მიუნხენის "ბაიერნის" დაცვის ხაზი რომ მიმდინარე სეზონში მოწოდების სიმაღლეზე ვერ არის, ამაზე სტატისტიკაც მოწმობს.

გერმანულმა გამოცემა BILD-მა ბენჟამინ პავარის შემდეგ დავიდ ალაბას სტატისტიკაც გამოაქვეყნა, სადაც მისი დიდი რეგრესი შეინიშნება.

მაგალითად, ავსტრიელი გასულ სეზონში ორთაბრძოლების 60%-ში გამოდიოდა გამარჯვებული, წლეულს კი ეს რიცხვი მხოლოდ 51%-ს შეადგენს.

ასევე ალაბას მოკლებული აქვს პასების კუთხითაც. მისი არაზუსტი გადაცემების რაოდენობა 8%-დან 12%-მდე გაიზარდა. სისწრაფის კუთხით კი თუ მისი საუკეთესო აჩქარება წინა სეზონში 34 კმ/სთ-ს შეადგენდა, ამჯერად საუკეთესო მაჩვენებელი მხოლოდ 32.2%-ს შეადგენს.

შეგახსენებთ, რომ ალაბას მიმდინარე სეზონის შემდეგ "ბაიერნთან" კონტრაქტი ეწურება და დიდი ალბათობით, კლუბს გამოიცვლის.

11-01-2021, 17:30

sandro

მეტის ნახვა

მიუნხენის "ბაიერნის" რადარზე კიდევ ერთი ტალანტი გამოჩნდა.

ევროპული გამოცემების ინფორმაციით, საუბარია ბელგიური "ანდერლეხტის" ამომავალ ვარსკვლავ სამბი ლოკონგაზე.

21 წლის ფეხბურთელი პოზიციით საყრდენი ნახევარმცველია და მას ხშირად ადარებენ "ბარსელონას" ლეგენდას, სერხიო ბუსკეტსს.

წყაროს ცნობით, ლოგონგას დამატება "რეკორდმაისტერის" გარდა ასევე "მილანსა" და "ლაიფციგსაც" სურთ. დიდი ალბათობით, ფეხბურთელი ბელგიას მომავალ ზაფხულს დატოვებს.

11-01-2021, 15:39

sandro

მეტის ნახვა

მიუნხენის "ბაიერნის" აღმასრულებელი საბჭოს წევრმა, კარლ-ჰაინც რუმენიგემ საინტერესო განცხადება გააკეთა.

"ძალიან კარგი იქნებოდა, რომ "ბაიერნს" ორი იოზუა კიმიხი ჰყავდეს, თუმცა, ის ერთადერთი და განუმეორებელია და მოხარულები ვართ, რომ ჩვენს გუნდში თამაშობს."

"იოზუა ძალიან კარგად გრძნობს თამაშს და ტემპს. მას მუდმივი წყურვილი აქვს გამარჯვების. კიმიხი მსოფლიო კლასის ფეხბურთელი და ჩვენი გუნდის მამოძრავებელი ძალაა." - აცხადებს რუმენიგე.

10-01-2021, 22:26

sandro

მეტის ნახვა

მიუნხენის "ბაიერნის" გარემარბმა, სერჟ გნაბრიმ ვრცელი ინტერვიუ ჩაწერა.

"ლონდონში ცხოვრება ძალიან საინტერესო იყო. ეს მულტიკულტურული ქალაქია, რომელსაც შენარჩუნებული აქვს ინგლისის სახეც. ეს პერიოდი კარგად მახსენდება."

"არსენალში გადასვლა დიდი რისკი იყო, თუმცა, მე იქ გავიზარდე როგორც პიროვნება და როგორც ფეხბურთელი. კომფორტის ზონიდან გასვლა, ოჯახის, სკოლისა და მეგობრების დატოვება რთული გადაწყვეტილება იყო, მაგრამ ეს ყველაფერი გამომადგა"

"ვესტ ბრომვიჩში საქმეები კარგად არ წამივიდა, შანსი იშვიათად მეძლეოდა, მაგრამ ამან ერთი რამ მაინც მასწავლა, არასოდეს შეწყვიტო განვითარება. მე მჯეროდა ჩემი თავის და ვმუშაობდი ყოველდღიურად პროგრესისთვის."

"ვფიქრობ, ამ გუნდში რომ არ გადავსულიყავი, მე დღეს "ბაიერნში" არ ვიქნებოდი და ვერ მოვიგებდი ჩემპიონთა ლიგას."

"დიდი ამბიციები მაქვს და პირველ რიგში მსურს, რომ მსოფლიოს საუკეთესო თერთმეტეულში მოვხვდე. ასევე მსურს ოქროს ბურთის მოგებაც. რატომაც არა, ვფიქრობ, ყველა ფეხბურთელს უნდა სურდეს ეს." - აცხადებს გნაბრი.

10-01-2021, 22:21

sandro

მეტის ნახვა

მიუნხენის "ბაიერნის" ლიდერი, რობერტ ლევანდოვსკი პოლონეთის 2020 წლის საუკეთესო სპორტსმენად დაასახელეს. ფეხბურთელმა პრიზის მიღების შემდეგ პირველი კომენტარი გააკეთა.

"2020 წელი ყველა ათლეტისთვის დიდი გამოწვევა იყო. ცოტა გამიჭიდა ფორმაში დაბრუნება თავდაპირველად, ლოკდაუნის შემდეგი პირველი დღეები ოდნავ უცნაური იყო."

"10-12 წლის მანძილზე ერთნაირად ვთამაშობდით, მუდმივად 50-70 ათასი გულშემატკივრის წინაშე, ახლა კი გამოვდივართ მინდორზე და ჩვენივე ფიქრებიც გვესმის. ეს რთული გამოცდილება იყო."

"თუმცა, ძალიან კარგი წელი გამოგვივიდა. სიმართლე გითხრათ, ამაზე ადრე არც კი მიოცნებია. ეს უდიდესი წარმატებაა." - აცხადებს ლევანდოვსკი.

10-01-2021, 21:07

sandro

მეტის ნახვა

გერმანიის ფეხბურთის ფედერაციამ 2020 წლის საუკეთესო ფეხბურთელის ვინაობა გამოავლინა.

პრიზი მიუნხენის "ბაიერნის" ლიდერს, მანუელ ნოიერს ერგო, რომელმაც გამოკითხულთა ხმების 57% აიღო და საგრძნობლად გაუსწრო მეორეზე გასულ სერჟ გნაბრის, რომელმაც 15% დააგროვა.

მესამე ადგილზე მიუნხენგლადბახის "ბორუსიას" მცველი, მატიას გინტერი გავიდა, ხმების 9%-ით.

10-01-2021, 17:08

sandro

მეტის ნახვა

გერმანიის მესამე ლიგის შეხვედრაში მიუნხენის "ბაიერნის" სარეზერვო შემადგნელობა "მიუნხენ 1860-ს" უპირისპირდება.

პირველი ტაიმის 27-ე წუთზე "რეკორდმაისტერის" ფორვარდმა, იოზუა ზირკზემ წითელი ბარათი მიიღო. მიზეზი უხეშობაა.

ახალგაზრდა ფორვარდმა სტუმართა კიპერის, მარკო ჰილერის წინააღმდეგ უხეშად ითამაშა, რის შედეგადაც ამ უკანასკნელს სისხლი წამოუვიდა.

მთავარმა არბიტრმა ზირკზეს პირდაპირ წითელი ბარათი უჩვენა.

იხილეთ ვიდეო.

9-01-2021, 18:09

sandro

მეტის ნახვა

მიუნხენის "ბაიერნს" რომ დაცვის მხრივ სერიოზული პრობლემები აქვს, ამაზე სტატისტიკაც მოწმობს. თითქმის თამაში არ გადის, სადაც "რეკორდმაისტერი" გოლს არ უშვებს და ეს საბოლოოდ "გლადბახთან" განცდილ მარცხში აისახა.

გერმანულმა გამოცემა BILD-მა 4 მთავარი კითხვა ჩამოწერა, რომელიც ფლიკმა საკუთარ თავს უნდა დაუსვას. ესენია:

• არცთუ წარმატებული სეზონის მიუხედავად რატომ თამაშობს ყველა მატჩში დავიდ ალაბა და საკმაოდ კარგი სეზონის ფონზე რატომ გადაინაცვლა სათადარიგოთა სკამზე ლუკას ერნანდესმა?

• ნათელია, რომ პავარი რეგრესს განიცდის. რატომ არის ის კვლავ სასტარტო შემადგენლობაში?

• რატომ არ იყენებს ფლიკი ცვლილებებს იმ დროს, როდესაც გუნდს თამაში არ გამოსდის? მაგალითად, "გლადბახთან" მხოლოდ 1 ცვლილება განხორციელდა.

• რა არის ყველაზე დიდი პრობლემა "ბაიერნის" დაცვაში და რატომ უშვებს ამდენ გოლს გუნდი?

9-01-2021, 18:03

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "გლადბახთან" განცდილი მარცხის შემდეგ პრესასთან ისაუბრა.

"პირველი 30 წუთის მანძილზე ვდომინირებდით, საბოლოოდ კი მცირე დეტალებმა გადაწყვიტა მატჩის ბედი. მეტოქე ძალიან ეფექტურად თამაშობდა და ჩვენს ყველა შეცდომას მაქსიმალურად იყენებდა."

"სამწუხაროდ, მესამე გოლის გაშვების შემდეგ ვეღარ დავბრუნდით თამაშში, თუმცა, ფეხბურთში ასეთები ხდება. რა თქმა უნდა, მარცხის გამო ყველა უკმაყოფილო ვართ."

"რა თქმა უნდა, როდესაც ჩვენს თამაშს უყურებ, მარტივად დაინახავ პრობლემებს. 2 გოლით ვიყავით წინ და შინ 0 ქულით დავბრუნდით. ეს უკვე დიდი პრობლემაა."

"მატჩის მიმდინარეობის გათვალისწინებით გადავწყვიტე მეტი ცვლილება არ გამეკეთებინა. ეს არ ნიშნავს იმას, რომ სათადარიგოთა სკამზე შესაბამისი კლასის ფეხბურთელები არ იყვნენ. უბრალოდ, მინდორზე მყოფები ყველაფერს აკეთებდნენ მოსაგებად."

"

9-01-2021, 15:27

sandro

მეტის ნახვა

მიუნხენის "ბაიერნის" სპორტულმა დირექტორმა, ჰასან სალიჰამიჯიჩმა სატრანსფერო გეგმებზე ისაუბრა.

"იანვრის ტრანსფერები? რა თქმა უნდა განსაკუთრებულს არაფერს ვაპირებთ. ჩვენ ძალიან კარგად დაკომპლექტებული გუნდი გვყავს დიდი არჩევანით. ვიცით, რამდენად რთულ ფინანსურ მდგომარეობაშია ყველა გუნდი."

"წამსვლელები? იანვრის დასრულებამდე დიდი დროა და ბევრი რამ შეიძლება მოხდეს. თუმცა, ახლანდელი გადმოსახედით მნიშვნელოვან არაფერს უნდა ველოდოთ." - აცხადებს სალიჰამიჯიჩი.

9-01-2021, 02:23

sandro

მეტის ნახვა

გერმანული კლუბების სოციალური ქსელის გვერდები ყოველთვის გამოირჩევიან თავიანთი იუმორით და გამონაკლისი არც გლადბახის "ბორუსიაა".

მოგეხსენებათ, ბორუსიელებმა მე-15 ტურში საკუთარ კედლებში "ბაიერნი" დაამარცხეს, ანგარიშით 3:2, "გლადბახის" გვერდის ადმინი კი ამ გამარჯვებას ფოტოთი და მსგავსი წარწერით გამოეხმაურა:

"ბაიერნი პირველი უშვებს გოლებს და შემდეგ ახერხებს დაქამბექებას, ამ დროს ჩვენ:"

9-01-2021, 02:00

sandro

მეტის ნახვა

რამდენიმე წუთის წინ დასრულდა გერმანიის ბუნდესლიგის მე-15 ტურის მატჩი, რომელშიც მიუნხენის "ბაიერნი" გლადბახის "ბორუსიას" ესტუმრა და ანგარიშით 3:2 დამარცხდა.

გთავაზობთ ფეხბურთელების შეფასებებს გამოცემა Whoscored-ის ვერსიით.

9-01-2021, 01:24

sandro

მეტის ნახვა

"გლადბახისა" და "ბაიერნის" შეხვედრის 26-ე წუთზე ლეონ გორეცკამ ანგარიშში სხვაობა 2-მდე გაზარდა.

იხილეთ ვიდეო.

9-01-2021, 00:03

sandro

მეტის ნახვა

გერმანიის ბუნდესლიგის მე-15 ტურის ცენტრალური მატჩი გლადბახში გაიმართება, სადაც "ბორუსია" მიუნხენის "ბაიერნს" დაუპირისპირდება.

გთავაზობთ მატჩის საყურებელ ლინკებს.

ლინკი 1 (სეტანტა)

ლინკი 2

​ლინკი 3​​​

8-01-2021, 23:16

sandro

მეტის ნახვა

გერმანიის ბუნდესლიგის მე-15 ტურში მიუნხენის "ბაიერნი" სტუმრად გლადბახის "ბორუსიას" უპირისპირდება.

გთავაზობთ "რეკორდმაისტერის" სასტარტო შემადგენლობას მომავალი შეხვედრისთვის.

ნოიერი - პავარი, ზულე, ალაბა, დეივისი - კიმიხი, გორეცკა - სანე, მიულერი, კოშტა - ლევანდოვსკი.

8-01-2021, 22:27

sandro

მეტის ნახვა

მსოფლიო ფეხბურთის მმართველი ორგანოს გადაწყვეტილებით 2021 წლიდან ფეხბურთში ახალი წესი ამოქმედდება. ეს გახლავთ ტვინის შერყევის ცვლილება.

წესის მთავარი არსი მდგომარეობს იმაში, რომ თუ მთავარ მწვრთნელს ყველა ცვლილება გამოყენებული აქვს, თავის ტრავმის შემთხვევაში მას ცვლილების განხორციელება კვლავ შეუძლია.

მოგეხსენებათ, ამჟამად ჩემპიონატების უმეტესობაში 5 ფეხბურთელის ცვლილების ლიმიტი არსებობს და გარდა ამისა, მწვრთნელს სამჯერ შეუძლია თამაშის მიმდინარეობისას ცვლილების გაკეთება. შესაბამისად, თუ მას ორივე სახის ლიმიტი ამოწურული აქვს და მინდორზე მყოფმა მოთამაშემ თავის დაზიანება, ტვინის შერყევა მიიღო, მაშინ ნებართვა ეძლევა ის შეცვალოს.

FIFA-ს ოფიციალური საიტის ცნობით, ეს წესი მსოფლიოს საკლუბო ჩემპიონატის მიმდინარეობის დროს გაიტესტება, რომელშიც მონაწილეობას მიუნხენის "ბაიერნიც" იღებს. მისი წარმატების შემთხვევაში კი ყველა ტურნირზე ეტაპობრივად დაინერგება.

8-01-2021, 19:35

sandro

მეტის ნახვა