მიუნხენის "ბაიერნისა" და გერმანიის ეროვნული ნაკრების კაპიტანმა, მანუელ ნოიერმა ესპანეთთან მატჩამდე პრესასთან ისაუბრა.

"წლის ბოლო სანაკრებო მატჩის მოგება გვსურს. შესაძლოა საუკეთესო ფორმაში არ ვართ, თუმცა, ყოველ თამაშში ვპროგრესირებთ და ჩვენნაირი ახალგაზრდული გუნდისთვის ეს მნიშვნელოვანია."

"ამაყი ვარ იმით, რასაც კარიერის მანძილზე მივაღწიე. ზეპ მაიერთან პირადი კონტაქტი არაერთხელ მქონია. ის გერმანული ფეხბურთის უდიდესი ლეგენდაა."

"ესპანელებს, როგორც ყოველთვის, უმაღლესი დონის მეკარეები ჰყავთ. ეს მათი ტრადიცია. რამოსმა გაფუჭებულ პენალტებამდე ზედიზედ 24-ჯერ გაიტანა. ის გააგრძელებს თერთმეტმეტრიანების დარტყმას. ამისთვის ჩვეულებრივად ვემზადები." - აცხადებს მანუ.

16-11-2020, 22:17

sandro

მეტის ნახვა

შაბათს ერთა ლიგის მეხუთე ტურის შეხვედრა გაიმართა, რომელშიც გერმანიის ეროვნულმა ნაკრებმა უკრაინას უმასპინძლა და 3:1 დაამარცხა.

მატჩის შემდგომ დღეს სტუმართა ორ ფეხბურთელს, იევგენი მაკარენკოსა და ედუარდ სობოლს კორონავირუსი დაუდასტურდათ.

ორივე მოთამაშის ტესტების პასუხები თამაშამდე უარყოფითი იყო და მათ შესაბამისად, გერმანიის წინააღმდეგ ითამაშეს.

საბედნიეროდ, ბოლოს ჩატარებული ტესტების მიხედვით გერმანელ ფეხბურთელებს ვირუსი არ დაუდასტურდათ, თუმცა, რისკი ჯერ კიდევ არსებობს.

16-11-2020, 21:59

sandro

მეტის ნახვა

მიუნხენის "ბაიერნის" ყოფილმა ფეხბურთელმა, მარიო გიოტცემ ბუნდესლიგის მოგების მთავარი ფავორიტი დაასახელა.

"თავისუფალ დღეებს სახლში, ოჯახთან ერთად ვატარებ. ფეხბურთს არცთუ ხშირად ვუყურებ, თუმცა, ბუნდესლიგას თვალს ვადევნებ."

"ვფიქრობ, მიმდინარე სეზონში "ბაიერნისთვის" ტიტულის წართმევას ვერავინ მოახერხებს. ფლიკის გუნდი უკონკურენტოა." - აცხადებს გიოტცე.

შეგახსენებთ, რომ "ოქროს გოლის" ავტორი ამჟამად "პსვს" ღირსებას იცავს.

15-11-2020, 13:10

sandro

მეტის ნახვა

ბუნდესნაკრების მთავარმა მწვრთნელმა, იოახიმ ლიოვმა უკრაინასთან მოგებული შეხვედრის შემდეგ პირველი კომენტარი გააკეთა.

"მარტივი თამაში არ ყოფილა. ყველამ დავინახეთ, რომ უკრაინას რა შეუძლია. პირველ ტაიმში მაღალ ტემპში ვითამაშეთ, მეორეში კი უფრო მეტად ნაკლებ შეცდომაზე გავამახვილეთ აქცენტი."

"რამდენიმე მოთამაშის ჩანაცვლება მოგვიწია, თუმცა, ჩვენმა გუნდმა თავი კარგად გაართვა. განსაკუთრებით ეს შემტევებს ეხებათ, რომლებმაც მეტოქე მუდმივ წნეხში ამყოფეს."

"ტონი კროოსი გუნდს სამშაბათს, ესპანეთის წინააღმდეგ დაუბრუნდება." - აცხადებს ლიოვი.

15-11-2020, 12:21

sandro

მეტის ნახვა

ლეონ გორეცკას გადაცემის შემდეგ ტიმო ვერნერმა უკრაინასთან მატჩში გუნდი წინ გაიყვანა - 2:1.

იხილეთ ვიდეო:

15-11-2020, 00:23

sandro

მეტის ნახვა

გერმანიისა და უკრაინის შეხვედრის 21-ე წუთზე ლეროი სანემ ანგარიში გაათანაბრა.

იხილეთ ვიდეო.

15-11-2020, 00:12

sandro

მეტის ნახვა

ერთა ლიგის ჯგუფური ეტაპის მეხუთე ტურში გერმანიის ეროვნული ნაკრები უკრაინას მასპინძლობს.

ბუნდესნაკრების მთავარმა მწვრთნელმა, იოახიმ ლიოვმა მატჩამდე ერთი საათით ადრე სასტარტო შემადგენლობა დაასახელა.

ნოიერი - ზულე, კოხი, რუდიგერი - გინტერი, გორეცკა, გუნდოგანი, მაქსი - გნაბრი, სანე - ვერნერი.

14-11-2020, 22:38

sandro

მეტის ნახვა

მიუნხენის "ბაიერნის" ლიდერი, რობერტ ლევანდოვსკი კიდევ ერთმა ფეხბურთელმა დააფასა.

მერსისაიდული "ლივერპულის" ერთ-ერთმა ლიდერმა, ალექს არნოლდმა პოლონელი თავდამსხმელი შეაქო და საუკეთესოდ მიიჩნია.

"ეს უსამართლობაა, მან დაიმსახურა ინდივიდუალური ჯილდო. თუმცა, თავად კარგად იცის რა გააკეთა წელს მან და რა ტიტულები მოიგო. გასაოცარი ციფრები დააფიქსირა."

"ვფიქრობ, ბოლო 10 წლის განმავლობაში ის სუარესთან ერთად ყველაზე ახლოს დგას რონალდუსა და მესისთან." - აცხადებს ტრენტი.

14-11-2020, 17:44

sandro

მეტის ნახვა

ლეგენდარულმა გერმანელმა ფეხბურთელმა, ლოთარ მათეუსმა თავის ყოფილ კლუბს სატრანსფერო რჩევა მისცა.

"ჰავერცის ყიდვა არ გამოგვივიდა, თუმცა, ბაზარზე კიდევ ერთი მისი სტილის ფეხბურთელია დანიელ შობოშლაის სახით. დარწმუნებული ვარ, ევროპის ტოპ კლუბებს ის უკვე დავთარში ჰყავთ."

"უნგრეთში შობოშლაის ფერენც პუშკაშს ადარებენ. მას შეუძლია როგორც ცენტრში, ასევე ფლანგებზეც ბრწყინვალედ მოქმედება. "ბაიერნმა" მისი შეძენა უნდა იჩქაროს." - აცხადებს მათეუსი.

14-11-2020, 17:38

sandro

მეტის ნახვა

მიუნხენის "ბაიერნის" ლიდერმა, იოზუა კიმიხმა თავის განვლილ კარიერაზე ისაუბრა.

"ზოგჯერ ცხოვრებაში დგება მომენტი, როდესაც საკუთარ შესაძლებლობებში ეჭვი გეპარება. ლიგის მოგების მიუხედავად შეიძლება ჩაგივარდეს რამდენიმე შეხვედრა და იფიქრო, რომ ასე გაგრძელება არ შეიძლება."

"სირთულეები მქონდა "ბაიერნის" პირველ გუნდში დებიუტის დღეებში. იმ სეზონის სტარტზე მე მეორე დივიზიონში ვთამაშობდი, სეზონის ბოლოს კი ეროვნულ გუნდში დამიძახეს."

"ამ პერიოდის მანძილზე არაერთხელ ყოფილა შემთხვევა როდესაც საკუთარ თავს ვეკითხებოდი: "ეს საკმარისია? ვარ "ბაიერნის" ფორმის ტარების ღირსი? მთავარია, ასეთ დროს ზრდა არ შეწყვიტო და შენს თავს აჯობო." - აცხადებს კიმიხი.

14-11-2020, 15:47

sandro

მეტის ნახვა

მოგეხსენებათ, მიუნხენის "ბაიერნის" კანადელ მცველს, ალფონსო დეივისს 2 ნოემბერს 20 წელი შეუსრულდა.

ფონზის შეყვარებულმა ჯორდინ უიტემმა, რომელიც "პსჟს" ქალთა გუნდის ღირსებას იცავს, საჩუქრად თავისი კლუბის ფორმა გადასცა.

ახალგაზრდა მცველმა აღნიშნული მაისური მოირგო და ფოტო სოციალურ ქსელებშიც გაავრცელა.

14-11-2020, 14:20

sandro

მეტის ნახვა

მიუნხენის "ბაიერნის" ყოფილმა და მადრიდის "რეალის" ამჟამინდელმა ნახევარმცველმა, ტონი კროოსმა ხსენებული გუნდები შეადარა ერთმანეთს.

"მადრიდის "რეალი" რამდენიმე წლის განმავლობაში იყო საუკეთესო, თუმცა, რთულია ეს სტატუსი სამუდამოდ შეინარჩუნო."

"ამჟამად მსოფლიოში ყველაზე ძლიერი მიუნხენის "ბაიერნია". ის "სამეფო გუნდსაც" სჯობს. "რეკორდმაისტერმა" ჩემპიონთა ლიგა მოიგო და ვფიქრობ, ამ ტურნირის გამარჯვებული მსოფლიოში საუკეთესოა."

"მოკლედ, საბოლოო ჯამში უნდა ვაღიაროთ, რომ ამჟამად "ბაიერნი" საუკეთესოა." - აცხადებს კროოსი.

14-11-2020, 14:11

sandro

მეტის ნახვა

შაბათს, 14 ნოემბერს ერთა ლიგის მეხუთე ტურის შეხვედრაში გერმანიის ეროვნულმა ნაკრებმა უკრაინას უნდა უმასპინძლობს.

გერმანული გამოცემების ინფორმაციით, მატჩი ჩაშლის პირასაა. მიზეზი კი კორონავირუსია.

წყაროს ცნობით, უკრაინის ნაკრების შემადგენლობის ერთბაშად ხუთ წევრს კორონავირუსი დაუდასტურდა. ამის გამო კი მატჩის ჩატარება კითხვის ნიშნის ქვეშაა.

როგორც ცნობილია, საბოლოო გადაწყვეტილებას ხვალ, დღის განმავლობაში მიიღებენ.

13-11-2020, 23:44

sandro

მეტის ნახვა

როგორც ჩანს, ჟერომ ბოატენგი მიუნხენის "ბაიერნის" რიგებში თავის უკანასკნელ სეზონს ატარებს.

გერმანული გამოცემა BILD-ის ინფორმაციით, "რეკორდმაისტერმა" ვეტერანი მცველის თაობაზე საბოლოო გადაწყვეტილება უკვე მიიღო და მას სეზონის დასრულების შემდეგ გაუშვებს.

მოგეხსენებათ, ბოატენგს კლუბთან კონტრაქტი 2021 წლის ივნისში ეწურება და შესაბამისად, ის თავისუფალი აგენტი გახდება.

დიდი ალბათობით, ვეტერანი ფეხბურთელი "ტოტენჰემსა" და "არსენალს" შორის გააკეთებს არჩევანს.

13-11-2020, 20:26

sandro

მეტის ნახვა

მოგეხსენებათ, მიუნხენის "ბაიერნის" ლიდერმა, იოზუა კიმიხმა ოპერაცია ჩაიტარა, რის გამოც ის იანვრამდე ვერ დაეხმარება გუნდს.

ახალგაზრდა ნახევარმცველი დღეს საბენერ შტრასეზე იმყოფებოდა, ექიმთან შეხვედრაზე, რა დროსაც ის კამერებმა დააფიქსირეს.

გერმანული გამოცემების ცნობით, კიმიხი თავს კარგად იგრძნობს, ის არ კოჭლობდა და სწრაფი ნაბიჯებით, ჩვეულებრივად დატოვა ბაზა.

იხილეთ ფოტოები:

12-11-2020, 15:56

sandro

მეტის ნახვა

გერმანიის ეროვნული ნაკრების მთავარმა მწვრთნელმა, იოახიმ ლიოვმა იოზუა კიმიხის ტრავმაზე კომენტარი გააკეთა.

"ეს პირადად ჩემთვის მოსალოდნელი იყო. კიმიხის ტრავმა არაფერია იმასთან შედარებით, რაც გველოდება, თუ უფრო დიდ პასუხისმგებლობას არ გამოვიჩენთ."

"უმძიმესი კალენდარი - სწორედ ეს არის ფეხბურთელების ტრავმების მიზეზი. წინ კიდევ უარესი გველოდება." - აცხადებს ლიოვი.

შეგხასენებთ, რომ კიმიხმა დაზიანება "დორტმუნდთან" მატჩში მიიღო და ის იანვრამდე ვერ დაუბრუნდება გუნდს.

12-11-2020, 13:39

sandro

მეტის ნახვა