მსოფლიო საკლუბო ჩემპიონატის ფინალამდე რამდენიმე საათით ადრე მიუნხენის "ბაიერნის" ბანაკიდან უსიამოვნო ინფორმაცია გავრცელდა.

გერმანული გამოცემების ცნობით, "რეკორდმაისტერის" ლიდერს, თომას მიულერს კორონავირუსი დაუდასტურდა.

გერმანელი შემტევი უკვე იზოლაციაში არის გადაყვანილი. საბედნიეროდ, სხვა ყველა ფეხბურთელის პასუხი ტესტზე უარყოფითია.

შეგახსენებთ, რომ გუნდს ყატარში ჩაფრენის შემდეგ აკრძალული ჰქონდა სასტუმროსა და სავარჯიშო ბაზის დატოვება და უცნობია, საიდან გადაედო მიულერს ვირუსი.

11-02-2021, 15:40

sandro

მეტის ნახვა

ავტორიტეტულმა გამოცემა Transfermarkt-მა ფეხბურთელების განახლებული ფასები გამოაქვეყნა.

საიტის მიხედვით, ამჟამად ბუნდესლიგის ყველაზე ძვირადღირებული ფეხბურთელი ერლინ ჰოლანდია, რომლის ფასიც 110 მილიონ ევროს შეადგენს.

გამოცემამ ასევე გერმანიის ჩემპიონატის ყველაზე ძვირი მოთამაშეების სიმბოლური ნაკრებიც გამოაქვეყნა, რომელშიც "ბაიერნის" 8 ფეხბურთელი მოხვდა.

იხილეთ თერთმეტეული:

10-02-2021, 23:51

sandro

მეტის ნახვა

მსოფლიო საკლუბო ჩემპიონატის ფინალამდე ერთი დღით ადრე "ტიგრესის" კაპიტანმა, გვიდო პიზარომ მომავალ დაპირისპირებაზე ისაუბრა.

"გუნდმა თავისი ძალა უკვე აჩვენა. ყველამ იცის, თუ რა შეგვიძლია. ჩვენ 2 ეტაპი გადავლახეთ და ფინალამდე მოვედით."

"ახლა მიზნის მიღწევასა და ჩემპიონობას 90 წუთი გვაშორებს. ყველაფერს გავაკეთებთ, რათა გამარჯვება მოვიპოვოთ."

"კარგად ვიცით, რას წარმოადგენს "ბაიერნი", მაგრამ არ გვეშინია. ჩვენი თავის გვჯერა და ვიცით, რომ შეგვიძლია გამარჯვება." - აცხადებს პიზარო.

10-02-2021, 23:44

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა მსოფლიო საკლუბო ჩემპიონატის ფინალამდე პრესკონფერენცია ჩაატარა.

"ძალიან გახარებულები ვართ ფინალში გასვლით. ეს ჩვენი პირველი მიზანი იყო აქ ჩამოსვლის დროს. ამჟამად მხოლოდ მომავალ მატჩზე ვფიქრობთ."

"რთული დაპირისპირება გველოდება. "ტიგრესის" მატჩს ვუყურე 1/2 ფინალში და მათ საკმაოდ ძლიერი გუნდი ჰყავთ, რომელიც კარგი ვინგერებით არის დაკომპლექტებული."

"ლეროიმ კარგი მატჩი ჩაატარა. ის შეცვლაზე შემოვიდა და ასისტის გარდა ასევე სიმწვავე შემოიტანა თამაშში და კარგად ჩაერთო."

"ბერლინიდან მოსულმა ამბავმა ყველა შეგვძრა. ჟერომმა გაშვება მთხოვა და მეც რა თქმა უნდა, დავთანხმდი. ის გარკვეული პერიოდის მანძილზე ჩვენთან ერთად არ იქნება."

"ფინალისთვის ისევე ვემზადებით, როგორც სხვა მატჩებისთვის. უკვე განვიხილეთ "ტიგრესის" სტილი და ვფიქრობ, მომზადებულები ვხვდებით."

"რამდენად გავაკონტროლებთ ბურთს, ამას თამაშის მიმდინარეობისას გავიგებთ. 1/2 ფინალში ეს კარგად მოვახერხეთ. როგორც უკვე გითხარით, კარგად ვართ მომზადებულები." - აცხადებს ფლიკი.

10-02-2021, 23:27

sandro

მეტის ნახვა

ევროპულმა გამოცემებმა ტრაგიკული ინფორმაცია დაადასტურეს. მიუნხენის "ბაიერნის" ცენტრალური მცველის, ჟერომ ბოატენგის ყოფილი მეგობარი გოგონა გარდაიცვალა.

როგორც ცნობილია, სამშაბათს გამთენიისას პოლიციამ შარლოტენბურგში კასია ლენჰარდტის გვამი აღმოაჩინა. წყაროს ცნობით, ახალგაზრდა გოგონამ სიცოცხლე სუიციდით დაასრულა.

ბოატენგი და 25 წლის მცველი დიდხნიანი ურთიერთობის შემდეგ გასულ კვირაში დაშორდნენ.

"ბაიერნის" ფეხბურთელმა უკვე დატოვა დოჰა და ის გერმანიაში დაბრუნდა.

10-02-2021, 23:23

sandro

მეტის ნახვა

მსოფლიოს საკლუბო ჩემპიონატის ფინალში მიუნხენის "ბაიერნი" მექსიკურ "ტიგრესს" დაუპირისპირდება.

გთავაზობთ "რეკორდმაისტერის" სავარაუდო შემადგენლობას მომავალი მატჩისთვის.

ნოიერი - პავარი, ზულე, ალაბა, დეივისი - კიმიხი, მარკ როკა - გნაბრი, მიულერი, კომანი - ლევანდოვსკი.

10-02-2021, 23:14

sandro

მეტის ნახვა

მსოფლიო საკლუბო ჩემპიონატის ფინალში 11 თებერვალს მიუნხენის "ბაიერნი" მექსიკურ "ტიგრესს" დაუპირისპირდება.

კატალონიის "ბარსელონას" ყოფილმა მცველმა, ხავიერ მასკერანომ ამ მატჩთან დაკავშირებით კომენტარი გააკეთა.

"წლების მანძილზე ევროპის საუკეთესო გუნდის ღირსებას ვიცავდი და ვიცი, თუ რა გრძნობაა თითოეული ფინალის თამაში."

"თუ "ბაიერნი" რეკორდის გამეორებასა და მეექვსე ტიტულის მოგებას მოახერხებს, მე მათ მივულოცავ. ამ შემთხვევაში ისინი ისტორიას დაწერენ."

"დარწმუნებული ვარ "ბარსას" ბევრ ქომაგს არ სურს "ბაიერნის" გამარჯვება, რადგან ასეთ შემთხვევაში ისტორია შეიცვლება." - აცხადებს მასკერანო.

10-02-2021, 23:06

sandro

მეტის ნახვა

მიუნხენის "ბაიერნი" ზაფხულის სატრანსფერო ფანჯრის დროს ახალი მარცხენა მცველის დამატებას აპირებს.

მოგეხსენებათ, სეზონის ბოლოს კლუბს, დიდი ალბათობით ჟერომ ბოატენგი და დავიდ ალაბა დატოვებენ. ასევე არ არის გამორიცხული, კონტრაქტის გამო ნიკლას ზულეს გაყიდვაც გახდეს აუცილებელი. შესაბამისად, ფლიკი მომავალი სეზონიდან ლუკას ერნანდესის დაცვის ცენტრში გადაწევას გეგმავს.

გერმანული გამოცემა BILD-ის ინფორმაციით, "რეკორდმაისტერს" მარცხენა მცველის შეძენა, ფაქტობრივად, გადაწყვეტილი აქვს და ოთხი სავარაუდო კანდიდატიც უკვე არჩეული ჰყავს.

ესენი არიან: ბორნა სოსა ("შტუტგარტი"), მარკო ფრიდლი ("ვერდერი"), ლუკა ნეცი ("ჰერტა") და ომარ რიჩარდსი ("რედინგი").

ოთხივე მათგანის სატრანსფერო ღირებულება დაახლოებით 20 მილიონ ევროს შეადგენს და "ბაიერნი" სწორედ ერთ-ერთ მათგანზე შეაჩერებს არჩევანს.

10-02-2021, 22:26

sandro

მეტის ნახვა

მიუნხენის "ბაიერნის" ლეგენდებმა 1974 წლის ჩემპიონთა ლიგის გამარჯვებული და დღევანდელი გუნდები შეადარეს ერთმანეთს.

ბეკენბაუერი: "ტალანტების მხრივ ორივე გუნდი გამორჩეულია. ვფიქრობ, შეხვედრა ფრედ მორჩებოდა, თუმცა 74 წლის გუნდის მცირედი უპირატესობით. გერდ მიულერის ასაყვანად 2-3 ფეხბურთელი იქნებოდა საჭირო. ვფიქრობ, ის დუბლის გაფორმებას შეძლებდა."

ლევანდოვსკი: "ვფიქრობ, სისწრაფეებისა და ტაქტიკის, ასევე ფიზიკური მომზადების გათვალისწინებით დღევანდელი გუნდი მოიგებდა. თუმცა, გადაჭრით რაიმეს თქმა გუნდია 40-50 წლის წინანდელ გუნდთან შედარების დროს. ფეხბურთი ყოველ 10 წელიწადში იცვლება და ვითარდება."

ფრანც როთი: "ჩემი აზრით 3:1 მოვიგებდით. უკეთესი ინდივიდუალისტები გვყავდა. დაცვის ხაზი ფაქტობრივად უნაკლოდ გამოიყურება, შეტევაში კი გერდ მიულერი გვყავდა, რომლისთვისაც სეზონში 30 გოლი არაფერს წარმოადგენს."

ოტმარ ჰიტცფელდი: "ორივე გუნდს ბრწყინვალე ფეხბურთელები და მწვრთნელები ჰყავს. გამარჯვებულის გამოსავლენად 90 ან სულაც 120 წუთი არ იქნებოდა საკმარისი. ვფიქრობ, ყველაფერი პენალტების სერიაში გადაწყდებოდა."

10-02-2021, 18:56

sandro

მეტის ნახვა

ავტორიტეტულმა გერმანულმა გამოცემა transfermarkt-მა ფეხბურთელების განახლებული ფასები გამოაქვეყნა.

მიუნხენის "ბაიერნის" რიგებში ყველაზე ძვირადღირებულ მოთამაშედ იოზუა კიმიხი დასახელდა, რომლის ღირებულებამაც 90 მილიონი ევრო შეადგინა. მეორე ადგილზე ალფონსო დეივისია 75 მილიონით.

კანადელის ღირებულებას ბევრით არ ჩამოუვარდება ლეონ გორეცკასა და სერჟ გნაბრის ფასები, რომელიც 70 მილიონ ევროს შეადგენს.

რაც შეეხება ლეროი სანესა და რობერტ ლევანდოვსკის, მათი ღირებულება 60 მილიონია.

10-02-2021, 17:03

sandro

მეტის ნახვა

კომპანია ევროპაბეთსა და საქართველოს სპორტული ნარდის ფედერაციას შორის ურთიერთთანამშრომლობის მემორანდუმი 2020 წლის აპრილში გაფორმდა. მას შემდეგ ევროპაბეთი სპორტის ამ სახეობას აქტიურად უჭერს მხარს და მის განვითარებაში საკუთარი წვლილი შეაქვს, შედეგად კი მხარეებმა ნაყოფიერი თანამშრომლობის გაგრძელება კიდევ ერთი წლით გადაწყვიტეს.

2020 წელს, რომელზეც უდიდესი ზეგავლენა კორონავირუსის პანდემიამ მოახდინა, ევროპაბეთისა და საქართველოს სპორტული ნარდის ფედერაციის თანამშრომლობის ფარგლებში, ჩატარდა რამდენიმე ადგილობრივი და საერთაშორისო ტურნირი. 

გასული წლის ივლისში გაიმართა პროფესიონალურ ნარდში პირველი რეგიონალური ონლაინ-ჩემპიონატი, რომლის საპრიზო ფონდი 50 000 ლარი იყო და მასში მონაწილეობა რამდენიმე ქვეყნის (საქართველო, უკრაინა, რუსეთი, სომხეთი, აზერბაიჯანი, თურქეთი) საუკეთესო წარმომადგენლებმა მიიღეს.
თანამშრომლობის ფარგლებში, ჩატარდა ნარდის ონლაინტურნირები: "#BeActive Tbilisi Cup - 2020, ქალთა შორის" და "#BeActive Tbilisi Open Cup 2020" მოყვარულთა შორის. ევროპაბეთის მხარდაჭერით გაიმართა საქართველოს 2020 წლის ეროვნული ჩემპიონატი ნარდში, რომელიც წლის ბოლოს გრანდფინალით დასრულდა.

კომპანიასა და ფედერაციის თანამშრომლობის შედეგად, მიმდინაროებს მუშაობა პლატფორმის კიდევ უფრო დახვეწაზე, რათა მოხდეს არაკეთილსინდისიერი მოთამაშეების გამოვლენა. ასევე ჩამოყალიბდა ერთობლივი კომისია, რომელიც დიდ ტურნირებს ემსახურება. 

ლაშა გოგუა (ევროპაბეთის მარკეტინგის დირექტორი)
 "სპორტული ნარდის ფედერაციასთან თანამშრომლობა ორმხრივად მნიშვნელოვანია ჩვენთვის. შარშანდელმა წარმატებულმა პროექტებმა ცხადად დაგვანახა, თუ რა სასარგებლო ნაბიჯები შეიძლება გადაიდგას როგორც ნარდის სპორტის განვითარებისთვის, ასევე ჩვენი პროდუქტების დახვეწის მიმართულებით. ფედერაციის ექსპერტების დახმარებით შეიქმნა სისტემა, რომელიც ჩვენს მომხმარებელს აძლევს საშუალებას, ითამაშოს ყველაზე დაცული ონლაინ ნარდი europebet.com-ზე. წელს თანამშრომლობის ფარგლებში 10-მდე ტურნირის ჩატარება გვაქვს დაგეგმილი". 

რევაზ ცხოვრებაშვილი (სპორტული ნარდის ფედერაციის პრეზიდენტი)
"ჩვენი თანამშრომლობა წინა წლის გაზაფხულიდან დაიწყო. კომპანია ევროპაბეთი ძალიან გვეხმარება ნარდის პოპულარიზაციაში როგორც ჩვენს ქვეყანაში, ისე - საერთაშორისო მასშტაბით. მას შემდეგ, რაც ზაფხულში ევროპაბეთის პლატფორმაზე გრანდიოზული რეგიონალური ონლაინტურნირ ჩავატარეთ, ამან ძალიან შეუწყო ხელი ნარდის მიმართ ინტერესის ზრდას. ტურნირს დიდი გამოხმაურება მოყვა მოთამაშეებში, რომლებიც ელოდებიან მორიგ ტურნირს. მომერანდუმის ფარგლებში, უკვე დაგეგმილია მისი ჩატარება და დასაზუსტებელი მხოლოდ ვადებია. 

კომპანია ევროპაბეთის ოფიციალური პარტნორობით, წელსაც გაიმართება ნარდში საქართველოს ეროვნული ჩემპიონატი და საქართველოს ეროვნული თასის გათამაშება. რაც მთავარია, წლის ბოლოს იგეგმება დიდი საერთაშორისო ტურნირის ჩატარება, რომელსაც მრავალი ქვეყნის წარმომადგენელი დაესწრება. ეს ტურნირი, თუკი პანდემია ხელს არ შეგვიშლის, "ცოცხლად" გაიმართება".

სპორტული ნარდის ფედერაციასთან გაფორმებული მემორანდუმი ევროპაბეთის პროექტის "პასუხისმგებლიანი თამაში" ნაწილია, რომელიც 2019 წლის ბოლოს დაიწყო და სამ ძირითად მიმართულებას მოიცავს - პასუხისმგებლობას ბიზნესის, კომუნიკაციისა და საზოგადოების მიმართ. თითოეული მიმართულებით უკვე გადადგმულია ქმედითი ნაბიჯები, როგორიც არის: "დროის კონტროლის" ხელსაწყო, გარე რეკლამის აკრძალვა, თანამშრომლობა ფსიქოტერაპიულ ცენტრთან და ქართული სპორტის მხარდასაჭერი არაერთი პროექტი.

შესაბამისად, სპორტული ნარდის ფედერაცია ერთადერთი არ არის, რომელთანაც ევროპაბეთს პარტნიორობის ხელშეკრულებები აკავშირებს. კომპანია ასევე თანამშრომლობს საქართველოს ჭადრაკის, უძლიერეს მამაკაცთა და შერეული საბრძოლო ხელოვნებების ფედერაციებთან, არის საფეხბურთო კლუბის დინამო ბათუმის და საკალათბურთო კლუბ ვერას გენერალური სპონსორი და მხარდამჭერი.

9-02-2021, 21:23

sandro

მეტის ნახვა

მოგეხსენებათ, მიუნხენის "ბაიერნი" სერიოზულად არის დაინტერესებული დაიოტ უპამეკანოს დამატებით და კლუბი ამას ღიად აფიქსირებს. თუმცა, ტრანსფერში შესაძლოა გარკვეული პრობლემები შეიქმნას.

გერმანული გამოცემა BILD-ის ინფორმაციით, ახალგაზრდა მცველის დამატებით კიდევ არაერთი გრანდი დაინტერესდა, მათ შორის "ლივერპული" და "ჩელსი".

წყაროს ცნობით, ორივე ინგლისური გუნდი მზადაა ფეხბურთელის გამოსასყიდი ზაფხულშივე გადაიხადოს, მაშინ, როცა "ბაიერნს" ჯერ საბოლოოდ ჩამოყალიბებული პოზიცია არ გააჩნია.

შეგახსენებთ, რომ სეზონის ბოლოს "რეკორდმაისტერის" რიგებს დავიდ ალაბა ტოვებს და კლუბს მის შემცვლელად სწორედ უპამეკანო სურს.

9-02-2021, 15:43

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "ალ აჰლის" დამაცხების შემდეგ პირველი კომენტარი გააკეთა.

"ძალიან სასიამოვნო იყო ფანების წინაშე თამაში. დღეს უფრო ხმამაღლა მიწევდა ფეხბურთელებისთვის მითითებების მიცემა, ვიდრე ბუნდესლიგის მატჩებში."

"კარგი შეხვედრა გამოდგა. მეტოქე მარტივი არ იყო, თუმცა ჩვენ დამაჯერებელი გამარჯვება მოვიპოვეთ, რაც მნიშვნელოვანია."

"გუშინ მეორე 1/2 ფინალს ვუყურე და შემიძლია ვთქვა, რომ "ტიგრესი" ძლიერი გუნდია, რომელსაც ძალიან ბევრი პლიუსი აქვს. ამის საპირისპიროდ ბევრი მუშაობა დაგვჭირდება." - აცხადებს ფლიკი.

9-02-2021, 00:53

sandro

მეტის ნახვა

საკლუბო მსოფლიო ჩემპიონატის 1/2 ფინალში მიუნხენის "ბაიერნი" ეგვიპტურ "ალ აჰლის" დაუპირისპირდა და ანგარიშით 0:2 დაამარცხა.

ამრიგად, "რეკორდმაისტერმა" ფინალში მოახერხა გასვლა და შესაბამისად, მორიგი ტიტულის მოსაგებად იბრძოლებს.

მიუნხენური გრანდი გადამწყვეტ მატჩში ჩრდილო ამერიკის გათამაშების ჩემპიონს, მექსიკურ "ტიგრესს" დაუპირისპირდება.

შეხვედრა ხუთშაბათს, 11 თებერვალს, თბილისის დროით 22:00 საათზე არის ჩანიშნული.

8-02-2021, 23:55

sandro

მეტის ნახვა

რამდენიმე წუთის წინ დასრულდა საკლუბო მსოფლიო ჩემპიონატის 1/2 ფინალური ეტაპის მატჩი, რომელშიც მიუნხენის "ბაიერნი" ეგვიპტურ "ალ აჰლის" დაუპირისპირდა.

შეხვედრა სრულად გერმანელთა უპირატესობით წარიმართა და საბოლოოდ მათი გამარჯვებით, ანგარიშით 2:0 დასრულდა.

ორივე გოლი "რეკორდმაისტერის" თავდამსხმელის, რობერტ ლევანდოვსკის ანგარიშზეა.

პოლონელმა ფორვარდმა ჯერ მე-17 წუთზე შეძლო ანგარიშის გახსნა, 86-ე წუთზე კი საბოლოო ანგარიშიც დააფიქსირა.

ამრიგად "ბაიერნი" ტურნირის ფინალში გავიდა, სადაც ჩრდ. ამერიკის ჩემპიონს, მექსიკურ "ტიგრესს" დაუპირისპირდება.

იხილეთ ვიდეო:

8-02-2021, 23:51

sandro

მეტის ნახვა

"ალ აჰლისა" და "ბაიერნის" შეხვედრის საწყის წუთებში რობერტ ლევანდოვსკიმ მიუნხენელები დააწინაურა.

იხილეთ ვიდეო.

8-02-2021, 22:25

sandro

მეტის ნახვა