მიუნხენის "ბაიერნის" კარის დარაჯს შესაძლოა კუნთის დაჭიმულობა ჰქონდეს, რაც მას 17 მარტამდე დაასვენებს. 

ნოიერი გამოტოვებს ბოხუმთან, ლევერკუზენთან საპასუხო მატჩსა და უნიონ ბერლინთან შეხვედრას. მისი სავარაუდო დაბრუნების თარიღი 29 მარტია, როდესაც "ბაიერნი" "სან-პაულს" დაუპირისპირდება.

ნოიერმა ტრავმა გუშინ, მეორე გოლის აღნიშვნის დროს მიიღო - მას კალფის დაზიანება აქვს, რის გამოც მინიმუმ 3-4 მატჩს გამოტოვებს. მის ადგილს იონას ურბიგი დაიკავებს.

ჩაბი ალონსო იმის შესახებ, შეუძლია თუ არა მის გუნდს შემდეგ კვირას (ლივერპული vs მილანი, 2005) გამეორება:

"რა თქმა უნდა ამ შედეგის გასაანალიზებლად და გასააზრებლად დრო დაგვჭირდება, რადგან კარგად დავმარცხდით. ყველაფერი ჩვენს წინააღმდეგ წავიდა თუმცა ეს ჩვენი ბრალია.

ყველაფერი არ დასრულებულა და როგორც თქვით, ფეხბურთში ყველაფერი შესაძლებელია. სწორედ ეს უნდა იყოს ჩვენი მენტალიტეტი – თუ შანსი არსებობს, ჩვენ ბოლომდე ვიბრძოლებთ. ბრძოლა გვმართებს. ამ მარცხიდან გაკვეთილს ვისწავლით და საპასუხო შეხვედრაში გვექნება რწმენა. ასე მარტივად არ ვნებდებით.

სამი გოლი? არასოდეს იცი. ერთ გოლსაც კი ყველაფრის შეცვლა შეუძლია."

ჩაბი ალონსო თქვენი პირველი არჩევანი იყო თომას ტუხელის შემცვლელად. ის წინ არის ვენსან კომპანისთან შედარებით, როგორც მწვრთნელი?

მაქს ებერლი: "დიდი ხნის განმავლობაში გვქონდა პეპ გვარდიოლასა და იურგენ კლოპის დუელი, რომელმაც ფეხბურთი 10-15 წლის განმავლობაში განსაზღვრა. ახლა კი, ვენსან კომპანი და ჩაბი ალონსო არიან ორი მწვრთნელი, რომლებიც მომავალში მსგავს დონეზე იბრძოლებენ იმის დასადგენად, ვინ იქნება უფრო წარმატებული.

ალონსომ ლევერკუზენი მე-17 ადგილზე ჩაიბარა, მაღლა აიყვანა, ტიტულები მოიგო და ახლა ლიდერობას ინარჩუნებს. მას ჯერ არასდროს ჰქონია სერიოზული სირთულეები გარედან.

კომპანის გზა ანდერლეხტიდან და ბარნლიდან – პრემიერლიგაში დაწინაურებითა და დაქვეითებით – სწავლების პროცესი იყო. მას ჰქონდა წარმატებებიც და წარუმატებლობებიც, იცის, როგორ უნდა გაუმკლავდეს გუნდის განწყობებს და როგორ მართოს ვარსკვლავების ეგო.

კომპანი ჩემთვის მთლიანობაში გამორჩეული ფიგურაა. ამიტომაც ჩემთვის ნათელი იყო, რომ ბაიერნში თავის გზას გაიკვალავდა. ჩვენი მიზანიც და ოცნებაც არის, რომ მან ბაიერნში ახალი ეპოქა განსაზღვროს."

ზედამხედველთა საბჭოს ზოგიერთი წევრი ერთ საკითხში მაქს ებერლის მიმართ კრიტიკულია: 

ითქვა, რომ ის ზოგჯერ მეტისმეტად რისკიანად ეკიდება ფინანსურ ასპექტს ტრანსფერებისა და გუნდის დაგეგმვის დროს – და ეს იმ დროს, როდესაც კლუბის დეპოზიტური ანგარიში აღარ არის ისეთი სავსე, როგორც ადრე.

ეს საკითხი განიხილეს ზედამხედველთა საბჭოს ბოლო შეხვედრაზე.

დეივისი კიმიხისთვის მიცემულ რჩევაზე:

"კიმიხის კონტრაქტზე საუბარი ჩემთვის არ არის სწორი. ის ტოპ მოთამაშეა და ჩვენ ძალიან გვსურს, რომ დარჩეს. მაგრამ, როგორც გუნდის მთავარი მიზანი, ფეხბურთზე უნდა ვიყოთ კონცენტრირებული.

ჩვენ გვინდა, რომ მან მიუნხენში დარჩენა აირჩიოს, მაგრამ ეს მისი გადაწყვეტილებაა. დარწმუნებული ვარ, მას უკვე აქვს რაღაც გონებაში და საბოლოოდ, არჩევანი მხოლოდ მას ეკუთვნის, არა ჩვენ."

ერიკ დაიერი ბაიერნში დარჩენას და კონტრაქტის გაგრძელებას ისურვებდა, მაგრამ ამ ეტაპზე კლუბს მისთვის ახალი ხელშეკრულების შეთავაზება არ აქვს დაგეგმილი.

ბაიერნი მომავალი სეზონიდან ცენტრალური მცველის პოზიციაზე იოსიპ სტანიშიჩთანაც გეგმავს თანამშრომლობას (მისი ძირითადი პოზიცია მარჯვენა დაცვაა).

სტანიშიჩი, სავარაუდოდ, დაიერის ამჟამინდელ როლს შეითავსებს და უმეტესად უპამეკანოსა და კიმის სათადარიგო ვარიანტი იქნება.

ამავე პოზიციაზე თამაში შეუძლია ჰიროკი იტოსაც.

მანუელ ნოიერი "ბაიერნის" 125 წლის იუბილეზე:

"უსიტყვოდ დაუვიწყარი შეგრძნებაა ტიტულების მოგება, და რაც "ბაიერნში" ვარ, უნიკალური ეპოქის ნაწილი გავხდი. ორჯერ მოვიგეთ ტრებლი, 11 ზედიზედ ბუნდესლიგის ტიტული - ძალიან ბედნიერი ვარ, რომ ამ კლუბის ნაწილი ვარ, რომელიც ახლა უკვე 125 წლისაა და არანაირ დაბერების ნიშნებს არ ავლენს, რადგან ყოველთვის ახალ ძალებს იკრებს, რათა არასდროს შეჩერდეს.

გილოცავთ ყველა გულშემატკივარს, ვინც მუდამ და ყველგან მხარს გვიჭერთ - ყველა ჩვენი ტიტული თქვენ გეკუთვნით!"