მიმდინარე სეზონის დასრულების შემდეგ მიუნხენის "ბაიერნის" მთავარი მწვრთნელის პოსტს იულიან ნაგელსმანი დაიკავებს.

ცნობილი ფაქტია, რომ ახალგაზრდა სპეციალისტის საყვარელი სათამაშო სქემა სამ მცველიანი ტაქტიკაა.

"ბაიერნის" ამჟამინდელი შემადგენლობის გათვალისწინებით, არის შესაძლებელი, რომ კლუბმა მომდევნო სეზონში 3-4-2-1 ტაქტიკით ითამაშოს. თუმცა, სავარაუდოდ, "რეკორდმაისტერს" ამ სქემაზე გადასაწყობად მაინც დასჭირდება გარკვეული ტრანსფერები.

თუმცა, საინტერესოა, როგორი თერთმეტეული გამოვიდოდა ხსენებულ ტაქტიკაში ამჟამინდელი შემადგენლობით. ბუნდესლიგის გვერდმა კი სავარაუდო ვარიანტი შემოგვთავაზა:

5-05-2021, 12:55

sandro

მეტის ნახვა

ხვიჩა კვარაცხელიასადმი ინტერესი ევროპული გრანდების მხრიდან კიდევ უფრო მეტად იზრდება.

გერმანული გამოცემების ინფორმაციით, ამჯერად 20 წლის გარემარბის შეძენის მიუნხენგლადბახის "ბორუსია" დაინტერესდა.

წყაროს ცნობით, ბუნდესლიგის კლუბში ქართველი ვინგერის პროგრესით და ნაჩვენები თამაშებით მოხიბლულები არიან და ოფიციალური შეთავაზების გასაკეთებლადაც ემზადებიან.

შეგახსენებთ, რომ კვარაცხელიას შეძენა ასევე "იუვენტუსს", "ბაიერნს", "მილანსა" და რამდენიმე ევროპულ კლუბს სურს.

3-05-2021, 21:03

sandro

მეტის ნახვა

ლონდონის "ტოტენჰემის" ყოფილმა მთავარმა მწვრთნელმა, ჟოზე მოურინიომ გერმანიის ბუნდესლიგა გააკრიტიკა.

"გერმანიასა და საფრანგეთში, თუ გუნდ A-ში ("ბაიერნი") ან გუნდ B-ში ("პსჟ") წახვალ, უკვე იცი, რომ შენი მომავალი დაწერილია."

"რაც შეეხება ინგლისს, აქ კონკურენცია უმაღლეს დონეზეა. ეს მიზიდავს ყველაზე მეტად."

"სწორედ ამიტომ, არასდროს ვაპირებ ისეთ ქვეყანაში წასვლას, სადაც ზეწოლა არ არსებობს." - აცხადებს მოურინიო.

1-05-2021, 22:19

sandro

მეტის ნახვა

Anfield Watch-ის ინფორმაციით, მიუნხენის „ბაიერნი“ „ლივერპულის“ ვარსკვლავის, ჯორჯინიო ვეინალდუმისთვის ბრძოლაში ჩაერთო.

როგორც ირკვევა, მიუნხენელების ახალი მწვრთნელი, იულიან ნაგელსმანი, ნიდერლანდელი ფეხბურთელის დიდი თაყვანისმცემელია და გერმანულ გრანდში მისი ხილვა სურს. 

ვეინალდუმისთვის საკმაოდ დიდი ბრძოლაა გაჩაღებული- 30 წლის ნახევარმცველის ყიდვა კატალონიის „ბარსელონას“, მილანის „ინტერს“, ტურინის „იუვენტუსსა“ და ახლა უკვე „რეკორდმაისტერსაც“ სურთ. 

აღსანიშნავია, რომ ჯინის მოთხოვნა საკმაოდ მაღალი ხელფასია, რაც თითოეულ გუნდთან მოლაპარაკებების პროცესს ართულებს.

1-05-2021, 01:00

sandro

მეტის ნახვა

ინტერნეტსივრცეში მიუნხენის "ბაიერნის" 2021/22 წლების სეზონის მესამე ფორმის ფოტოები გავრცელდა.

"რეკორდმაისტერის" ეს მაისური საკმაოდ ორიგინალურია და შეიძლება ითქვას, რომ მსგავსი დიზაინი კლუბს ისტორიაში არ ჰქონია.

მაისური თეთრია და მასზე ბავარიის მთების კონტურები იქნება დატანილი.

იხილეთ ფოტოები:

30-04-2021, 21:19

sandro

მეტის ნახვა

ლონდონის "ჩელსი" მიუნხენის "ბაიერნის" სუპერვარსკვლავის, რობერტ ლევანდოვსკის დამატებით დაინტერესდა.

ევროპული გამოცემების ინფორმაციით, პოლონელი ფორვარდის თაობაზე "არისტოკრატები" უკვე დაუკავშირდნენ კლუბს, თუმცა, მალევე მიიღეს უარი.

წყაროს ცნობით, "ბაიერნი" მხოლოდ იმ შემთხვევაში დაფიქრდება ლევანდოვსკის გაშვებაზე, თუ კლუბი ერლინ ჰოლანდს შეიძენს. თუმცა, ამ შემთხვევაშიც კი პოლონელის გაყიდვის ალბათობა ძალიან მცირეა.

როგორც ცნობილია, ლევანდოვსკის დამატება "ჩელსის" გარდა ასევე სხვა რამდენიმე ევროპულ გრანდსაც სურდა, თუმცა, ყველა შემთხვევაში კლუბმა შეთავაზება დაბლოკა.

28-04-2021, 21:44

sandro

მეტის ნახვა

მიუნხენის "ბაიერნის" მთავარ მწვრთნელად დანიშვნის შემდეგ იულიან ნაგელსმანმა პირველი კომენტარი გააკეთა.

"საიდუმლო არ არის, რომ "ბაიერნის" რიგებში მოხვედრა ჩემი დიდი ხნის სურვილი იყო. ეს უდიდესი გამოწვევაა ჩემს კარიერაში."

"მსურს მადლობა გადავუხადო ოლივერ მინცლაფსა და მთელ "ლაიფციგის" ხელმძღვანელობას, რომელმაც იდეალური გამოსავალი იპოვა შექმნილი სიტუაციიდან და მომცა ჩემი სურვილების განხორციელების შანსი."

"ჯერ კიდევ ადრეა დასამშვიდობებელი სიტყვის თქმისთვის, რადგან "ლაიფციგში" ყველაფერი არ დამთავრებულა. მართალია, ჩემი მისია აქ ზაფხულში მთავრდება, მაგრამ, ამ დრომდე ყველაფერს გავაკეთებ კლუბის წარმატებისთვის." - აცხადებს ნაგელსმანი.

27-04-2021, 13:29

sandro

მეტის ნახვა

მიუნხენის "ბაიერნის" სპორტულმა დირექტორმა, ჰასან სალიჰამიჯიჩმა ახალი მთავარი მწვრთნელის დანიშვნის შემდეგ პირველი კომენტარი გააკეთა.

"ნაგელსმანთან მოლაპარაკებები ძალიან გუნდურად და კონსტრუქციულად წარიმართა. დარწმუნებული ვარ, მასთან ერთად გუნდს დიდი თავგადასავალი ელოდება."

"მსურს დიდი მადლობა გადავუხადო ჰანს ფლიკს. ჩვენ არაერთი გამარჯვება ვიზეიმეთ მასთან ერთად. 2020 წელს ტრებლის მოგება კი ამის დაგვირგვინება იყო."

"ეს წარმატებები მუდამ იქნება ფლიკის სახელთან დაკავშირებული. მსურს მას წარმატებები ვუსურვო სამომავლო კარიერაში." - აცხადებს სალიჰამიჯიჩI.

27-04-2021, 13:20

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანსი ფლიკმა კლუბის დატოვების შემდეგ პირველი განცხადება გააკეთა.

"გასული 2 წელიწადი ჩემთვის დაუვიწყარია. უდიდესი სიამოვნება მივიღე ემოციებით, გამარჯვებებით, ტიტულებით და ყოველდღიური მუშაობით. წარმატება მხოლოდ ერთად შრომით მიიღწევა."

"მწვრთნელი არაფერია ფეხბურთელების გარეშე და მე ძალიან იღბლიანი აღმოვჩნდი, რადგან საოცარ ადამიანებთან მომიწია მიუნხენში მუშაობა. ყველას უდიდეს მადლობას ვუხდი."

"განსაკუთრებული მადლობა მინდა გადავუხადო პრეზიდენტ ჰერბერტ ჰაინერს, სრულ დირექტორთა საბჭოს კარლ ჰაინც რუმენიგეს მეთაურობით, ოლივერ კანსა და ჰასან სალიჰამიჯიჩს, რომლებმაც შანსი მომცეს აქ მუშაობის."

"ერთადერთი, რაზეც გული მწყდება არის ის, რომ ფანებთან ერთად ვერ შევძელით ტიტულების აღნიშვნა. ისინი ყველა მატჩში მენატრებოდნენ."

"მსურს "ბაიერნის" დიდ ოჯახს წარმატება ვუსურვო მომავალში. ჩემთვის უდიდესი პატივი იყო აქ მუშაობა." - აცხადებს ფლიკი.

27-04-2021, 13:10

sandro

მეტის ნახვა

მიუნხენის "ბაიერნის" ოფიციალურმა საიტმა დაადასტურა, რომ მომავალი სეზონიდან გუნდს იულიან ნაგელსმანი გაუძღვება.

"ბაიერნის მთავარი მწვრთნელის პოსტს 2021 წლის 30 ივნისიდან იულიან ნაგელსმანი ჩაიბარებს. მან ხუთწლიან კონტრაქტს მოაწერა ხელი და გუნდში 2026 წლამდე დარჩება."

"ჰანს ფლიკთან ორმხრივი შეთანხმების საფუძველზე კონტრაქტი გაწყვეტილია." - წერია კლუბის ოფიციალურ განცხადებაში.

როგორც ცნობილია, "ბაიერნი" ნაგელსმანის კონტრაქტის გამოსასყიდად 25 მილიონ ევროს გადაიხდის.

27-04-2021, 12:58

sandro

მეტის ნახვა

გერმანული გამოცემების ინფორმაციით, "ბაიერნი" დღეს ოფიციალურად დაადასტურებს იულიან ნაგელსმანის მიუნხენურ გრანდში გადმობარგებას.

ჟურნალისტებმა კი ახალგაზრდა სპეციალისტის 2017 წლის ინტერვიუ გაიხსენეს, სადაც ის ჯერ კიდე "ჰოფენჰაიმის" მთავარი მწვრთნელი იყო.

"ჩემი ცხოვრებით ბედნიერი ვარ, თუმცა, თუ ოდესმე მომეცემა "ბაიერნის" გაწვრთნის შანსი, მე ყველაზე ბედნიერი ადამიანი ვიქნები." - განაცხადა ნაგელსმანმა.

27-04-2021, 12:36

sandro

მეტის ნახვა

მიუნხენის "ბაიერნის" ლეგენდარულმა მწვრთნელმა, იუპ ჰაინკესმა ისტორიაში საუკეთესო ნახევარდაცვის სამეული დაასახელა.

"ხავი ყველა დროის ერთ-ერთი საუკეთესო ფეხბურთელია. მას მინდორზეც და მის გარეთაც დიდი ავტორიტეტი ჰქონდა."

"ვფიქრობ, ხავის, ინიესტას და ბუსკეტსის ტრიომ ისტორიაში საუკეთესო ნახევარდაცვის ხაზი ჩამოაყალიბეს."

"ხავის მსგავსი ფეხბურთელის პოვნა ძალიან რთულია. ის თამაშის ტემპს სრულად წარმართავდა. მესის პროგრესში უდიდესი როლი სწორედ მან ითამაშა." - აცხადებს ჰაინკესი.

27-04-2021, 00:03

sandro

მეტის ნახვა

დიდი ალბათობით, მომავალი სეზონიდან მიუნხენის "ბაიერნის" მთავარი მწვრთნელის პოსტს იულიან ნაგელსმანი ჩაიბარებს.

საინტერესოა, რომ 33 წლის სპეციალისტის დამატებით "რეკორდმაისტერი" ახალ სატრანსფერო რეკორდს დაამყარებს, მწვრთნელებს შორის.

კერძოდ, იმ შემთხვევაში თუ კლუბი "ლაიფციგის" მიერ მოთხოვნილ ნაგელსმანის გამოსასყიდ თანხას, 25 მილიონ ევროს გადაიხდის, ეს ისტორიაში ყველაზე დიდი საფასური იქნება.

ამ დრომდე ყველაზე დიდი თანხა მწვრთნელის კონტრაქტის გამოსასყიდად "ჩელსის" ჰქონდა გადახდილი. 2011 წელს კლუბმა ვილაშ ბოაშის სანაცვლოდ 16 მილიონი ევრო გადაიხადა.

26-04-2021, 23:46

sandro

მეტის ნახვა

მოგეხსენებათ, დიდი ალბათობით, მიმდინარე სეზონის დასრულების შემდეგ "ბაიერნის" მთავარი მწვრთნელის პოსტს ჰანს ფლიკი დატოვებს. სავარაუდოდ, ის გერმანიის ნაკრებს შეუერთდება.

მთავარი პრობლემა ფლიკის კონტრაქტია, რომელიც მას კლუბთან 2023 წლამდე აკავშირებს. წყაროების ცნობით, "რეკორდმაისტერი" მის გასაწყვეტად 7 მილიონ ევროს ითხოვს, ბუნდესნაკრები კი ამ თანხის გადახდას არ აპირებს.

გამოცემა Kicker-ის ინფორმაციით, გერმანიის ფეხბურთის ფედერაციაში 53 წლის სპეციალისტის კონტრაქტის გამოსასყიდად საინტერესო ხერხს მიაგნეს - ამხანაგური მატჩის გამართვა.

კერძოდ, საზაფხულო შესვენების დროს გერმანიის ნაკრები და მიუნხენის "ბაიერნი" ერთმანეთს დაუპირისპირდებიან. ბილეთებისა და ტრანსლირების უფლებიდან შემოსულ ფულს კი "რეკორდმაისტერი" მიიღებს.

როგორც ცნობილია, მანუელ ნოიერი, იოზუა კიმიხი, ლეონ გორეცკა, ლეროი სანე და ნიკლას ზულე ორივე გუნდის შემადგენლობაში თითო ტაიმს ჩაატარებენ.

26-04-2021, 22:35

sandro

მეტის ნახვა

გერმანული გამოცემა Sky-ს ინფორმაციით, მიუნხენის "ბაიერნის" მომავალი მთავარი მწვრთნელის ბედი უკვე გადაწყვეტილია.

წყაროს ცნობით, "რეკორდმაისტერი" დიდი ხანია იულიან ნაგელსმანთან აწარმოებს მოლაპარაკებებს და შეთანხმებაც სულ მალე შედგება.

როგორც ცნობილია, დაახლოებით 48 საათის განმავლობაში კლუბი უკვე ოფიციალურად დაადასტურებს, რომ მომავალი სეზონიდან "ბაიერნს" 33 წლის სპეციალისტი ჩაიბარებს.

მიუნხენელები ნაგელსმანის სანაცვლოდ "ლაიფციგს" 25 მილიონ ევროს გადაუხდიან.

26-04-2021, 19:34

sandro

მეტის ნახვა

მას შემდგომ, რაც ჰანსი ფლიკმა მიუნხენის "ბაიერნიდან" წასვლა დააანონსა, არ წყდება საუბრები მის პოტენციურ შემცვლელთან დაკავშირებით.

გერმანულმა გამოცემა BR24-მა ჰერბერტ ჰაინერს კითხვა დაუსვა იმის შესახებ, გაწვრთნის თუ არა "რეკორდმაისტერს" იულიან ნაგელსმანი, რაზეც ჰაინერმა ორაზროვანი პასუხი გასცა.

"ბაიერნი ყველა ადამიანისთვის ძალიან მიმზიდველი ადგილია. დამერწმუნეთ, ჩვენს გუნდს მომავალ სეზონშიც შესანიშნავი მწვრთნელი ეყოლება." - აცხადებს ჰაინერი.

26-04-2021, 12:20

sandro

მეტის ნახვა