა საიტმა Whoscored-მა საკუთარი რეიტინგების მიხედვით გერმანიის ბუნდესლიგის 2020 წლის საუკეთესო შემადგენლობა გამოაქვეყნა.

თერთმეტეულში მიუნხენის "ბაიერნის" მხრიდან 4 ფეხბურთელი მოხვდა. ესენი არიან თომას მიულერი, იოზუა კიმიხი, ლეონ გორეცკა და რობერტ ლევანდოვსკი.

სრული შემადგენლობა შემდეგნაირად გამოიყურება:

1-01-2021, 19:01

sandro

მეტის ნახვა

UEFA-ს ოფიციალურმა საიტმა ჩემპიონთა ლიგის გასული წლის საუკეთესო დებიუტანტებისგან შემდგარი თერთმეტეული დაასახელა.

შემადგენლობა ორი კრიტერიუმით გახლავთ არჩეული. პირველი - ფეხბურთელი უნდა იყოს 24 ან უფრო ნაკლები წლის და მეორე - დებიუტი უნდა ჰქონოდა 2020 წელს ან მცირე გამოცდილება მანამდე და მთავარი ნახტომი (პროგრესი) სწორედ ამ წელს უნდა ჰქონოდა.

თერთმეტეულში ყველაზე მეტი, 5 მოთამაშე გერმანიის ბუნდესლიგიდან მოხვდა. აქედან ერთი "ბაიერნის" წევრი, ალფონსო დეივისი გახლავთ.

სრული სიმბოლური ნაკრები შემდეგნაირად გამოიყურება:

ტრუბინი - რომერო, სანუსი, კუნდე, დეივისი - პედრი, ბელინგამი, რეინა, შობოშლაი - ჟოტა, ტურამი.

31-12-2020, 17:25

sandro

მეტის ნახვა

გერმანიის ნაკრების ბოლოდროინდელი შედეგებიდან გამომდინარე ხშირია საუბრები იმის შესახებ, რომ უახლოეს პერიოდში იოახიმ ლიოვს დაკავებული თანამდებობიდან გაანთავისუფლებენ.

ევროპული გამოცემების ინფორმაციით, ბუნდესნაკრებში საბოლოო გადაწყვეტილება უკვე მიიღეს და ლიოვი გუნდს 2022 წლის მსოფლიო ჩემპიონატის დასრულების შემდეგ დატოვებს.

წყაროს ცნობით, გამოცდილ სპეციალისტს მერსისაიდული "ლივერპულის" ამჟამინდელი დამრიგებელი, იურგენ კლოპი ჩაანაცვლებს.

მოგეხსენებათ, მას "წითლებთან" კონტრაქტი 2023 წლის ზაფხულში ეწურება. მუნდიალი კი ყატარში 2022 წლის დეკემბერში იმართება, რაც იმას ნიშნავს, რომ კლოპი ბუნდესნაკრებს 2022/23 წლების სეზონის დასრულების შემდეგ ჩაუდგება სათავეში.

30-12-2020, 23:28

sandro

მეტის ნახვა